კახეთი. ფონდმა „პარტნიორობა საგზაო უსაფრთხოებისთვის" მწვანე საათის ფარგლებში თელავში, 6 აგვისტოს, ველორბოლა გამართა. აქციაში მონაწილეობა თელავის საინიციატივო ჯგუფებისა და საჯარო სკოლების სამოქალაქო კლუბების წევრებმა მიიღეს.

აქციის ორგანიზატორების განცხადებით, მსგავსი შეჯიბრი საქართველოს მასშტაბით ტარდება. ,,აქცია მოვაწყეთ იმისათვის, რომ რეკომენდაცია გავუწიოთ ე.წ. მწვანე ტრანსპორტს რათა აღარ მოხდეს ჰაერის დიდი დოზით დაბინძურება", - აცხადებს ორგანიზაციის ხელმძღვანელი.

მოგვიანებით ორგანიზაციამ თელავის დემოკრატიული ჩარტულობის ცენტრში მოაწყო კვლევის - „სუფთა ჰაერი საქართველოსთვის" პრეზენტაცია.