თბილისი. ორგანიზაციამ პარტნიორობა ადამიანის უფლებებისთვის (PHR), ღია საზოგადოების ფონდის მხარდაჭერით, მოამზადა ანგარიში „თანასწორი გარემოს ხელშეწყობა შშმ პირებისა და ხანდაზმულებისთვის“.  ანგარიშის მიზანია მიმოიხილოს შშმ პირებისა და ხანდაზმულების წინაშე, ინსტიტუციური თუ საკანონმდებლო თვალსაზრისით არსებული პრობლემები, ფსიქიკური ჯანმრთელობის, შშმ ინსტიტუციებისა და ხანდაზმულ პირთა პანსიონატების კუთხით არსებული გამოწვევები.  სრულად...  წყარო: phrgeorgia.wordpress.com

თბილისი. 10 დეკემბერს ადამიანის უფლებების სწავლებისა და მონიტორინგის ცენტრმა (EMC) ექსპერტ ნანა მჭედლიძესთან თანამშრომლობით საქართველოს იუსტიციის უმაღლეს სკოლაში გამართა ამავე ექსპერტის ორი სახელმძღვანელოს („შრომითი უფლებები“ და „საცხოვრისის უფლება“) პრეზენტაცია. „სახელმძღვანელოებში ადამიანის უფლებათა ევროპული სასამართლოს პრაქტიკასთან ერთად, ევროპული სოციალური ქარტიითა და ევროპული კავშირის ძირითად თავისუფლებათა ქარტიით დადგენილი სტანდარტების ჭრილში არის მიმოხილული საცხოვრისის უფლებისა და შრომითი უფლებების სხვადასხვა ასპექტი და სახელმწიფოს მიერ გასატარებელი პოლიტიკის გარკვეული კომპონენტები.“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს სახელმძღვანელოს, რომელიც ევროკავშირის მიერ დაფინანსებული პროექტის „სასამართლო რეფორმის განხორციელების მხარდაჭერის“ ფარგლებში მომზადდა. „სახელმძღვანელოში ადამიანის უფლებათა ევროპული სასამართლოს პრაქტიკასთან ერთად, ევროპული სოციალური ქარტიითა და ევროპული კავშირის ძირითად თავისუფლებათა ქარტიით დადგენილი სტანდარტების ჭრილში არის მიმოხილული საცხოვრისის უფლების სხვადასხვა ასპექტი და სახელმწიფოს მიერ გასატარებელი პოლიტიკის გარკვეული კომპონენტები”, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. კოალიცია დამოუკიდებელი და გამჭვირვალე მართლმსაჯულებისთვის იურიდიულ კომიტეტში სასამართლოს მოსამართლეობის კანდიდატების მოსმენის პროცესს აფასებს. „იშვიათი გამონაკლისების გარდა, კანდიდატების სამართლებრივი მსჯელობის უნარი იყო დაბალი, მათი პასუხები კი - დაუსაბუთებელი. ზოგიერთმა კანდიდატმა უარი განაცხადა კონკრეტული სუბიექტების მიერ დასმულ კითხვებზე პასუხის გაცემაზე. იყო დაუსაბუთებელი და გამოგონილი საფუძვლით შეკითხვებზე თავის არიდების შემთხვევებიც. მსგავსი დამოკიდებულება, არა მხოლოდ პარლამენტის, როგორც ინსტიტუტის, არამედ ზოგადად, პროცესის მიმართ უპატივცემულობის გამომხატველია და ცალსახად, უარყოფით შეფასებას იმსახურებს“, ნათქვამია განცხადებაში. სრულად... წყარო: www.transparency.ge

2019 წლის 2-7 დეკემბერს, ჰააგაში სისხლის სამართლის საერთაშორისო სასამართლოს წევრ სახელმწიფოთა ასამბლეის მე-18 სხდომა გაიმართა. ასამბლეა, რომელიც 123 წევრი სახელმწიფოს წარმომადგენლისგან შედგება, ჰააგის სასამართლოს მმართველობის საზედამხედველო და საკანონმდებლო ორგანოა და მინიმუმ, წელიწადში ერთხელ იკრიბება. ასამბლეის ფარგლებში გამართულ პლენარულ სესიებსა და სხვადასხვა შეხვედრებში მონაწილეობდნენ სისხლის სამართლის საერთაშორისო სასამართლოსთვის საქართველოს კოალიციის წევრი ორგანიზაციები: საქართველოს ახალგაზრდა იურისტთა ასოციაცია, წამების მსხვერპლთა ფსიქო-სოციალური და სამედიცინო რეაბილიტაციის საქართველოს ცენტრი, საერთაშორისო სამართლიანობა და ადამიანის უფლებათა ცენტრი. სრულად...  წყარო: gyla.ge

თბილისი. 10 დეკემბერს, ადამიანის უფლებათა დაცვის საერთაშორისო დღეს, ევროკავშირის წარმომადგენლობამ საქართველოში და მისმა პარტნიორმა ორგანიზაციებმა გამართეს ღონისძიება თბილისი მოლში. „ღონისძიებაზე მოსულ სტუმრებს შესაძლებლობა ჰქონდათ სახალისო და საინტერესო აქტივობების საშუალებით მიეღოთ ინფორმაცია ადამიანის უფლებების შესახებ და გაცნობოდნენ ამ მიმართულებით ევროკავშირის მიერ საქართველოში განხორციელებულ პროექტებს“. ღონისძიების ფარგლებში, სამოქალაქო საზოგადოების ინსტიტუტმა დამსწრეებს კამპანიის „ეს ქვეყანა შენიას“ პროდუქტები წარუდგინა. კამპანია პროექტის „სამოქალაქო საზოგადოების განვითარების ინიციატივის“ ფარგლებში იმართება. პროექტი ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსიტუტთან (CSI), ტრენინგის და კონსულტაციის ცენტრთან (CTC), საქართველოს სტრატეგიული კვლევის და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტი დაფინანსებულია ევროკავშირის მიერ, თანადამფინანსებელია კონრად ადენაუერის ფონდი (KAS).

თბილისი. საქართველოს სახალხო დამცველმა, საქართველოს მთავრობამ, ევროკავშირმა, ევროსაბჭომ და გაერთიანებული ერების ორგანიზაციამ ადამიანის უფლებათა დაცვის საერთაშორისო დღე აღნიშნეს.  ღონისძიება სლოგანით „ახალგაზრდები ადამიანის უფლებათა დასაცავად“ მოიცავდა ოფიციალურ გამოსვლებს, ასევე საინფორმაციო აქტივობებს მოსახლეობისთვის ადამიანის უფლებებისა და თავისუფლებების გასაცნობად.  ევროკავშირისა და საქართველოს მთავრობის წარმომადგენლებმა კიდევ ერთხელ გამოთქვეს მხარდაჭერა საქართველოში ადამიანის უფლებათა დაცვის კუთხით განხორციელებული საქმიანობის, განსაკუთრებით კი ახალგაზრდული ინიციატივების მიმართ.  სრულად...  წყარო: https://eeas.europa.eu

თბილისი. 9 დეკემბერს, 156-ე საჯარო სკოლაში ბულინგისა და ბავშვთა მიმართ ძალადობის შესახებ მორიგი საინფორმაციო შეხვედრა ჩატარდა. „შეხვედრა, ამავე სკოლის მოსწავლეების მშობლებთან და მასწავლებლებთან გაიმართა, სადაც ფსიქოლოგები - მაია ცირამუა და ქეთი ფილაური აუდიტორიასთან განიხილავდნენ სასკოლო სივრცეში ბულინგის სხვადასხვა ფორმებს; შეხვედრაზე მასწავლებლებმა და მშობლებმა ფსიქოლოგებთან ერთად იმსჯელეს ბულინგის პრევენციის გზებზე და ბავშვთა მიმართ ძალადობის მათთვის ცნობილი კონკრეტული შემთხვევები განიხილეს“, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებათა დაცვის საერთაშორისო დღესთან დაკავშირებით, საქართველოს სახალხო დამცველი განცხადებას ავრცელებს.  „წინამდებარე განცხადებით, გვსურს, გასული წლების მსგავსად, შევახსენოთ ხელისუფლებას და საზოგადოებას ადამიანის უფლებათა დაცვის მნიშვნელობა. სწორედ, ადამიანის უფლებათა და თავისუფლებათა დაცვის კუთხით არსებული მდგომარეობა განაპირობებს ქვეყანაში თითოეული ადამიანის კეთილდღეობას. ადამიანი და მისი ღირსება უნდა იყოს მთავარი მამოძრავებელი ნებისმიერი ხელისუფლებისთვის. გადაწყვეტილების მიმღები პირები, თავიანთი უფლებამოსილებების შესრულების პროცესში, ადამიანის ძირითადი უფლებებითა და თავისუფლებებით უნდა იყვნენ შებოჭილნი“, - ნათქვამია განცხადებაში.  სრულად... წყარო: http://ombudsman.ge

თბილისი. ადამიანის უფლებების სწავლებისა და მონიტორინგის ცენტრი (EMC) მიმდინარე წელს ადამიანის უფლებათა მდგომარეობას აფასებს.  EMC მიიჩნევს, რომ პოლიტიკური, სოციალური და უფლებრივი თვალსაზრისით ეს იყო ქართული ოცნების მმართველობის პერიოდში ყველაზე რთული წელი, რომელმაც პოლიტიკურის კრიზისები და ჩვენს საზოგადოებაში არსებული სოციალური ფრუსტრაცია კიდევ უფრო გააღრმავა.  სრულად...  წყარო: https://emc.org.ge

თბილისი. საქართველოს ახალგაზრდა იურისტთა ასოციაცია (საია) 2019 წელს საქართველოში ადამიანის უფლებათა დაცვის მდგომარეობის შესახებ ანგარიშს აქვეყნებს. „საია-ს შეფასებით, წლის განმავლობაში აქტუალურ თემებს შორის იყო შეკრების და მანიფესტაციის უფლების უხეში დარღვევის ფაქტები, არაპროპორციული პოლიციური ძალის გამოყენების შემთხვევები, სასამართლოში ადმინისტრაციული სამართალდარღვევის საქმეების ფორმალური განხილვის პრაქტიკა, სისხლის სამართლის საქმეებზე მოსამართლის ფორმალური როლი ადამიანის უფლებების დაცვაზე სასამართლო კონტროლის განხორციელებისას, საოკუპაციო ხაზთან არსებული მძიმე ჰუმანიტარული კრიზისი, მედია გარემოს მიმართულებით შექმნილი საფრთხეები“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. ღია საზოგადოების ფონდი რამდენიმედღიან სამუშაო შეხვედრას მასპინძლობს, რომელიც შეზღუდული შესაძლებლობების მქონე პირთათვის მისაწვდომი და გამოყენებადი შენობებისა და საშუალებების საკითხს ეხება. „შეხვედრა მიზნად ისახავს საქართველოს მთავრობის შენობა-ნაგებობების უსაფრთხოების წესების 41-ე დადგენილების სრულყოფას, რომელიც გულისხმობს შენობების ინფრასტრუქტურულ მოწყობას შშმ პირების საჭიროებების“, ნათქვამია ორგანიზაციის ვებგვერდზე. სრულად... წყარო: osgf.ge

თბილისი. 2019 წლის 9 დეკემბერს უფლებადამცველების საერთაშორისო დღე საქართველოში მეორედ აღინიშნა. მისი აღნიშვნის მიზანი უფლებადამცველებისა და უფლებადაცვითი ორგანიზაციების საქმიანობის შესახებ ცნობადობის გაზრდა და მათი როლის აღიარებაა.  „საქართველოს, როგორც გაეროს ერთ-ერთ წევრ სახელმწიფოს აკისრია ვალდებულება, ადამიანის უფლებათა დამცველებს შეუქმნას საქმიანობისთვის შესაბამისი პირობები და დაიცვას ისინი ნებისმიერი სახის ზეგავლენისაგან“, - ნათქვამია სახალხო დამცველის მიერ გავრცელებულ განცხადებაში, - „ჩვენ ყურადღება გავამახვილეთ ბოლო წლების სამწუხარო ტენდენციებზე; განსაკუთრებით იმ ფაქტებზე, როდესაც მაღალი პოლიტიკური თანამდებობის პირები სიტყვიერად ესხმოდნენ თავს არასამთავრობო ორგანიზაციების წარმომადგენლებს და ახდენდნენ მათ დისკრედიტაციას. ასევე, არასამთავრობო ორგანიზაციებისა და ადამიანის უფლებადამცველების მიმართ სოციალურ ქსელებში მიმდინარე დეზინფორმაციულ კამპანიაზე, რომელსაც კარგად დაფინანსებული ორგანიზებული ხასიათი ქონდა“.  სრულად...  წყარო: http://ombudsman.ge

თბილისი. საქართველოში ადამიანის უფლებების მდგომარეობასთან დაკავშირებით, საქართველოს დემოკრატიულმა ინიციატივამ მიმოხილვა მოამზადა.  მიმოხილვა ასახავს, 2019 წლისთვის, ქვეყანაში ადამიანის უფლებათა დაცვის მდგომარეობას და გამოყოფს ამ მიმართულებით არსებულ ძირითად პრობლემებსა და გამოწვევებს. მათ გადაჭრას, ორგანიზაციის აზრით, ფუნდამენტური მნიშვნელობა ექნება, სამომავლოდ, ადამიანის უფლებათა პოლიტიკის განსაზღვრისთვის და უფლებათა დარღვევების წინააღმდეგ დაცვის მექანიზმების გასაძლიერებლად.  სრულად...  წყარო: www.gdi.ge

თბილისი. პარტნიორობა ადამიანის უფლებების (PHR) იურისტი ანა თავხელიძე მონაწილეობდა ახალგაზრდობის განვითარების ცენტრი - XXI-ის პროექტის „პერსონალური ინფორმაციის დაცვა, როგორც სექსუალური და რეპროდუქციული უფლება“ შემაჯამებელ ღონისძიებაში. „შეხვედრის დამსწრეებს PHR-ის წარმომადგენელი ბავშვთა უფლებების ჭრილში პერსონალური მონაცემების დაცვაზე ესაუბრა. ანამ ყურადღება გაამახვილა არსებულ საკანონმდებლო ხარვეზებსა და გამოწვევებზე, საგანმანათლებლო დაწესებულებების მიერ ბავშვების პერსონალური მონაცემების გასაჯაროების შემთხვევებსა და სახელმწიფოს მხრიდან არაეფექტურ რეაგირებაზე“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 30 სექტემბერს, ბათუმის საქალაქო სასამართლომ ბათუმში ახალი მეჩეთის მშენებლობის საქმეზე ისტორიული გადაწყვეტილება მიიღო და ახალი მეჩეთის მშენებლობაზე ბათუმის მერიის უარი დისკრიმინაციულად და უკანონოდ მიიჩნია.  „სამწუხაროდ, ბათუმის მუნიციპალიტეტის მერიამ აღნიშნული სასამართლო გადაწყვეტილება სააპელაციო წესით გაასაჩივრა და ამ გზით კვლავ უხეშად უგულებელყო ადგილობრივი მუსლიმი თემის ისტორიული მოთხოვნა, საჭიროება და უფლება ბათუმში ახალი მეჩეთის მშენებლობასთან დაკავშირებით. ბათუმის მერიის მხრიდან გადაწყვეტილების გასაჩივრება აჩვენებს, რომ ადგილობრივი ხელისუფლება არათუ არ გამოხატავს ნებას, აღასრულოს სასამართლოს სამართლიანი გადაწყვეტილება და უზრუნველყოს დისკრიმინაციული მოპყრობით დარღვეული უფლების დროული და ეფექტიანი აღდგენა, არამედ დავის მექანიზმების გამოყენებით ხელოვნურად ცდილობს პროცესის გაჭიანურებას და შეფერხებას“, ნათქვამია ორგანიზაციის ვებგვერდზე.  სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება აჭარის საზოგადოებრივ მაუწყებელში მიმდინარე მოვლენებს და ტელევიზიის დირექტორს დამოუკიდებელი სარედაქციო პოლიტიკის შენარჩუნებისა და ჟურნალისტების უფლებების და თავისუფლების განუხრელი დაცვისკენ მოუწოდებს. „ახალი დირექტორის დანიშვნის შემდგომ ტელევიზიაში მიმდინარე მოვლენები და ჟურნალისტების განცხადებები საგანგაშოა და ის პოლიტიკური და სამოქალაქო აქტორების საგანგებო ყურადღებას საჭიროებს. დაუშვებელია საზოგადოებრივი მაუწყებლის დამოუკიდებლობაში ინტერვენციის და ამ მიზნით ჟურნალისტების საქმიანობის თავისუფლების შეზღუდვის ნებისმიერი მცდელობა. EMC სოლიდარობას უცხადებს აჭარის ტელევიზიის ჟურნალისტებს და მზად არის მათ სამართლებრივი მხარდაჭერა აღმოუჩინოს საკუთარი შრომითი უფლებების და დამოუკიდებლობისთვის კოლექტიური ბრძოლის პროცესში“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. 4 დეკემბერს გაიმართა დასკვნითი ღონისძიება PHR და EMC-ის ერთობლივი პროექტისა „თანასწორი გარემოს ხელშეწყობა ანტიდისკრიმინაციული მექანიზმების გამოყენებით“. „დასკვნითი ღონისძიების ფარგლებში ორგანიზაციებმა დამსწრე აუდიტორიას გააცნეს პროექტის მიზნები, შედეგები, პროექტის ფარგლებში შემუშავებული ანგარიშები და პოლიტიკის დოკუმენტები. ღონისძიებას ესწრებოდნენ შშმ პირთა სათემო ორგანიზაციების წარმომადგენლები, საქართველოს გაერთიანებული პროფკავშირების წარმომადგენლები, აქტივისტები და სხვა დაინტერესებული პირები“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) ორგანიზებით, 156-ე საჯარო სკოლაში მოსამართლესა და მოსწავლეებს შორის მორიგი შეხვედრა გაიმართა. ამჯერად, ბავშვებს თბილისის სააპელაციო სასამართლოს მოსამართლე ქეთი მესხიშვილი შეხვდა. „მოსწავლეების მაღალი ინტერესის გამო, შეხვედრა დაგეგმილზე ხანგრძლივი აღმოჩნდა. ბავშვები მოსამართლისგან დიდი ინტერესით ისმენდნენ პასუხებს თავიანთ დასმულ შეკითხვებზე, რომელიც შეეხებოდა მოსამართლის როგორც პროფესიულ, ისე პირად გამოცდილებას, პიროვნულ პრინციპებსა და ღირებულებებს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) ბოლო დღეებში, თბილისსა და რეგიონებში ქართული ოცნების მხარდამჭერების მიერ პროპორციული საარჩევნო სისტემის მოთხოვნით მიმდინარე აქციების საწინააღმდეგოდ ორგანიზებულ კონტრდემონსტრაციებს და მასთან დაკავშირებულ ძალადობრივ ინციდენტებს ეხმიანება. „ორგანიზაცია შინაგან საქმეთა სამინისტროს მოუწოდებს, მიიღოს ეფექტიანი ზომები ძალადობის პრევენციისა და მშვიდობიანი შეკრების მონაწილეების შეკრებისა და გამოხატვის თავისუფლების უზრუნველსაყოფად, აგრეთვე მათი უსაფრთხოების დაცვის მიზნით”, ნათქვამია ორგანიზაციის ვებგვერდზე. სრულად... წყარო: emc.org.ge

აჭარა. 5 დეკემბერს საქართველოს სახალხო დამცველი ნინო ლომჯარია აჭარის საზოგადოებრივი მაუწყებლის საინფორმაციო სამსახურის ჟურნალისტების იმ ნაწილს შეხვდა, რომელთაც კრიტიკული დამოკიდებულება აქვთ მაუწყებლის ხელმძღვანელობის მიმართ. „შეხვედრაზე ჟურნალისტებმა სახალხო დამცველს გარკვეული ფაქტები გააცნეს, რომელთა თანახმად, მიაჩნიათ რომ საფრთხის ქვეშ დგება კრიტიკული მაუწყებლობა და სარედაქციო დამოუკიდებლობა. სახალხო დამცველმა განაცხადა, რომ იგი სრულად უჭერს მხარს ჟურნალისტთა საქმიანობასა და სარედაქციო დამოუკიდებლობაში ჩაურევლობის პოლიტიკას და ყურადღებით დააკვირდება ტელევიზიაში მიმდინარე მოვლენებს“, ნათქვამია ომბუდსმენის ვებგვერდზე. სრულად... წყარო: ombudsman.ge

თბილისი. USAID-PROLoG - Promoting Rule of Law in Georgia Activity აქვეყნებს სტატიების კრებულს: „ადამიანის უფლებათა დაცვა და სახელმწიფოს ვალდებულებები“. იხილეთ კრებული... წყარო: ორგანიზაციის გვერდი სოციალურ ქსელში