აჭარა. 30  სექტემბერს, ბათუმის დემოკრატიული ჩართულობის ცენტრში, ჰაინრიჰ ბიოლის ფონდის ორგანიზებით გაიმართა საჯარო დისკუსია: ნატოსთან ინტეგრაციისა და ტერიტორიული კონფლიქტების მოგვარების პერსპექტივები. აღნიშნულ თემაზე  დავით ბატაშვილმა (ბთკკ პოლიტიკის კვლევის ჯგუფის ანალიტიკოსი), ლალი დევიძემ (შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აღმასრულებელი თანაშემწე) და დავით ნარდაიამ (საქართველოს თავდაცვის სამინისტროს საერთაშორისო ურთიერთობებისა და ევრო-ატლანტიკური ინტეგრაციის დეპარტამენტის დირექტორი) ისაუბრეს. შეხვედრას ძირითადად მესამე სექტორისა და მედია ორგანიზაციების წარმომადგენლები ესწრებოდნენ.