თანასწორუფლებიანობის პრინციპზე დაფუძნებული, ბავშვთა ადრეული განვითარების, ბავშვთა უფლებების დაცვისა და კეთილდღეობის ხელშეწყობაზე ორიენტირებული, საქართველოში მომუშავე საზოგადოებრივი ორგანიზაციების გაერთიანება, რომლის მიზანია ბავშვთა ადრეული ინტერვენციის ეროვნული სისტემის განვითარება საქართველოში.

პლატფორმა აერთიანებს სამოქალაქო აქტივისტებს, ჟურნალისტებს, პოლიტიკოსებს, აკადემიურ წრეებს, კერძო სექტორს და მიზნად ისახავს ამ სექტორებს შორის არაფორმალური დიალოგის ხელშეწყობას ქვეყნის დემოკრატიული განვითარების გასაძლიერებლად.

საზოგადოებრივი ორგანიზაციებისა და ექსპერტების არაფორმალური გაერთიანება, რომელიც მოწოდებულია დაიცვას გარემო, ხელი შეუწყოს მდგრად განვითარებას და გარემოს დაცვითი და სოციალური სამართლიანობის პრინციპების დამკვიდრებას საქართველოში. ქსელში გაერთიანებულია 14 არასამთავრობო ორგანიზაცია.

ქსელი დამოუკიდებელი რადიოსადგურების გაერთიანებაა, მასში გაერთიანებულია შემდეგი რადიოსადგურები: „ჰერეთი", „ძველი ქალაქი", „ჰარმონია", „ათინათი". ქსელის მიზანია საქართველოში სამოქალაქო საზოგადოების და სამართლებრივი სახელმწიფოს ჩამოყალიბების, კორუფციის აღმოფხვრის, საჯარო დაწესებულებების გამჭვირვალობის, ხელისუფლების ანგარიშვალდებულების და კანონის დამკვიდრების ხელშეწყობა. არასამთავრობო სექტორის პოპულარიზაციის და განვითარების, თავისუფალი და პროფესიული მასმედიის ჩამოყალიბების ხელშეწყობა.

ღირსეული შრომის პლატფორმა არის არაფორმალური ერთობა, რომელიც საქართველოს შრომითი პოლიტიკის გაუმჯობესებისა და ღირსეული შრომითი პირობების შექმნის იდეის გარშემო, აერთიანებს დამოუკიდებელი პროფესიული კავშირებს, ადამიანის უფლებების ორგანიზაციებსა და აქტივისტებს.

ქსელი აერთიანებს 10 ორგანიზაციას და მისი მიზანია არაძალადობრივი გარემოს შექმნის ხელშეწყობა.