თბილისი. გაეროს განვითარების პროგრამამ გაეროს ქალთა ორგანიზაციასთან და ჩეხეთის საელჩოსთან თანამშრომლობით წარადგინა კვლევა: „ოჯახში ძალადობის შემსწრეთა ქცევა“. „ოჯახში ძალადობის შემსწრეების უმეტესობა თავს იკავებს ჩარევისგან, ან უბრალოდ არ იცის, რა სახის დახმარება შეუძლია გაუწიოს ძალადობის მსხვერპლებს. ასეთია კვლევის შედეგები, რომლებიც UNDP-მ გენდერული ძალადობის წინააღმდეგ 16-დღიანი კამპანიის ფარგლებში წარადგინა“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. ამ წუთებში, ბორჯომში „კონსტიტუციის 42-ე მუხლი“ UNHCR-ს მხარდაჭერით და World Vision საქართველოსთან პარტნიორობით მართავს სამუშაო შეხვედრას: „უფლებების ხელმისაწვდომობის უზრუნველყოფა მოქალაქეობის არმქონე პირების, თავშესაფრის მაძიებლების, ლტოლვილების და ჰუმანიტარული სტატუსის მქონე პირებისათვის.“ სრულად... წყარო: ორგანიზაციის გვერდი სოციალურ ქსელში

შიდა ქართლი. 4 დეკემბერს „კეთილდღეობის და განვითარების ცენტრს“ შეზღუდული შესაძლებლობების მქონე პირთა საერთაშორისო დღისადმი მიძღვნილი კამპანიის ფარგლებში ესტუმრა სახალხო დამცველის აპარატის გორის წარმომადგენელი, ანა ჯანიაშვილი. „ანამ შშმ ახალგაზრდებს ძალიან მარტივი ენით გააცნო საკუთარი უფლებები და რაოდენ გასაკვირიც არ უნდა იყოს ახალგაზრდებისგანაც წამოვიდა უკუკავშირი და ბავშვებმა გულახდილ საუბრებში რამდენიმე ისტორია გააჟღერეს ხმამაღლა, რომელიც საზოგადოებაში მათ ბულინგს ეხებოდა“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. აუტიზმის მქონე 9 წლის ნაცემი ბავშვის საქმეზე, რომელიც პროკურატურამ და სასამართლომ დაზარალებულად არ მიიჩნია, ორგანიზაციამ „პარტნიორობა ადამიანის უფლებებისთვის“ გაეროს ბავშვის უფლებათა კომიტეტს მიმართა. „შეგახსენებთ, რომ 2019 წლის სექტემბერში PHR-ი წერდა პროკურატურისა და სასამართლოს მიერ შეზღუდული შესაძლებლობის მქონე ბავშვის მიმართ დაზარალებულის სტატუსის მინიჭებაზე უარის თქმის შესახებ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს მარიამ ჯანიაშვილი ბლოგპოსტს: სათანადო საცხოვრებელი - შშმ პირთა საზოგადოებაში ინკლუზიის უპირობო საფუძველი. „შშმ პირთა საერთაშორისო დღე სიმბოლურად კიდევ ერთხელ ახსენებს მსოფლიოს ამ ჯგუფის წარმომადგენელთა უფლებების იმ მძიმე დარღვევებისა და მასობრივი გარიყვის შესახებ, რასაც ისინი მუდმივ რეჟიმში დღემდე განიცდიან. შშმ პირთა სათანადო საცხოვრებლის უფლების შინაარსის ანალიზისას ნათელი ხდება, რომ სახელმწიფო პოლიტიკა არ უნდა იყოს მიმართული მხოლოდ სიღარიბეში მცხოვრები შშმ პირებისაკენ - გათვალისწინებული უნდა იყოს ის სოციალურ-ეკონომიკური ფაქტორები, რომელიც ნებისმიერ შშმ პირს საზოგადოების დანარჩენ წევრებთან შედარებით არათანაბარ მდგომარეობაში აყენებს“, ნათქვამია ორგანიზაციის ვებგვერდზე. სრულად... წყარო: emc.org.ge

იმერეთი. 2 დეკემბერს, ქუთაისის დემოკრატიული ჩართულობის ცენტრში EWMI ACCESS-ის კამპანიის - „შენ გაქვს უფლება, იცოდე“ – ფარგლებში შეხვედრა გაიმართა. „შეხვედრის მიზანი იყო, ACCESS-ის საქმიანობის გაცნობა 2019 წლის განმავლობაში და მომავალი წლების (2020–2021) პრიორიტეტების, მათ შორის, საგრანტო და ორგანიზაციული განვითარების პროგრამების შესახებ არასამთავრობო ორგანიზაციებისთვის ინფორმაციის გაზიარება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ორგანიზაციის იურისტის, ნუცა ქაშაკაშვილის ვლოგს თემაზე: რას ნიშნავს გონივრული მისადაგება შრომით ურთიერთობებში შშმ პირთა მიმართ. „საქართველოს კანონმდებლობა გონივრული მისადაგების ვალდებულების უარყოფას დისკრიმინაციის ფორმად არ მიიჩნევს, რაც მნიშვნელოვნად აფერხებს თანასწორობის პოლიტიკას შეზღუდული შესაძლებლობების მქონე პირებთან მიმართებით". სრულად... წყარო: emc.org.ge

თბილისი. 3 დეკემბერი შეზღუდული შესაძლებლობების მქონე პირთა საერთაშორისო დღეა. მაკლეინის ასოციაცია ბავშვებისთვის აქვეყნებს პოსტერს: „დაინახე პიროვნება და არა შესაძლებლობა“. წყარო: ორგანიზაციის ვებგვერდი სოციალურ ქსელში

კახეთი. 3 დეკემბერს შეზღუდული შესაძლებლობების მქონე პირთა უფლებების დაცვის საერთაშორისო დღეა. ორგანიზაცია ქედელი ამ დღეს უძღვნის სხვადასხვა აქტივობებს, ესტუმრეთ მათი ნამუშევრების გამოფენა–გაყიდვას, ლექციას, კონცერტს და ფილმს. სრულად...  თუ ჯერ კიდევ არ იცით ქედელის შესახებ უყურეთ ვიდეოს.... 

თბილისი. ადამიანის უფლებების სწავლებისა და მონიტორინგის ცენტრი (EMC) ანა დიაკონიძის ბლოგ პოსტს: რატომ არ არის „ევროპაში დასაქმების“ პოლიტიკა გამოსავალი. „ცირკულარული მიგრაციის მთავარი არსი ის გახლავთ, რომ მიგრანტი გარკვეული პერიოდულობით მიდის საზღვარგარეთ სამუშაოდ და შემდეგ აუცილებლად ბრუნდება უკან. მსგავსი ტიპის მიგრაციამ, როგორც ამბობენ, სამმხრივი სარგებელი უნდა მოიტანოს: არგოს როგორც გამგზავნ, ისე მიმღებ ქვეყანას და თავად მიგრანტს. ასევე მნიშვნელოვანი დაშვებაა ის, რომ მსგავსი სახით დასაქმების დროს მიგრანტი უცხო ქვეყანაში ახალ უნარებს და კომპეტენციას იძენს, რაც უკან დაბრუნების შემდეგ მას შესაძლებლობას აძლევს უფრო კარგი და მაღალშემოსავლიანი სამუშაო იპოვოს. თუმცა, რაც უკვე არსებული გამოცდილებით ვიცით, ქართველი ცირკულარული მიგრანტები უკან ზუსტად იმავე რეალობას უბრუნდებიან, რომელსაც თავი დააღწიეს: ან საერთოდ ვერ ახერხებენ დასაქმებას ან ისევ იმ სამუშაოს ასრულებენ, რასაც მანამდე“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ორგანიზაციამ „პარტნიორობა ადამიანის უფლებებისთვის“ (PHR) ბულინგისა და ბავშვთა მიმართ ძალადობის შესახებ მოსწავლეებთან მორიგი საინფორმაციო შეხვედრა ჩაატარა. „ამჯერად 156-ე საჯარო სკოლის მოსწავლეებთან ერთად განიხილებოდა სასკოლო სივრცეში ბულინგის სხვადასხვა ფორმები; ასევე, ბულინგისა და ბავშვთა მიმართ ძალადობის მათთვის ცნობილი შემთხვევები; შეხვედრის ფარგლებში დაგეგმილი პრაქტიკული დავალებების საშუალებით მოსწავლეებმა ბულინგთან დაკავშირებული მნიშვნელოვანი საკითხები გამოკვეთეს; მოსწავლეებმა გაიხსენეს მათთვის ნაცნობი ისტორიები, ისაუბრეს აღნიშნული მიმართულებით სკოლების გამოწვევებზე და პრობლემების აღმოსაფხვრელად თავიანთი ხედვა გაგვიზიარეს”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

სამეგრელო. 28 ნოემბერს ასოციაცია „ათინათის“ ახალგაზრდული ცენტრის წევრებს გერმანელი მოხალისე შეხვდა. „შეხვედრის განმავლობაში ახალგაზრდებმა ისაუბრეს ძალადობისა და ჩაგვრის გზებსა და მათი პრევენციის შესახებ. სიმულაციურად გაითამაშეს პრობლემური სიტუაციები, სადაც მოირგეს მოძალადისა და მსხვერპლის როლები და იპოვეს პრობლემების გადაჭრის ალტერნატიული გზები“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველმა, აქცია „გააღვიძე ოლიგარქის“ მონაწილეების საქმის თაობაზე, სასამართლოს მეგობრის მოსაზრება გაავრცელა.  „საყურადღებოა ოზურგეთის რაიონული სასამართლოს 5 სექტემბრის დადგენილება, რომლითაც ივლის-აგვისტოში შპს „ურეკი რეზიდენსის“ მიმდებარე ტერიტორიაზე აქცია „გააღვიძე ოლიგარქის“ ცხრა მონაწილე ხმაურის დასაშვები ნორმების გადამეტების გამო, სამართალდამრღვევად ცნეს. სასამართლოს განმარტებით, ვინაიდან, შეკრების მონაწილეთა მიზანს ხმაური წარმოადგენდა, მათი ქმედება „შეკრებებისა და მანიფესტაციების შესახებ“ საქართველოს კანონის ჩარჩოში არ ექცევა”, - აღნიშნულია დოკუმენტში, - „საქართველოს სახალხო დამცველი მიიჩნევს, რომ გადაწყვეტილება გამოხატვის თავისუფლების შინაარსობრივი შეზღუდვის საშიშ პრეცედენტს წარმოადგენს და 2019 წლის 25 ოქტომბერს სასამართლოს მეგობრის (Amicus Curiae) მოსაზრებით მიმართა ქუთაისის სააპელაციო სასამართლოს“.  სრულად...  წყარო: ombudsman.ge

შიდა ქართლი. 27 ნოემბერს გორის სამოქალაქო აქტივიზმის ცენტრი, გაეროს 16-დღიან კამპანიას, გენდერული ძალადობის წინააღმდეგ შეუერთდა. „კამპანიის ფარგლებში, ცენტრის მოხალისეები, თეატრის ბაღში შეიკრიბნენ და ერთხმად დაგმეს ძალადობა შემოდგომის ცივ ამინდში, ახალგაზრდები ქალაქის ცენტრალურ ქუჩებში გადანაწილდნენ და „ქუჩის განმანათლებლების” სტატუსით მოსახლეობის ინფორმირებაზე იზრუნეს. გარდა ამისა, სიმბოლურად ყავა და ჩაით, ტკბილეულობით, სტიკერებითა და ბევრი პოზიტივით გაუმასპინძლდნენ“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) 26 ნოემბრის მოვლენების შეფასების დოკუმენტს აქვეყნებს.  დოკუმენტში წარმოდგენილია პირველადი შეფასება, რამდენად კანონიერი და პროპორციული იყო სახელმწიფოს მხრიდან გამოყენებული საპოლიციო ძალა.  სრულად...  წყარო: emc.org.ge

თბილისი. „დაკარგული თვალის მიღმა“ - ასე ეწოდება საია-ს მიერ მომზადებულ ანგარიშს, რომელიც 20-21 ივნისის მოვლენებს ეხება. მისი პრეზენტაცია დღეს, 27 ნოემბერს გაიმართა.  ანგარიშში შეფასებულია: 2019 წლის 20-21 ივნისს აქციის დაშლის შესახებ მიღებული გადაწყვეტილების ლეგიტიმურობა და პროპორციულობა; არასათანადო მოპყრობის ფაქტები; ჟურნალისტთა წინააღმდეგ ძალის გადამეტებისა და ჟურნალისტური საქმიანობის განხორციელებაში ჩარევის შემთხვევები. ანგარიშში ასევე შეფასებულია 20-21 ივნისის მოვლენებთან დაკავშირებით ადმინისტრაციული წესით დაკავებისა და სასამართლოებში სამართალდარღვევათა საქმეების განხილვის პრაქტიკა.  სრულად...  წყარო: gyla.ge

თბილისი. საქართველოში ადამიანის უფლებებზე მომუშავე ადგილობრვი და საერთაშორისო ორგანიზაციები ევროპის საბჭოს ადამიანის უფლებათა კომისარს და საპარლამენტო ასამბლეას, ასევე წითელი ჯვრის საერთაშორისო კომიტეტს მიმართავენ. მიმართვა სამხრეთ ოსეთის ოკუპირებულ ტერიტორიაზე შექმნილ ჰუმანიტარულ კრიზისს, მათ შორის, ექიმ ვაჟა გაფრინდაშვილის უკანონო და თვითნებურ დაკავებას ეხება.  ორგანიზაციების ერთობლივ მიმართვაში აღნიშნულია, რომ კონფლიქტის პოლიტიკური და სამართლებრივი რეგულირების რესურსის არარსებობა, ხანგრძლივი პერიოდის განმავლობაში, მძიმედ აისახება უშუალოდ კონფლიქტის და მიმდებარე ტერიტორიაზე მცხოვრები ადამიანების უფლებების მდგომარეობაზე. სიტუაციის სიმძიმეს ხელს უწყობს ადამიანის უფლებათა საერთაშორისო მონიტორინგის მექანიზმების არარსებობა და სისუსტე ოკუპირებულ რეგიონებში. სრულად...  წყარო: www.gdi.ge

თბილისი. ევროპის საბჭოს ადგილობრივ და რეგიონულ ხელისუფალთა კონგრესისა და საქართველოს ადგილობრივ თვითმმართველობათა ეროვნული ასოციაციის (NALAG) ორგანიზებით სემინარი - „ადამიანის უფლებების დაცვის გაძლიერება ადგილობრივ დონეზე“ გაიმართა. „სემინარი, რომელსაც მოდერატორობას ადგილობრივი ექსპერტები - თამარ თომაშვილი და კოკა კიღურაძე უწევდნენ, ადგილობრივ დონეზე ადამიანის უფლებების სფეროში საქართველოს მიერ ნაკისრი ვალდებულებების და შესაბამისი საერთაშორისო სტანდარტების შესრულების ირგვლივ მსჯელობას, მათ შორის, გენდერული თანასწორობის, დისკრიმინაციის, უმცირესობების და მოწყვლადი ჯგუფების უფლებების დაცვასა და სხვა საკითხების განხილვას დაეთმო. მოგვიანებით კი, სემინარი სამუშაო რეჟიმში გაგრძელდა, სადაც ჯგუფებმა ადგილობრივ დონეზე გენდერული თანასწორობის მიმართულებით საკუთარი ხედვები წარმოადგინეს“, ნათქვამია ორგანიზაციის გვერდზე სოციალურ ქსელში. სრულად... წყარო: nala.ge

თბილისი. პარტნიორობა ადამიანის უფლებებისთვის (PHR) ორგანიზებით, 25 ნოემბერს, თბილისის 150-ე საჯარო სკოლის მოსწავლეებს, გასაცნობად და ბავშვთა უფლებებზე სასაუბროდ თბილისის საქალაქო სასამართლოს მოსამართლე, ირაკლი კოპალიანი ეწვია. „არაფორმალურ გარემოში, მოსამართლე პასუხობდა ბავშვების დასმულ შეკითხვებს, რომელიც ეხებოდა სხვადასხვა საინტერესო თემებს, მათ შორის, მოსამართლის როლს ბავშვთა და ადამიანის უფლებების დაცვის პროცესში, მოსამართლედ გახდომის პროცედურებს, სირთულეებს, რომელიც მხარეებს შორის დავების გადაწყვეტას თან ახლავს. შეხვედრის ბოლოს ბავშვები და მოსამართლე შეთანხმდნენ, რომ მომავალი შეხვედრა სასამართლოში გაიმართება, სადაც მოსამართლე უმასპინძლებს ბავშვებს, გააცნობს სასამართლოს და ადგილზე აჩვენებს საქმეთა განხილვის პროცესს, შემდეგ კი მათ შეკითხვებს უპასუხებს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

20-დან 22 ნოემბრის ჩათვლით გორში, თელავსა და ქუთაისში, სამოქალაქო ორგანიზაციებმა გამართეს ბავშვთა მიმართ ძალადობის შემცირებისკენ მიმართული კამპანია - „თქვენთვის შეტყობინებაა“, რომლის მიზანი იყო მოქალაქეების ინფორმირება ბავშვთა მიმართ ძალადობის ფორმებზე. „კამპანიის ფარგლებში მოეწყო თეატრალიზებული მონოლოგები და დისკუსიები; გაიმართა თემატური პერფორმანსები და გამოფენები. კამპანიის დასასრულს, სამოქალაქო ორგანიზაციებმა და მოქალაქეებმა ხელი მოაწერეს პეტიციას და მოუწოდეს სახელმწიფოს, რომ ბავშვთა კეთილდღეობისა და ჰარმონიული განვითარების მიზნით ნაკისრი ვალდებულებები შეასრულოს და ქმედითი ნაბიჯები გადადგას“, ნათქვამი CIDA-ს გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 23-24 ნოემბერს, ადამიანის უფლებების სწავლებისა და მონიტორინგმა (EMC) ახალი ინიციატივის ფარგლებში, დააფუძნა სოლიდარობის პლატფორმა, რომელიც აერთიანებს ქვემო ქართლიდან, პანკისიდან, აჭარიდან, სამცხე-ჯავახეთიდან და თბილისიდან ადგილობრივ აქტივისტებს. „სოლიდარობის პლატფორმის მიზანია რელიგიური და ეთნიკური უმცირესობებით დასახლებულ რეგიონებში მოღვაწე აქტივისტების ერთმანეთთან დაკავშირება და საჯარო ცხოვრებაში მათი გავლენების და მონაწილეობის გაძლიერების წახალისება. პლატფორმის პირველი შეხვედრის ზოგადი თემა ეხებოდა ნაციონალიზმის ისტორიას და პოლიტიკას, რომლის ფარგლებშიც თემატურად ლექციები წაიკითხეს მკვლევარებმა და ისტორიკოსებმა: გიორგი მაისურაძე, დავით ჯიშკარიანი, თამთა ხალვაში. სამოქალაქო ნაციონალიზმის მშენებლობის თემაზე პლატფორმის ბოლოს გაიმართა დისკუსია გიგა ბოკერიას და პაატა ზაქარეიშვილის მონაწილეობით“, ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაციის განცხადებით, გენერალურმა პროკურატურამ მაკო გომურს სისხლის სამართლის საქმის მასალები სრულად არ გააცნო. „20-21 ივნისის მოვლენების დროს დაზარალებულ მაკო გომურს გენერალურმა პროკურატურამ შესაბამისი სტატუსი 2019 წლის 11 ნოემბერს მიანიჭა. აღნიშნულის შემდგომ, საიას ადვოკატებმა, რომლებიც მაკო გომურის ინტერესებს იცავენ, მოითხოვეს სისხლის სამართლის საქმის მასალების გაცნობა. 21 ნოემბერს, პროკურატურამ ადვოკატებს და დაზარალებულს სისხლის სამართლის საქმეში არსებული მასალები არასრულად გააცნეს, რითაც დაზარალებულს წაერთვა შესაძლებლობა, შეემოწმებინა და განესაზღვრა საქმეში არსებული დოკუმენტები იყო თუ არა მის შემთხვევასთან შემხებლობაში“, - ვკითხულობთ საიას განცხადებაში, - „მოვუწოდებთ საქართველოს გენერალურ პროკურატურას: მისცეს მაკო გომურს და მის ადვოკატებს საშუალება, გაეცნონ სისხლის სამართლის საქმის მასალებს სრულად; განახორციელოს მასზე დაკისრებული მოვალეობა და ჩაატაროს სრულყოფილი და ყოველმხრივი გამოძიება, მითუმეტეს იმის გათვალისწინებით, რომ მაკო გომურისთვის მიყენებული დაზიანებიდან უკვე 5 თვეზე მეტი გავიდა“. სრულად...  წყარო: https://gyla.ge