ქვემო ქართლი. ნატოსა და ევროკავშირის შესახებ საინფორმაციო ცენტრის ორგანიზებით მარნეულის ახალგაზრდულ ცენტრში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა შეხვედრა გამართა. ალექსანდრე პეტრიაშვილი ადგილობრივ მოსახლეობას,სტუდენტებს, მუნიციპალიტეტის, არასამთავრობო ორგანიზაციებისა და მედიის წარმომადგენლებს შეხვდა. შეხვედრაზე სახელმწიფო მინისტრმა საქართველო-ევროკავშირს შორის ასოცირების შეთანხმების ხელმოწერის, შეთანხმებით გათვალისწინებული რეფორმების განხორცილებისა და ამ პროცესში საზოგადოების აქტიური ჩართულობისა და მხარდაჭერის მნიშვნელობაზე ესაუბრა. შეხვედრაზე საქართველოს ევროპული და ევროატლანტიკური ინტეგრაციის პერსპექტივებსა და მარნეულში არსებულ სოციალურ-ეკონომიკურ ვითარებაზე იმსჯელეს.

წყარო: ორგანიზაციის გვერდი სოციალურ ქსელში