თბილისი. 15 ოქტომბერი, თეთრი ხელჯოხის საერთაშორისო დღე, საქართველოს უსინათლოთა კავშირმა მშვიდობიანი აქციით აღნიშნა. აქციაზე მოეწყო უსინათლოთა ნახატებისა და ხელნაკეთი ნივთების გამოფენა, მონაწილეობა მიიღეს ასევე უსინათლო მუსიკოსებმა. „აქციის მიზანია შეახსენოს საზოგადოებას, რომ შეზღუდული შესაძლებლობის მქონე ადამიანებიც საზოგადოების წევრები არიან, რომ მათ სჭირდებათ ადაპტირებული გარემო, იმისათვის, რომ შეძლონ სრულფასოვანი და დამოუკიდებელი ცხოვრება”, ნათქვამია კავშირის გვერდზე სოციალურ ქსელში.
წყარო: საქართველოს უსინათლოთა კავშირის გვერდი სოციალურ ქსელში