კახეთი. ლაგოდეხის მუნიციპალიტეტში ახალგაზრდების უნარების გაძლიერების ტრენინგი ჩატარდა. „უფლებები საქართველომ“, „ლელიანის ზრდასრულთა განათლების ცენტრთან“ პარტნიორობით, 19-20 ნოემბერს, სოფელ ლელიანში ორდღიანი ტრენინგი გამართა. ტრენინგი მიზნად ისახავდა ლაგოდეხის მუნიციპალიტეტში მცხოვრები ახალგაზრდების უნარების გაძლიერებას. ტრენინგს ესწრებოდნენ ეთნიკურად აზერბაიჯანელი, ოსი და ქართველი ახალგაზრდები. ტრენინგი ჩატარდა ომისა და მშვიდობის გაშუქების ინსტიტუტის (IWPR) პროექტის ფარგლებში, გაერთიანებული სამეფოს მთავრობის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო საზოგადოების ორგანიზაციები მიიჩნევენ, რომ საქართველოს მთავრობის პასიურობა OECD/ACN-ის მონიტორინგის მე-5 რაუნდის პროცესში მონაწილეობაზე ზიანს აყენებს საქართველოს რეპუტაციას და კითხვის ნიშნის ქვეშ აყენებს ქვეყანაში ანტიკორუფციული რეფორმების გატარების დღის წესრიგს. ხელმომწერი ორგანიზაციები მოუწიდებენ საქართველოს მთავრობას, კონსტრუქციულად ითანამშრომლოს ეკონომიკური თანამშრომლობისა და განვითარების ორგანიზაციის ანტიკორუფციული ქსელთან და უზრუნველყოს 2023 წელს საქართველოში ანტიკორუფციული გარემოს მონიტორინგის მე-5 რაუნდის შეფასების განხორციელება. სრულად... წყარო: transparency.ge

ამ წუთებში, სასტუმრო „თბილისის მარიოტში“, „საქართველოს ახალგაზრდა იურისტთა ასოციაცია“ სისხლის სამართლის პროცესების მონიტორინგის N16 ანგარიშის პრეზენტაციას გამართავს. მისამართი: თბილისი, რუსთაველის გამზ. #13

ამ წუთებში, „ღია საზოგადოების ფონდის“ ოფისში, სოციალური სამართლიანობის ცენტრის, ახალგაზრდა იურისტთა ასოციაციის და ჟურნალისტური ეთიკის ქარტიის მიერ მომზადებული ანგარიშის: „დევნის უწყვეტი პრაქტიკა აჭარის საზოგადოებრივ მაუწყებელში“ პრეზენტაცია გაიმართება. მისამართი: თბილისი, ჭოველიძის 4ა

თბილისი. 16 ნოემბერს, სოციალური სამართლიანობის ცენტრმა გამართა დისკუსია „კონფლიქტები, სამშვიდობო პოლიტიკა და მედია დღის წესრიგი“. შეხვედრის მიზანი იყო, გაჭიანურებულ კონფლიქტებთან  და მათგან მომდინარე ადამიანურ, სოციალურ და პოლიტიკურ ზიანთან, ისევე როგორც სამშვიდობო პოლიტიკასთან დაკავშირებით მედიის დღის წესრიგისა და მუშაობის გამოცდილებების განხილვა. დისკუსია ჩატარდა გაერთიანებული ერების საქართველოში ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

რეგიონები. 2022 წლის ივლისიდან ინფორმაციის თავისუფლების განვითარების ინსტიტუტმა (IDFI), საქართველოს პარლამენტის ეროვნულ ბიბლიოთეკასთან და უკვე შემდგომში რეგიონული ინიციატივების ცენტრ „ნათელ მომავალთან“ თანამშრომლობით, რეგიონული ტურნე დაიწყო, რომლის ფარგლებშიც სხვადასხვა მუნიციპალიტეტში რეპრესირებულთა საკითხზე პრეზენტაცია და „რადიო თავისუფლების“ ფილმის „დახვრეტილთა სასაფლაო ბათუმში“ ჩვენება გაიმართა. სულ გაიმართა 10 შეხვედრა საქართველოს 8 მუნიციპალიტეტში, რომელსაც დაესწრო 500-ზე მეტი დაინტერესებული მოქალაქე. სრულად... წყარო: idfi.ge

ქვემო ქართლი. სამოქალაქო ინტეგრაციის ფონდის ორგანიზებით პროექტის „სამოქალაქო საზოგადოების ინიციატივა“ ფარგლებში, ქვემო ქართლის რეგიონული ჰაბის და რეგიონული სათემო და სს ორგანიზაციის ლიდერთა და ახალგაზრდა აქტივისტების საკოორდინაციო შეხვედრა გაიმართა. შეხვედრის მონაწილეები გაეცნენ პროექტის ფარგლებში განხორციელებულ აქტივობებსა და სამომავლო გეგმებს. შეხვედრაზე ხაზგასმით ისაუბრეს პროექტის ფარგლებში მცირე საგრანტო პროგრამებში მონაწილეობასთან დაკავშირებულ გამოწვევებსა და შესაძლებლობებზე. შეხვედრა განხორციელდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივის ფარგლებში, რომელსაც ახორციელებს კონსორციუმი კონრად ადენაუერის ფონდის (KAS) ხელმძღვანელობით. სრულად...  წყარო: ორგანიზაციის გვერდი სოციალურ ქსელში

თბილისი. თანასწორობის კვირეულის ფარგლებში, „კოალიცია თანასწორობისთვის“ წევრი ორგანიზაციების მიერ 18 ნოემბერს პრეზენტაცია გაიმართა. პრეზენტაციაზე განიხილეს ხანდაზმულთა უფლებრივი მდგომარეობა და სოციალური დაცვის სისტემის ძირითადი გამოწვევები სხვადასხვა დაუცველი ჯგუფისათვის საქართველოში, სოციალური დაცვის სისტემის გამოწვევები ბავშვების და შშმ პირებისთვის, სოციალური დაცვის სისტემის გამოწვევები ლგბტქი+ პირებისთვის, სოციალური დაცვის სისტემის გამოწვევები ქალებისათვის, სოციალური დაცვის სისტემის გამოწვევები ექთანი ქალებისთვის. „კოალიცია თანასწორობისთვის“ წევრი ორგანიზაციების მიერ წარდგენილი მოხსენებები იმ კვლევებს ეფუძნება, რომელიც ბოლო წლების მანძილზე ამ საკითხებზე შეიქმნა. სრულად... წყარო: equalitycoalition.ge

თბილისი. საერთაშორისო გამჭვირვალობა - საქართველოს ინფორმაციით, ორგანიზაციის იურისტებმა 2012-2021 წლებში უკანონოდ გათავისუფლებული 580 ადამიანი აღადგინეს სამსახურში. სრულად... წყარო: ორგანიზაციის გვერდი სოციალურ ქსელში

21 ნოემბერს, 13:00 საათზე, სასტუმრო „თბილისი მარიოტში“, „სოციალური სამართლიანობის ცენტრი“ მართავს დისკუსიას - „უმცირესობები საქართველოს მოქალაქეობის ძიებაში - მუსლიმი მესხები, სომხები, ჩეჩნები და ოსები“. მისამართი: თბილისი, შოთა რუსთაველის გამზ.13

18 ნოემბერს, 17:00 საათზე, მაკლეინის ასოციაციის ორგანიზებით, გაიმართება პირდაპირი ჩართვა სოციოლოგ მარიამ დარბაიძესთან ერთად. საუბარი შეეხება ისეთ მნიშვნელოვან საკითხებზე, როგორებიცაა: სმენის სირთულეების მქონე ადამიანების სპეციფიკური გამოცდილება; სამოქალაქო აქტივიზმის როლი შშმ პირთა უფლებების დაცვაში; შშმ პირების მზაობა საკუთარი უფლებების დასაცავად; საზოგადოების მზაობა და მგრძნობელობა შშმ პირების წინაშე მდგარი პრობლემებისადმი. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) შეფასებით, საქართველოში ღია მონაცემების ხელმისაწვდომობის კუთხით უმნიშვნელოვანესი გამოწვევაა ღია მონაცემთა მარეგულირებელი კანონმდებლობის არარსებობა. „საჭიროა მონაცემთა განკარგვის შესაძლებლობების განვითარება ადგილობრივ დონეზე, ასევე ცენტრალიზებული მონაცემების ჩაშლა მუნიციპალური ერთეულების მიხედვით. აუცილებელია საქართველოს ღია მონაცემთა პორტალის გაუმჯობესება, პორტალის მუდმივი ტექნიკური მხარდაჭერა, ახალი მონაცემთა ბაზების გამოქვეყნება და არსებული მონაცემების რეგულარული განახლება. ასევე, პორტალზე მონაცემების სხვადასხვა ღია ფორმატში (განსაკუთრებით API სახით) გამოქვეყნება“. ვრცლად... წყარო: idfi.ge

თბილისი. საქართველოს ახალგაზრდა იურისტთა ასოციაცია საერთო სასამართლოების შესახებ ორგანულ კანონში ინიცირებულ ცვლილებებს უარყოფითად აფასებს. „მიუხედავად იმისა, რომ კანონპროქტის განმარტებითი ბარათის შესაბამისად, იგი ემსახურება ევროკავშირის მოთხოვნების შესრულებას, ის სინამდვილეში ქვეყანას აშორებს ევროკავშირის  კანდიდატის სტატუსის მიღების პერსპექტივას და წარმოადგენს კიდევ ერთ ხელიდან გაშვებულ შესაძლებლობას მართლმსაჯულების სისტემის არსებით ცვლილებებთან დაკავშირებით“. სრულად... წყარო: gyla.ge

თბილისი. ამ წუთებში, აჭარის რეგიონული ჰაბის - თავისუფალ ჟურნალისტთა სახლის ორგანიზებით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში, კონფერენცია „სოციალური პასუხისმგებლობის გააზრება“ იმართება. კონფერენციის მიზანია ინფორმაციის გაცვლა იმ ჯგუფებს შორის, რომლებიც მუშაობენ კორპორაციული სოციალური პასუხისმგებლობის საკითხებზე ან არიან ბენეფიციარები. კონფერენციას ესწრებიან სოციალურ პოლიტიკაზე პასუხისმგებელი პირები სახელმწიფო სტრუქტურებიდან, აჭარის რეგიონის ბიზნეს ორგანიზაციები, საკანონმდებლო, საგანმანათლებლო და სამედიცინო სფეროს წარმომადგენლები, სამოქალაქო საზოგადოების ორგანიზაციები, ადვოკატები, პოლიტიკოსები, სოციალური მუშაკები, მედიის წარმომადგენლები და ახალგაზრდები. სრულად... წყარო: ორგანიზაციის გვერდი სოციალურ ქსელში

გურია. გაეროს ბავშვთა ფონდისა და USAID/Georgia-ს პარტნიორული პროექტის, „COVID-19-ის პრევენცია და მასზე რეაგირება საქართველოში“ ფარგლებში, 2021-2022 წლებში: გურიის 32 სკოლასა და 4 საავადმყოფოში წყლის ფილტრები დამონტაჟდა, რის შედეგადაც ხელმისაწვდომი გახდა უსაფრთხო სასმელი წყალი. ამ დაწესებულებებში უსაფრთხო წყლით სარგებლობს 5,000-მდე მოსწავლე და მასწავლებელი და პირველადი ჯანდაცვის კლინიკის 7,000-მდე პაციენტი. 38,234-მა მოზარდმა მიიღო ინფორმაცია უსაფრთხო ჰიგიენის პრაქტიკის, COVID-19-ის პრევენციის ღონისძიებებისა და უსაფრთხო წყლისა და სანიტარული პირობების შესახებ. გაიგეთ მეტი...  წყარო: ორგანიზაციის გვერდი სოციალურ ქსელში

თბილისი. თუ გაქვთ კითხვები ბავშვის განვითარების შესახებ მიიღეთ უფასო კვალიფიციური კონსულტაცია ენისა და მეტყველების თერაპევტისგან. შეარჩიეთ თქვენთვის სასურველი დრო, კონსულტაცია გაიმართება ოთხშაბათს, 23 ნოემბერს, 14:00, 15:00, 16:00 საათებზე. სპეციალისტთან კონსულტაციის გავლა შეგიძლიათ თქვენთვის მოსახერხებელი ფორმით - მობილურის, ვაიბერის ან ზუმის საშუალებით. კონსულტაციის დასაჯავშნად მიყევით ბმულს... რეგისტრაციისას სირთულეების შექმნის შემთხვევაში გთხოვთ დაგვიკავშირდეთ ნომერზე - 591 97 99 42. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდისა და USAID/Georgia-ს პარტნიორული პროექტის, „COVID-19-ის პრევენცია და მასზე რეაგირება საქართველოში“ ფარგლებში, 2021-2022 წლებში წლებში, 400,000-ზე მეტმა მასწავლებელმა და სკოლის პერსონალმა, ჯანდაცვის მუშაკმა, რელიგიურმა ლიდერმა, მშობელმა და ბავშვმა მიიღო ინფორმაცია COVID-19-ისა და COVID-19-ის საწინააღმდეგო ვაქცინაციის შესახებ. აღნიშნულმა ინტერვენციებმა ხელი შეუწყვეს ვაქცინირებულ მასწავლებელთა წილის ზრდას, რომელიც 2021 წლის აგვისტოს მდგომარეობით არსებული 9%-დან 2022 წლის დასაწყისში 76%-მდე გაიზარდა. გაიგეთ მეტი… წყარო: ორგანიზაციის გვერდი სოციალურ ქსელში

18 ნოემბერს, 16:00 საათზე, გაიმართება შეხვედრა Erasmus+-ის მონაწილე GIPA-ს სტუდენტებთან, რომლებიც იტალიაში, ხორვატიასა და ლატვიაში იმყოფებოდნენ. ღონისძიების ფარგლებში შეგეძლებათ შეხვდეთ Erasmus+-ის პროგრამაში მონაწილე სტუდენტებს, რომლებიც გაგიზიარებენ თუ რა ეტაპები გაიარეს პროექტში მონაწილეობის მისაღებად და რა სახის გამოცდილება დააგროვეს პროგრამაში მონაწილეობისას. სრულად...

18 ნოემბერს, 12:00 საათზე, „კოალიცია თანასწორობისათვის“ წევრი ორგანიზაციები, ღია საზოგადოების ფონდში, გამართავენ კვლევების პრეზენტაციასა და დისკუსიას. სრულად...

18 ნოემბერს, 09:30 საათზე, ბათუმში, ევროკავშირის მხარდაჭერით, აჭარის რეგიონული ჰაბის - „თავისუფალ ჟურნალისტთა სახლის“ ორგანიზებით გაიმართება კონფერენცია თემაზე „სოციალური პასუხისმგებლობის გააზრება“. სრულად...

18 ნოემბერს, 09:30 საათზე, სასტუმრო „თბილისი მარიოტში“, საქართველოს სახალხო დამცველი და გერმანიის საერთაშორისო თანამშრომლობის საზოგადოება (GIZ) მართავს კვლევის - „დევნილი ქალების მობილობის ბარიერები და მათი ზეგავლენა ქალთა ეკონომიკურ გაძლიერებაზე“ პრეზენტაციას. მისამართი: თბილისი, შოთა რუსთაველის გამზ. #13

18 ნოემბერს, 09:00 საათზე, პარლამენტის დარგობრივი ეკონომიკისა და ეკონომიკური პოლიტიკის კომიტეტი USAID-ის ეკონომიკური მმართველობის პროგრამის მხარდაჭერითა და საქართველოს ტურიზმის ინდუსტრიის ალიანსთან თანამშრომლობით მართავს საჯარო და კერძო სექტორებს შორის დიალოგს (PPD) „ტურიზმის შესახებ" საქართველოს კანონის პროექტთან დაკავშირებით. მისამართი: თბილისი, ლადო გუდიაშვილის #18 „პუბლიკა".