თბილისი. 30 სექტემბერს, კავშირმა „ანიკამ" ახალგაზრდული კლუბის „Anika Room" გახსნა. ახალგაზრდული ინტეგრირებული კლუბის მიზანია შშმ ახალგაზრდების და მათი სხვა თანატოლებისთვის საზოგადოებაში ღირსეული ცხოვრების უზრუნველყოფა. კლუბში უკვე მოეწყო ახალგაზრდა მხატვრების ნამუშევრების გამოფენა. დამსწრე საზოგადოებას საშუალება ჰქონდა დაეთვალიერებინა და შეეძინა ორგანიზაცია „ანიკას" ბენეფიციარების მიერ შესრულებული ნახატებით მაისურები, ზღაპრები, წიგნები და სხვადასხვა ნივთები. კლუბის გახსნას ესწრებოდნენ დიპლომატიური კორპუსის და ხელისუფლების წარმომადგენლები, ასევე ორგანიზაციის პარტნიორი არასამთავრობო ორგანიზაციების წარმომადგენლები.

წყარო: ორგანიზაციის ვებგვერდი სოციალურ ქსელში