აჭარა. 11 სექტემბერს, ბათუმის დემოკრატიული ჩართულობის ცენტრში „ახალგაზრდული კოლეგიის" ხელმძღვანელმა პრეოქტის პრეზენტაცია გამართა.
„ევროპული კურსი-ახალგაზრდა პოლიტიკოსების გაცნობიერებული არჩევანი" - პროექტის ფარგლებში აჭარაში არსებული პოლიტიკური პარტიების ახალგაზრდა ლიდერებისათვის კვალიფიკაციის ამაღლების მიზნით შეხვედრები სამომავლოდაც გაიმართება. შეხვედრის ფარგლებში მონაწილეებმა ინფორმაცია პოლიტიკური დოკუმენტაციის შექმნის, საჯარო გამოსვლის და დებატების წარმართვის უნარების შესახებ მიიღეს. პროექტის მიზანია, ქვეყნის საგარეო კურსის მდგრადობის და სტაბილურობის მიზნით ახალგაზრდა პოლიტიკოსების მომზადება მომავალი მოღვაწეობისათვის. პროექტის მხარდამჭერია ნიდერლანდების ინსტიტუტი მრავალპარტიული დემოკრატიისათვის.