თბილისი. საქართველოს ჟურნალისტური ეთიკის ქარტიის საბჭომ დაასრულა მსჯელობა გადაწყვეტილებაზე. განიხილებოდა ტარიელ ფოცხვერიას მეუღლის, ირინა ასათიანის განცხადება „რუსთავი 2-ის" ჟურნალისტების პაატა იაკობაშვილისა და ნონა მიქიაშვილის მიმართ. განცხადება ეხებოდა 2013 წლის 22 დეკემბერს კურიერი P.S. ში გასულ სიუჟეტს "შიმშილობა ციხეებში – ბრუნდება თუ არა ""ქურდული” სამყარო".
საბჭოს გადაწყვეტილებით, სადავო 4 პრინციპიდან, სიუჟეტში დარღვეულია 2, ქარტიის პირველი და მესამე პრინციპები. აქვე, საბჭომ არ დააკმაყოფილა განმცხადებლის მოთხოვნა „ალიას" ჟურნალისტ ჟანა ასანიძესთან დაკავშირებით, იმის გამო, რომ სიუჟეტში ჟანა ასანიძე წარმოადგენდა რეპონდენტს და ეს არ ყოფილა მისი ჟურნალისტური პროდუქტი.
წყარო: qartia.org.ge