კახეთი. თელავში, ნადიკვრის პარკში, საინიციატივო ჯგუფის მიერ ორგანიზებული ფილმის ჩვენება - ,,უშენოდ მგონი მოვკვდები" - გაიმართა. ჩვენებას ადგილობრივი არასამთავრობო ორგანიზაციების და თვითმმართველობის წარმომადგენლები, ასევე საჯარო სკოლების სამოქალაქო კლუბების წევრები ესწრებოდნენ. როგორც ფილმის ჩვენების ორგანიზატორები, საინიციატივო ჯგუფის წევრები აცხადებენ, ფილმის ჩვენებამ ღია ცის ქვეშ მოსახლეობის დაინტერესება გამოიწვია. მათივე თქმით, აუცილებელია თელავში ხშირად ტარდებოდეს საინტერესო და შემეცნებითი ფილმების ჩვენება.