კახეთი. ახმეტის ახალგაზრდულ კლუბში მეგობრული ვიზიტით მყოფ ლატვიელ სტუმრებთან შეხვედრა გაიმართა, რომელსაც ადგილობრივი თვითმმართველობის, არასამთავრობო ორგანიზაციებისა და სახელოვნებო - შემეცნებითი სკოლის წარმომადგენლები ესწრებოდნენ.
შეხვედრაზე საუბარი შეეხო ორ დამეგობრებულ მუნიციპალიტეტს – ახმეტასა და ლიგატნეს შორის გაფორმებული ხელშეკრულებით გათვალისწინებული ურთიერთანამშრომლობისა და გამოცდილების გაღრმავებას სხვადასხვა სფეროებში.