აჭარა. 3–6 ოქტომბერს, ახალგაზრდა იურისტთა ასოციაციის ბათუმის ფილიალის ორგანიზებით, აჭარაში მომუშავე საზოგადოებრივი ორგანიზაციებისა და მედიის წარმომადგენლებისთვის გაიმართა სემინარი – დისკრიმინაციის აკრძალვა ადამიანის უფლებათა ევროპულ სამართალში. ასევე სემინარის მიზანი იყო მონაწილეებისთვის დისკრიმინაციის აკრძალვის შესახებ საქართველოს კანონის დეტალური გაცნობა. ტრენერები დისკრიმინაციულ სხვადასხვა სიტუაციას კონკრეტულ ფაქტებზე დაყრდნობით განიხილავდნენ. საუბარი შეეხო ყველაზე მეტად გავრცელებულ დისკრიმინაციულ მიდგომებსა და მედიაში მათი გაშუქების პრინციპებს.