თბილისი. ახალციხის რაიონულმა სასამართლომ ბათილად ცნო საკონკურსო-საატესტაციო კომისიის გადაწყვეტილება. საქმე ეხებოდა „სამართლიანი არჩევნების" თვითმმართველობაში მიმდინარე კონკურსის მონიტორინგის უფლებამოსილების შეზღუდვას. „სამართლიანი არჩევნები" მიესალმება, ახალციხის მუნიციპალიტეტის მიერ მიღებულ გადაწყვეტილებას და იმედს გამოთქვამს, რომ ადგილობრივი თვითმმართველობის ორგანოებში შექმნილი საკონკურსო-საატესტაციო კომისიები გაიზიარებენ აღნიშული გადაწყვეტილებას და ღიად და გამჭვირვალეს ჩაატარებენ საჯარო მოხელეთა კონკურსებს", ნათქვამია ორგანიზაციის განცხადებაში. სრულად... წყარო: www.isfed.ge

თბილისი. არასამთავრობო ორგანიზაციები მთავრობას სქესობრივი და რეპროდუქციული ჯანმრთელობის და უფლებების საკითხებზე UPR-ის რეკომენდაციების შესრულებისკენ მოუწოდებენ. „ამ ეტაპზე, საქართველომ არ გასცა თანხმობა შვედეთის მიერ გაცემული ყველაზე მნიშვნელოვანი რეკომენდაციის მიღებაზე, რომელიც დისკრიმინაციის ყველა ფორმის აღმოფხვრის შესახებ კანონში ცვლილებების გატარებასა და ამ მიზნით, დისკრიმინაციის ფაქტებზე სახალხო დამცველისთვის დაჯარიმებისა და სხვა სანქციების გამოყენების კომპეტენციის მინიჭების აუცილებლობაზე უთითებს", ნათქვამია ერთობლივ განცხადებაში. სრულად... წყარო: emc.org.ge

თბილისი. GIPA-ს მმართველობის სკოლა, ინფორმაციის თავისუფლების განვითარების ინსტიტუტი (IDFI), და ბრემენის უნივერსიტეტი, GIPA-ს სტუდენტებს სთავაზობს სალექციო ბლოკ-კურსს „კარგი მმართველობა საქართველოში". ბლოკ-კურსს გაუძღვება ინფორმაციის თავისუფლების განვითარების ინსტიტუტის გამგეობის თავმჯდომარე - ლევან ავალიშვილი. „სალექციო კურსის მიზანია საუკეთესო საერთაშორისო პრაქტიკის ანალიზის საფუძველზე კარგი მმართველობის განვითარების უახლესი ტენდენციების, საჯარო მმართველობის სფეროში საქართველოში მიმდინარე რეფორმების, ინიციატივების, მექანიზმებისა და გამოწვევების შესახებ მდგომარეობის მიმოხილვა", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. კოალიცია ეხმაურება იუსტიციის უმაღლეს საბჭოში მიმდინარე მოსამართლეთა შერჩევის კონკურსს, რომელიც მოსამართლის 61 ვაკანტურ თანამდებობაზეა გამოცხადებული. „წლებია არასამთავრობო ორგანიზაციები მივუთითებთ მოსამართლეთა შერჩევისა და დანიშვნის მოქმედი წესის ძირეულ ხარვეზებზე, რომლის შედეგადაც იუსტიციის უმაღლესი საბჭო მოსამართლის თანამდებობაზე დანიშვნას ახორციელებს გაუმჭვირვალე და დაუსაბუთებელი გადაწყვეტილებებით. შედეგად, საბჭოს მიერ გაკეთებული არჩევანის, ისევე როგორც მთელი პროცესის ობიექტურობის შეფასება შეუძლებელია, როგორც კონკურსში მონაწილე პირების, ასევე გარე დამკვირვებლისათვის. მსგავსი სისტემა ქმნის რეალურ საფუძველს იმისათვის, რომ საბჭოს წევრებმა, ყოველგვარი საზოგადოებრივი კონტროლისა და მეთვალყურეობის გარეშე, დანიშნონ მათთვის სასურველი ნებისმიერი კანდიდატი, რომელიც ფორმალურად აკმაყოფილებს დადგენილ კრიტერიუმებს", ნათქვამია კოალიციის განცხადებაში. სრულად... წყარო: gyla.ge

თბილისი. 15-18 დეკემბერს, ინფორმაციის თავისუფლების განვითარების ინსტიტუტი (IDFI), თბილისის სახელმწიფო უნივერსიტეტი და ბრემენის უნივერსიტეტი სტუდენტებს სალექციო კურსს სთავაზობენ. სალექციო კურსების სერიას „არაფორმალური ეკონომიკა: დიაგნოზი და გამოსავალი" გაუძღვება ევროპის ცენტრალური უნივერსიტეტის დოქტორანტი ლელა რეხვიაშვილი. „სალექციო კურსის მიზანია არაფორმალურ ეკონომიკაზე არსებული ცენტრალური თეორიების: დუალისტური, ინსტიტუციონალისტური, სტრუქტურალისტური, და პოსტ-სტრუქტურალისტური პერსპექტივების კრიტიკული განხილვა”, ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. „ადამიანის უფლებების სწავლებისა და მონიტორინგის ცენტრმა (EMC)" პანკისის ხეობაში მცხოვრები პირების სახელით, სახალხო დამცველსა და საქართველოს იუსტიციის უმაღლეს საბჭოს მიმართა. მოთხოვნა თბილისის საქალაქო სასამართლოს მოსამართლის მიერ, მათ მიმართ განხორციელებული სავარაუდო დისკრიმინაციის ფაქტის შესწავლას ეხება. „გადაწყვეტილების მიღების დროს, მოსამართლემ არ შეაფასა პროცესის მონაწილე პირების მიმართ მოსალოდნელი კონკრეტული საფრთხეები და არ მოახდინა შესაძლო რისკების დასაბუთებულობისა და გონივრულობის შემოწმება. სასამართლომ პროცესის მონაწილეების უსაფრთხოებისთვის რისკ-ფაქტორად პანკისის ხეობის მოსახლეობა მთლიანობაში, აბსტრაქტულად განიხილა და ამგვარი გენერალიზებით უფლებით სარგებლობის პროცესში პანკისში დაბადებული პირების დისკრიმინირება მოახდინა", ნათქვამია ორგანიზაციის განცხადებაში. სრულად... წყარო: emc.org.ge

თბილისი. 2 დეკემბერს, ჰაინრიჰ ბიოლის ფონდის სამხრეთ კავკასიის რეგიონულმა ბიურომ უმასპინძლა საჯარო დისკუსიას: ისმის ქალის ხმა? ქალთა მოძრაობების განვითარება საქართველოში. დისკუსია შეეხო თემებს: რა მიღწევები აქვს ქალთა ჯგუფებისა და არასამთავრობო ორგანიზაციების საქმიანობას, რა შეიძლება გამოდგეს, როგორც წარმატების მაგალითი, ხოლო სად ვხედავთ სისუსტეებს? რა შედეგები გამოიღო ქალთა მოძრაობის ახალმა ტალღამ, რომელიც უკვე ერთი წელია იბრძვის განახლებული ძალებითა და კონკრეტული დღის წესრიგით? სრულად... წყარო: ge.boell.org

თბილისი. ინფორმაციის თავისუფლების განვითარების ინსტიტუტი (IDFI) „სტრატეგიული გეგმა საქართველო 2020"-ის ფარგლებში მორიგ ბლოგპოსტს აქვეყნებს. „პირდაპირი ინვესტიციების გარდა, არსებობს ბიზნესის და მთლიანად ეკონომიკის დაფინანსების ორი ალტერნატიული გზა - საბანკო სესხი და ფასიანი ქაღალდების ბაზარი. პირველი მექანიზმი გულისხმობს ინვესტორების თანხის შესვლას დეპოზიტის სახით ბანკებში (გარკვეულ პროცენტად) და შემდეგ ბანკების მიერ ამ თანხების გაცემას კრედიტის სახით (უფრო მაღალ პროცენტად). ფასიანი ქაღალდების ბაზრის შემთხვევაში კი ფულადი სახსრები უშუალოდ მიედინება ინვესტორისგან ეკონომიკაში, კომპანიების ან სხვა სუბიექტების მიერ გამოშვებული ფასიანი ქაღალდების სანაცვლოდ", ნათქვამია ბლოგპოსტში. სრულად... წყარო: idfi.ge

თბილისი. არასამთავრობო ორგანიზაციებმა სპეციალური უბნების შექმნისა და ამ უბნებზე ხმის მიცემასთან დაკავშირებით შემუშავებული რეკომენდაციები ხელისუფლებას წარუდგინეს. „ჩვენ მიერ შემოთავაზებული რეკომენდაციით სამხედრო მოსამსახურეებს არ ერთმევათ საარჩევნო უფლება: სამხედრო ამომრჩეველმა ხმა უნდა მისცეს საცხოვრებელი ადგილის მიხედვით ან იმ სამოქალაქო საარჩევნო უბნების მეშვეობით, რომელიც მათი დისლოკაციის ადგილებთან ახლოს მდებარეობს.[3] ამასთან, ამომწურავად და ნათლად არის განსაზღვრული იმ შემთხვევების ჩამონათვალი, თუ როდის და სად უნდა შეიქმნას სპეციალური უბანი. ჩვენ მიერ შემუშავებული ცვლილებებით, სპეციალური საარჩევნო უბნების მეშვეობით ამომრჩევლისთვის შესაძლებელი იქნება პრეზიდენტის, ადგილობრივი თვითმმართველობისა და საქართველოს პარლამენტის პროპორციულ არჩევნებში მონაწილეობა. რაც შეეხება მაჟორიტარულ არჩევნებს, ამომრჩეველს მხოლოდ იმ შემთხვევაში შეეძლება სპეციალური უბნის საშუალებით მაჟორიტარულ არჩევნებში მონაწილეობა, თუკი მისი რეგისტრაციის ადგილი სპეციალური უბნის საარჩევნო ტერიტორიას მიეკუთვნება", ნათქვამია ერთობლივ განცხადებაში. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) აღწერს და აფასებს სასამართლო სისტემაში მოსამართლეთა გადაადგილებასთან დაკავშირებული პრაქტიკას. „წარმოდგენილ დოკუმენტში განხილულია მოსამართლეთა გადაადგილებისთვის გამოყენებული სამი ძირითადი სამართლებრივი მექანიზმი და მათთან დაკავშირებული პრაქტიკული მახასიათებლები: მოსამართლეთა მივლინება, მოსამართლეთა უკონკურსოდ დანიშვნა, მოსამართლეთა დაწინაურება", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. 1 დეკემბერს, ინფორმაციის თავისუფლების განვითარების ინსტიტუტმა (IDFI) ღია მონაცემთა ბაზების ხელმისაწვდომობაზე თსუ-ში მორიგი შეხვედრა ჩაატარა. შეხვედრა პროექტის „ღია მონაცემები: ცვლილებებისა და ინოვაციების წყარო" ფარგლებში გაიმართა. „გიორგი კლდიაშვილმა ისაუბრა ღია მონაცემების პორტალის - data.gov.ge პრიორიტეტებზე და აღნიშნა, რომ ღია მონაცემების პორტალი მოქალაქეებს, ბიზნეს სექტორს და ნებისმიერ დაინტერესებულ პირს საშუალებას აძლევს გაეცნოს სახელმწიფო მონაცემებს და მათი გამოყენებით შექმნას ინოვაციური აპლიკაციები, ბიზნეს პროექტები და ელექტრონული სერვისები", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. განცხადებაზე ხელმომწერი ორგანიზაციები მიმართავენ იუსტიციის უმაღლეს საბჭოს უზრუნველყოს მოსამართლეთა შერჩევის მიზნით მიმდინარე კონკურსის ღიაობა. „იუსტიციის უმაღლეს საბჭოში მოსამართლეთა დანიშვნის მიზნით მიმდინარე პროცესი საზოგადოების განსაკუთრებულად მაღალი ინტერესის საგანია, ვინაიდან კონკურსი გამოცხადებულია რამდენიმე ათეულ ვაკანტურ ადგილზე და ქვეყანაში მოქმედებს მოსამართლეთა უვადოდ დანიშვნის სისტემა. ამდენად, საზოგადოების მაღალი დაინტერესება ლეგიტიმურია და საზოგადოების წევრებს აქვთ უფლება მოსამართლეობის კანდიდატთა შერჩევის ყოველ ეტაპზე ჰქონდეთ სრული ინფორმაცია კანდიდატებისა და საბჭოს წევრთა გადაწყვეტილებების შესახებ”, ნათქვამია ერთობლივ განცხადებაში. სრულად... წყარო: gyla.ge

აჭარა. 1 დეკემბერს, ბათუმის შოთა რუსთველის სახელმწიფო უნივერსიტეტის 21-ე აუდიტორიაში „თავისუფალ ჟურნალისტთა სახლის” ორგანიზებით საჯარო დისკუსიას გაიმართა. როგორ ცხოვრობენ შეზღუდული შესაძლებლობის მქონე პირები აჭარაში, არის თუ არა გადაადგილების, ჯანდაცვის და განათლების უფლებები მათთვის ხელმისაწვდომი? რას უნდა აკეთებდეს და რას აკეთებს სახელმწიფო. ამ საკითხებთან დაკავშირებით ბათუმელი ახალგაზრდები, საზოგადოებრივი ორგანიზაციების წარმომადგენლები და უშუალოდ მომხსენებელი შშმ პირები მსჯელობდნენ. დისკუსიას მოდერაცია გაუწია თომა კაკაბაძემ - არასამთავრობო ორგანიზაცია „ცვლილებები თანაბარი უფლებებისთვის” ხელმძღვანელმა. დისკუსიათა ციკლი ხორციელდება „თავისუფალ ჟურნალისტთა სახლის” მიერ, პროექტის „ახალგაზრდებში დემოკრატიული იდეების პოპულარიზაცია” ფარგლებში, „დემოკრატიის მხარდამჭერი ნაციონალური ფონდის”(NED) დაფინანსებით.

თბილისი. საერთაშორისო გამჭვირვალობა საქართველო დეპუტატ იოსებ ჯაჭვლიანის საკანონმდებლო ინიციატივას ეხმაურება. „დეპუტატ ჯაჭვლიანის მიერ შემოთავაზებული ცვლილება (რომლის თანახმადაც, საჯარიმო სადგომზე გადაყვანის სანქცია აღარ გავრცელდება ავტომობილებზე, რომლებიც ფეხით მოსიარულეების მოძრაობას აფერხებენ) გულისხმობს ტროტუარზე პარკირების პრობლემასთან ბრძოლის დღეს არსებული ერთადერთი, მეტ-ნაკლებად ეფექტური მექანიზმის გაუქმებას და ამდენად მნიშვნელოვნად დაამძიმებს როგორც ზოგადად ფეხით მოსიარულეების, ისე მცირეწლოვანი ბავშვების მშობლების და შეზღუდული შესაძლებლობების მქონე პირების მდგომარეობას საქართველოს ქალაქებში", ნათქვამია ორგანიზაციის ვებ-გვერდზე. საერთაშორისო გამჭვირვალობა საქართველო მოუწოდებს პარლამენტის წევრებს არ დაუჭირონ მხარი აღნიშნულ ინიციატივას. სრულად... წყარო: www.transparency.ge

თბილისი. 30 ნოემბერს კონკურსის „ღია პარლამენტი - ახალგაზრდების ხმა" ფარგლებში 40-მდე მონაწილე საქართველოს პარლამენტს ეწვია. ტრენინგი გაიმართა პროექტის - „ღია მმართველობის პარტნიორობის (OGP) ინიციატივაში საქართველოს პარლამენტის ჩართულობის მხარდაჭერა" ფარგლებში. „თამარ კორძაიამ ყურადღება გაამახვილა, რომ ნებისმიერი კანონპროექტის სამიზნე ადრე თუ გვიან ნებისმიერი მოქალაქე შეიძლება გახდეს, შესაბამისად, აუცილებელია, რომ თითოეულმა ადამიანმა გააცნობიეროს ღია პარლამენტის მნიშვნელობა და ჩაერთოს საპარლამენტო საქმიანობაში, მათ შორის საკომიტეტო სხდომებზე დასწრებით, სადაც აზრის გამოხატვა შეეძლებათ როგორც სიტყვიერად, ასევე წერილობით", ნათქვამია ორგანიზაციის ვებ-გვერდზე. სრულად... წყარო: idfi.ge

30 ნოემბერს, ბათუმის  სასტუმრო „შერატონში",  პარიზის გაეროს კლიმატის ცვლილებების ჩარჩო კონვენციის რიგით 21-ე კონფერენცია გაიმართა, რომელიც  პარალელურად  თბილისშიც მიმდინარეობდა, სახელწოდებით: „2 გრადუსი ცელსიუსი_კლიმატის ცვლილების პოლიტიკის გააზრება და პარიზის კონფერენცია". აღნიშნულმა შეთანხმებამ საშუალება უნდა მისცეს მსოფლიოს, შეებრძოლოს კლიმატურ ცვლილებებს და გზა გაუკვალოს დაბალ-ნახშირბადიან ეკონომიკაზე გადასვლას. შეხვედრას გარემოს დაცვის მიმართულებით მომუშავე მესამე სექტორისა და ადგილობრივი ხელისუფლების წარმომადგენლები, პროფესორ–მასწავლებლები,  სკოლის მოსწავლეები და სტუდენტები ესწრებოდნენ.

თბილისი. 30 ნოემბერს, სახელმწიფო სერვისების განვითარების სააგენტოსა და სამოქალაქო განვითარების სააგენტოს (CiDA) შორის ურთიერთთანამშრომლობის მემორანდუმი გაფორმდა. „პროექტის თანახმად, ცენტრების ოპერატორები ადგილობრივ მოსახლეობას (თურქეთისა და საბერძნეთის მაგალითების გათვალისწინებით) ლეგალური და არალეგალური მიგრაციის თემებზე ინფორმაციას მიაწვდიან. Skype-ს მეშვეობით მიგრანტებს საკუთარი ოჯახის წევრებთან დასაკავშირებლად დახმარებას გაუწევენ, პოტენციურ მიგრანტებს ორგანიზაციის იურისტებთან დაკავშირებაში დაეხმარებიან და მიგრანტებისთვის შექმნილ Facebook ჯგუფში დაინტერესებული პირის გაწევრიანებას უზრუნველყოფენ", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

„ეთნოსთაშორის თანამშრომლობისა და კონსულტაციების ანალიტიკური ცენტრის" წევრი, გიორგი მარჯანიშვილი, მონაწილეობას იღებს საერთაშორისო ვორქშოფში ბელგრადში. ღონისძიება არასამთავრობო ორგანიზაციათა ქსელმა, „სამოქალაქო სოლიდარობის პლატფორმამ" მოაწყო. მისი მიზანია წევრი ქვეყნების ეთნიკურ უმცირესობებში სამოქალაქო ცნობიერების ამაღლება. სრულად... წყარო: ორგანიზაციის ვებ-გვერდი სოციალურ ქსელში

თბილისი. კოალიცია დამოუკიდებელი და გამჭვირვალე მართლმსაჯულებისთვის იუსტიციის სამინისტროს მიერ შემოთავაზებულ ცვლილებებს ეხმაურება. „კოალიციის შეფასებით, იუსტიციის სამინისტროს მიერ შემოთავაზებული ცვლილებებით შემოდის საქართველოში მოქმედი სისხლის სამართლის მართლმსაჯულების სისტემისთვის პრინციპულად შეუთავსებელი ელემენტები, უარესდება დაცვის მხარის სამართლებრივი მდგომარეობა და ზოგადად, საფრთხე ექმნება მხარეთა შეჯიბრებითობისა და მხარეთა თანასწორობის პრინციპებს", ნათქვამია ერთობლივ განცხადებაში. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება ვაზისუბანში იეჰოვას მოწმეთა მიმართ მომხდარ ინციდენტს. „იეჰოვას მოწმეთა მიმართ გამოვლენილი ძალადობის ფაქტების ანალიზი აჩვენებს, რომ ისინი ცალკეული პირების, ხშირ შემთხვევაში კი დომინანტი რელიგიური ჯგუფის წარმომადგენლების მხრიდან, რელიგიური შეუწყნარებლობის გამო, რელიგიური საქმიანობაში ხელის შეშლის, მუქარის, იძულების, ცემის, დევნისა და სხვადასხვა ფორმით ფიზიკური და ფსიქოლოგიური ძალადობის მსხვერპლები ხდებიან. მათ შორის გავრცელებულ პრაქტიკას წარმოადგენს მათი საკულტო ნაგებობების დაზიანება. აღნიშნულ შემთხვევებზე სახელმწიფოს არაეფექტური რეაგირების შედეგად კი, ხშირად, ძალადობის ფაქტები ერთი და იმავე პირებისგან/პირთა ჯგუფიდან მომდინარეობს", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია „სპეციალური პენიტენციური სამსახურის შესახებ" კანონში დაგეგმილ ცვლილებებს ეხმაურება. „როგორც მოქმედი კანონის, ასევე შემოთავაზებული ცვლილებების თანახმად დადგენილია, რომ სამსახურში სამუშაოდ მისაღები კანდიდატი, როგორც წესი, სპეციალურ კონკურსის საფუძველზე შეირჩევა. ვთვლით, რომ სიტყვათა წყობა „როგორც წესი" ფართო დისკრეციას წარმოშობს სამსახურში კადრების მიღების წესთან მიმართებით. იმ შემთხვევაში თუკი აღნიშნული სიტყვათა წყობა მიემართება იმ თანამდებობათა ნუსხას, რომელსაც მინისტრი ამტკიცებს და რომელზეც არ ვრცელდება სპეციალური კონკურსის წესები, ვთვლით რომ უმჯობესია, გაკეთდეს მითითებითი ნორმა სწორედ ამ შემთხვევასთან მიმართებით, ნაცვლად ბუნდოვანი ჩანაწერისა, რომელიც თავისი არსით არ შეესაბამება კანონის განჭვრეტადობის მოთხოვნებს", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტის(IDFI) განცხადების საფუძველზე კომუნიკაციის ეროვნულმა კომისიამ საქართველოში ORT-ს მაუწყებლობა აკრძალა. „შპს „რ.ბ.ჯ"-ს დაეკისრა 2500 ლარის ოდენობით ჯარიმა, რადგან კომპანიას მაუწყებლობის დაწყებამდე სამაუწყებლო პროდუქციის მართლზომიერი ფლობის შესახებ შესაბამისი ნებართვები და ლიცენზიები არ წარმოუდგენია. კომპანია ასევე, წერილობით გაფრთხილდა კომისიაში რეგულირების საფასურის გაანგარიშებების წარმოუდგენლობის და საკუთარ ვებგვერდზე შესაბამისობის დეკლარაციის გამოუქვეყნებლობის გამო", ნათქვამია ორგანიზაციის ვებ-გვერდზე. სრულად... წყარო: idfi.ge