თბილისი. სამოქალაქო საზოგადოების ინსტიტუტი შედეგზე ორიენტირებული პროექტის მართვის პროგრამის ფარგლებში გამოვლენილ საუკეთესო ისტორიას აქვეყნებს. პროგრამის ფარგლებში 6 ტრენინგ სესია გაიმართა და მასში მონაწილეობა თბილისსა და რეგიონებში მომუშავე საზოგადოებრივი ორგანიზაციების წარმომადგენლებმა მიიღეს. პროექტის შემაჯამებელ შეხვედრაზე მონაწილეებმა მათ ორგანიზაციაში მომხდარი ცვლილებების ისტორიები წარმოადგინეს, რომლებშიც აღწერილი იყო ის დადებითი შედეგები, რომლებიც ტრენინგებზე მიღებული ცოდნის პრაქტიკულად გამოყენებამ გამოიწვია. წარმოდგენილი ისტორიებიდან მონაწილეებმა თავადვე შეარჩიეს ერთი, ორგანიზაცია „სტეფანწმინდას" წარმომადგენლის ისტორია.