აჭარა. 15 ოქტომბერს, ბათუმის დემოკრატიული ჩართულობის ცენტრში, ბათუმის მერი ადგილობრივ საზოგადოებრივ ორგანიზაციებს შეხვდა. შეხვედრის მიზანი, საზოგადოებისთვის ახლადშექმნილი სამსახურის შესახებ ინფორმაციის მიწოდება იყო. შეზღუდული შესაძლებლობის მქონე პირთა პრობლემებზე მუშაობა და ქალაქის ხელმძღვანელობისთვის გაცნობა - ამ მიმართულებით ბათუმში შორენა მამულაძე იმუშავებს. იგი გიორგი ერმაკოვს შშმ პირებთან დაკავშირებით რჩევებს მიაწვდის.
რეგიონში მსგავსი სტატუსის მქონე პირის საჯარო სამსახურში დასაქმების მეორე შემთხვევაა; ახალ თანამდებობაზე შორენა მამულაძე კონკურსგარეშე, მერის ბრძანებით დაინიშნა. შეხვედრაზე გაჟღერდა აჭარის მთავრობასთან არსებული საკოორდინაციო საბჭოს შექმნის მიზანიც, რომელიც ძირითადად შშმ პირთათვის დასაქმების ხელშეწყობაზე იქნება ორიენტირებული.