თბილისი. ქალთა საინფორმაციო ცენტრი აგრძელებს მუშაობას ადგილობრივი თვითმმართველობის დონეზე გენდერული პოლიტიკის გაძლიერების მიმართულებით. „ამ საქმიანობის ფარგლებში გაიმართა სამუშაო შეხვედრა, რომლის მონაწილეები გახდნენ თბილისის საკრებულოს წევრები და ქალთა საინფორმაციო ცენტრის წარმომადგენლები. შეხვედრა მიეძღვნა გენდერული თანასწორობის პოლიტიკის გაძლიერებისა და ადგილობრივ დონეზე გენდერული ინსტიტუციონალური მექანიზმების ჩამოყალიბების საკითხებს. შეხვედრაზე განხილული იქნა ახალი გენდერული საბჭოს ჩამოყალიბების, ადგილობრივ დონეზე გენდერული პოლიტიკის განხორციელებისათვის შემუშავებული სამოქმედო გეგმის განახლების და მომავალი თანამშრომლობის გეგმები. ასევე გამოითქვა რეკომენდაციები, რომელიც ეხებოდა ახალი გენდერული საბჭოს დაკომპლექტების საკითხს, დაიგეგმა კონკრეტული ერთობლივი ღონისძიებები", ნათქვამია ქალთა საინფორმაციო ცენტრის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

სამოქალაქო საზოგადოების ინსტიტუტის ბათუმის ფილიალმა პროექტის „გზად საბინაო სექტორის რეფორმებისკენ: ბინათმესაკუთრეთა გაერთიანებების პოტენციალის ამაღლება აზერბაიჯანში, ბელარუსში, მოლდოვას, უკრაინასა და საქართველოში”ფარგლებში განახორციელა ბინათმესაკუთრეთა ამხანაგობების განვითარებისთვის მუნიციპალური პროგრამების მოკვლევა - ანაზილი საქართველოს სამ დიდ ქალაქში - თბილისი, ქუთაისი და ბათუმი. გთავაზოთ აღნიშნული კვლევის ანალიზს და ძირითად მიგნებებს. სრულად...

ბინათმესაკუთრეთა ამხანაგობების წევრებისთვის ზოგადი განმარტებები და რეკომენდაციები მოამზადა სამოქალაქო საზოგადოების ინსტიტუტის ბათუმის ფილიალმა. იგი საერთო ქონების განვითარების, მართვის და განკარგვის საკითხებს ეხება. განმარტებები და რეკომენდაციები... დოკუმენტი მომზადდა პროექტის – „გზად საბინაო სექტორის რეფორმებისკენ: ბინათმესაკუთრეთა გაერთიანებების პოტენციის ამაღლება აზერბაიჯანში, ბელორუსიას, საქართველოს, მოლდოვასა და უკრაინაში" – ფარგლებში. მას ახორციელებს გერმანული ორგანიზაცია „საბინაო მეურნეობის ინიციატივა აღმოსავლეთ ევროპაში" (IWO) საერთაშორისო პარტნიორებთან ერთად, ევროკავშირის მხარდაჭერით. საქართველოში პროექტის პარტნიორი ორგანიზაციებია: სამოქალაქო საზოგადოების ინსტიტუტის ბათუმის ფილიალი, ადგილობრივი დემოკრატიის სააგენტო საქართველო (ქუთაისი) და საქველმოქმედო ჰუმანიტარული ცენტრი „აფხაზეთი" (თბილისი). სრულად....

გურია. 15 დეკემბერს, „ახალგაზრდა პედაგოგთა კავშირის" ახალგაზრდული ცენტრის წევრებმა ადვოკატირების პროგრამის ფარგლებში, საკუთარ თემებში არსებული პრობლემების პრეზენტაციები წარუდგინეს ადგილობრივი თვითმმართველობების წარმომადგენლებს. „შეხვედრაში მონაწილეობდნენ, ოზურგეთის მუნიციპალიტეტის დაბა ნარუჯის, ნასაკირალის, ლაითურისა და ლანჩხუთის მუნიციპალიტეტის სოფ. ნიგვზიანის ახალგაზრდები. გასულ თვეში, აღნიშნული სოფლების ახალგაზრდებთან გაიმართა სამუშაო შეხვედრა, სადაც გამოვლინდა სოფლებში არსებული პრობლემები და საჭიროებები. მიღებულ ინფორმაციაზე დაყრდნობით მომზადდა პრეზენტაციები. დაიგეგმა პირველი შეხვედრა ხელისუფლების წარმომადგენლებთან, რათა გადაწყვეტილების მიმღებ პირებთან ერთად ემსჯელათ სოფლების საჭიროებების მოგვარების სტრატეგიებზე. ყურადღება გამახვილდა საბავშვო ბაღების აღსაზრდელთა ტრანსპორტირების, სათამაშო მოწყობილობებისა და საბავშვო ბიბლიოთეკის პრობლემაზე. თემებში ამბულატორიების, აფთიაქების აუცილებლობაზე. ახალგაზრდებისთვის სამეწარმეო საქმიანობისა და კომპიუტერული კურსების შეთავაზების, შეზღუდული შესაძლებლობის მქონე ბავშვების საჭირო მედიკამენტებით უზრუნველყოფის შესახებ", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) აქვეყნებს ადგილობრივი თვითმმართველობის არჩევნების შემაჯამებელ ბიულეტენს. დოკუმენტი ეხება სამართალდამცავების რეაქ=გირებას არჩევნებთან დაკავშირებულ დანაშაულებზე, საარჩევნო დავებსა და კონკურენტულ, ინკლუზიურ საარჩევნო გარემოს. სრულად... წყარო: gyla.ge

თბილისი. 8 დეკემბერს, „საქართველოს ადგილობრივ თვითმმართველობათა ეროვნული ასოციაციის" VI ეროვნული ასამბლეა გაიმართა. „ასამბლეაზე საქართველოს ადგილობრივ თვითმმართველობათა ეროვნული ასოციაციის ახალი პრეზიდენი აირჩიეს. მომდევნო 3 წლის განმავლობაში NALAG-ს კახა კალაძე უხელმძღვანელებს. ეროვნულ ასამბლეაზე წარმოდგენილმა დელეგატებმა, ახლადარჩეულმა მერებმა და საკრებულოს წევრებმა საქართველოს ყველა თვითმმართველი ერთეულიდან, ორგანიზაციის აღმასრულებელი საბჭოს წევრობის კანდიდატებად რეგიონიდან 2-2 კანდიდატი დაასახელეს და უმრავლესობით აირჩიეს კიდეც”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. დღეს ადგილობრივი თვითმმართველობის ინდექსის პირველი, 2017 წლის ანგარიში გამოქვეყნდა. დოკუმენტი კონსულტაციებისა და ტრენინგების ცენტრის (CTC), ინფორმაციის თავისუფლების განვითარების ინსტიტუტისა (IDFI) და მმართველობითი სისტემების განვითარების ცენტრის (MSDC) ერთობლივი ძალისხმევით შეიქმნა. პროექტი ფონდი ღია საზოგადოება საქართველოს ფინანსური მხარდაჭერით განხორციელდა. ინდექსის მიხედვით, საქართველოს მუნიციპალიტეტების გამჭვირვალობისა და ანგარიშვალდებულების მიმდინარე წლის ეროვნულმა შეფასებამ საკმაოდ დაბალი შედეგები აჩვენა. 100%-იანი შეფასების სკალაზე მუნიციპალიტეტების საშუალო შედეგი მხოლოდ 21%-ია, მერია/ გამგეობების - 19%, ხოლო საკრებულოების - 24%. ეს ნიშნავს, რომ გამჭვირვალობის და ანგარიშვალდებულების სფეროში მაღალი სტანდარტების დასამკვიდრებლად საქართველოს მუნიციპალიტეტებში მნიშვნელოვანი ნაბიჯებია გადასადგმელი. სრულად წყარო: http://www.osgf.ge/

თბილისი. 1 დეკემბერს თბილისის ადამიანის უფლებათა სახლის საკონფერენციო დარბაზში ადამიანის უფლებათა ცენტრმა წარმოადგინა 2017 წლის ადგილობრივი თვითმმართველობის არჩევნების მონიტორინგის შედეგების ამსახველი ანგარიში. ასევე, გაიმართა ადამიანის უფლებათა ცენტრის ვიდეოსტუდიის - hridc.tv-ს მიერ გადაღებული ფილმის ჩვენება. „ადამიანის უფლებათა ცენტრის ორენოვან ანგარიშში ასახულია ინფორმაცია საარჩევნო პროცესის დაკვირვებისას აღმოჩენილი დარღვევებისა და სხვა მიგნებების შესახებ. ანგარიშში წარმოდგენილია რეკომენდაციები როგორც ცენტრალური საარჩევნო კომისიისა და საქართველოს პარლამენტისადმი", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

კახეთი. საქართველოს პრეზიდენტის სარეზერვო ფონდისა და ფონდ "ღია საზოგადოება-საქართველოს" მხარდაჭერით, პანკისის ხეობაში დაიწყო ადეკვატური სტანდარტების შესაბამისი დღის ცენტრის მშენებლობა, რომელიც 20 შშმ პირს მოემსახურება. პანკისის ხეობა არის ერთ-ერთი უნიკალური ადგილი, რომელიც კომპაქტურადაა დასახლებული ეთნიკური ქისტებით. დღის ცენტრის მშენებლობა 2018 წლის გაზაფხულზე დასრულდება და ის ხელს შეუწყობს შშმ პირების ინტეგრაციას საზოგადოებრივ ცხოვრებაში და გამოავლენს ამ ადამიანებში არსებულ პოტენციალს. სრულად  წყარო: ორგანიზაციის ვებგვერდი

თბილისი. 15 ნოემბერს, ახალციხის დემოკრატიული ჩართულობის მედიაცენტრის ორგანიზებით გაიმართა შეხვედრა თემაზე „ადგილობრივი თვითმმართველობის არჩევნების მონიტორინგის შედეგები". „შეხვედრის ძირითად მიზანს წარმოადგენდა 2017 წლის ადგილობრივი თვითმმართველობის არჩევნების მონიტორინგის შედეგების შეჯამება. კერძოდ კი, განხილული იქნა ძირითადი დარღვევები, ადმინისტრაციული რესურსის გამოყენების ფაქტები, რამდენად კონკურენტუნარიანი საარჩევნო გარემო იყო შექმნილი ყველა პარტიისთვის, ამომრჩეველთა აქტივობის შედარება წინა წლებთან და ანალიზი", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. გენდერული საინფორმაციო პორტალი აქვეყნებს ბლოგპოსტს: „2017 წლის არჩევნების შედეგად საკრებულოს დეპუტატი მხოლოდ 277 ქალი გახდა". „არჩევნების პირველი ტურის შემდეგ, თბილისსა და საქართველოს 64 მუნიციპალიტეტში სულ 277 ქალი (13.4%) და 1781 მამაკაცი (86.6%) აირჩიეს. 2017 წელს არჩეულ ქალთა რაოდენობა მხოლოდ 1.8%-ით აღემატება წინა 2014 წლის თვითმართველობის დროს არჩეულ ქალ დეპუტატთა საერთო ჯამს (11.6%). 2014 წლის თვითმართველობის არჩევნებთან შედარებით არჩეულ ქალთა რიცხვი გაიზარდა რეგიონებში. თბილისის საკრებულოში კი 6%-ით შემცირდა და 20% შეადგინა", ნათქვამია პორტალის ვებგვერდზე. სრულად... წყარო: ginsc.net

თბილისი. 2017 წლის 21 ოქტომბრის ადგილობრივი თვითმმარველობის არჩევნების მეორე ტური 12 ნოემბერს ქუთაისის, ოზურგეთის, ბორჯომის, ხაშურის, მარტვილისა და ყაზბეგის ოლქებში გაიმართება.  „სამართლიანი არჩევნებისა და დემოკრატიის საერთაშორისო საზოგადოება მეორე ტურის წინასაარჩევნო კამპანიის მიმდინარეობას ექვსივე ოლქში გრძელვადიანი დამკვირვებლების მეშვეობით აკვირდებოდა. დაკვირვების შედეგად გამოიკვეთა, რომ ადგილობრივი თვითმმართველობის არჩევნების პირველ და მეორე ტურებს შორის პერიოდი პოლიტიკური ნიშნით მუქარა-ზეწოლისა და ადმინისტრაციული რესურსის გამოყენების ფონზე მიმდინარეობს ოზურგეთში, რაც ხელს უშლის თანასწორ და თავისუფალ წინასაარჩევნო გარემოს”, ნათქვამია ორგანიზაციის ვებგვერდზე. სრულად... წყარო: www.isfed.ge

აჭარა. მერიის საფინანსო სამსახურის უფროსმა, არჩილ ვანაძემ ბათუმის დემოკრატიული ჩართულობის ცენტრში ქ. ბათუმის მუნიციპალიტეტის საშუალოვადიანი პრიორიტეტების დოკუმენტი და მომდევნო წლის ბიუჯეტის პროექტი წარმოადგინა. „შეხვედრის მეორე ნაწილში ჯანმრთელობისა და სოციალური დაცვის სამსახურის უფროსის მოადგილეებმა - მარინა რუხაძემ და გოჩა ჯიბლაძემ ჯანმრთელობის, სანიტარიული ზედამხედველობისა და სოციალური დაცვის 2018 წლის პროგრამებზე ისაუბრეს. პრიორიტეტული მიმართულებების მიხედვით სულ 3 შეხვედრაა გათვალისწინებული. განათლების, კულტურის, სპორტისა და ახალგაზრდობის პროგრამებს ხვალ, 9 ნოემბერს, ხოლო ინფრასტრუქტურული პროგრამების ბიუჯეტის პროექტს 10 ნოემბერს განიხილავენ. შეხვედრები 13:00 სთ-ზეა დაგეგმილი”, ნათქვამია დემოკრატიული ჩართულობის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. "საერთაშორისო გამჭვირვალობა - საქართველომ” (TI) გამოაქვეყნა კვლევა თვითმმართველი ქალაქ ზუგდიდის საკრებულოს საქმიანობის შესახებ. კვლევის საანგარიშო პერიოდი მოიცავს 2014 წლის ივლისიდან 2017 წლის 18 აგვისტოს ჩათვლით დროის მონაკვეთს და ის საკრებულოდან გამოთხოვილ, საკრებულოს ოფიციალურ ვებგვერდზე არსებულ ინფორმაციასა და ორგანიზაციის დაკვირვებებს ეფუძნება. სრულად წყარო: ორგანიზაციის ვებგვერდი

თბილისი. სადამკვირვებლო ორგანიზაციები მოუწოდებენ სამართალდამცავ ორგანოებს, თიანეთის საოლქო და #20 საუბნო საარჩევნო კომისიის ქმედებებით დაინტერესდეს. „მას შემდეგ, რაც სასამართლომ ბათილად ცნო თიანეთის საოლქო საარჩევნო კომისიის ორი განკარგულება, გამოძიების საგანი უნდა გახდეს კომისიის წევრთა მოქმედებების კანონიერება და ხომ არ ჰქონდა მათი მხრიდან ადგილი დანაშაულებრივ ქმედებას", ნათქვამია განცხადებაში. სრულად... წყარო: www.isfed.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „ზუგდიდსა და სამეგრელო-ზემო სვანეთის მუნიციპალიტეტების თვითმმართველობის არჩევნებისთვის წარდგენილი კანდიდატების ქონება". თანამდებობის პირთა თუ არჩევნებისას პარტიების მიერ წარდგენილ კანდიდატთა კვალიფიკაცია, მათი ქონებრივი მდგომარეობა და ბიზნესინტერესები მაღალი საზოგადოებრივი ინტერესის საგანია. „საერთაშორისო გამჭვირვალობა – საქართველო" ამჯერად წარმოგიდგენთ ინფორმაციას შემდეგ პირებზე: ზუგდიდის მერობის კანდიდატები; პარტიების მიერ ზუგდიდის საკრებულოში წარდგენილი საარჩევნო სიების პირველ ნომრები; პარტია "ქართული ოცნება-დემოკრატიული საქართველოს” მიერ სამეგრელო-ზემო სვანეთის მუნიციპალიტეტებში წარდგენილ მერობის კანდიდატები", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს ხშირად დასმულ კითხვებზე პასუხებს. „რას ნიშნავს დამოუკიდებელი კანდიდატი? დამოუკიდებელ კანდიდატს უწოდებენ საარჩევნო სუბიექტს, რომელიც მერობის/მაჟორიტარობის კანდიდატად წარდგენილია საინიციატივო ჯგუფის მიერ", ნათქვამია ორგანიზაციის ვებ-გვერდზე. იხ.სრულად დოკუმენტი... წყარო: gyla.ge

გურია. ოზურგეთის დემოკრატიული ჩართულობის ცენტრის აქტივისტი ერეკლე სამსონია, ცენტრში თავისი საქმიანობის შესახებ, ბლოგს აქვეყნებს. „ოზურგეთის დემოკრატიული ჩართულობის ცენტრში სტაჟირების პროგრამაში ჩავერთე, ცნობისმოყვარეობით და სიახლეების შეცნობის სურვილით. შემდეგ კი, გადავწყვიტე, ჩემი საქმიანობა თემში მცხოვრები ახალგაზრდების საჭიროებებისკენ მიმემართა და პირველი სამუშაო შეხვედრა მათთან გავმართე, რათა სწორად განმესაზღვრა მათი საჭიროებები, მასტერკლასების დაგეგმვის მიზნით" - წერს ერეკლე. სრულად  წყარო: ორგანიზაციის გვერდი სოციალურ ქსელში

აჭარა. ბათუმის დემოკრატიული ჩართულობის ცენტრში ხელვაჩაურის მუნიციპალიტეტში მცხოვრებ ახალგაზრდებს საინფორმაციო ხასიათის შეხვედრა ჩაუტარდათ. „სემინარი მიზნად ისახავდა 2017 წლის თვითმმართველობის არჩევნებთან დაკავშირებით ამომრჩეველთა ინფორმირებას, არჩენებში მონაწილეობის მოტივაციის გაზრდას და ამომრჩევლებს შორის კომუნიკაციის გაძლიერებას. ა/ო სამართლიანი არჩევნების აჭარა-გურიის კოორდინატორმა, მადონა ბერიძემ ახალგაზრდებს თვითმმართველობის არჩევნების შესახებ მიაწოდა ინფორმაცია, დაურიგდათ საინფორმაციო ბარათები და გაიმათა დისკუსია", ნათქვამია დემოკრატიული ჩართულობის ცენტრის ვებ-გვერდზე სოციალურ ქსელში. სრულად... წყარო: ცენტრის ვებ-გვერდი სოციალურ ქსელში

აჭარა. ბათუმის დემოკრატიული ჩართულობის ცენტრში, სამოქალაქო საზოგადოების ინსტიტუტის ბათუმის ფილიალისა და ევროპის ფონდის მხარდაჭერით სატრენინგო კურსი „ინფორმაციის თავისუფლება მონაწილეობითი ადგილობრივი თვითმმართველობისთვის" ჩატარდა. ტრენინგს მოწვეული ექსპერტი – ლევან ფანიაშვილი უძღვებოდა. „აღნიშნული პროექტის მიზანია მმართველობის გამჭვირვალე და ანგარიშვალდებული პრაქტიკის დანერგვა თვითმმართველ ქალაქ ბათუმში. ...ამ ტრენინგების შემდეგ მონაწილეობითი გადაწყვეტილების მიღების კულტურისა და პრაქტიკის დამკვიდრების მიზნით, სამოქალაქო საზოგადოების ინსტიტუტის მხარდაჭერით შეიქმნება საინიციატივო ჯგუფები, რომლებიც აქტიური მოქალაქეების (მათ შორის, ახალგაზრდების), სამოქალაქო საზოგადოების ორგანიზაციების, მერიასა და საკრებულოსთან არსებული სამოქალაქო მრჩეველთა საბჭოების წარმომადგენლების მიერ დაკომპლექტდება და მხარს დაუჭერს ადგილობრივი პრობლემების მოსაგვარებლად მათ მიერ ინიცირებულ სამოქალაქო მონიტორინგისა და ადვოკატირების აქტივობებს", ნათქვამია დემოკრატიული ჩართულობის ცენტრის ვებ-გვერდზე სოციალურ ქსელში. სრულად... წყარო: დემოკრატიული ჩართულობის ცენტრის ვებ-გვერდი სოციალურ ქსელში

თბილისი. ფონდ „ღია საზოგადოება - საქართველოს" ოფისში საბჭოთა წარსულის კვლევის ლაბორატორის მიერ გამოცემული წიგნის - „ერობა - თვითმმართველობის რეფორმა საქართველოს რესპუბლიკაში - 1918" - პრეზენტაცია გაიმართა. წიგნი 1918-1920 წლების საერობო რეფორმას ეხება და მკითხველს შესაძლებლობას აძლევს, გაეცნოს არა მარტო რეფორმის ჩატარების სპეციფიკას, გეოგრაფიასა და მიმდინარეობას მაზრების მიხედვით, არამედ თავად თვითმმართველობის საკითხებზე მიმდინარე დისკუსიებს მე-19 საუკუნის შუა პერიოდიდან - 1918 წლამდე. კვლევის ავტორთა თქმით, ვინაიდან თვითმმართველობის საკითხები დღესაც აქტუალურია, განსაკუთრებით, შვიდი ქალაქისთვის თვითმმართველი ერთეულის სტატუსის გაუქმების ფონზე, წიგნი განსაკუთრებით საყურადღებო იქნება თვითმმართველობის საკითხებით დაინტერესებული პირებისთვის, რომლებსაც შესაძლებლობა ეძლევათ, გაეცნონ თითქმის საუკუნის წინანდელ გამოცდილებასა და ხედვას, რომელიც, დღევანდელთან შედარებით, გაცილებით თამამი იყო. სრულად  წყარო: ფონდ „ღია საზოგადოება - საქართველოს" ვებგვერდი

გურია. 23-26 ივლისს გურიაში გაიმართა მასშტაბური ღონისძიება - გურიის ტურიზმის ფესტივალი და მულტიაქტორული სამუშაო შეხვედრები, რეგიონში ტურიზმის განვითარების სტრატეგიის შესაქმნელად. 23 ივლისს ლანჩხუთში, ჩოხატაურსა და ოზურგეთში გაიმართა გურიის ტურისტული ფესტივალი მრავალფეროვანი პროგრამით. მოეწყო ადგილობრივი მხატვრების გამოფენა, მეწარმეებმა თავიანთი პროდუქცია წარუდგინეს დამთვალიერებლებს, გაიმართა გურიის ტურისტული მარშრუტის მობაილაპლიკაციის პრეზენტაცია. სამივე მუნიციპალიტეტში მოეწყო ეთნოგრაფიული კუთხეები. დამთვალიერებლებსა და სტუმრებს საშუალება ჰქონდათ ეჯირითათ ცხენებით, ეხილათ ბაზიერები, საჩუქრად მიეღოთ ტურისტული რუკა, დაეთვალიერებინათ ხალხური რეწვის ნიმუშები და რა თქმა უნდა, მოესმინათ უნიკალური, მრავალხმიანი გურული სიმღერები... ღონისძიებას ესწრებოდნენ როგორც ადგილობრივი მცხოვრებლები, ისე ოზურგეთში მყოფი ტურისტები, სფეროს ექსპერტები, ევროკავშირისა და ადგილობრივი ხელისუფლების წარმომადგენლები. გურიის ტურისტული ფესტივალის მონაწილეებს მიმართეს ადგილობრივი ხელისუფლების წარმომადგენლებმა და პროექტის აღმასრულებელმა დირექტორმა, ნანა თავდუმაძემ. მათ გურიის ტურიზმის განვითარების პროექტის მნიშვნელობაზე, ტურიზმის სტრატეგიასა და გურიის ტურისტულ პოტენციალზე გაამახვილეს ყურადღება. ევროკავშირის წარმომადგენლის, დომინიკა სკუბიდას თქმით, ევროკავშირი ეხმარება გურიის ოთხ მუნიციპალიტეტს (ოზურგეთის, ლანჩხუთი, ჩოხატაურის მუნიციპალიტეტები, ოზურგეთის მერია) და ორ არასამთავრობო ორგანიზაციას (სამოქალაქო საზოგადოების ინსტიტუტი და ოზურგეთის ახალგაზრდა მეცნიერთა კლუბი) მონაწილეობის პრინციპით შექმნან გურიის ტურიზმის განვითარების სტრატეგია ხალხის ჩართულობით, რათა გურიის მოსახლეობამ მიიღოს მეტი სარგებელი იმ ბუნებრივი რესურსებით, რომელიც აქვთ. ფესტივალის შემდგომ 24, 25 და 26 ივლისს ქ. ოზურგეთში, კოლეჯ „ჰორიზონტის" შენობაში გაიმართა CHARRETTE Studio-ს ღონისძიება (მიჩიგანის სახელმწიფო უნივერსიტეტის შარეტის ეროვნულ ინსტიტუტში - National Chrrette Institute, NCI - შემუშავებული მონაწილეობითი მეთოდოლოგია), სადაც ცენტრალური და ადგილობრივი ხელისუფლების წარმომადგენლების, ექსპერტების, მოქალაქეებისა და ტურიზმის სფეროთი დაინტერესებული სხვა აქტორების მონაწილეობით, გაიმართა გურიის რეგიონში ტურიზმის განვითარების პერსპექტივების ფართომასშტაბიანი განხილვა. პლენარული სესიებისა და თემატური ჯგუფების შემდგომ, დამსწრე საზოგადოებამ ერთობლივად განსაზღვრა გურიის ტურიზმის სტრატეგიის პრიორიტეტები. ეს 4-დღიანი ღონისძიება გურიაში გაიმართა პროექტის - „მონაწილეობითი პრინციპები გურიის ტურიზმის განვითარების სტრატეგიისათვის" - ფარგლებში, რომელსაც ოზურგეთის, ლანჩხუთის, ჩოხატაურის მუნიციპალიტეტები, ქ. ოზურგეთის მერია, საზოგადოებრივი ორგანიზაციები - ოზურგეთის ახალგაზრდა მეცნიერთა კლუბი, სამოქალაქოსა ზოგადოების ინსტიტუტი, ევროკავშირის ფინანსური მხარდაჭერით ახორციელებენ. პროექტისმიზანია, ცენტრალური და ადგილობრივი ხელისუფლების, მოქალაქეებისა და ტურისტული სფეროთი დაინტერესებული აქტორების ერთობლივი ძალისხმევით, გურიაში ტურიზმის მდგრადი და ყოვლისმომცველი განვითარების ხელშეწყობა. სრულად  წყარო: სამოქალაქო საზოგადოების ინსტიტუტის გვერდი სოციალურ ქსელში