აჭარა. 25 სექტემბერს, ბათუმის პრეს–კაფეში, „ თავისუფალ ჟურნალისტთა სახლის" პროექტის ფარგლებში ახალგაზრდული დისკუსია გაიმართა, რომელშიც მონაწილეობას იღებდნენ ბათუმის შოთა რუსთაველის სახელობის სახელმწიფო უნივერსიტეტის სტუდენტები. დისკუსიის თემა იყო თუ რა ფუნქცია აკისრია სტუდენტურ თვითმმართველობას და რაში იხარჯება სტუდენტების მიერ გადახდილი ფული?
სტუდენტებმა უნივერსიტეტის თვითმმართველობის დადებით და უარყოფით მხარეებზე ისაუბრეს. მათმა ნაწილმა უკმაყოფილება გამოთქვა თვითმმართველობის მიერ გახარჯულ ბიუჯეტზე და სამომავლოდ ბიუჯეტის დაგეგმვისა და გახარჯვის დროს მეტი რაციონალურობისკენ მოუწოდეს.