არასამთავრობოების განცხადება უკანასკნელ პერიოდში მომხდარ დანაშაულზე
თბილისი. არასამთავრობო ორგანიზაციები განცხადებას ავრცელებენ. „ბოლოდროინდელი მკვლელობებისა და დანაშაულების შესახებ მედიით გავრცელებული ინფორმაცია საზოგადოების შეშფოთებას იწვევს. იქმნება საფუძვლიანი შთაბეჭდილება, რომ მძიმე დანაშაულების რიცხვი გასულ პერიოდთან შედარებით გაზრდილია. ...მიგვაჩნია, რომ ამ ვითარებაში შესაბამისი საგამოძიებო უწყებები, განსაკუთრებით კი შინაგან საქმეთა სამინისტრო, ზოგადი პოლიტიკური განცხადებების ნაცვლად, უნდა უზრუნველყოფდნენ საზოგადოების ინფორმირებას იმის თაობაზე, თუ რა კეთდება ამ საქმეების დროული გამოძიებისა და დამნაშავეთა პასუხისგებაში მიცემისათვის. ამასთანავე, უნდა გადაიხედოს დანაშაულთან ბრძოლისა და პრევენციის მეთოდები და ამ მიმართულებით ჩამოყალიბდეს სახელმწიფო პოლიტიკა და სტრატეგია", ნათქვამია განცხადებაში, რომელსაც ხელს ექვსი არასამთავრობო ორგანიზაცია აწერს.
წყარო: transparency.ge
