აჭარა. 2 სექტემბერს, ბათუმის პრეს კაფეში, შშმ პირთა ახალგაზრდულმა ორგანიზაციამ –„ცვლილებები თანაბარი უფლებებისათვის" პროექტის შემაჯამებელი შეხვედრა გამართა. პროექტი – „ცვლილებების დრო" ბათუმში 6 თვის განმავლობაში გრძელდებოდა. პროექტის მიზანი შშმ პირთა უფლებების ადვოკატირება და საზოგადოებაში მათი ინკლუზიის ხელშეწყობა იყო. პროექტის ფარგლებში სხვადასხვა აქტიტოვა განხორციელდა აღნიშნულის მისაღწევად, რომელთაგანაც ყველაზე მთავარი აჭარის მთავრობასთან შშმ პირთა საკითხებზე მომუშავე საკოორდინაციო საბჭოს შექმნაა. გარდა ამისა, პროექტის ფარგლებში შშმ პირებს არაერთი ტრენინგი ჩაუტარდათ ადვოკატირების კამპანიის წარმოებისა და ლიდერული უნარ–ჩვევების დახვეწი საკითხებზე. ისინი ჩართული იყვნენ სხვადასხვა სამოქალაქო აქტივობებსა და ღონსიძიებებში. პროექტის შემაჯამებელ შეხვედრას ადილობრივი მესამე სექტორის, მედია საშუალებებისა და სამთავრობო უწყებების წარმომადგენლები ესწრებოდნენ. პროექტი განხორციელდა კოალიციის – „დამოუკიდებელი ცხოვრებისათვის" – ფინანსური მხარდაჭერით.