მედიამონიტორინგის შედეგები
თბილისი. 30 ივლისს, სასტუმროში „რედისონი ბლუ ივერიაში" სამმა არასამთავრობო ორგანიზაციამ: CRRC საქართველომ, ინტერნიუს - საქართველომ და სამოქალაქო განვითარების ინსტიტუტმა შეაჯამა ადგილობრივი არჩევნების მედიამონიტორინგის შედეგები.
შეხვედრას გახსნეს ბორის იაროშევიჩმა- ევროკავშირის წარმომადგენლობის ხელმძღვანელის მოადგილემ, და შომბი შარპიმ - გაეროს განვითარების პროგრამის (UNDP) ხელმძღვანელის მოადგილემ.
მედიამონიტორინგის ფარგლებში ორგანიზაციები აკვირდებოდნენ ადგილობრივი თვითმმართველობის არჩევნების გაშუქებას ორმოცამდე ტელე, რადიო, ბეჭდურ და ონლაინ მედია საშუალებაში. ანგარიშები მოიცავს დროის მონაკვეთს 2014 წლის 15 აპრილიდან 30 ივნისამდე და განთავსებულია ვებ გვერდზე: www.MediaMonitor.ge
მონიტორინგი ჩატარდა ევროკავშირისა და გაეროს განვითარების პროგრამის მხარდაჭერით.
წყარო:media.ge
