თბილისი. საერთაშორისო გამჭვირვალობა-საქართველო აქვეყნებს ახალი მონიტორინგის შედეგებს: „შავ სიაში შეყვანილი 4 კომპანიის მფლობელი ტენდერებს მეხუთე ახალი კომპანიით იგებს“. პუბლიკაციაში ყურადღება გამახვილებულია ბიზნესმენ ალექსანდრე ბარათაშვილსა და მის კომპანიებზე. „ბიზნესმენმა ალექსანდრე ბარათაშვილმა სახელმწიფო შესყიდვების შავი სიას 4-ჯერ ზედიზედ უპრობლემოდ დააღწია თავი.  მას შემდეგ, რაც მისი 4 კომპანია ერთი მეორის მიყოლებით შავ სიაში მოხვდა, მან მეხუთე კომპანია დააარსა და რამდენიმე კვირაში სახელმწიფო შესყიდვებიდან ნახევარი მილიონი ლარის 7 კონტრაქტი მიიღო.  მის ყველა კომპანიას შესყიდვებიდან 4.5 მლნ ლარი აქვს მიღებული.“ - ნათქვამია განცხადებაში სრულად... წყარო: საერთაშორისო გამჭვირვალობა-საქართველო

თბილისი. 20 დეკემბერს, არასამთავრობო ორგანიზაცია „სამართლისა და საჯარო პოლიტიკის ცენტრი“, ღია საზოგადოების ფონდის მხარდაჭერით, მართავს კვლევის პრეზენტაციას – „შრომის ინსპექციის სამსახურის გამჭვირვალობის შეფასება.“  კვლევა აანალიზებს, თუ რა ინფორმაციას ამუშავებს/არ ამუშავების შრომის შრომის ინსპექციის სამსახური, რამდენად არის გამოქვეყნებული ინფორმაცია მომხმარებელზე ორიენტირებული და რამდენად სრულყოფილია გაცემული საჯარო ინფორმაცია.  ღონისძიება გაიმართება ღია საზოგადოების ფონდის ოფისში.  სრულად... წყარო: ღია საზოგადოების ფონდი

თბილისი. ინფორმაციის თავისუფლების განვითარების ინსტიტუტი (IDFI) მონიტორინგის ახალ შედეგებს ავრცელებს. წინამდებარე კვლევის ფარგლებში შესწავლილია 2021-2023 წლებში მუნიციპალიტეტების თანამდებობის პირების მიერ შევსებული დეკლარაციები, სადაც დეკლარირებულია თანამდებობის პირებისა და მათი ოჯახის წევრების მიერ 2020-2022 წლებში მიღებული საჩუქრების შესახებ ინფორმაცია.  IDFI მოუწოდებს ანტიკორუფციულ ბიუროს და შესაბამის საგამოძიებო ორგანოებს, შეისწავლონ ქონებრივი დეკლარაციების მონიტორინგის ფარგლებში გამოვლენილი საეჭვო შემთხვევები და გაატარონ კანონით გათვალისწინებული ღონისძიებები.  სრულად... წყარო: ინფორმაციის თავისუფლების განვითარების ინსტიტუტი

თბილისი. ინფორმაციის თავისუფლების განვითარების ინსტიტუტი აქვეყნებს ევროკავშირის გაფართოების პოლიტიკის თაობაზე 12 დეკემბერს მიღებული შეფასების მიმოხილვას.  „ 2023 წლის 14-15 დეკემბერს, ევროპული საბჭოს მიერ გადაწყვეტილების მიღების წინ, ევროკავშირის საბჭო აფასებს გაფართოების პაკეტში არსებული ქვეყნების პროგრესს, პერსპექტივებს, მათ შორის, მხედველობაში იღებს ევროკომისიის 2023 წლის 8 ნოემბრის ანგარიშს. ევროკავშირის საბჭოს განსახილველი დასკვნა გამოქვეყნდა საქართველოსთვის კანდიდატის სტატუსის მინიჭების საკითხის გადაწყვეტამდე სამი დღით ადრე და ამ თვალსაზრისით, იგი განსაკუთრებული მნიშვნელობის მქონეა. დასკვნაში ევროკავშირის საბჭო (შემდგომში, საბჭო) მიუთითებს, რომ იმ ღირებულებების პატივისცემა, რომელთა საფუძველზეც დაფუძნდა ევროკავშირი და ევროკავშირის წევრობისთვის მოთხოვნილი ვალდებულებების შესრულება, აუცილებელია ყველა პარტნიორი სახელმწიფოსთვის, რომლებიც გამოხატავენ გაწევრიანებისკენ მისწრაფებას. რაც შეეხება საქართველოსთან მიმართებით გაკეთებულ კონკრეტულ მოწოდებებს, საბჭო მხედველობაში იღებს ევროკომისიის 2023 წლის 08 ნოემბრის ანგარიშს და მოუწოდებს საქართველოს, წარმოაჩინოს ცხადი ერთგულება ევროკავშირის ღირებულებებისადმი, გააგრძელოს წინსვლა რეფორმების თვალსაზრისით და ინკლუზიურად, არსებითად და შეუქცევადად შეასრულოს ევროკომისიის დათქმები“.  სრულად... წყარო: ინფორმაციის თავისუფლების განვითარების ინსტიტუტი

თბილისი. სოციალური სამართლიანობის ცენტრი 2023 წელს უფლებრივ მდგომარეობას აფასებს და ანგარიშს აქვეყნებს.  „2023 წელი ქვეყნისთვის მნიშვნელოვანი აღმოჩნდა ევროინტეგრაციის მიმართულებით. წლის ბოლოს ევროკომისიის მიერ ქვეყნისთვის ევროკავშირის კანდიდატის სტატუსის მინიჭებაზე რეკომენდაცია ცალსახად პოზიტიურ შეფასებას იმსახურებს, თუმცა ამ გადაწყვეტილების მიღმა, ნიშანდობლივია დემოკრატიული სივრცეების და უფლებრივი სტანდარტების მნიშვნელოვნად გაუარესება. გაზრდილი წნეხი სამოქალაქო ორგანიზაციებსა თუ მედიაზე არსებითად ართულებს მათ თავისუფალ, შეუზღუდავ მუშაობას“. სრულად... წყარო: სოციალური სამართლიანობის ცენტრი

თბილისი. ქვეყანაში რუსულ-უკრაინულენოვანი იმიგრანტებისთვის არსებულ საგანმანათლებლო შესაძლებლობებსა და სექტორში არსებულ გამოწვევებს ეხმაურება კვლევა, რომელიც სამოქალაქო ინტეგრაციისა და ეროვნებათშორისი ურთიერთობების ცენტრმა 2023 წელს, საქართველოს ღია საზოგადოების ფონდის მხარდაჭერით ჩაატარა.  „იკვეთება ახალდაარსებული კერძო სკოლების კლასტერი, რომელიც იმიგრირებულ რუსულენოვან მოსწავლეებს აერთიანებს და მათ რუსეთის ფედერაციის სასწავლო გეგმისა და მოთხოვნების შესაბამის სწავლებას სთავაზობს.  გამოვლინდა 16-მდე არაავტორიზებული სკოლა ან საგანმანათლებლო ცენტრი, რომელთა შორის 12, რუსეთში არსებულ სერტიფიცირებულ სკოლასთან პარტნიორობის საშუალებით, მოსწავლეებს რუსული საატესტატო გამოცდების ჩაბარებას სთავაზობს. ეს ჩამონათვალი არასრულია, რადგან ეყრდნობა მხოლოდ მკვლევართა მიერ შესწავლილ ალტერნატიულ საინფორმაციო წყაროებს და არა ოფიციალურ მონაცემებს.  საქართველოში არსებობს ისეთი არაავტორიზებული სკოლები, რომელთა შესახებ მონაცემები განათლებისა და მეცნიერების სამინისტროსათვის ოფიციალურად ხელმისაწვდომი არ არის.  2022 წელს საქართველოში იმიგრანტთა ტალღის ყველაზე დიდი წილი მოდიოდა რუსეთის, უკრაინისა და ბელარუსის მოქალაქეებზე. 6-დან 18 წლის ასაკამდე რუსეთის, უკრაინისა და ბელორუსის მოქალაქეობის მქონე 4000-ზე მეტი პირი არ არის საქართველოს განათლების სისტემის ფარგლებში მოქცეული“.  სრულად...  წყარო: ღია საზოგადოების ფონდი

თბილისი. სამართლიანი არჩევნები აქვეყნებს სოციალურ ქსელში 15–29 ნოემბერს გავრცელებულ პროპაგანდისტული გზავნილების მიმოხილვას. მიმოხილვაში აღწერილია ის გზანვილები, რომლებიც ეხმიანება პოლიტიკურ საკითხებს და სოციალურ ქსელში ვირუსულად ცირკულირებს. სრულად... წყარო: სამართლიანი არჩევნების გვერდი სოციალურ ქსელში

თბილისი. საერთაშორისო გამჭვირვალობა-საქართველომ, 1 დეკემბერს, შავი ზღვის საერთაშორისო უნივერსიტეტში (IBSU) ჩაატარა ტრენინგი თემაზე - „როგორ ვიპოვოთ ინფორმაციის დიდ ზღვაში კორუფციის კენჭები?“.  ტრენინგს ჟურნალისტიკის ფაკულტეტის „საგამოძიებო ჟურნალისტიკის“ საგნის სტუდენტები დაესწრნენ. სტუდენტები გაეცნენ ღია მონაცემებთან მუშაობის სპეციფიკას, შესაძლო კორუფციული გარიგებების, ძალაუფლების ბოროტად გამოყენებისა და ბიუჯეტის დაუსაბუთებლად ხარჯვის ფაქტების გამოვლენის ხერხებს. სტუდენტებმა ასევე მიიღეს ინფორმაცია ღია მონაცემების გზამკვლევზე, რომელიც მომზადდა ჟურნალისტებისა და სამოქალაქო აქტივისტებისთვის.  სრულად...  წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი აქვეყნებს მუნიციპალიტეტების წარმომადგენლობითი ხარჯების შესახებ პუბლიკაციას.  „2022 წელს, 35–მა მუნიციპალიტეტმა წარმომადგენლობით ღონისძიებებზე, საერთო ჯამში, 1,8 მილიონი ლარი დახარჯა“, ნათქვამია ორგანიზაციის გვერდზე სოციალურ ქსელში. სრულად... წყარო: ინფორმაციის თავისუფლების განვითარების ინსტიტუტი

თბილისი.21 ნოემბერს, ევროპის ფონდმა 2023 წლის კვლევის ანგარიში „ევროკავშირის მიმართ დამოკიდებულებისა და ცოდნის შეფასება საქართველოში“ წარადგინა. ევროკავშირის მიმართ საქართველოს მოსახლეობის ცოდნისა და დამოკიდებულების კვლევას ევროპის ფონდი 2009 წლიდან ყოველ ორ წელიწადში ერთხელ ატარებს.  კვლევა წარმომადგენლობითია ქვეყნის მასშტაბით (ოკუპირებული ტერიტორიების გარდა) და საშუალებას იძლევა შეფასდეს თუ როგორ იცვლება მოსახლეობის ცოდნა და მოლოდინები ევროკავშირის, საქართველო-ევროკავშირის ურთიერთობებისა და ევროინტეგრაციის პროცესის მიმართ.  სრულად...  წყარო: ევროპის ფონდი

თბილისი.ინფორმაციის თავისუფლების განვითარების ინსტიტუტი მუნიციპალიტეტების გამჭვირვალობისა და ანგარიშვალდებულების 2023 წლის ინდექსს აქვეყნებს.  „ადგილობრივი თვითმმართველობის ინდექსის 2023 წლის შედეგებით, მუნიციპალიტეტების გამჭვირვალობისა და ანგარიშვალდებულების საშუალო შედეგი 33%-ია, რაც 5%-ით აღემატება 2021 წლის მაჩვენებელს. მუნიციპალიტეტებმა შედეგები გააუმჯობესეს საჯარო ინფორმაციის პროაქტიული გამოქვეყნებისა და ელექტრონული მმართველობის კომპონენტებში. თუმცა, შემცირდა მონაწილეობის ხელშეწყობისა და ანგარიშვალდებულების მაჩვენებლები.“ - ნათქვამია ორგანიზაციის ვებგვერდზე. სრულად...  წყარო: ინფორმაციის თავისუფლების განვითარების ინსტიტუტი

იმერეთი. “საერთაშორისო გამჭვირვალობა - საქართველომ” მიმოიხილა იმ კომპანიების ჩართულობა სახელმწიფო შესყიდვების პროცესში და პოლიტიკური პარტიების მხარდაჭერა, რომლებმაც წიაღის მოპოვების ლიცენზია იმერეთის რეგიონში 2019-2021 წლებში მიიღეს. ეს კომპანიები მოიპოვებენ როგორც ქვიშა-ხრეშს, ასევე გრანიტს, ტეშენიტს, კირქვას, ბაზალტს და სხვა სასარგებლო წიაღისეულს.  „იმერეთის რეგიონში სასარგებლო წიაღისეულების მოპოვების 140 ლიცენზიანტიდან (იურიდიული და ფიზიკური პირები) 56 პოლიტიკური შემწირველია ან/და სახელმწიფო შესყიდვების პროცესშია ჩართული.  ლიცენზიები მიიღეს მოქმედ ან/და ყოფილ თანამდებობის პირებთან დაკავშირებულმა კომპანიებმაც.“ - ნათქვამია მიმოხილვაში  სრულად...  წყარო: საერთაშორისო გამჭვირვალობა-საქართველო

თბილისი.საერთაშორისო გამჭვირვალობა-საქართველო აგრძელებს ქონებრივი დეკლარაციების მონიტორინგს.  ამჯერად ორგანიზაცია აქვეყნებს დეპუტატი ირმა ზავრადაშვილის ქონებრივი დეკლარაციის შესახებ ინფორმაციას.  „ქართული ოცნება - დემოკრატიული საქართველოს“ დეპუტატმა ირმა ზავრადაშვილმა 2023 წელს შევსებულ ქონებრივ დეკლარაციაში არ გაასაჯაროვა 3 უძრავი ქონება და აღებული ხელფასი, ასევე არასრულყოფილად ასახა ინფორმაცია მეუღლის სამეწარმეო საქმიანობის შესახებ.“  სრულად...  წყარო: საერთაშორისო გამჭვირვალობა-საქართველო

თბილისი.საერთაშორისო გამჭვირვალობა –საქართველო ბიულეტენ N5 ავრცელებს. ბიულეტენში მიმოხილულია პოლიტიკური პარტიების მიერ 2023 წლის 1 ივლისიდან 30 სექტემბრის ჩათვლით მიღებული შემოწირულებები. გაეცანით ვრცლად...  წყარო: საერთაშორისო გამჭვირვალობა საქართველო

თბილისი. საერთაშორისო გამჭვირვალობა-საქართველო აგრძელებს ქონებრივი დეკლარაციების მონიტორინგს.  ამჯერად ორგანიზაცია აქვეყნებს ინფორმაციას სომხეთის რესპუბლიკაში საქართველოს საგანგებო და სრულუფლებიანი დესპანის, ირაკლი კვანჭახაძის ქოონებრივი დეკლარაციის მდგომარეობის შესახებ.  „ირაკლი კვანჭახაძემ, 2023 წელს შევსებულ ქონებრივი მდგომარეობის დეკლარაციაში არ მიუთითა სამეწარმეო საქმიანობა, უძრავი ქონებები და ხელფასი“, აღნიშნულია ორგანიზაციის ინფორმაციაში. გამჭვირვალობა საქართველო მიმართავს ანტიკორუფციულ ბიუროს „შეისწავლოს ირაკლი კვანჭახაძის დეკლარაციაში გამოვლენილი დარღვევები და მოახდინოს შესაბამისი რეაგირება“.  სრულად...  წყარო: საერთაშორისო გამჭვირვალობა-საქართველო

თბილისი.საერთაშორისო გამჭვირვალობა-საქართველო ბლოგს აქვეყნებს – „საქართველოს რკინიგზის 184 მილიონ ლარიანი ტენდერი სავარაუდოდ რუსულ კომპანიებზეა მორგებული“.  „„საქართველოს რკინიგზამ“ ელმავლების შესაძენად 184 მლნ ლარიანი, სავარაუდოდ მორგებული ტენდერი გამოაცხადა, რადგან მასში მხოლოდ იმ კომპანიებს შეუძლიათ მონაწილეობა, რომლებიც რუსეთის დაარსებულ ევრაზიულ კავშირში გაცემულ სერტიფიკატს ფლობენ“, ნათქვამია ბლოგში.  საერთაშორისო გამჭვირვალობა-საქართველო მოუწოდებს სახელმწიფო შესყიდვების სააგენტოს და კონკურენცის სააგენტოს შეისწავლონ ტენდერში არსებული კონკურენციის შემზღუდველი პირობები და მიიღონ კანონით განსაზღვრული ზომები.  სრულად...   წყარო: საერთაშორისო გამჭვირვალობა-საქართველო

თბილისი. სამართლიანი არჩევნები 18 ოქტომბრიდან 1 ნოემბრის ჩათვლით, ფეისბუქზე გავრცელებული ინფორმაციების მონიტორინგის შედეგებს აქვეყნებს – „დისკრედიტაციული და პროპაგანდისტული გზავნილები: 18 ოქტომბერი01 ნოემბერი“. სოციალური მედიის მონიტორინგის ფარგლებში „სამართლიანი არჩევნები” აღწერს იმ გზავნილებს, რომლებიც ეხმიანება პოლიტიკურ საკითხებს, სოციალურ ქსელში (მეტნაკლებად) ვირუსულად ცირკულირებს და მის გავრცელებაში ერთზე მეტი აქტორი, ანგარიში თუ გვერდია ჩართული.  სრულად...   წყარო: სამართლიანი არჩევნები

თბილისი.ინფორმაციის თავისუფლების განვითარების ინსტიტუტი აგრძელებს თანამდებობის პირების მიერ მიღებული საჩუქრების შესახებ ინფორმაციის გამოქვეყნებას.  ამჯერად აქვეყნებს მოსამართლეების დეკლარაციების მონიტორინგის შედეგებს.  „2020-2022 წლებში 49 მოსამართლემ ან მისმა ოჯახის წევრმა მიიღო 5 მილიონი ლარის ღირებულების საჩუქარი. მათ შორის: •ფულადი საჩუქარი - 2,3 მილიონი ლარი;  •უძრავი ქონება - 2.6 მილიონი ლარი; •ავტომობილები და სხვა ფასიანი ნივთები - 129.5 ათასი ლარი.  ყველაზე ძვირადღირებული საჩუქრების მიმღებ მოსამართლეებს შორისაა აშშ-ს სახელმწიფო დეპარტამენტის მიერ სანქცირებული მიხეილ ჩინჩალაძე, რომლის ოჯახის წევრებმა საჩუქრის სახით მიიღეს 68,8 ათასი აშშ დოლარი და 2,3 ათასი ლარი“, ნათქვამია ორგანიზაციის გვერდზე. სრულად... წყარო: ინფორმაციის თავისუფლების განვითარების ინსტიტუტი

თბილისი.სოციალური სამართლიანობის ცენტრმა საქართველოს უსაფრთხოების სექტორში საჯარო ინფორმაციის ხელმისაწვდომობის საკითხი გაანალიზა და ახალი დოკუმენტი წარმოადგინა – „არა (საჯარო) ინფორმაცია - სახელმწიფო უწყებების გაუარესებული ანგარიშვალდებულება“. „სახელმწიფო უწყებების ანგარიშვალდებულების ხარისხი გაუარესდა. გამოიკვეთა ისეთი ტენდენცია, როგორიცაა უწყებების მიერ ინფორმაციაზე წვდომის შეზღუდვის საფუძვლების გაფართოება, მათ შორის ცალსახად სტატისტიკური მონაცემების მოქცევა სახელმწიფო საიდუმლოების შემცველ ინფორმაციათა კატეგორიაში“, ნათქვამია ორგანიზაციის გვერდზე. სრულად... წყარო: სოციალური სამართლიანობის ცენტრი

თბილისი. საერთაშორისო გამჭვირვალობა – საქართველო აქვეყნებს ინფორმაციას „პრეზიდენტის ვერშემდგარი იმპიჩმენტი“, რომელიც 2022 წლის 14 მარტიდან დღემდე არსებულ ქრონოლოგიას ასახავს. სრულად... წყარო: საერთაშორისო გამჭვირვალობა – საქართველო

თბილისი. გამჭვირვალობა საქართველო, სამართლიანი არჩევნები და საია ერთობლივ განცხადებას ავრცელებენ „სამართლებრივი განმარტებები ოთარ ფარცხალაძის მოქალაქეობის საკითხებზე“.  „სებ-ის მხრიდან ბრძანებაში ცვლილების შეტანის დრო და გარემოებები აჩენს დასაბუთებულ საფუძველს, რომ ეს სწორედ ერთი პირის, ოთარ ფარცხალაძის ინტერესებს ემსახურება, რაც მიუღებელი და შეუთავსებელია კონსტიტუციურ წესრიგთან. ნებისმიერ კონტექსტში მის მიმართ საქართველოს მოქალაქისთვის განკუთვნილი იურიდიული გარანტიების კუთხით აპელირება მოკლებულია საფუძველს. ის ფაქტი, რომ ფორმალურად იგი ჯერ კიდევ ფლობს საქართველოს მოქალაქეობას, კანონის დარღვევას წარმოადგენს“., ნათქვამია განცხადებაში. სრულად... წყარო: საერთაშორისო გამჭვირვალობა საქართველო

თბილისი.ადამიანის უფლებათა ცენტრი 9 სხვადასხვა აქციის მონიტორინგის შუალედურ ანგარიშს აქვეყნებს. „კვლავ პრობლემურია სამართალდამცავების მხრიდან აქციის დაშლისას შეკრების მონაწილეთა წინააღმდეგ გადამეტებული ძალის გამოყენების, ეროვნული და საერთაშორისო სტანდარტების დარღვევისა და აქციაზე დაკავებული პირების მიმართ არაპროპორციული ძალის გამოყენება და ჟურნალისტური საქმიანობისთვის ხელშეშლა“, ნათქვამია ცენტრის გვერდზე სოციალურ ქსელში. ანგარიში... წყარო: ადამიანის უფლებათა ცენტრი