აჭარა. 26 სექტემბერს, აჭარის ავტონომიური რესპუბლიკის მთავრობის ვებ–გვერდზე გამოქვეყნდა ბრძანება, რომლის საფუძველზეც აჭარის მთავრობაში შეზღუდული შესაძლებლობების მქონე პირთა საკითხებზე მომუშავე საკოორდინაციო საბჭო შეიქმნა. საბჭოს მიზანია რეგიონის ტერიტორიაზე მცხოვრები შეზღუდული შესაძლებლობების მქონე პირთა საზოგადოებრივი ინტეგრაციისა და თანაბარი შესაძლებლობების უზრუნველყოფისათვის აუცილებელი პირობების შექმნა, მათი უფლებების დაცვისათვის სტრატეგიის შემუშავება და მისი განხორციელება. აღნიშნულ საბჭოში შედია სამთავრობო უწყებებისა და ადგილობრივი საზოგადოებრივი ორგანიზაციების წარმომადგენლები.