იმერეთი. ქუთაისის ახალგაზრდული ცენტრის წევრებისთვის ჩატარდა სემინარი – „როგორ ჩავატაროთ სკოლებში მოსწავლეთა თვითმმართველობის არჩევნები". შეხვედრის მიზანი იყო ახალგაზრდებისთვის ინფორმაციის მიწოდება და პრაქტიკული უნარ–ჩვევების გამომუშავება საჯარო სკოლებში თვითმმართველობის როლის, მიზნების, ფუნქციების და მოვალეობების შესახებ. შესაბამისად, ტრენინგზე განიხილეს მოსწავლეთა თვითმმართველობის არჩევნების საარჩევნო პროცედურები და მასთან დაკავშირებული სხვა პროცედურული საკითხები. ტრენინგში მონაწილე ახალგაზრდები, ქუთაისის და იმერეთის მუნიციპალიტეტების საჯარო სკოლებში, თავად გაუწევენ ორგანიზებას მოსწავლეთა თვითმმართველობის არჩევნებს.
ღონისძიება გაიმართა ეროვნული ინტეგრაციის გაძლიერების პროექტის ფარგლებში.
წყარო: ცენტრის ვებგვერდი სოციალურ ქსელში