თბილისი. ინფორმაციის თავისუფლების განვითარების ინსტიტუტმა მთავრობის კანცელარიის (ადმინისტრაციის) 2013 -2014 წლების სხვადასხვა ხარჯების შესახებ ინფორმაცია გამოაქვეყნა. „2013 წლის პირველი იანვრიდან 2014 წლის 8 ივლისამდე საქართველოს პრემიერ მინისტრების ბიძინა ივანიშვილის და ირაკლი ღარიბაშვილის სამივლინებო ხარჯებმა სულ შეადგინა 155 825 ლარი. აღნიშნული თანხიდან ბიძინა ივანიშვილის სამივლინებო ხარჯები შეადგენს 19 613 ლარს (დღიური -  6 899 ლარი, სასტუმრო - 12 714 ლარი), ხოლო ირაკლი ღარიბაშვილის 136 212 ლარს (დღიური - 14 886 ლარი, სასტუმრო - 98 004 ლარი, გზა - 23 332 ლარი). ბიძინა ივანიშვილის ყველაზე ძვირადღირებული  ვიზიტი განხორციელდა საფრანგეთში - 7 758 ლარი, ხოლო ირაკლი ღარიბაშვილის ამერიკის შეერთებულ შტატებში - 43 817 ლარი", ნათქვამია ორგანიზაციის გვერდზე.

წყარო: idfi.ge