ტყის აღდგენის ინიციატივა ბორჯომში
სამცხე–ჯავახეთი. საქართველოს მთავრობისა და გაეროს განვითარების პროგრამის წარმომადგენლებმა ბორჯომის გადამწვარი ტყის აღდგენაში მიიღეს მონაწილეობა. მათ სოფელ დაბაში ტყის აღდგენის მოსამზადებელი სამუშაოები მოინახულეს.ბორჯომში 2008 წლის აგვისტოს ომის დროს გადამწვარი ტყის აღდგენა 2013 წლიდან მიმდინარეობს. ინიციატივა საქართველოს მთავრობის, ფინეთის მთავრობისადა გაეროს განვითარების პროგრამის (UNDP) მხარდაჭერით ხორციელდება. ამ დროისთვის უკვე დარგულია 17.500 ძირი სხვადასხვა სახეობის ხის ნერგი. ახლა 60 ჰა ფართობზე გაწმენდითი და მოსამზადებელი სამუშაოები მიმდინარეობს, რათა შემოდგომაზე ხეების დარგვა შეუფერხებლად გაგრძელდეს. საქართველოს მთავრობის, ფინეთის მთავრობისა და გაეროს განვითარების პროგრამის ერთობლივი ინიციატივა მიზნად ისახავს ტყის მასივების აღდგენას და ადგილობრივი მოსახლეობის ეკონომიკურ და სოციალურ ხელშეწყობას.
