აჭარა. 10 სექტემბერს, ბათუმის მერი გიორგი ერმაკოვი და მერიის სამსახურების წარმომადგენლები იმ ახალგაზრდებს შეხვდნენ, რომლებიც ბათუმელი ახალგაზრდების მხარდაჭერის პროგრამის შემუშავებაში მონაწილეობენ. აღნიშნული პროგრამა განვითარებისა და თანამშრომლობის ხელშეწყობის კავშირის - ,,პროგრესის" მიერაა შემუშავებული, რომელიც თვითმმართველობის მუშაობაში ახალგაზრდების ჩართულობასა და დაინტერესებული ახალგაზრდებისთვის გამოცდილების გაზიარებას გულისხმობს. პროგრამის ფარგლებში, ახალგაზრდები მერიის სამსახურების მიერ სხვადასხვა პროგრამის არამარტო შემუშავების არამედ განხორციელების პროცესშიც ჩაერთვებიან.