ქვემო ქართლი. 2- 4 სექტემბერს დმანისის ახალგაზრდულმა ცენტრმა, მოხალისეთა გაცვლითი პროგრამის ფარგლებში, თბილისის ახალგაზრდული ცენტრის წევრებს უმასპინძლა. აღნიშნული პროგრამის ფარგლებში ჩატარდა სხვადასხვა ღონისძიება, კერძოდ: ერთობლივი თანატოლთა ტრენინგები გენდერულ თანასწორობასა და ადამიანის უფლებების, სოციალური მედიისა და ეკოლოგიური ცნობიერების ამაღლების, ასევე კრიტიკული აზროვნების შესახებ. პროგრამის ფარგლებში მოეწყო დასუფთავების აქცია პანტიანის ტბის ირგვლივ.
თანატოლგანმანათლებელთა გაცვლითი პროგრამა ეროვნული ინტეგრაციის გაძლიერების პროექტის ფარგლებში გაიმართა, რომელსაც ახორციელებს საქართველოს გაეროს ასოციაცია (UNAG) აშშ-ს საერთაშორისო განვითარების სააგენტოს (USAID) ფინანსური მხარდაჭერით.
წყარო: ორგანიზაციის ვებგვერდი სოციალურ ქსელში