თბილისი. „ევროკავშირი არ აპირებს საქართველოსთვის კანდიდატის სტატუსის მინიჭებას, ვიდრე აქ მისთვის სასურველ ხელისუფლებას არ ნახავს”, - ამ სათაურით გაავრცელა „კონსერვატიულმა პორტალმა - საქართველო უპირველეს ყოვლისა“ ერთ-ერთი ქართველი ექსპერტის ფეისბუკ-პოსტი. უფლებების საქართველოს ცნობით, სინამდვილეში: ევროკავშირი საქართველოსთვის კანდიდატის სტატუსის მინიჭების წინაპირობად ხელისუფლების შეცვლას არ აყენებს. ევროკავშირი საქართველოს ხელისუფლებისგან მოითხოვს სახელმწიფო ინსტიტუტების დამოუკიდებლობისა და ანგარიშვალდებულების გაძლიერებას, დეოლიგარქიზაციას, მართლმსაჯულების რეფორმირებას, ასევე პოლიტიკური პოლარიზაციის აღმოფხვრას. მასალა შექმნილია ევროკავშირის მხარდაჭერით. მის შინაარსზე სრულად პასუხისმგებელია „უფლებები საქართველო“ და შესაძლოა, რომ იგი არ გამოხატავდეს ევროკავშირის შეხედულებებს. სრულად... წყარო: rights.ge

15 ნოემბერს, 15:00 საათზე, პარლამენტის გარემოს დაცვისა და ბუნებრივი რესურსების კომიტეტისა და USAID-ის ეკონომიკური უსაფრთხოების პროგრამის ერთობლივი საჯარო-კერძო დიალოგი, საქართველოს მყარი ნარჩენების მართვის სექტორში არსებული გამოწვევებისა და მათი დაძლევის გზების შესახებ. მისამართი: თბილისი, ჟიული შარტავას სახელობის დარბაზი, (A კორპუსი, III სართული, ოთახი N307)

კახეთი. საერთაშორისო გამჭვირვალობა - საქართველო თელაველ ახალგაზრდებს ქვეყნის მომავალზე, ევროკავშირში გაერთიანების სურვილსა და ამ მიმართულებით გადასადგმელ ნაბიჯებზე ესაუბრა. შეხვედრამ დისკუსიის ფორმატში ჩაიარა. მომღერალი გიორგი უშიკიშვილი ახალგაზრდებს ესაუბრა, თუ რა მნიშვნელოვან საქმეს აკეთებს ჩვენი ფოლკლორის და ზოგადად კულტურული მემკვიდრეობის დასაცავად ევროკავშირი. ორგანიზაციის აღმასრულებელმა დირექტორმა, ეკა გიგაურმა კი საკუთარ მაგალითზე განიხილა მოსწავლეებთან, თუ რა ნაბიჯებს გადის  სტუდენტი ევროპაში სწავლის გასაგრძელებლად დაფინანსების მოპოვებისთვის. ორგანიზაცია მადლობას უხდის PH International-ს შეხვედრის ორგანიზებაში შეტანილი წვლილისთვის. რეგიონული შეხვედრები სამხრეთ კავკასიაში კონრად ადენაუერის ფონდის მხარდაჭერით ხორციელდება. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ჟურნალისტური ეთიკის საბჭომ საია-ს მიმართ ტელეკომპანია „იმედის“ ჟურნალისტების მიერ ეთიკის ქარტიის პრინციპების დარღვევა დაადგინა. კერძოდ: ნათია თოიძემ დაარღვია ქარტიის პირველი და მე-11 პრინციპები; ირაკლი ჩიხლაძემ დაარღვია ქარტიის პირველი პრინციპი. საბჭომ მიიჩნია, რომ ჟურნალისტურ მასალას აკლია გადამოწმება და წყაროები. ფორმალური ბალანსი ვერ გადაწონის ბრალდებას, რომელმაც შეიძლება პირს/ორგანიზაციას გამოუსწორებელი ზიანი მიაყენოს. საბჭოს მოსაზრებით, ტელეკომპანია „იმედზე“ შეიმჩნევა არასამთავრობო ორგანიზაციების წინააღმდეგ მიზანმიმართული საინფორმაციო კამპანიის არსებობა. სრულად... წყარო: www.gyla.ge

თბილისი. 14 ნოემბერი დიაბეტის საერთაშორისო დღეა. ამ დღესთან დაკავშირებით, მაკლეინის ასოციაცია ბავშვებისთვის გიზიარებთ სტატიას: დიაბეტის მქონე ბავშვების და ოჯახების ფსიქო-ემოციური მხარდაჭერა. „ქრონიკული დაავადებების მართვა როგორც წესი ბევრ გამოწვევასთანაა დაკავშირებული როგორც ბავშვებისთვის, ასევე მათი ოჯახებისთვის. ბავშვებში, ერთ-ერთ ასეთ ყველაზე გავრცელებულ დაავადებას დიაბეტი წარმოადგენს, რომლის მკურნალობაც რთული რეჟიმის დაცვას მოითხოვს“. ...“ფსიქო-ემოციური სირთულეების ჩამოყალიბების რისკი იკლებს მაშინ, როდესაც ბავშვი და ოჯახი გრძნობს ემოციურ მხარდაჭერას ერთმანეთისგან და უფრო ფართო საზოგადოებისგან. რაც უფრო მეტად ვიქნებით ინფორმირებული დიაბეტის სპეციფიკის და მისი მართვის სირთულეებთან დაკავშირებით, მით მეტი ემოციური მხარდაჭერისა და ემპათიის გამოვლენას შევძლებთ ამ ქრონიკული დაავადების მქონე ბავშვებისა და მათი ოჯახების მიმართ“. სრულად... წყარო: macgeorgia.org

თბილისი. ინფორმაციის თავისუფლების განვითარების ინსტიტუტმა (IDFI) საქართველოს კომუნიკაციების ეროვნული კომისიისგან (შემდგომ - „კომუნიკაციების კომისია“, ან „კომისია“) საჯარო ინფორმაციის სახით გამოითხოვა 2017 წლიდან დღემდე ინტერნეტ გვერდების დაბლოკვის მიზნით კომისიის მიერ ინტერნეტ-პროვაიდერებისთვის გაგზავნილი ყველა მოთხოვნა. კვლევა ასახავს 2017 წლიდან 2022 წლის 26 სექტემბრის ჩათვლით პერიოდს. „ამ პერიოდში კომისიამ ვებგვერდების დაბლოკვის შესახებ 65 მიმართვა გაუგზავნა პროვაიდერებს. ჯამში მოთხოვნილ იქნა 480 ინტერნეტ გვერდის დაბლოკვა. მხედველობაში თუ არ მივიღებთ ინტერნეტ გვერდებს, რომელთა გადამოწმებაც ვერ მოხერხდა, კომისიის უფლებამოსილების ფარგლებში ვებგვერდების დაბლოკვის რეალური მაჩვენებელი არის 55%. ასეთმა მაჩვენებელმა და დაბლოკვისთვის თავის არიდების შემთხვევების რაოდენობამ შეიძლება კომისიის მიერ აღნიშნული უფლებამოსილების აღსრულების ეფექტურობა კითხვის ნიშნის ქვეშ დააყენოს. აღსანიშნავია ასევე, რომ კომისია ფაქტობრივად არც ერთ შემთხვევაში არ ყოფილა ვებგვერდების დაბლოკვის თავდაპირველი ინიციატორი. მას გააჩნია მხოლოდ ერთგვარი შუამავლის ფუნქცია მიმმართავ სუბიექტებსა და პროვაიდერებს შორის“. სრულად... წყარო: idfi.ge

თბილისი. სოციალური სამართლიანობის ცენტრი აქვეყნებს გაბრიელ ჩუბინიძის სტატიას - „ქართული და აფხაზური ნაციონალური პროექტები“. „1993 წლის 30 სექტემბერს, ქართულ აფხაზური კონფლიქტის ყველაზე სისხლიანი და ტრაგიკული ეპიზოდი დასრულდა. ომმა, ორივე მხრიდან ათასობით ადამიანი შეიწირა, სამასი ათასი დევნილად იქცა, განადგურდა ქალაქები და სოფლები, ხოლო ორი საზოგადოება, ქართული და აფხაზური, ბუნებრივი ბარიერით, მდინარე ენგურით, გაიყო დაპირისპირებულ ბანაკებად. ამ ორ ეთნიკურ ჯგუფს შორის, თითქმის მთელი საუკუნის განმავლობაში არსებულ კონფლიქტს, ცენტრალური ხელისუფლება, სხვადასხვა გზებით, მშვიდობიანად აგვარებდა. საბჭოთა კავშირის დასუსტებასთან ერთად, სუსტდებოდა ცენტრალური ხელისუფლებაც (როგორც მოსკოვში, ისე თბილისში), რის გამოც კონფლიქტი ახალ ფაზაში გადავიდა - გამოვიდა ვიწრო პარტიული თუ აკადემიური საუბრებიდან და საზოგადოებაში გადაინაცვლა. ქართულ და აფხაზურ ნაციონალიზმში მრავალი მსგავსებაა, მათ შორის ისიც, რომ ერთი-მეორეს არსებობას გამორიცხავს, რაც ავტომატურად წარმოშობდა კონფლიქტს“. სრულად... წყარო: socialjustice.org.ge

თბილისი. 11 ნოემბერს, ინფორმაციის თავისუფლების განვითარების ინსტიტუტის (IDFI) ცნობით, სსიპ შემოსავლების სამსახურმა გაავრცელა განცხადება, რითაც გამოეხმაურა ორგანიზაციის კვლევაზე დაყრდნობით, მედიაში გავრცელებულ ინფორმაციას. განცხადებაში აღნიშნულია, რომ IDFI-ს კვლევა „რუსეთის წინააღმდეგ დაწესებული საერთაშორისო სანქციების რეჟიმის აღსრულება საქართველოში“ არის ტენდენციური და მასში მოყვანილია ცრუ ინფორმაცია, რაც მიზნად ისახავს საქართველოს ფინანსთა სამინისტროს შემოსავლების სამსახურის რეპუტაციის შელახვას. IDFI აღნიშნავს რომ კატეგორიულად მიუღებელია, ორგანიზაციის ტენდენციურობასა და ცრუ ინფორმაციის გავრცელებაში დადანაშაულება, იმ დროს როცა კვლევა სრულად ეფუძნება შემოსავლების სამსახურიდანვე  მიღებულ ოფიციალურ დოკუმენტებს. ორგანიზაცია შემოსავლების სამსახურის განცხადებაში მოყვანილ თითოეულ გარემოებას დოკუმენტურად პასუხობს. სრულად... წყარო: idfi.ge

კახეთი. მოუსმინეთ ტელეკომპანია პირველი-ს გადაცემას „პირველამდე“, სადაც განხილულია სათემო ლიდერთა ფორუმი 2022“. გადაცემის სტუმრები იყვნენ - ფორუმის ყოველწლიური კონკურსის „საუკეთესო სათემო ინიციატივის“ აუდიტორიის რჩეული პროექტის „მთის ბავშვებისთვის“ განმახორციელებელი,  ეთო არსანიძე და საქართველოს სტრატეგიული კვლევებისა და განვითარების ცენტრის გრანტების მენეჯერი, ანა ნადირაშვილი. სიუჯეტი ასევე მომზადდა ფორუმის კონკურსის კიდევ ერთი მონაწილე პროექტის „ერთად ბედიანის ახალგაზრდებისთვის“ შესახებ. სათემო ლიდერთა ფორუმი გაიმართა პროექტის „სამოქალაქო საზოგადოების ინიციატივის“ ფარგლებში, ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

14 ნოემბერს, 20:00 საათზე ეკონომიკური პოლიტიკის კვლევის ცენტრი (EPRC) და აღმოსავლეთ ევროპის მრავალპარტიული დემოკრატიის ცენტრი (EECMD) გიწვევთ წიგნის პრეზენტაციაზე „ბრძოლა თავისუფლებისთვის: ბალტიის ზღვიდან შავ ზღვამდე“. სრულად...

14 ნოემბერს, საღამოს 19:00 საათზე, გაიმართება კინო-ჩვენება: სველი ქვიშა. კინო-ჩვენებაზე დასწრების მსურველებმა, შეავსეთ ეს სარეგისტრაციო ფორმა... სრულად... პროექტი ხორციელდება ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. მისამართი: თბილისი, კარგარეთელის 2, House of RECONNEXTION, მეორე სართული

14 ნოემბერს, 16:00 საათზე, გაიმართება შეხვედრა Erasmus+-ის მონაწილე GIPA-ს სტუდენტებთან, რომლებიც ნიდერლანდებში იმყოფებოდნენ. ღონისძიების ფარგლებში შეგეძლებათ შეხვდეთ Erasmus+-ის პროგრამაში მონაწილე სტუდენტებს, რომლებიც გაგიზიარებენ თუ რა ეტაპები გაიარეს პროექტში მონაწილეობის მისაღებად და რა სახის გამოცდილება დააგროვეს პროგრამაში მონაწილეობისას. სრულად...

14 ნოემბერს, 14:30 საათზე, დიაბეტის მსოფლიო დღესთან დაკავშირებით, დიაბეტის საერთაშორისო ფედერაციის, გაერთიანებული ერების ორგანიზაციის, ჯანდაცვის მსოფლიო ორგანიზაციის ეგიდით შეხვედრა გაიმართება. მისამართი: თბილისი, დიღომი, ბელიაშვილის ქ. 62, საკონცერტო დარბაზი

თბილისი. „როგორ ვიკვლიოთ კორუფცია?“  - ეს იყო ტრეინინგის თემა, რომელიც საერთაშორისო გამჭვირვალობა - საქართველოს მთავარმა იურისტმა გიგი ჩიხლაძემ ჟურნალისტებისთვის, მკვლევარებისთვის და სამოქალაქო აქტივისტებისთვის ჩაატარა. ტრეინინგის მონაწილეებმა იმსჯელეს პოლიტიკური კორუფციის ცნებაზე და მის სახეებზე, ღია მონაცემებზე და იმ ინსტრუმენტებზე რომელიც ხელს უწყობს კორუფციის გამოვლენას. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას: მუნიციპალიტეტებში დასაქმებულ პირებზე სოციალური დახმარებების გაცემის პრაქტიკა. „კვლევით გამოვლენილი რამდენიმე შემთხვევის ფონზე, ნათელია, რომ საჭიროა აუდიტის სამსახურმა შეისწავლოს მუნიციპალიტეტების პრაქტიკა სოციალური დახმარებების თანამშრომლებზე გაცემის კუთხით და შესაბამისი ფაქტების გამოვლენის შემთხვევაში, მოახდინოს რეაგირება, მომავალში მსგავსი შემთხვევების პრევენციის მიზნით“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. სოციალური სამართლიანობის ცენტრისთვის ცნობილი გახდა, რომ 1 ნოემბერს გარემოს ეროვნულმა სააგენტომ სოფელ მუშევანთან ახლოს ოქროს მოპოვებაზე გარემოსდაცვითი გადაწყვეტილება კანონით განსაზღვრული პროცედურებისა და მოთხოვნების დარღვევით გასცა. გარდა იმისა, რომ  პროცესში ადგილობრივი ეთნიკური უმცირესობის მონაწილეობა არ იყო სათანადოდ უზრუნველყოფილი, სააგენტომ, ასევე, კანონის დარღვევით არ განიხილა და უგულებელყო სოციალური სამართლიანობის ცენტრისა და გარემოსდაცვითი ექსპერტის მიერ წარდგენილი შენიშვნები. შესაბამისად, ორგანიზაცია გეგმავს, სასამართლოში გაასაჩივროს გარემოს ეროვნული სააგენტოს მიერ მიღებული გადაწყვეტილება. „მიგვაჩნია, რომ მუშევანში მიმდინარე პროცესები არის ქვეყანაში არსებული უფრო ფართო პრობლემური პრაქტიკის ნაწილი, როდესაც მსხვილი ეკონომიკური პროექტების განხორციელებისას სათანადო წონა არ ენიჭება გარემოსდაცვით და სოციალურ საკითხებს, ხოლო აღნიშნული პროექტების საჯარო ინტერესებთან შესაბამისობა საზოგადოებისთვის ნათელი არ არის. პროექტით გამოწვეულ მძიმე ეკოლოგიურ შედეგებს, როგორც წესი, ადგილობრივი მოსახლეობა იწვნევს, მაშინ, როცა საქმიანობით მიღებული სარგებელი ვიწრო ჯგუფის ხელში ხვდება, ისე, რომ სახელმწიფოსთვის მსგავსი პროექტების ხარჯსარგებლიანობა ბოლომდე დასაბუთებული არ არის“. სრულად... წყარო: socialjustice.org.ge

თბილისი. შაბათობით, დილის 11 საათიდან, 26 მაისისა და ახვლედიანის ქუჩების გადაკვეთასთან თუ ჩაივლით ბათუმში, ძველი ბელეტაჟის ღია ფანჯრებიდან ბავშვების გაბმულ, მხიარულ სიმღერას გაიგონებთ - ქართულ ანბანს, სიტყვებს, ფერებს, თვლას, წელიწადის დროებს და ბევრ სხვა რამეს უკრაინელი ბავშვები თამაშითა და სიმღერით სწავლობენ. სრულად... წყარო: batumelebi.netgazeti.ge

თბილისი. საქართველოს სტრატეგიის და განვითარების ცენტრსა (GCSD) და ბიზნესისა და ტექნოლოგიების უნივერსიტეტს (BTU) შორის ურთიერთთანამშრომლობის მემორანდუმი გაფორმდა. მემორანდუმი მიზნად ისახავს ხელი შეუწყოს საინფორმაციო ტექნოლოგიების შესახებ ინფორმირებულობის ამაღლებას ერთობლივი პროექტების განხორციელების, კვლევების წარმოების, სტუდენტთა დასაქმების, ინტერდისციპლინური ცოდნის დაგროვებისა და გაზიარების გზით. სრულად... წყარო: ორგანიზაცის გვერდი სოციალურ ქსელში

სამცხე-ჯავახეთი. დემოკრატიული ჩართულობის მხარდაჭერის პროგრამის მონაწილეები ახალციხის მუნიციპალიტეტის საკრებულოს თავმჯდომარეს დავით ლომიძეს და მის მოადგილეებს შეხვდნენ. შეხვედრის თემები იყო: ადგილობრივი თვითმმართველობის საქმიანობაში მოქალაქეთა ჩართულობის ფორმები, წარმომადგენლობითი ორგანოს სტრუქტურა და უფლება- მოვალეობები, 2023 წლის ბიუჯეტის პროექტი და ახალგაზრდების ინიციატივები. სრულად... წყარო: ორგანიზაციის გვერდი სოციალურ ქსელში ფოტოები: ახალციხის მუნიციპალიტეტის საკრებულო

კახეთი. საინტერესო ინფორმაციით, ადამიანებითა და ემოციებით სავსე „სათემო ლიდერთა ფორუმი 2022“ დასრულდა. ეს რიგით მე-8-ე ფორუმი იყო, რომელიც საქართველოს სტრატეგიული კვლევებისა და განვითარების ცენტრის (CSRDG) თემის განვითარების პროგრამის ორგანიზებით ჩატარდა. ფორუმი გაიმართა პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

11 ნოემბერს, 17:00 საათზე, გაიმართება პირდაპირი ჩართვა თემაზე: ადამიანის უფლებათა დაცვის ეროვნული ინსტიტუტები და შშმ პირთა უფლებები. სრულად...

11 ნოემბერს, 16:00 საათზე, „ახალგაზრდული მეწარმეობა სოფლის განვითარებისთვის“ (RDYE) პროექტის ფარგლებში ჩართულ საქართველოს სხვადასხვა რეგიონის წარმომადგენელ 25 ახალგაზრდას ერთკვირიანი ინტენსიური ბიზნეს ტრენინგის (Business Excellence Training /BET) დასრულების სერტიფიკატი გადაეცემა.