აჭარის ჯანდაცვის სამინისტროს პროგრამების განხილვა
აჭარა. 8 სექტემბერს, ჯანდაცვის სამინისტრომ, საზოგადოებრივი ჯანდაცვის ცენტრმა და დასაქმების სააგენტომ 2015 წლის პროგრამების პროექტების საჯარო განხილვა მოაწყო. 6 მილიონზე მეტი ბიუჯეტის პროექტიდან თანხის დიდი ნაწილი სოციალურად დაუცველი მოსახლეობის სამედიცინო დახმარებისთვისაა გაწერილი. ასევე გათვალისწინებულია თანხები პირველადი ჯანდაცვის ხელშეწყობისთვის, იგეგემება შშმ პირების, პენსიონერების, ბავშვების და უსინათლო მოქალაქეებისთვის დამხმარე საშუალებების გადაცემა. დაფინანსდება მიუსაფარი დედებისა და ბავშვებისთვის თავშესაფარიც. პროგრამებთან დაკავშირებით მესამე სექტორის წარმომადგმენლებმა გარკვეული შენიშვნები და მოსაზრებები დააფიქსირეს. ასევე, მინისტრს მიმართეს თხოვნით, რომ საზოგადოებრივი ორგანიზაციების რეკომენდაციების გათვალისწინება სამომავლოდ პროგრამაში გამოიხატოს.
