აჭარა. 10 სექტემბერს, ბათუმის დემოკრატული ჩართულობის ცენტრში, მერიის მუნიციპალური პროგრამის - „საკვირაო სკოლა ბათუმელი ახალგაზრდებისთვის" -  პრეზენტაცია  გაიმართა. პროგრამა ახალგაზრდებისათვის მოკლევადიანი საგანმანათლებლო კურსების ჩატარებას ითვალისწინებს. მონაწილეებს საქართველოს ისტორიაში, ლიტერატურაში, ხელოვნებათმცოდნეობასა და მსოფლიო რელიგიაში ლექციები ჩაუტარდებათ. პროექტი საქართველოს სხვადასხვა რეგიონში გასვლით ღონისძიებებსაც ითვალისწინებს. პროგრამას ორგანიზაცია „ჯეო ივენტი" ახორციელებს და 20 სექტემბრიდან 20 დეკემბრამდე გაგრძელდება.