გურია. 11 ოქტომბერს, ახალგაზრდა პედაგოგთა კავშირის ბაზაზე არსებულმა ახალგაზრდული ცენტრის წევრებმა, ქალაქის ცენტრალურ პარკში გოგონათა ძალადობისგან დაცვის საერთაშორისო დღე თეატრალიზებული პერფომანსით აღნიშნეს.
ახალგაზრდებმა გააპროტესტეს საზოგადოებაში გოგონათა მიმართ გავრცელებული სტერეოტიპები. აქციის ფარგლებში, პარკის ტერიტორიაზე ხელოვნურად შექმნილი „ბარიერების" გარღვევა, მხოლოდ უფლებების ცოდნით იყო შესაძლებელი.
აქციაში, ახალგაზრდებთან ერთად მონაწილეობდნენ, ოზურგეთის მერიის განათლების, კულტურისა და გენდერული თანასწორობის სამსახურის წარმომადგენლები, ასევე მუნიციპალიტეტის ახალგაზრდულ საქმეთა დეპარტამენტის ხელმძღვანელი.
წყარო: ორგანიზაციის გვერდი სოციალურ ქსელში