თბილისი. ადამიანის უფლებების სწავლებისა და მონიტორინგის ცენტრმა (EMC) წინამდებარე დოკუმენტში შეისწავლა შრომის უსაფრთხოების წესების დარღვევის გამო დასაქმებულთა სამუშაო ადგილზე დაღუპვის შემთხვევებზე მიმდინარე გამოძიების პროცესი. “EMC 2018 წლიდან ამ დრომდე, შრომის უსაფრთხოების წესების დარღვევის ოთხი საქმის გამოძიებისა და სისხლისსამართლებრივი დევნის პროცესში იცავს დასაქმების ადგილზე გარდაცვლილი ხუთი მუშის ოჯახის ინტერესებს. შესაბამისად, წინამდებარე დოკუმენტი ეფუძნება მხოლოდ EMC-ის პრაქტიკაში არსებულ კონკრეტულ სისხლისსამართლებრივ საქმეებზე ჩატარებულ საგამოძიებო და საპროცესო მოქმედებათა ანალიზს და არ გულისხმობს ამ დოკუმენტში გამოკვეთილი პრობლემების განზოგადებას სხვა მსგავსი ტიპის საქმეებზე”, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. სახალხო დამცველმა სამხარაულის ექსპერტიზის ბიუროს ფილიალში ქალი ექსპერტის არარსებობა ძალადობის მსხვერპლი ქალის მიმართ დისკრიმინაციად მიიჩნია. „ომბუდსმენის შეფასებით, სექსუალური ძალადობის მსხვერპლის თუნდაც არაპირდაპირ იძულება, შეამოწმოს სხვა სქესის ექსპერტმა, არის გენდერულად არამგრძნობიარე მიდგომა და გასათვალისწინებელია, რომ სექსუალური ძალადობა გამოვლილი ქალების უმრავლესობისათვის არ იქნება სასურველი. სწორედ ტრავმულ გამოცდილებაზე საუბრობდა განმცხადებელი თავის წერილობით ახსნა-განმარტებაში და ხაზს უსვამდა მისი ემოციური მდგომარეობის სიმძიმეს. აღნიშნულიდან გამომდინარე, სახალხო დამცველმა რეკომენდაციით მოუწოდა სსიპ ლევან სამხარაულის ექსპერტიზის ბიუროს: დასავლეთ საქართველოს რეგიონული ექსპერტიზის დეპარტამენტში ქალი ექსპერტებიც დაასაქმოს; მომავალში, საქმიანობის წარმართვისას, გაითვალისწინოს ექსპერტიზის მიმღებ პირთა განსხვავებული საჭიროებები“, ნათქვამია ომბუდსმენის განცხადებაში. სრულად... წყარო: ombudsman.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: ქმედუნარიანობის რეფორმის პრაქტიკაში განხორციელების სირთულეები ფსიქიატრის თვალთახედვიდან. „ფსიქიატრი რომ გავხდი, საავადმყოფოში დამხვდნენ პაციენტები, რომლებიც არასოდეს ეწერებოდნენ და სულ საავადმყოფოში ცხოვრობდნენ. ზოგ მათგანს ოჯახის წევრები ხანდახან აკითხავდნენ, მაგრამ სახლში არ მიყავდათ, იმ სახლში, რომელიც მარტო მათი არ იყო და მემკვიდრეობით ამ ადამიანსაც ეკუთნოდა. ოჯახის წევრები ფიქრობდნენ, რომ რადგან პაციენტს ფსიქიკური ჯანმრთელობის პრობლემა ჰქონდა, სახლი აღარ სჭირდებოდა. ზოგჯერ თვითონ ეს ადამიანიც ასე მიიჩნევდა და მხოლოდ იმისთვის იყო მადლობელი, რომ არ ივიწყებდნენ. როგორც წესი, ოჯახის წევრები მეურვეებიც იყვნენ და მემკვიდრეობას ასე იკანონებდნენ“.  სრულად... წყარო: emc.org.ge

თბილისი. ღირსეული შრომის პლატფორმა ეხმაურება სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს სოციალური მუშაკების ტრანსპორტირების საკითხს. „როგორც ჩვენთვის ცნობილია, მეურვეობისა და მზრუნველობის ორგანოს სოციალური მუშაკები როგორც სამსახურში ისე სამსახურეობრივი მოვალეობის დროს განხორციელებულ ვიზიტებზე გადაადგილდებიან საკუთარი ხარჯით, რაც მათ არ უნაზღაურდებათ. სოციალური მუშაკებისადმი მაღალი მიმართვიანობისა და ბენეფიციარების ინტერესების დასაცავად უმეტესობა ვერ ახერხებს ჩაჯდეს ე.წ. სამორიგეო სქემაში რაც კვირაში ერთხელ გამოცხადებას გულისხმობს. მოვუწოდებთ სახელმწიფო ზრუნვისა და ტრეფიკინგის მსხვერპლთა დაზარალებულთა დახმარების სააგენტოს უზრუნველყოს სოციალური მუშაკების ტრანსპორტირება – როგორც სამსახურამდე ისე ბენეფიციარებთან ვიზიტების განხორციელების დროს“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. „თბილისის ადამიანის უფლებათა სახლი“, ERIM (ყოფილი IREX Europe)-თან პარტნიორობით და ევროკავშირის ფინანსური მხარდაჭერით, ახორციელებს პროექტს, სახელწოდებით „COVID-19: სამოქალაქო საზოგადოების გამძლეობა და მდგრადობა“. „პროექტის ფარგლებში, სამი თვის განმავლობაში, „უფლებები საქართველოს“ იურისტებმა ასზე მეტ ბენეფიციარს უფასო იურიდიული კონსულტაციები გაუწიეს, ასევე დაიცვეს მათი ინტერესები პოლიციაში, სასამართლოსა და სხვა ადმინისტრაციულ ორგანოებში“. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) გთავაზობთ დოკუმენტს მარტივად წასაკითხ ფორმატში „დამოუკიდებელი ცხოვრების უფლება“. „დოკუმენტით შშმ პირები (განსაკუთრებით, ინტელექტუალური და ფსიქოსოციალური ნიშნით შშმ პირები), მათი ოჯახის წევრები და ფართო საზოგადოება შეძლებს, მიიღოს ინფორმაცია ისეთ საკითხებზე, როგორიცაა, დამოუკიდებელი ცხოვრების უფლების არსი და სახელმწიფოს ვალდებულებები ამ სფეროში“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაციის (საია) ინფორმაციით, 26 დეკემბერს, საქართველოს საკონსტიტუციო სასამართლომ არსებითად განსახილველად არ მიიღო ორგანიზაციის საქმე „ვასილ ჟიჟიაშვილი და გიორგი გოცირიძე საქართველოს პარლამენტის წინააღმდეგ“, თუმცა, სასამართლომ განჩინებაში მნიშვნელოვანი განმარტება გააკეთა. „საკონსტიტუციო სასამართლოს განმარტებით, სათანადო დასაბუთების გარეშე ადმინისტრაციული წესით დაკავების მაქსიმალური ვადის გამოყენება უკანონოა. შესაბამისად, დაკავების საფუძვლის ამოწურვისთანავე, დაკავებული პირი დაუყოვნებლივ უნდა გათავისუფლდეს, მიუხედავად იმისა, ამოწურულია თუ არა დაკავების მაქსიმალური ვადა“. სრულად... წყარო: gyla.ge

თბილისი. საქართველოს ახალგაზრდა იურისტთა ასოციაცია (საია) იცავდა 2020 წლის იანვარში სოციალური მომსახურების სააგენტოდან უკანონოდ გათავისუფლებული სოციალური მუშაკის უფლებებს. „სოციალური მუშაკი სამსახურიდან რეორგანიზაციის საბაბით დაუსაბუთებლად გათავისუფლდა. გათავისუფლების ბრძანება გასაჩივრდა ქუთაისის საქალაქო სასამართლოში. დავის მიმდინარეობისას, სოციალურ მუშაკსა და სსიპ - სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს შორის შედგა მორიგება. სოციალური მუშაკი უკონკურსოდ, უვადოდ დასაქმდა სსიპ - სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოში და აუნაზღაურდა 4 თვის იძულებითი განაცდური“. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრის (EMC) ინფორმაციით, 25 დეკემბერს მიღებული გადაწყვეტილებით, საკონსტიტუციო სასამართლომ საქმეზე „გიორგი ქებურია საქართველოს პარლამენტის წინააღმდეგ“, უმეტეს ნაწილში გაითვალისწინა მოსარჩელის პოზიციები და არაკონსტიტუციურად ცნო სისხლის სამართლის საპროცესო კოდექსის ის ნორმები, რომლებიც მხოლოდ ოპერატიული ინფორმაციის საფუძველზე მოპოვებულ მტკიცებულებაზე დაყრდნობით იძლევა გამამტყუნებელი განაჩენის გამოტანის შესაძლებლობას. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება „ამნისტიის შესახებ“ კანონპროექტის ინიცირებას. ორგანიზაცია მოუწოდებს პარლამენტს, რეპრესიული ნარკოპოლიტიკის და ქვეყანაში არსებული მძიმე სოციალური და პანდემიური მდგომარეობის გათვალისწინებით, გააფართოვოს პროექტის ფარგლები ნარკოტიკულ დანაშაულებზე, კანონის შემუშავების პროცესი წარმართოს მაქსიმალურად ღიად და უზრუნვლყოს პროცესში დაინტერესებული მხარეების მონაწილეობა. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაციამ (საია) საქართველოს პარლამენტის წევრი - მიხეილ სარჯველაძის მიერ ინიცირებულ „ამნისტიის შესახებ“, კანონის პროექტზე ადამიანის უფლებათა დაცვისა და იურიდიულ საკითხთა კომიტეტებს მოსაზრებები წარუდგინა. „წლების მანძილზე მკაცრი ნარკოპოლიტიკის პირობებში, ამნისტიის აქტი დადებითად აისახება ნარკოტიკული დანაშაულისთვის მსჯავრდებულ პირთა რეაბილიტაცია/რესოციალიზაციაზე. თუმცა, მნიშვნელოვანია, რომ პარლამენტმა დროულად დაიწყოს მუშაობა ნარკოპოლიტიკის მიმართულებით სისტემურ ცვლილებაზე, ასევე მოაწესრიგოს სისხლის სამართლის კოდექსის ნარკოტიკული დანაშაულის თავით გათვალისწინებული ნორმები“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. პარტნიორობა ადამიანის უფლებებისთვის საზოგადოებას სასიხარულო ინფორმაციას უზიარებს: აფრიკის დასახლებაში მცხოვრებ 8 წლის გიგი ჩანგელიას ოჯახს 24 დეკემბერს, სახელმწიფომ ახალი ბინის გასაღები გადასცა. მათ უკვე შეუძლიათ ზუგდიდში, 3 ოთახიან ბინაში საცხოვრებლად გადასვლა. „ოჯახის უკიდურესი სიდუხჭირიდან გამომდინარე, #PHR-მა, როგორც გიგის წარმომადგენელმა სამართლებრივ დავებში მოითხოვა ბავშვის და მისი ოჯახის თბილისიდან ზუგდიდამდე ტრანსპორტირება სახელმწიფოს უზრუნველეყო. სახელმწიფოს უარის შემდეგ ტრანსპორტირების ხარჯების მობილიზებას მოქალაქეები ახდენენ. გვიხარია გაცნობოთ, რომ პატარა გიგი ახალ წელს თბილ და უსაფრთხო გარემოში შევხდება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაიცა (საია) აქვეყნებს კვლევის ანგარიშს: იძულებითი ქორწინება - კანონმდებლობა და პრაქტიკა. “კვლევის შედეგად გამოვლინდა, რომ ქორწინების იძულების მსხვერპლები საქართველოში ქალები არიან. პრობლემა განსაკუთრებით მწვავედ იგრძნობა ქვემო ქართლის რეგიონში. ყველაზე ხშირად სწორედ აქ იწყება გამოძიება იძულებითი ქორწინების საკითხთან დაკავშირებით. სისხლის სამართლის კოდექსში ქორწინების იძულების სპეციალური ნორმის შემოტანით და კრიმინალიზებით შესრულდა სტამბოლის კონვენციის მოთხოვნა. თუმცა, პრობლემად რჩება ამ საკითხთან დაკავშირებით პრევენციული საქმიანობა, ცნობიერების ამაღლების მიმართულებით საზოგადოებაში ეფექტიანი სამუშაოების ჩატარება და უკვე მომხდარ ფაქტებზე შედეგიანი რეაგირება”, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. გენდერული საინფორმაციო პორტალი აქვეყნებს ლელა ხომერიკის სტატიას: თანამედროვე ტექნოლოგიების საშუალებებით განხორციელებული ძალადობა - ქალთა მიმართ და ოჯახში ძალადობის ახალი ფორმა. „ძალადობის რისკის ქვეშ მცხოვრები ქალები მოძალადესთან ერთ სივრცეში იზოლირებული აღმოჩნდნენ. პანდემიის დროს, სხვა ქვეყნების მსგავსად, ოჯახში ძალადობის მასშტაბი საქართველოშიც გაიზარდა. თანამედროვე ტექნოლოგიები გვთავაზობს გენდერულ ძალადობაზე პრევენციისა და მათზე რეაგირების ახალ გზებს. თუმცა ამავდროულად, თავი იჩინა ახალმა პრობლემამ - მოძალადეების მიერ ტექნოლოგიების გამოყენებამ მსხვერპლთა თვალთვალისა და კონტროლისათვის. გენდერული ძალადობის ეს სახე იმდენად გავრცელებულია, რომ დღეს ტექნოლოგიური საშუალებების გამოყენებით ძალადობა (technology-facilitated gender-based violence), ძალადობის ერთ-ერთ ფორმად არის მიჩნეული ძალადობის ფიზიკური, ეკონომიკური თუ სექსუალური ძალადობის ფორმებთან ერთად“, ნათქვამია სტატიაში. სრულად... წყარო: ginsc.net

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს სტატიას: ქართველი აჭარელი მუსლიმი ქალები მაშინ და დღეს. „საქართველოში გენდერის კვლევებში ქართველი აჭარელი მუსლიმი ქალებისა და მათი გამოცდილების კვლევის დეფიციტია. ხშირად ლიბერალური ფემინისტური დისკურსი მორცხვი და პასიური მუსლიმი ქალის საერთო სურათს გვთავაზობს, რომელშიც სრულიად უგულელყოფილია მათი როლი და წვლილის მნიშვნელობა საოჯახო და საზოგადოებრივ ცხოვრებაში. ჩვენი საზოგადოების გაბატონებულ ხედვაში აღნიშნული სტატია მიზნად ისახავს, საზოგადოებას წარუდგინოს და გააცნოს ქართველი, აჭარელი, მუსლიმი ქალების გამოცდილება, მათი სოციალური აგენტობა და რეფლექსია არსებული აღქმების მიმართ“, ნათქვამია ორგანიზაციის ვებგვერდზე. სრულად... ადამიანის უფლებები

თბილისი. 2019 წელს საქართველოს სახალხო დამცველის აპარატის გენდერის დეპარტამენტმა, გაეროს ქალთა ორგანიზაციის მხარდაჭერით, ოჯახში ძალადობისა და ტრეფიკინგის მსხვერპლთა თავშესაფრები და კრიზისული ცენტრები შეამოწმეს. მონიტორინგის წევრებმა მოინახულეს ბათუმის, ქუთაისის, გორისა და სიღნაღის თავშესაფრები, ასევე თბილისის, გორის, ქუთაისის, ოზურგეთის და მარნეულის კრიზისული ცენტრები. დამატებით, საქართველოს სახალხო დამცველის აპარატმა 2019 წლის მონიტორინგისას გამოვლენილი ხარვეზებისა და რეკომენდაციების შესრულების მაჩვენებლის შესამოწმებლად, 2020 წელს განმეორებით მონიტორინგი განახორციელა საქართველოში მოქმედ ყველა სახელმწიფო თავშესაფარსა და კრიზისულ ცენტრში. წინამდებარე ანგარიშში აღნიშნული მონიტორინგის შედეგად გამოვლენილ პრობლემებს წარმოგიდგენთ. სრულად... წყარო: ombudsman.ge

თბილისი. 23 - 24 დეკემბერს, შშმ ქალთა თემებზე მომუშავე ორგანიზაციების და შშმ ქალების პლატფორმის წევრებისთვის ორგანიზაცია „პარტნიორობა ადამიანის უფლებებისთვის“ წარმომადგენლებმა, ანა აბაშიძემ და ანა არგანაშვილმა ქალთა უფლებებზე ტრენინგი ჩაატარეს. სწავლების მიზანი იყო შშმ ქალებმა თავად შეძლონ ლიდერობა უფლებების დაცვის პროცესში, ნაკლებად იყვნენ დამოკიდებულნი სხვათა მხარდაჭერაზე, გამოიყენონ სასამართლოსადმი მიმართვის, ადმინისტრაციული ორგანოებთან თანამშრომლობის თუ სამართლებრივი დავის სტრატეგიები, გააცნონ ადამიანის უფლებების საერთაშორისო ინსტრუმენტები დაინტერესებულ პირებს. სრულად... წყარო: phr.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ვიდეო მასალას, რომელშიც აფრიკის დასახლების მაცხოვრებლები თავიანთ სოციალურ პრობლემებზე საუბრობენ.  წყარო: emc.org.ge

თბილისი. გენდერული საინფორმაციო პორტალის ინფორმაციის თანახმად, ლაგოდეხის მუნიციპალიტეტის სოფელ კაბალში ცოლად მოყვანის მიზნით გატაცებული 16 წლის გოგო იპოვეს. „ის პოლიციაში გამოკითხვაზე იმყოფება. განყოფილებაში კითხავენ გამტაცებელი 21 წლის ბიჭსაც. არასრულწლოვნის მამის თქმით, მის შვილს გათხოვება არ უნდოდა და იძულებით გაიტაცეს. ის გამტაცებლის კანონით დასჯას მოითხოვს“. სრულად... წყარო: ginsc.net

თბილისი. გაეროს ქალთა ორგანიზაციამ ახალი ონლაინკამპანია: გულგრილობის ვირუსი კლავს დაიწყო. „ონლაინკამპანიის ფარგლებში, გაეროს ქალთა ორგანიზაციის ინიციატივით, შექმნილია 6 აუდიოპიესა, რომელთა ავტორებიც ქართველი მწერლები ნესტან ნენე კვინიკაძე და ლაშა ბუღაძე არიან. პიესებში ქალთა მიმართ და ოჯახში ძალადობის სხვადასხვა ფორმა რეალობასთან მაქსიმალურად მიახლოებული სცენებითა და სიტუაციებითაა ასახული“. სრულად... წყარო: georgia.unwomen.org

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება თბილისში, ლილოსა და ვაგზლის ღია ბაზრობების მოვაჭრეთა მიერ ეკონომიკური საქმიანობის შეზღუდვის წინააღმდეგ გამართულ პროტესტს და საქართველოს მთავრობასა და ადგილობრივ მუნიციპალიტეტს მძიმე ეკონომიკურ მდგომარეობაში მყოფ მოვაჭრეთა მიმართ საქმიანობის გაგრძელების ხელშეწყობისა და სოციალური დაცვის მეტად ქმედითი ღონისძიებების გატარებისკენ მოუწოდებს. სრულად... წყარო: emc.org.ge

თბილისი. ადამიანის უფლებების სწვალებისა და მონიტორინგის ცენტრი მოუწოდებს მერიას შეაჩეროს უნებართვოდ აგებული შენობების დემონტაჟი და შეიმუშავოს სამართლიანი პოლიტიკა, წესი და პროცედურა, რომელიც საფუძვლიანად და სამართლიანად შეისწავლის ოჯახების საცხოვრებლის საჭიროებებს. „აფრიკის დასახლებაში ადგილობრივების მწვავე პროტესტის შედეგად მიღებული გამოცდილების გათვალისწინებით, მუნიციპალურმა ინსპექციამ დემონტაჟის აღსრულება სამგორის რაიონში დილის 7 საათზე დაიწყო, რაც ხელს შეუშლიდა ადგილობრივების, აქტივისტებისა და მედიის მობილიზებას და შეასუსტებდა შესაძლო ფიზიკურ წინააღმდეგობას“. სრულად... წყარო: ორგანიზაციის გვერდი სოციალურ ქსელში