იმერეთი. ადგილობრივი დემოკრატიის სააგენტო საქართველომ, „მშვიდობის კორპუსის" მოხალისეებთან ერთად, პროექტ "გაეროს მოდელირების საერთაშორისო კონფერენცია - ქუთაისი 2018”-ის ფარგლებში, კონფერენციის მონაწილეებისათვის ჩაატარა ტრენინგი, თემაზე - „დებატების კულტურა". „გაეროს მოდელირების საერთაშორისო კონფერენციაში” მონაწილეობას იღებს 18-დან 25 წლამდე 60 ახალგაზრდა, როგორც ქუთაისის მუნიციპალიტეტიდან, ისე - ქუთაისთან დაძმობილებული ქალაქებიდან. "გაეროს მოდელირების” მიზანია ახალგაზრდებში დემოკრატიული ღირებულებების დანერგვა და გავრცელება, კომუნიკაციური და პროფესიული უნარ-ჩვევების განვითარება და ქუთაისის თანამშრომლობის გაძლიერება მუნიციპალიტეტთან დაძმობილებულ ქალაქებთან. პროექტი „ქუთაისის გაეროს მოდელირება (MUN )-2018" ხორციელდება „ადგილობრივი დემოკრატიის სააგენტო საქართველოს" მიერ, ქალაქ ქუთაისის მერიასთან, „გაეროს განვითარების ფონდთან (UNDP)" და „მშვიდობის კორპუსთან" თანამშრომლობით. სრულად  წყარო: ორგანიზაციის გვერდი სოციალურ ქსელში

თბილისი. ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ დაფინანსებული პროექტის - „სამოქალაქო საზოგადოების განვითარების ინიციატივა" ფარგლებში, სამოქალაქო საზოგადოების ინსტიტუტმა, სახელმწიფო გრანტების მონიტორინგისთვის, მცირე გრანტების კონკურსი გამოაცხადა. საქართველოში საჯარო ინსტიტუტები (სამინისტროები, საჯარო სამართლის იურიდიული პირები) კომპეტენციის სფეროების მიხედვით, გასცემენ გრანტებს. დაფინანსების საგრანტო მექანიზმი გამოიყენება კანონმდებლობით დადგენილი მიზნობრიობით, მიმართულებითა და განსაზღვრული საჯარო ინსტიტუტების მიერ. ამასთან, სახელმწიფო დაწესებულებების მიერ გრანტების გაცემის საკითხები სხვადასხვა ნორმატიული აქტით რეგულირდება. პროექტის ერთ-ერთი ამოცანაა სამოქალაქო საზოგადოების ორგანიზაციების სახელმწიფო საგრანტო დაფინანსების სისტემის გაუმჯობესების ხელშეწყობა და საჭირო რეკომენდაციების შემუშავება. შესაბამისად, პროექტის ერთ-ერთი კომპონენტი გულისხმობს სახელმწიფო საგრანტო დაფინანსების არსებული სისტემის პერიოდულ მონიტორინგს და ამ მიზნით, 2018-2020 წლებში, გათვალისწინებულია მცირე ქვე-გრანტების გაცემა. პროექტს - „სამოქალაქო საზოგადოების განვითარების ინიციატივა", სამოქალაქო საზოგადოების ინსტიტუტი ახორციელებს (CSI) კონრად ადენაუერის ფონდის (KAS) ხელმძღვანელობით არსებულ კონსორციუმთან ერთად. კონსორციუმში, ასევე, შედიან: საქართველოს სტრატეგიული კვლევებისა და განვითარების ცენტრი (CSRDG), კონსულტაციისა და ტრენინგის ცენტრი (CTC), განათლების განვითარების და დასაქმების ცენტრი (EDEC). პროექტის მიზანია საქართველოში სამოქალაქო საზოგადოების ორგანიზაციების სამუშაო გარემოს გაუმჯობესება, ორგანიზაციების გაძლიერება, საზოგადოების მიმართ მათი ანგარიშვალდებულებისა და გამჭვირვალობის გაზრდა და კავშირების გამყარება სხვა აქტორებთან. სრულად  წყარო: სამოქალაქო საზოგადოების ინსტიტუტის ვებგვერდი

გურია. შაბათს, 28 ივლისს 16:00 საათზე, დაბა ურეკში აგრო-ტურისტული ფესტივალი „გურია 2018" გაიმართება. ფესტივალის მიზანია ადგილობრივად წარმოებული სასოფლო-სამეურნეო პროდუქციის პოპულარიზაცია, ადგილობრივი სოფლის პროდუქციისა და ტურისტული მომსახურების სერვისების მწარმოებლების ცნობადობის ამაღლება და მათი ხელშეწყობა, პროდუქციის რეალიზაციასა და მომსახურების გაწევაში. პროექტს ახორციელებს ა(ა)იპ " გურიის განვითარების კავშირი/Guria Development Union პროექტის - „მონაწილეობითი CHARRETTE გურიის ტურიზმის განვითარების სტრატეგიისთვის" - ფარგლებში, რომელიც დაფინანსებულია საქართველოში ევროკავშირის დელეგაციის მიერ და რომელსაც ახორცილებს ლანჩხუთის, ოზურგეთის და ჩოხატაურისა მუნიციპალიტეტები ორ არასამთავრობო ორგანიზაციასთან ერთად: „სამოქალაქო საზოგადოების ინსტიტუტი" სამოქალაქო საზოგადოების ინსტიტუტი და ა(ა)იპ „ინოვაციებისა და სამოქალაქო განვითარების ცენტრი პროგრესის სახლი".

აჭარა. ევროკავშირის ENPARD-ის პროგრამის მხარდაჭერით მიმდინარე პროექტის - „ქედა ლიდერ"-ის ფარგლებში, დემოკრატიის ინსტიტუტის, CENN-ის და ქედის ადგილობრივი განვითარების ჯგუფის მმრთველი საბჭოს წარმომადგენლებმა ქედის ადგილობრივი განვითარების ჯგუფის (LAG-ის) სექტორულ ქვეჯგუფებთან შეხვედრები გამართეს. შეხვედრების მონაწილეებმა დეტალურად განიხილეს ქედის ადგილობრივი განვითარების სტრატეგიის საბოლოო ვარიანტი და გამოკვეთილი მიმართულებები; აგრეთვე შეიმუშავეს შედეგზე ორიენტირებული სამოქმედო გეგმა. სრულად  წყარო http://enpard.ge

თბილისი. „საერთაშორისო გამჭვირვალობა - საქართველო” (TI) გამოაქვეყნა მუნიციპალიტეტების მიერ საჯარო ინფორმაციის პროაქტიულად გამოქვეყნების შესახებ კვლევის მორიგი ნაწილი, რომელიც ამბროლაურის მუნიციპალიტეტს ეხება. ორგანიზაციის დასკვნით, მერიისა და საკრებულოს საერთო ვებ-გვერდზე (http://ambrolauri.gov.ge) განთავსებული ინფორმაცია არ პასუხობს დადგენილებით ნაკისრი პროაქტიულად გამოსაქვეყნებელი ინფორმაციის ნუსხას; რთულია მერიისა და საკრებულოს ვებ-გვერდზე განთავსებული საძიებო სისტემის გამოყენება, რაც საჯარო ინფორმაციაზე წვდომის შესაძლებლობას აფერხებს. სრულად  წყარო: ორგანიზაციის ვებგვერდი

აჭარა. ევროკავშირის მხარდაჭერით, ქედაში ადგილობრივი რესურსების და საჭიროებების კვლევის პირველადი შედეგები განიხილეს. 160-მდე ადგილობრივი დაინტერესებული პირი, მათ შორის ცხრა თემის 146 წარმომადგენელი, ადგილობრივი განვითარების ჯგუფის მმართველი საბჭოს 10 წევრი და ქედის მერი დაესწრო 10 სამუშაო შეხვედრას, რომელიც მიზნად ისახავდა ქედის ადგილობრივი რესურსების და საჭიროებების კვლევის პირველადი შედეგების წარდგენას და აღნიშნულ დოკუმენტზე უკუკავშირის მიღებას. სამუშაო შეხვედრები ევროკავშირის ENPARD-ის პროექტის „ადგილობრივი რესურსებისა და პოტენციალის ოპტიმალური გამოყენება სოფლის განვითარებისათვის (ქედა ლიდერი)" ფარგლებში საქართველოს სტრატეგიული კვლევების და განვითარების ცენტრის, CENN-ის პარტნიორი ორგანიზაციის მიერ იყო ორგანიზებული. სრულად  წყარო: http://enpard.ge

იმერეთი. 15 ივნისს სასტუმრო „ბაგრატი 1003" გაიმართა რეგიონული კონფერენცია - მეტი ქალის ხმა ადგილობრივ თვითმმართველობაში. „კონფერენციის მიზანი იყო, იმერეთის მხარის 12-ვე მუნიციპალიტეტისა და სამოქალაქო საზოგადოების წარმომადგენლებისთვის ინფორმაციის მიწოდება ქალთა საჭიროებებისა და ადგილობრივი თვითმმართველობის დონეზე გენდერული პოლიტიკის პრინციპების შესახებ. სრულად... წყარო: ორგანიზაციის ვებგვერდი სოციალურ ქსელში

ქვემო ქართლი. „ქალთა საინფორმაციო ცენტრის" ექსპერტებმა მარნეულში, საქართველოს აზერბაიჯანელთა კონგრესის ოფისში, მარნეულის არასამთავრობო ორგანიზაციების წარმომადგენლებთან საკონსულტაციო შეხვედრა გამართეს. შეხვედრაზე, რომელიც გერმანიის თანამშრომლობის საზოგადოების (GIZ) მხარდაჭერით ჩატარდა, იმსჯელეს მუნიციპალიტეტში არსებული პრობლემების შესახებ და გამოკვეთეს საჭიროებები, რომელიც მუნიციპალიტეტის გენდერული თანასწორობის სამოქმედო გეგმაში აისახება. სრულად  წყარო: ორგანიზაციის გვერდი სოციალურ ქსელში

შიდა ქართლი. არასამთავრობო ორგანიზაციის „პარტნიორობა ადამიანის უფლებებისთვის" (PHR) იურისტმა გორის მუნიციპალიტეტში მდებარე „კეთილდღეობისა და განვითარების ცენტრში" ქმედუნარიანობის რეფორმის შესახებ სამუშაო შეხვედრა ჩაატარა. შეხვედრას ესწრებოდნენ: ადგილობრივი თვითმმართველობის ორგანოს წარმომადგენლები, სოციალური მუშაკები, საზოგადოებრივი ორგანიზაციები და დაინტერესებული პირები. შეხვედრაზე, რომელიც დისკუსიის რეჟიმში წარიმართა, ისაუბრეს ქმედუნარიანობის რეფორმის არსისა და მნიშვნელობის, ამ მიმართულებით განხორციელებული ცვლილებებისა და მხარდამჭერთა უფლება-მოვალეობების შესახებ. სრულად  წყარო: ორგანიზაციის ვებგვერდი

თბილისი. „ყოველი მესამე მოქალაქე ფიქრობს, რომ ადგილობრივი თვიმმართველობის ორგანოები მის ინტერესებს არ გამოხატავენ", - ამ დასკვნას ორგანიზაცია „საერთშორისო გამჭვირვალობა - საქართველო" აქვეყნებს. გამოკითხვამ, რომელიც, ორგანიზაციის დაკვეთით, „კავკასიის კვლევითი რესურსების ცენტრმა” 2018 წლის მარტში განახორციელა, ცხადჰყო, რომ გამოკითხულთა 32% აზრით, ქალაქის მერი მათ ინტერესებს არ გამოხატავს, საკრებულოს შემთხვევაში კი, ეს მაჩვენებელი უფრო მეტია - 34%. შესაბამისად, მერების შემთხვევაში, გამოკითხულთა მხოლოდ 26% ეთანხმება მოსაზრებას, რომ მერი გამოხატავს მათ ინტერესებს, საკრებულოს შესახებ იმავე აზრს კი 22% იზიარებს. სრულად  წყარო: ორგანიზაციის ვებგვერდი

საქართველო. 12-15 მაისს საქართველოს რეგიონებში გაიმართა ჩვენება დოკუმენტური ფილმისა - „ინიციატივა არ ისჯება". ფილმი შეიქმნა კვლევითი პროექტის - „ინიციატივა ცვლილებებისათვის" - ფარგლებშ, რომელიც 2015 წელს განხორციელდა. პროექტი, რომელიც ფონდ „ღია საზოგადოება - საქართველოს" მიერ იყო მხარდაჭერილი, მიზნად ისახავდა საქართველოში თემის თვითორგანიზების კულტურისა და გამოცდილების კვლევას, 1921 წლის საბჭოთა ოკუპაციამდე; ასევე, პოზიტიური გამოცდილების წინ წამოწევას, იმ ეპოქისათვის დამახასიათებელი პრობლემების ანალიზს, შედარებას დღეს არსებულ ვითარებასთან, ზოგადად, აღნიშნულ საკითხების ირგვლივ საზოგადოებრივი დისკუსიის ინიცირებას. სრულად წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა - საქართველო” განაგრძობს მუნიციპალიტეტებში საჯარო ინფორმაციის პროაქტიული გამოქვეყნების არსებული პრაქტიკის შესწავლას. ამჯერად წარმოგიდგენთ ჩოხატაურის მუნიციპალიტეტის შედეგებს, რომლის მიხედვითაც, მუნიციპალიტეტის ვებ-გვერდზე (www.chokhatauri.ge) განთავსებული ინფორმაცია მუნიციპალიტეტის დადგენილებით ნაკისრი პროაქტიულად გამოსაქვეყნებელი ინფორმაციის ნუსხას არ შეესაბამება. სრულად  წყარო: ორგანიზაციის ვებგვერდი

იმერეთი. 16 მაისს, ცენტრი „აფხაზეთის" ქუთაისის ფილიალში, ჩატარდა პროექტის რეგიონული პრეზენტაცია, რომელსაც იმერეთის სამოქალაქო სექტორის, სათემო ორგანიზაციებისა და ადგილობრივი თვითმმართველობის წარმომადგენლები დაესწრნენ.  „პროექტის მიზანია სამოქალაქო საზოგადოების ორგანიზაციებსა და ადგილობრივ ხელისუფლებას შორის დიალოგის გაღრმავება, სამოქალაქო საზოგადოების მონაწილეობის და პარტნიორობის გაზრდა ადგილობრივი სოციალური პოლიტიკის შემუშავების, განხორციელების და მონიტორინგის პროცესში და სხვა", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „სამართლიანი არჩევნებისა და დემოკრატიის საერთაშორისო საზოგადოება" (ISFED) აქვეყნებს ზუგდიდის თვითმმართველობის მაჟორიტარული შუალედური არჩევნების შეფასებას. „არჩევნების დღეს, „სამართლიანი არჩევნების" დამკვირვებლების მიერ მოწოდებული ინფორმაციით, უბნის გახსნის, ხმის მიცემისა და ხმების დათვლის პროცესი ძირითადად მშვიდ ვითარებაში, მნიშვნელოვანი დარღვევების გარეშე მიმდინარეობდა. საუბნო საარჩევნო კომისიის წევრები ახალი ტექნოლოგიების კუთხით შესაბამისად იყვნენ მომზადებულები. მიუხედავად ამისა, ამომრჩეველთა ნაწილს უჭირდა ახალი ტექნოლოგიის პროცედურებთან შეგუება და ადგილი ჰქონდა ცალკეულ ხარვეზებს", ნათქვამია ორგანიზაციის ვებგვერდზე. სრულად... წყარო: www.isfed.ge

თბილისი. 15 მაისს, თბილისში გაიმართება პირველი ეროვნული კონფერენცია: „გენდერული თანასწორობა ადგილობრივ თვითმმართველობაში - გამოწვევები და შესაძლებლობები".  „მასშტაბური შეხვედრის მიზანია, ხელი შეუწყოს ერთი მხრივ, მუნიციპალიტეტებს შორის კოორდინირებულ მუშაობას გენდერული თანასწორობის სფეროში და მეორე მხრივ, თვითმმართველობის ორგანოებსა და ეროვნულ ხელისუფლებას შორის ერთიანი ხედვის ჩამოყალიბებას", ნათქვამია ორგანიზაციის ვებგვერდზე. სრულად... წყარო: ginsc.net

კახეთი. საქართველოს სახალხო დამცველის მოადგილე, ეკატერინე სხილაძე კახეთის მუნიციპალიტეტების მერიისა და საკრებულოს თანამშრომლებს შეხვდა. შეხვედრა სახალხო დამცველის აპარატის თელავის ოფისის თანამშრომლებთან და ქალთა საინფორმაციო ცენტრის წარმომადგენელთან ერთად გაიმართა. ამ საინფორმაციო ღონისძიების მიზანს ადგილობრივ თვითმმართველობებში არსებული გენდერული საბჭოების შესახებ ინფორმაციის მიღება და მერიაში გენდერული თანასწორობის საკითხებზე პასუხისმგებელი პირების საქმიანობისა და გეგმების გაცნობა წარმოადგენდა. სრულად  წყარო: ორგანიზაციის ვებგვერდი

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს 2017 წლის ადგილობრივი თვითმმართველობის არჩევნების მონიტორინგის საბოლოო ანგარიშს. „ანგარიში მოიცავს „სამართლიანი არჩევნების" მიერ წინასაარჩევნო პერიოდის, არჩევნების დღისა და არჩევნების შემდგომ გამოვლენილ ძირითად მიგნებებსა და ტენდენციებს. ანგარიშში ასევე შეფასებულია საარჩევნო ადმინისტრაციისა და საარჩევნო პროცესის სხვა ძირითადი აქტორების საქმიანობა. ამასთან ერთად, ორგანიზაციამ წარმოადგინა რეკომენდაციები საარჩევნო სისტემის, კანონმდებლობისა, და საარჩევნო გარემოს გაუმჯობესების მიზნით", ნათქვამია ორგანიზაციის ვებგვერდზე. სრულად... წყარო: www.isfed.ge

ვანო ხუხუნაიშვილის სახელობის ეფექტიანი მმართველობის სისტემის და ტერიტორიული მოწყობის რეფორმის ცენტრი აქვეყნებს ელექტრონულ პუბლიკაციას ადგილობრივი თვითმმართველობების საბიუჯეტო პროცესსა და ზედამხედველობაზე. „გზამკვლევში მოცემული საკანონმდებლო აქტების ახსნა, მომხმარებლისთვის მათი ძირითადი შინაარსის მარტივად გადმოცემას ისახავს მიზნად. შესაბამისად, გზამკვლევი შესაძლოა ყოველთვის დეტალურად არ გადმოსცემდეს საკანონმდებლო ნიუანსებს. გზამკვლევს აქვს მხოლოდ დამხმარე სახელმძღვანელოს დანიშნულება და იგი არ შეიძლება გამოყენებულ იქნას საკანონმდებლო აქტების სრულად ინტერპრეტირებისთვის", ნათქვამია პუბლიკაციის აღწერაში. სრულად... წყარო: library.lsg.gov.ge

თბილისი. „საერთაშორისო გამჭვირვალობა საქართველოს" განცხადებით, აბაშის მერიისა და საკრებულოს ვებ-გვერდები გამჭვირვალობის სტანდარტებს არ აკმაყოფილებს. ასეთი დასკვნა კეთდება იმ კვლევის მიხედვით, რომლის ფარგლებშიც ორგანიზაცია მუნიციპალიტეტებში საჯარო ინფორმაციის პროაქტიული გამოქვეყნების არსებულ პრაქტიკას სწავლობს. „მერიისა და საკრებულოს ვებ-გვერდებზე (www.abasha.ge და www.abasha-sakrebulo.ge) განთავსებული ინფორმაცია არ პასუხობს დადგენილებით ნაკისრი ინფორმაციის გამოქვეყნების ნუსხას - სრულად გამოსაქვეყნებელი ინფორმაციის მხოლოდ 30%, ნაწილობრივ კი 15% ქვეყნდება", - ვკითხულობთ კვლევაში. სრულად  წყარო: ორგანიზაციის ვებგვერდი

თბილისი. "საერთაშორისო გამჭვირვალობა-საქართველომ” წარმოადგინა ინფორმაცია მარტვილის, მესტიის, ფოთისა და ხობის მუნიციპალიტეტების იმ თანამდებობის პირების შესახებ, რომლებმაც არასრულად შეავსეს დეკლარაცია, არ ასახეს ინფორმაცია საკუთარი ან/და ოჯახის წევრთა კომერციულ საქმიანობაში მონაწილეობის შესახებ და, ასევე, ეწევიან თანამდებობასთან შეუთავსებელ საქმიანობას. კვლევის ფარგლებში 100-ზე მეტი დეკლარაცია იქნა შესწავლილი, რომელთაგან 8 შემთხვევაში დეკლარაციის არასრულად შევსების, 4 შემთხვევაში კი შეუთავსებელი საქმიანობის ფაქტი გამოვლინდა, რაც, ორგანიზაციის განცხადებით, საჯარო სამსახურის ბიუროს სათანადო დაინტერესების საგანი უნდა გახდეს. სრულად წყარო: ორგანიზაციის ვებგვერდი

თბილისი. პროექტის „თვითმმართველობის სკოლა ქვემო ქართლის სტუდენტებისათვის ფარგლებში, მომზადდა სახელმძღვანელო: „ადგილობრივი თვითმმართველობა". წიგნში განხილულია შემდეგი საკითხები: ანტიკური ხანა და შუა საუკუნეები; ადგილობრივი ხელისუფლება რუსეთის იმპერიაში; ადგილობრივი თვითმმართველობა საქართველოს დემოკრატიული რესპუბლიკის პერიოდში; ადგილობრივი მმართველობა საბჭოთა კავშირში; ადგილობრივი თვითმმართველობის განვითარება დამოუკიდებლობის მოპოვების შემდეგ. სრულად... წყარო: droa.ge

აჭარა. სამოქალაქო საზოგადოების ინსტიტუტის ბათუმის ფილიალმა ბათუმის მუნიციპალიტეტის მერიასთან თანამშრომლობით მოამზადა სტატია - „ენერგოეფექტურობის შესაძლებლობები და გამოწვევები ქალაქ ბათუმის საცხოვრებელ შენობებში". სტატიაში მიმოხილულია ის პრობლემები და გამოწვევები, რომელიც ქალაქ ბათუმის წინაშე დგას მრავალსართულიანი საცხოვრისი ენერგოეფექტური მმართველობის ჭრილში.  სრულად...