თბილისი. საფარისა და ვებპლატფორმა „ნაამბობი-ს” ახალი კამპანია, „მეც შვილი ვარ“, ადამიანებს მემკვიდრეობის გადანაწილებისას გენდერული წინასწარგანწყობების დაძლევისკენ მოუწოდებს. ფეისბუქ კამპანია „მეც შვილი ვარ” ძირითადად აგებულია რესპონდენტების ცოცხალ ისტორიებზე მემკვიდრეობის გადანაწილებასთან დაკავშირებით და სააშკარაოზე გამოაქვს ჩვენს ჩვეულებით სამართალსა თუ კულტურაში გამჯდარი ბევრი უსამართლო ტრადიცია. სრულად... წყარო: sapari.ge

თბილისი. 21 აპრილს, სახალხო დამცველმა სპეციალური ანგარიში წარადგინა „2019-2020 წლებში ე.წ. გამშვები პუნქტების ჩაკეტვის გავლენა, ოკუპირებულ ტერიტორიებზე მცხოვრები მოსახლეობის უფლებრივ მდგომარეობაზე“. „ომბუდსმენის შეფასებით, საოკუპაციო ხაზზე გადაადგილებისთვის, დე ფაქტო ხელისუფლების მიერ დადგენილი ფორმალური რეჟიმი და სხვადასხვა ბარიერის დაწესება, როგორიცაა ე.წ. გამშვები პუნქტების არაპროგნოზირებადი ჩაკეტვა, უკანონო დაკავებები, გადაადგილებისათვის აუცილებელ დე ფაქტო დოკუმენტაციასთან დაკავშირებული პრობლემები და სხვა, ზღუდავს ოკუპირებული რეგიონების მკვიდრთა გადაადგილების თავისუფლებას და გაუმართლებელ დაბრკოლებებს უქმნის მათ საარსებო წყაროებზე წვდომაზე. მნიშვნელოვანია, საქართველოს ხელისუფლებამ, საერთაშორისო თანამეგობრობის მხარდაჭერით, ყველა შესაძლო მექანიზმი გამოიყენოს ოკუპირებულ ტერიტორიებზე მცხოვრები ადამიანების უფლებების დასაცავად. მათ შორის, საოკუპაციო რეჟიმთან მოლაპარაკებების დარწმუნების გზით, კონფლიქტურ რეგიონებში საერთაშორისო წარმომადგენლობების დაშვების უზრუნველსაყოფად“. სრულად... წყარო: www.ombudsman.ge

თბილისი. 19 ივნისს საიამ მედიაციის პროცესში ჩართულ მხარეებს მოუწოდა, ხელი მოეწერათ ევროპული საბჭოს პრეზიდენტის მიერ წარმოდგენილ კომპრომისულ წინადადებაზე, თუმცა, ორგანიზაციამ მკაფიოდ აღნიშნა, რომ შეთანხმების იმპლემენტაცია უნდა მოხდეს საქართველოს კონსტიტუციისა და საერთაშორისო სტანდარტების შესაბამისად. ორგანიზაცია მოუწოდებს პოლიტიკურ პარტიებს, „არ დაუშვან კანონპროექტის ინიცირება, რომელიც მიზნად ისახავს ამნისტიის გავრცელებას 2019 წლის 20-21 ივნისს სამართალდამცავთა მიერ ჩადენილ დანაშაულებზე (იმის მიუხედავად, გამოძიება რა კვალიფიკაციით მიმდინარეობს). წინააღმდეგ შემთხვევაში, საფრთხის ქვეშაა არა მხოლოდ დამნაშავის ინდივიდუალური სისხლისსამართლებრივი პასუხისმგებლობის საკითხი, არამედ საზოგადოების ნდობა და პატივისცემა სამართალდამცავი სისტემისადმი, ასევე, სახელმწიფოს ვალდებულების შესრულება, ებრძოლოს დაუსჯელობის განცდას, რომელიც დამნაშავეს შეიძლება გაუჩნდეს თავისი სამსახურებრივი მდგომარეობის გამო. შედეგად კი, სხვა სიკეთეთა შორის, ასევე, მნიშვნელოვანი ზიანი ადგება ადამიანების შეკრებისა თუ გამოხატვის თავისუფლებით სარგებლობის უფლებას“. სრულად... წყარო: gyla.ge

თბილისი. სოციალური სამართლიანობის ცენტრი (ყოფილი EMC) გთავაზობთ საქართველოში ლგბტქ ადამიანთა შრომისა და დასაქმების შესახებ მდგომარეობის მიმოხილვას. აღნიშნული თავი ორგანიზაცისი მიერ განხორციელებული კვლევის „ლგბტქ ადამიანთა სოციალური ექსკლუზიის კვლევის“ ნაწილია. „წინამდებარე თავი პირველ ნაწილში ლგბტქ ადამიანთა დასაქმების სტატუსსა და არსებულ შრომის პირობებს იკვლევს, რომლის მიზანია გამოააშკარაოს უფლებადარღვევათა ის პრაქტიკა, რაც დასაქმების ადგილზე იჩენს თავს, უღირს სამუშაო გარემოს ქმნის და ზოგჯერ, უმუშევრობას განაპირობებს“. სრულად... წყარო: socialjustice.org.ge

სამცხე-ჯავახეთი. სოციალური სამართლიანობის ცენტრი (ყოფილი EMC) ეხმაურება 2014 წელს სოფელ მოხეში (ადიგენის მუნიციპალიტეტი) მუსლიმი თემის უფლებების დარღვევის ფაქტებზე შვიდი წლის შემდგომ პოლიციის ყოფილი თანამშრომლების მიმართ სისხლისსამართლებრივი დევნის დაწყებას და მიიჩნევს, რომ ეს გადაწვეტილება დაგვიანებული და მოჩვენებითია. „უნდა აღინიშნოს, რომ ამ დრომდე არ გვქონია შესაძლებლობა გავცნობოდით ჩატარებული გამოძიების შედეგებს, შესაბამისად უცნობია საგამოძიებო მოქმედებათა შინაარსი, რეზულტატი და ის გარემოებები, რის გამოც 7 წლის განმავლობაში ვერ ხერხდებოდა ბრალდებულთა იდენტიფიცირება. სოციალური სამართლიანობის ცენტრი (ყოფილი EMC) უახლოეს მომავალში სამცხე-ჯავახეთის საოლქო პროკურატურიდან მიიღებს სისხლის სამართლის საქმის მასალებს და გაცნობის შემდგომ საზოგადოებას დეტალურ შეფასებას წარუდგენს“, ნათქვამია ორგანიზაციის განცხადებაში. სრულად... წყარო: socialjustice.org.ge

თბილისი. პარტნიორობა ადამიანის უფლებებისთვის (PHR) მოითხოვს ნინოწმინდის პანსიონის ბავშვების უფლებების დაცვას სასამართლოს გზით. „დაევალოს ჯანდაცვის სამინისტროს და ნინოწმინდის ბავშვთა თავშესაფარს, ხელი არ შეუშალოს სახალხო დამცველს შევიდეს იქ და განახორციელოს სრულყოფილი მონიტორინგი“ ჯანდაცვის სამინისტრო დაუყოვნებლი შევიდეს თავშესაფარში და შეისწავლოს იქ არსებული ვითარება“. ამ მოთხოვნებით ორგანიზაციამ როგორც სპეციალური მოსარჩელის სტატუსის მქონემ თბილისის საქალაქო სასამართლოს უკვე მიმართა დიდი ზომის ინსტიტუციებში მცხოვრები ბავშვების უფლებების დაცვის მიზნით. სრულად... წყარო: phr.ge

თბილისი. „სოციალური სამართლიანობის ცენტრი“, „უფლებები საქართველო“ და „ქალთა ინიციატივების მხარდამჭერი ჯგუფი“ ეხმიანებიან საქართველოს მართლმადიდებლური ეკლესიის საპატრიარქოს ა(ა)იპ ჯავახეთის ნინოწმინდის წმინდა ნინოს ობოლ, უპატრონო და მზრუნველობა მოკლებულ ბავშვთა პანსიონის ადმინისტრაციის მიერ საქართველოს სახალხო დამცველის რწმუნებულების საქმიანობისთვის ხელის შეშლის ფაქტს. „ხელმომწერი ორგანიზაციები მოვუწოდებთ სახელმწიფოს მიიღოს ყველა ზომა რელიგიურ პანსიონატებში ბავშვთა უფლებების განუხრელი დაცვისთვის და ამ ინსტიტუციების სახელმწიფოს რეალური და ქმედითი მონიტორინგის ქვეშ მოსაქცევად“. სრულად... წყარო: rights.ge

თბილისი. საქართველოს ახალგაზრდა იურისტთა ასოციაცია (საია) იცავდა პირს, რომელიც 2013 წლიდან აჭარის ავტონომიური რესპუბლიკის მთავრობის აპარატში მენეჯერის პოზიციაზე მუშაობდა.  „2020 წლის მარტში მის მიმართ დაიწყო დისციპლინური გადაცდომის საქმის წარმოება, რაც მისი სამსახურიდან დაუსაბუთებელი გათავისუფლებით დასრულდა. სამსახურიდან გათავისუფლებულმა პირმა, საია-ს დახმარებით ბათუმის საქალაქო სასამართლოს მიმართა. მოპასუხემ კი სამსახურიდან გათავისუფლებულ თანამშრომელს დავის მორიგებით დასრულება შესთავაზა. საბოლოოდ, მხარეები სასამართლო პროცესზე მორიგდნენ. მორიგების აქტის თანახმად, მოსარჩელე დასაქმდა სხვა სამსახურში და მისი ყოველთვიური ხელფასი განისაზღვრა იმ ოდენობით, რასაც იგი გათავისუფლებამდე იღებდა“. სრულად... წყარო: gyla.ge

სამცხე-ჯავახეთი. სოციალური სამართლიანობის ცენტრი აქვეყნებს ვიდეოს, სადაც ადგილობრივი აქტივისტები და ახალგაზრდები ჯავახეთში საკუთარი ყოფის სირთულეებსა და სოციალურ გამოწვევებზე წუხილს გვიზიარებენ. „მაღალი მიგრაცია და მოქალაქეობის სტატუსის გარეშე დარჩენილი ათასობით ადგილობრივი, სიღარიბე, განუვითარებელი სოციალური ინფრასტრუქტურა, ახალქალაქში კაზინოების მყვლეფავი პრაქტიკა, ახალგაზრდების დასაქმების სუსტი პოლიტიკა - ეს იმ სოციალური პრობლემების ძირითადი ჩამონათვალია, რაც ჯავახეთში მცხოვრებ ადამიანებს აწუხებთ“. სრულად... წყარო: socialjustice.org.ge

თბილისი. საქართველოს ახალგაზრდა იურისტთა ასოციაცია (საია) გთავაზობთ აშშ-ის სახელმწიფო დეპარტამენტის 2020 წლის ანგარიშში წარმოდგენილი ძირითადი მიგნებების მოკლე შეჯამებას და საანგარიშო პერიოდის განმავლობაში სამოქალაქო ორგანიზაციების, სახალხო დამცველის აპარატის, მედიისა და საერთაშორისო საზოგადოების მიერ აღნიშნული მნიშვნელოვანი საკითხების მიმოხილვას.  „ადამიანის უფლებების დაცვასთან დაკავშირებით გამოიკვეთა შემდეგი ძირითადი პრობლემები: სასამართლოს დამოუკიდებლობის მხრივ არსებული მნიშვნელოვანი გამოწვევები; პოლიტიკურად მოტივირებული გამოძიებები და სამართლებრივი დევნა; პირადი ცხოვრების უფლების უკანონო ხელყოფის შემთხვევები; მშვიდობიანი შეკრებისა და გამოხატვის უფლებაში ჩარევა; და ძალადობრივი ან მუქარით ჩადენილი დანაშაულები ლგბტი პირების მიმართ“. სრულად... წყარო: gyla.ge

თბილისი. სოციალური სამართლიანობის ცენტრი (ყოფილი EMC) მხარს უჭერს მარნეულში წყალმომარაგების და წყალანირების სისტემის მოწყობის სამუშაოებზე დასაქმებული 400-მდე მშრომელის სამართლიან მოთხოვნას კუთვნილი ანაზღაურების მიღების შესახებ და შრომის ინსპექციას შრომითი უფლებების უხეში დარღვევის ამ ფაქტებზე დროული რეაგირებისკენ მოუწოდებს. სრულად... წყარო: socialjustice.org.ge

აჭარა. საქართველოს ახალგაზრდა იურისტთა ასოციაცია (საია) იცავდა ბათუმის მუნიციპალიტეტის საკრებულოს ყოფილ თანამშრომელს, რომელიც 2017 წელს ჩაირიცხა მოხელეთა რეზერვში და მიუღებელი ჰქონდა რამდენიმე თვის თანამდებობრივი სარგო. „მიუღებელი ხელფასის ანაზღაურებაზე საკრებულომ მას უარი უთხრა, რამაც სასამართლოსთვის მიმართვის საჭიროება წარმოშვა. 2018 წლის ნოემბერს ბათუმის საქალაქო სასამართლომ სარჩელი დააკმაყოფილა და საკრებულოს მისთვის 34 500 ლარის ანაზღაურება დაეკისრა. მოპასუხემ სასამართლოს გადაწყვეტილება ზემდგომი ინსტანციის სასამართლოებში გაასაჩივრა, თუმცა, შედეგი არ შეცვლილა და ბათუმის საქალაქო სასამართლოს გადაწყვეტილება კანონიერ ძალაში შევიდა“. სრულად... წყარო: gyla.ge

თბილისი. ქალთა მოძრაობა სოლიდარობას უცხადებს ნინუცა მაყაშვილს და იმედოვნებს, რომ სახელმწიფო და საზოგადოება ერთიანი იქნება ძალადობის წინააღმდეგ ბრძოლაში. „რამდენიმე დღის წინ, რუსთავი 2-ის ეთერში, მსახიობმა ნინუცა მაყაშვილმა ისაუბრა მის მტკივნეულ პირად გამოცდილებაზე, როდესაც წლების წინ, მაშინდელი მეუღლის, მსახიობ ბესო ზანგურის მხრიდან ოჯახში სისტემატური ძალადობის მსხვერპლი გახდა.  ჩვენს ქვეყანაში, სადაც ოჯახში ძალადობა სამწუხაროდ ხშირი მოვლენაა, საზოგადოება კი ჯერ კიდევ არ არის საკმარისად შეუწყნარებელი ამ ტიპის დანაშაულის მიმართ, მსხვერპლებს დიდი ძალის და გამბედაობის მოკრება სჭირდებათ საკუთარ გამოცდილებაზე ღიად და საჯაროდ სასაუბროდ. ამ რეალობაში, კიდევ უფრო დასაფასებელი და მაგალითის მიმცემია ნინუცა მაყაშვილის გადაწყვეტილება ხმამაღლა ესაუბრა ყოფილი მეუღლის, რუსთაველის ეროვნული თეატრის მსახიობის, ბესო ზანგურის მხრიდან განხორციელებულ ძალადობაზე.  გვჯერა, რომ მისი გამბედაობა გადამდები იქნება და ბევრი ქალისთვის გახდება სტიმული. ჩვენთვის მიუღებელია ოჯახში ძალადობის საშიშ დანაშაულში მხილებული პირი, ბესო ზანგური, რომელსაც არც პასუხი უგია და არც რაიმე სინანული გამოუთქვამს, იდგეს რუსთაველის ეროვნული თეატრის სცენაზე და ისევე აგრძელებდეს კარიერას, თითქოს არაფერი მომხდარა. აქედან გამომდინარე, მოვითხოვთ ბესო ზანგური ჩამოშორდეს მის პროფესიულ საქმიანობას თეატრში, სანამ საქმეზე არ დასრულდება გამოძიება...“ სრულად... წყარო: მოძრაობის გვერდი სოციალურ ქსელში

თბილისი. ქალთა ფონდი საქართველოში ეხმიანება რიონის ხეობაში მიმდინარე მოვლენებს და სოლიდარობას უცხადებს ხეობის გუშაგებს. „მიგვაჩნია, რომ შეკრებისა და გამოხატვის თავისუფლების შეზღუდვით საქართველოს ხელისუფლება უხეშად არღვევს მოქალაქეთა კონსტიტუციურ უფლებებს, იყენებს არაპროპორციულ, რეპრესიულ საპოლიციო ძალას მშვიდობიანი პროტესტის მონაწილეების წინააღმდეგ, ზღუდავს მოქალაქეთა გადაადგილების უფლებას და ეწევა სიტუაციის ესკალაციას ხეობაში.  ასევე, ყოვლად მიუღებელი და აღმაშფოთებელია ხეობის მცველთა კარვების აყრა, შეკრების ადგილის გადახვნა, კედლის აღმართვა და აქტივისტების დისკრედიტაციის მიზნით მათი რეპუტაციის შელახვის უღირსი მცდელობები. მივმართავთ შესაბამის უწყებებს, დაუყოვნებლივ შეწყვიტონ კომპანია "ენკა"-ს სასარგებლოდ ხალხზე ძალადობა“... სრულად... წყარო: ორგანიზაციის გვერდი სოციალურ ქსელში ფოტო: სოფო აფციაური

თბილისი. სოციალური სამართლიანობის ცენტრი (ყოფილი EMC) ეხმიანება 2021 წლის 14 აპრილს, პარტია „ქართული ოცნების“ ოფისთან მიმდინარე აქციაზე სამოქალაქო აქტივისტის - გიორგი მუმლაძის დაკავების ფაქტს.  ორგანიზაცია აღნიშნავს, რომ მის მიმართ სისხლის სამართლის კოდექსის 353-ე მუხლის 1-ლი ნაწილით დაწყებული გამოძიება სახიფათო პრეცედენტს ქმნის გამოხატვის თავისუფლებისა და დემოკრატიული წესრიგის თვალსაზრისით. „ბოლო პერიოდში სამოქალაქო აქტივისტების მიმართ დაუსაბუთებელი საპოლიციო ძალის გამოყენების ტენდენცია კრიტიკას და შეშფოთებას იმსახურებს. ამავდროულად, სუსტი და არაეფექტიანია შეკრებისა და მანიფესტაციის უფლების უსაფუძვლოდ შეზღუდვის ფაქტებზე სახელმწიფოს რეაგირება, რასაც მსუსხავი ეფექტი აქვს ამ უფლებით სარგებლობაზე“. სრულად... წყარო: socialjustice.org.ge ადამიანის უფლებები

თბილისი. „საქართველოს დემოკრატიული ინიციატივა“ (GDI) ეხმაურება 2021 წლის 14 აპრილს, პარტია „ქართული ოცნების“ ოფისთან მიმდინარე მოვლენებს და მიაჩნია, რომ პოლიციის ქმედებები მიმართულია შეკრების თავისუფლების გაუმართლებელი შეზღუდვისაკენ, ხოლო სისხლისსამართლებრივი მექანიზმების ამოქმედება აქტივისტების წინააღმდეგ არის ავტორიტარული რეჟიმისკენ გადადგმული კიდევ ერთი ნაბიჯი. „მოვუწოდებთ საქართველოს ხელისუფლებას შეწყვიტოს სისხლისსამართლებრივი დევნა და რეპრესიული პოლიტიკის გატარება სამოქალაქო აქტივისტების წინააღმდეგ მათ მიერ შეკრებისა და მანიფესტაციის ფარგლებში პროტესტის გამოხატვის გამო და იმოქმედოს კონსტიტუციური პრინციპების შესაბამისად“, - ნათქვამია GDI-ის მიერ გავრცელებულ განცხადებაში. სრულად...  წყარო: ორგანიზაციის ვებგვერდი

თბილისი. სოციალური სამართლიანობის ცენტრი აცხადებს, რომ ხელისუფლება ნამახვანჰესის ირგვლივ დიალოგის სივრცეს არ ტოვებს. „გუშინდელი მოვლენები ნამახვანი ჰესის აქციის მონაწილეების წინააღმდეგ ძალის გამოყენების პირველი შემთხვევა არ ყოფილა; ხელისუფლება, ერთი მხრივ, ოფიციალურ განცხადებებში დიალოგზე მზადყოფნას აცხადებს, ხოლო, მეორე მხრივ, ხეობაში მრავალრიცხოვანი საპოლიციო ძალის მობილიზებით, დაუსაბუთებელი შეზღუდვების დაწესებით და ადგილობრივების უფლებების უხეში დარღვევით, თავად უწყობს ხელს პროცესის ესკალაციას და საგნობრივი, კონსტრუქციული დიალოგის სივრცეს არ ტოვებს“, - ნათქვამია ორგანიზაციის მიერ გავრცელებულ განცხადებაში. სრულად...  წყარო: ორგანიზაციის ვებგვერდი

იმერეთი. ქუთაისის სააპელაციო სასამართლომ ბათუმში ახალი მეჩეთის მშენებლობის საქმეზე გადაწყვეტილება გამოაცხადა და ბათუმის საქალაქო სასამართლოს გადაწყვეტილება უცვლელად დატოვა. სააპელაციო სასამართლომ გაიზიარა ბათუმის საქალაქო სასამართლოს შეფასება ბათუმში ახალი მეჩეთის მშენებლობის ნებართვის პირველი სტადიის გაცემაზე ბათუმის მერიის უარის უკანონობისა და რელიგიის ნიშნით მოსარჩელეების მიმართ დისკრიმინაციული მოპყრობის დადგენის შესახებ. ბათუმში ახალი მეჩეთის მშენებლობის ფონდის ინტერესებს სასამართლოში იცავენ ტოლერანტობის და მრავალფეროვნების ინსტიტუტი (TDI) და სოციალური სამართლიანობის ცენტრი (ყოფილი EMC). სრულად...  წყარო: tdi.ge

თბილისი. საზოგადოებრივი ორგანიზაციები სოლიდარობას უცხადებენ სოფელ გუმათთან მიმდინარე აქციის მონაწილეებს და განცხადებას ავრცელებენ.  „168-დღიანი უწყვეტი მშვიდობიანი პროტესტის ფონზე, ხელისუფლება ყოველდღიურად ზრდის რეპრესიას რიონის ხეობაში მცხოვრები მოქალაქეების მიმართ. უკანასკნელი დღეების განმავლობაში, სამართალდამცავი ორგანოები თავად სცდებიან სამართლის ფარგლებს და მიზანმიმართულად, უკანონო ძალისმიერი მეთოდებით ცდილობენ პროტესტის ჩახშობას“, - ნათქვამია განცხადებაში. სრულად...  წყარო: ორგანიზაციის ვებგვერდი

თბილისი. ღია საზოგადოების ფონდი (OSGF) რიონის ხეობაში მიმდინარე პროცესებს ეხმიანება.  „ვეხმიანებით, რიონის ხეობაში განვითარებულ მოვლენებს და მივიჩნევთ, რომ გაუგებარი და დაუსაბუთებელია, სოფელ ნამოხვანის მიმართულებით, „ბლოკპოსტების“ მოწყობა და საქართველოს მოქალაქეებისთვის, ქვეყნის ტერიტორიაზე, გადაადგილების თავისუფლების შეზღუდვა. ამას გარდა, პოლიციამ აქტივისტებსა და ადგილობრივ მოსახლეობას დაუშალა კარვები, სადაც 169 დღის განმავლობაში, მიმდინარეობდა უწყვეტი, მშვიდობიანი პროტესტი. აღნიშნულის გასამართლებლად შსს-ს მიერ წარმოდგენილი დასაბუთება, ვერ აკმაყოფილებს, უფლებაში ჩარევისთვის საქართველოს კონსტიტუციითა და ადამიანის უფლებების სტანდარტებით დადგენილ საბაზისო მოთხოვნებს“, - აღნიშნულია ორგანიზაციის მიერ გავრცელებულ განცხადებაში.  სრულად...   წყარო: ორგანიზაციის ვებგვერდი

თბილისი. ნამახვანჰესის პროექტის ირგვლივ განვითარებულ მოვლენებთან დაკავშირებით, ინფორმაციის თავისუფლების განვითარების ინსტიტუტი (IDFI) განცხადებას ავრცელებს. „დაახლოებით ექვსი თვეა საქართველოში მიმდინარეობს უწყვეტი მშვიდობიანი პროტესტი ნამახვანი ჰესის პროექტის წინააღმდეგ. უკანასკნელ პერიოდში სახელმწიფომ აქტიურად დაიწყო სხვადასხვა საპოლიციო ღონისძიებების გამოყენება, მათ შორის გადაკეტილია გზა ქუთაისიდან ნამახვანის მიმართულებით. გადაადგილების თავისუფლების შეზღუდვიდან თითქმის 10 დღეა გასული. ამ დრომდე სახელმწიფოს არ წარმოუდგენია შეზღუდვის მართლზომიერების დამადასტურებელი არცერთი დამაჯერებელი არგუმენტი. შემაშფოთებლად განვითარდა მოვლენები 11 აპრილს, როდესაც პოლიციამ პროტესტის მონაწილეთა კარვები დაშალა და, ამავე დროს, ტერიტორიაზე შესვლის უფლება არ მისცა ადვოკატებს/უფლებადამცველებს და ჟურნალისტებს“, - ვკითხულობთ განცხადებაში. სრულად...  წყარო: ორგანიზაციის ვებგვერდი

თბილისი. საერთაშორისო გამჭვირვალობა - საქართველო (TI) მიიჩნევს, რომ სახელმწიფოს მიერ რიონის ხეობაში განხორციელებული ქმედებები უხეშად არღვევს იქ შეკრებილი ადამიანების, როგორც მიმოსვლის, ასევე გამოხატვის თავისუფლების კონსტიტუციურ უფლებებს. „გარდა იმისა, რომ სახელმწიფომ ამ დრომდე არ გაატარა სათანადო პოლიტიკა და არ აწარმოა შინაარსობრივი დიალოგი მოსახლეობასთან, უკვე მერამდენედ პრობლემის მოგვარების გზად რეპრესიული საპოლიციო ძალა აირჩია. ამ პროცესში კი პოლიცია და ხალხი კვლავ პირისპირ დატოვა. მსგავსი ნაბიჯებით სახელმწიფო კიდევ უფრო აღრმავებს უნდობლობას სამართალდამცავი უწყებების მიმართ და აზიანებს საზოგადოების თვალში მათ რეპუტაციას. მოვუწოდებთ ხელისუფლებას, შეწყვიტოს იქ მყოფი ადამიანების, როგორც გამოხატვის, ასევე მიმოსვლის თავისუფლების დაუსაბუთებელი, არაპროპორციული და თვითნებური შეზღუდვა, „რიონის ხეობის მცველებს“ მისცეს მშვიდობიანი გზებით პროტესტის გამოხატვის შესაძლებლობა, ხოლო პრობლემის მოგვარებისთვის მოსახლეობასთან შინაარსობრივი დიალოგის გზა აირჩიოს“, - აღნიშნულია ორგანიზაციის მიერ გავრცელებულ ინფორმაციაში. სრულად...  წყარო: ორგანიზაციის ვებგვერდი