ახალციხეში პროექტ „speak up“-ის მონაწილეებს სერთიფიკატები გადასცეს
სამცხე–ჯავახეთი. 20 ოქტომბერს ახალციხის სახელმწიფო სასწავლო უნივერსიტეტში პროექტ „speak up"–ის მონაწილეთა დაჯილდოვების ცერემონიალი გაიმართა.
„speak up" ინგლისურენოვანი საერთაშორისო პროექტია, რომლის მიზანიცაა ინგლისური ენის გაღრმავება და ლიდერული უნარ–ჩვევების განვითარება. პროექტი მსოფლიოს მრავალ ქვეყანაშია ცნობილი. საქართველოში პროექტი უკვე ორი წელია ხორციელდება.
პროექტი საქართველოს ყველა დიდი ქალაქში განხორციელდა და მის ფარგლებში სტუდენტებმა და სკოლის მოსწავლეებმა ორთვიანი ტრენინგ–კურსები გაიარეს.
პროექტს ახალციხეში დაახლოებით 90 მონაწილე ჰყავდა და თითოეულ მათგანს სერთიფიკატი გადაეცა.
