აჭარა. 10 სექტემბერს, აჭარის უმაღლესი საბჭოს სხდომათა დარბაზში, აჭარის ახალგაზრდულმა უმაღლესმა საბჭომ საშემოდგომო სესიები განაახლა. პირველ პლენარულ სხდომაზე 4 საკითხი განიხილეს. ახალგაზრდები უმაღლეს საბჭოში დეპუტატების ასაკობრივი ზღვარის 21 წლამდე დაწევის ინიციატივით გამოდიან. ამასთან, აღნიშნულ სხდომაზე კომისიების მიერ შემუშავებული საკანონმდებლო წინადადებები და რეკომენდაციები განიხილეს, რომლებსაც ახალგაზრდული პარლამენტი უმაღლეს საბჭოს წარუდგენს. ახალგაზრდული უმაღლესი საბჭოს მიზანია ახალგაზრდების დაინტერესება მმართველობითი სისტემით, მათი გააქტიურება და სამუშაო გამოცდილების დაგროვების ხელშეწყობა.