„რა არის მწვანე ვაშლი?“
თბილისი. 7 ოქტომბერს ახალგაზრდული პროექტის „მწვანე ვაშლის" პრეზენტაცია გაიმართა. პროექტი ბავშვთა და ახალგაზრდობის განვითარების ფონდის მხარდაჭერით ხორციელდება. „რა არის მწვანე ვაშლი?" – ამ კითხვით ახალგაზრდების ჯგუფი ბოლო 1 კვირის განმავლობაში აქტიურად მიმართავდნენ მოქალაქეებს.პროექტის მიზანია შეიქმნას ახალგაზრდული პლატფორმა, ახალგაზრდული სადისკუსიო სივრცე და ამავდროულად, ავტორიტეტული, ობიექტური იმიჯის მქონე ბრენდი – „მწვანე ვაშლი", რომელიც ახალგაზრდებს მისცემს განვითარების, დამატებითი ინფორმაციის მიღების, მათთვის მნიშვნელოვანი და საინტერესო ადამიანების გამოცდილების გაზიარების საშუალებას.დაიგეგმა შეხვედრები საზოგადოების სხვადასხვა სფეროს წარმომადგენლებთან.
წყარო: cspinfo.ge
