სახალხო დამცველმა სექტემბრის თვის ბიულეტენი გამოაქვეყნა
თბილისი. 9 ოქტომბერს, სახალხო დამცველმა საინფორმაციო ბიულეტენი წარმოადგინა, რომელშიც სექტემბრის თვის საქმიანობაა ასახული. დოკუმენტში ძირითადი თემაა სექტემბერში სასჯელაღსრულების დაწესებულებებში არსებული მდგომარეობა. ბიულეტენში ყურადღება გამახვილებულია რელიგიური და სხვა უმცირესობების დაცვის კუთხით არსებულ ვითარებაზეც. ბიულეტენში ერთად არის თავმოყრილი სახალხო დამცველის შეხვედრები. ასევე, განცხადებები, შეხედულებები და დამოკიდებულებები ქვეყანაში მიმდინარე მოვლენებისადმი; სახალხო დამცველის აპარატში მიმდინარე ცვლილებები; საერთაშორისო სივრცეში ადამიანის უფლებათა მდგომარეობის კუთხით არსებულ სიახლეები.
წყარო: ombudsman.ge
