თბილისი. სოციალური სამართლიანობის ცენტრი გთავაზობთ ინტერვიუების სერიის - „პოლიტიკა, მეხსიერება, ისტორია“ ახალ ეპიზოდს. ამ ეპიზოდის სტუმარია პოლიტოლოგი, შერიგების და სამოქალაქო თანასწორობის საკითხებში ყოფილი სახელმწიფო მინისტრი პაატა ზაქარეიშვილი, რომელიც იხსენებს აფხაზეთის ომის პერიოდს და მის შემდგომ სამშვიდობო პროცესებს, ასევე აფასებს დღევანდელ სამშვიდობო პოლიტიკას და მის პერსპექტივებს. სრულად... წყარო: socialjustice.org.ge

თბილისი. სამართლიანი არჩევნებისა და დემოკრატიის საერთაშორისო საზოგადოების (ISFED) ინფორმაციით, მმართველი პარტიის სასარგებლოდ მოქმედმა პირებმა, რომლებიც საზოგადოებას ექსპერტ-ანალიტიკოსებად წარმოუდგებიან, 29 აგვისტოს ორგანიზებულად გაავრცელეს პოსტები ე.წ „პარტნიორი სახელმწიფოების/აშშ-ის აგენტურის“ შესახებ. გავრცელებული ირიბი და ზოგადი გზავნილები, ქვეყანაში არსებული კონტექსტის გათვალისწინებით, იმ აქტორებს ეხება, რომლებიც იცავენ საქართველოს პროდასავლურ კურსს ან/და ფინანსდებიან დასავლელი პარტნიორების და საერთაშორისო ორგანიზაციების მიერ.   ორგანიზაციის მტკიცებით, ეს გზავნილები საზოგადოების შეცდომაში შეყვანას ემსახურება და მიზნად ისახავს, მთავრობის კრიტიკოსი პროდასავლური აქტორები წარმოაჩინოს უცხო სახელმწიფოს აგენტებად, საქართველოს მტრებად და მოღალატეებად. სრულად...  წყარო: isfed.ge

თბილისი. სოციალური სამართლიანობის ცენტრი ეხმიანება ბოლნისის მუნიციპალიტეტში, სოფელ მუშევანში ადგილობრივი მოსახლეობის თვითორგანიზებას, რომელიც მათ სოფელში „RMG GOLD“-ს და „RMG Copper“ მიერ ღია კარიერული წესით მოპოვებას ეწინააღმდეგება. მოსახლეობა გარემოსდაცვით და სოციალურ სამართლიანობას მოითხოვს. მათთვის დაუშვებელია, რომ დასახლებული პუნქტის სიახლოვეს - 800 მეტრის დაშორებაზე, ღია კარიერული წესითა და აფეთქებების გზით, წიაღისეული მადნის მოპოვება დაიწყოს. ორგანიზაციის შეფასებით, მნიშვნელოვანია, სახელმწიფომ ამ პროცესში გაითვალისწინოს მოსახლეობის გარემოსდაცვითი და სოციალური წუხილები და ლიცენზიის გაცემის პროცესში მოსახლეობის დემოკრატიული და რეალური მონაწილეობა უზრუნველყოს. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, განახლებული კანონი „ინფორმაციული უსაფრთხოების შესახებ“ არ შეიცავს პირადი ცხოვრების ხელშეუხებლობისა და პერსონალური მონაცემების დაცვის გარანტიებს. ამ მიმართულებით, ევროკავშირის სტანდარტების დაკმაყოფილების მიზნით, ხელისუფლებამ დააანონსა კანონში ახალი ცვლილების შეტანა, თუმცა დღემდე მათი ინიცირება არ მომხდარა. იხილეთ IDFI-ის ანალიზი და რეკომენდაციები. სრულად... წყარო: idfi.ge

თბილისი. 9 სექტემბერს პროექტის „სამოქალაქო საზოგადოება შეზღუდული შესაძლებლობის მქონე პირთა უფლებებისათვის საქართველოში” ფარგლებში მომზადებული შეზღუდული შესაძლებლობის მქონე პირთა ქმედუნარიანობის რეფორმის კვლევის ანგარიშის პრეზენტაცია გაიმართა. ევროკავშირის ხელშეწყობით მომზადებული კვლევის მიზანი იყო ქმედუნარიანობის რეფორმის შემდგომ, მხარდაჭერის მიმღებ პირთა ყოველდღიური რეალობის, გამოწვევებისა და გამოცდილებების შესწავლა და იმ პრაქტიკული ბარიერების გამოვლენა რომელსაც მხარდაჭერის მიმღები პირები და მხარდამჭერები (ოჯახის წევრები, სოციალური მუშაკები და მხარდამჭერად დანიშნული სხვა პირები) აწყდებიან. პროექტს „სამოქალაქო საზოგადოება შეზღუდული შესაძლებლობის მქონე პირთა უფლებებისათვის საქართველოში”, ახორციელებენ ორგანიზაციები „ცვლილებები თანაბარი უფლებებისათვის” და „კოალიცია დამოუკიდებელი ცხოვრებისათვის” ევროკავშირის ფინანსური მხარდაჭერით. სრულად...  წყარო: კოალიციის გვერდი სოციალურ ქსელში

13 სექტემბერს, 19:00 საათზე, საქართველოს გოეთეს ინსტიტუტი და თბილისის საერთაშორისო ლიტერატურული ფესტივალი გეპატიჟებიან მწერალთა სახლში თანამედროვეობის ერთ-ერთ მნიშვნელოვან გერმანელ მწერალთან, ბერნჰარდ შლინკთან შეხვედრაზე. სრულად...

თბილისი. საქართველოს პოლიტიკის ინსტიტუტის (GIP) აქვეყნებს კორნელი კაკაჩიას და შოთა კაკაბაძის ბლოგპოსტს: პოლიტიკური ვენდეტის შიში თუ ხელისუფლების შენარჩუნების სურვილი: მმართველი პარტიის ანტიდასავლური რიტორიკის შესაძლო მიზეზები. „ძალაუფლების გაზიარებასთან დაკავშირებული შესაძლო შედეგების შიშიდან გამომდინარე კი, „ქართული ოცნება“ ევროინტეგრაციის დაჩქარებულ ტემპსა და საკუთარი გავლენების შენარჩუნებას შორის პრიორიტეტს ამ უკანასკნელს ანიჭებს“. სრულად... წყარო: gip.ge

თბილისი. ასოციაცია „ანიკას“ ინფორმაციით, გრძელდება პროექტი „INKuLtur – ინკლუზიისა და კულტურულ ცხოვრებაში მონაწილეობისათვის“. პროექტის მიზანია გაზარდოს შეზღუდული შესაძლებლობის მქონე პირთა მონაწილეობა კულტურულ ცხოვრებაში. პროექტს „INKuLtur – ინკლუზიისა და კულტურულ ცხოვრებაში მონაწილეობისათვის“ ახორციელებს ორგანიზაცია „Dialogue for Understanding e.V.“ აღმოსავლეთ პარტნიორობის ქვეყნებთან ერთად, გერმანიის საგარეო საქმეთა სამინისტროს დაფინანსებით. სრულად... წყარო: ორგანიზაციის გვერდი სოციალურ ქსელში

თბილისი. 7 სექტემბერს, საქართველოს პოლიტიკის ინსტიტუტის (GIP) ორგანიზებით გაიმართა საჯარო დისკუსია თემაზე - საქართველოსა და იაპონიას შორის 30 წლიანი დიპლომატიური ურთიერთობები.  შეხვედრა იაპონიის ელჩმა საქართველოში, მისმა აღმატებულება, ბ-ნმა იმამურა აკირამ გახსნა.  სრულად... ღონისძიება მიზნად ისახავდა იაპონიასა და საქართველოს შორის პარტნიორობის 30 წლის მიმოხილვას, არსებული მიღწევების შეფასებასა და მომავალი თანამშრომლობის პერსპექტივების განხილვას. წყარო: gip.ge

თბილისი. საქართველოს დემოკრატიულმა ინიციატივამ (GDI) საქართველოს პარლამენტის წევრ თინათინ ბოკუჩავას უკანონო ფარულ მოსმენა - მიყურადებასთან დაკავშირებით ადამიანის უფლებათა ევროპულ სასამართლოს საჩივრით მიმართა. „2021 წლის 13 სექტემბერს გავრცელდა ინფორმაცია სახელმწიფო უსაფრთხოების სამსახურის მიერ ფარული მიყურადებისა და თვალთვალის შესახებ. მასალები ათასობით დოკუმენტს აერთიანებდა, რომლებიც სასულიერო პირებს, მათ კავშირებს, სატელეფონო მიმოწერებს, საუბრებს, წარსულ საქმიანობებს და პირადი ცხოვრების სხვა დეტალებს ეხებოდა. ამ მასალებში ასევე აღმოჩნდა ინფორმაცია ჟურნალისტების, აქტივისტების, პოლიტიკოსების, დიპლომატების და მათთან დაკავშირებული პირების საუბრის შესახებ. გავრცელებულ ფაილებში ასახული ინფორმაციის ავთენტურობა დაადასტურეს მათ შორის იმ პირებმაც, რომელთა ინტერესებსაც „საქართველოს დემოკრატიული ინიციატივა“ იცავს“. სრულად... წყარო: gdi.ge

ოზურგეთი. ქალთა საინფორმაციო ცენტრის ორგანიზებით, ოზურგეთის მუნიციპალიტეტში სამუშაო შეხვედრა გაიმართა. სამუშაო შეხვედრის მიზანი იყო ადგილობრივი ხელისუფლების ინფორმირებულობის გაზრდა ადგილობრივი და საერთაშორისო ვალდებულებების შესახებ, პოლიტიკის დოკუმენტების შემუშავების პროცესებში და გენდერული თანასწორობის სამოქმედო გეგმით გათვალისწინებული აქტივობის განხორციელებაში ხელშეწყობა. შეხვედრა ჩატარდა პროექტის „შერჩეულ მუნიციპალიტეტში გენდერული თანასწორობის მეინსტრიმინგი და ხელშეწყობა“ ფარგლებში, რომელსაც ახორციელებს ქალთა საინფორმაციო ცენტრი (WIC), გერმანიის საერთაშორისო თანამშრომლობის საზოგადოების (GIZ) მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) მოსაზრებით, სახელმწიფო არქივების ღიაობის და საბჭოთა წარსულის გადააზრების მნიშვნელობა ნათლად აჩვენა უკრაინაში დაწყებულმა ომმა.  „ვლადიმერ პუტინის 23 თებერვლის ვრცელ მიმართვაში ტენდენციურად და დამახინჯებულად იყო წარმოჩენილი უკრაინის ისტორია, განდიდებული იყო საბჭოთა ტოტალიტარული სახელმწიფო და უგულებელყოფილი მის მიერ კაცობრიობის, მათ შორის უკრაინელი ხალხის წინააღმდეგ ჩადენილი დანაშაულები. ამ შემთხვევაში კრემლის მიერ უკრაინის ისტორიის ინსტრუმენტალიზაციისა და პროპაგანდის გამოყენების ხარისხი უპრეცედენტო აღმოჩნდა. ღია არქივების პლატფორმა და ხელმომწერი ორგანიზაციები, პირველ რიგში, სოლიდარობას უცხადებენ უკრაინას! ასევე, მოუწოდებენ პოსტსაბჭოთა და აღმოსავლეთის ბლოკის ქვეყნების მთავრობებს და სახელმწიფო საარქივო დაწესებულებებს: უზრუნველყონ არქივების მაქსიმალური გამჭვირვალობის სტანდარტის ამაღლება და საუკეთესო სამართლებრივი პრაქტიკის დამკვიდრება; შეამცირონ მკვლევრებისთვის არსებული ბარიერები საარქივო მასალაზე ხელმისაწვდომობის თვალსაზრისით; ღია არქივების პლატფორმა მხარს დაუჭერს არქივების ღიაობისკენ მიმართულ სხვადასხვა აქტივობას შემდეგი საშუალებებით: პოსტსაბჭოთა და პოსტსოციალისტურ ქვეყნებში საუკეთესო პრაქტიკის დამკვიდრებისთვის შესაბამისი რეკომენდაციების შემუშავებით და ცვლილებების პროცესში ექსპერტული დახმარების უზრუნველყოფით; სხვადასხვა ქვეყანასა და ექსპერტს შორის ინფორმაციისა და პრაქტიკული მაგალითების მიმოცვლისთვის კომუნიკაციის უზრუნველყოფით; არქივების ღიაობისკენ მიმართული ნებისმიერი სახელმწიფო თუ სამოქალაქო იდეის აქტიური მხარდაჭერითა და პოპულარიზაციით“. სრულად... წყარო: idfi.ge

თბილისი. ქალ მშვიდობის მშენებელთა გლობალური ქსელისა (GNWP) და ევროპის უშიშროებისა და თანამშრომლობის ორგანიზაციის (OSCE) ერთობლივი ორგანიზებით, ქალ მშვიდობის მშენებლებსა და სამხრეთ კავკასიიდან მედიატორებს შორის ონლაინ შეხვედრა გაიმართა. შეხვედრა მიზნად ისახავდა სამხრეთ კავკასიის რეგიონში არსებული გამოწვევების განხილვას/ რეკომენდაციების შემუშავებას. სრულად... წყარო: ორგანიზაციის გვერდი სოციალურ ქსელში

გურია. გურიაში პუბლიკაციის „გარემოსდაცვითი „გადაწყვეტილების მონიტორინგი გურიის რეგიონში“ პრეზენტაცია გაიმართა. პუბლიკაცია მომზადდა გურიის სამოქალაქო ცენტრის და გარემოსდაცვითი სათემო ორგანიზაცია „ეკოს“ ერთობლივი პროექტის „გარემოსდაცვითი გადაწყვეტილებების მონიტორინგი გურიის რეგიონში“ ფარგლებში და მასში აღწერილია გურიის რეგიონში გარემოსდაცვითი გადაწყვეტილებების მიღების პროცესში მოქალაქეთა ინფორმირების და ჩართულობის კუთხით არსებული მდგომარეობა და გამოვლენილი ხარვეზები. პუბლიკაციაში მოცემულია რეკომენდაციები შესაბამისი სახელმწიფო უწყებების მიმართ. პუბლიკაცია იხ. პროექტი ხორციელდება საქართველოს სტრატეგიული კვლევებისა და განვითარების ცენტრის მხარდაჭერით, ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

12 სექტემბერს, 11:00 საათზე, მედიაჰოლდინგ „კვირას“ პრესკლუბში ტრანსპორტისა და საგზაო უსაფრთხოების საკითხების ექსპერტი, ფონდ „პარტნიორობა საგზაო უსაფრთხოებისთვის“ დირექტორი ირაკლი იზორია განცხადებას გააკეთებს. თემა: „ახალი სატრანსპორტო პროექტი, რომელიც თბილისის ქუჩებში ჭკვიანი სატრანსპორტო სისტემის განვითარებას გულისხმობს - რას მოიცავს რეფორმა და რა შედეგებს მოიტანს საგზაო უსაფრთხოების, პარკირებისა და საცობების მართვის კუთხით“. მისამართი: თბილისი, კოსტავას ქუჩა 47/57

სამცხე-ჯავახეთი. „საერთაშორისო გამჭვირვალობა - საქართველოს“ ახალციხის ოფისის და სამოქალაქო საბჭოების ორგანიზებით, რაბათის დასახლებაში ხელმოწერები შეგროვდა. წერილით მოსახლეობამ ახალციხის მერს, ასევე, საქართველოს გაერთიანებული წყალმომარაგების კომპანიის დირექტორს, ორი ღია საკანალიზაციო არხის მოწესრიგება, ამასთანავე, ქალაქის რამდენიმე სოფელთან დამაკავშირებელი ამორტიზებული ხიდის რეაბილიტაცია მოსთხოვა. „ანტისანიტარიისა და აუტანელი სუნის გამო გაუსაძლისია ხარისჭირაშვილის და ყაზბეგის ქუჩების მცხოვრებლების მდგომარეობა, განსაკუთრებით ზაფხულში. მოვუწოდებთ ახალციხის მერიას და გაერთიანებული წყალმომარაგების კომპანიას ავარიული ხიდი გაამაგრონ, დაზიანებული საკანალიზაციო არხები კი დახურონ და კანალიზაცია ცენტრალურ სისტემას მიუერთონ“. სრულად... წყარო: ორგანიზაციის გვერდი სოციალურ ქსელში

თბილისი. 2022 წლის ივლისში, ორგანიზაციის „პარტნიორობა ადამიანის უფლებებისთვის“ (PHR) ბავშვთა ადვოკატებს 11 წლის ბიჭმა მომართა. ბავშვს კერძო სკოლიდან საჯარო სკოლაში უნდოდა გადასვლა, რადგან  დედის გარდაცვალების შემდეგ, ბებოსთან დარჩენილს ძალიან უჭირდა კერძო სკოლის საფასურის გადახდა და დიდი მანძილის გამო სკოლამდე ფიზიკურად სიარული. 2022 წლის 7 სექტემბერს,  PHR-მა და არასრულწლოვანმა მიმართეს სასამართლოს შუამდგომლობით და მოითხოვეს მოსამართლის განჩინებით ბავშვი ყველაზე ახლომდებარე საჯარო სკოლაში სასწრაფოდ ჩარიცხულიყო. ორგანიზაციის ცნობით, თბილისის საქალაქო სასამართლოს მოსამართლემ, ციცინო როხვაძემ, 2022 წლის 9 სექტემბერს, ბავშვის მოთხოვნა სრულად დააკმაყოფილა. სრულად...  წყარო: phr.ge

სამეგრელო. აგვისტოს თვეში სოციალური სამართლიანობის ცენტრის თანამშრომლებმა ზუგდიდისა და წალენჯიხის მუნიციპალიტეტებში ე.წ. გამყოფ ხაზებთან მდებარე სოფლები ხურჩა და ფახულანი მოინახულეს. „ორივე სოფლის მოსახლეობა აღნიშნავს, რომ მათი უფლებრივი და სოციალური ყოფა 2008 წლის აგვისტოს ომის შემდეგ დამძიმდა და ვითარება წლების განმავლობაში უფრო და უფრო რთულდება. გაუარესება განსაკუთრებით აისახება აფხაზეთის რეგიონთან მიმოსვლის თავისუფლების შეზღუდვაში და მასთან დაკავშირებული სოციალური და ეკონომიკური კავშირების გაწყვეტაში. მძიმე სოციალური მდგომარეობის გამო ორივე სოფლიდან მაღალია მიგრაცია, რაც მოსახლეობის რაოდენობის შემცირებას იწვევს. ამ სოფლებში მოსახლეობის შემოსავლის მთავარი წყარო თხილის მეურნეობაა, რომლის ფასიც მოსავლის ხარისხის შესაბამისად წლიდან წლამდე მცირდება“. სრულად... წყარო: socialjustice.org.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს საქართველოს მოქალაქეების მიერ საპარლამენტო საქმიანობაში ჩართულობის მექანიზმების გამოყენების ზოგად სტატისტიკურ მიმოხილვას. მიმოხილვა შექმნილია საქართველოს პარლამენტიდან გამოთხოვილი საჯარო ინფორმაციის საფუძველზე და მიზნად ისახავს დაინტერესებულ პირებს მიაწოდოს რაოდენობრივი სტატისტიკური ინფორმაცია, როგორც საქართველოს მოქალაქეების მიერ საქართველოს პარლამენტის მიერ  შემოთავაზებული მექანიზმების და სერვისების გამოყენების შესახებ, ასევე, საქართველოს პარლამენტის მიერ საკანონმდებლო და საზედამხედველო ფუნქციების განხორციელებაზე. სტატისტიკური მიმოხილვა მომზადდა ინფორმაციის თავისუფლების განვითარების ინსტიტუტის (IDFI) მიერ ევროკავშირისა (EU) და გაეროს განვითარების პროგრამის (UNDP) მხარდაჭერით. სრულად... წყარო: idfi.ge

თბილისი. მედიის ადვოკატირების კოალიციის ინფორმაციით, 8 სექტემბერს, საქართველოში არ შემოუშვეს კიდევ ერთი რუსი ჟურნალისტი დმიტრი ალეშკოვსკი, რომელიც თბილისში ცოლთან და შვილთან ერთად ცხოვრობდა. დეტალური ინფორმაციისთვის: სტატია „რუსი ჟურნალისტი და ქველმოქმედი დმიტრი ალეშკოვსკი საქართველოში არ შემოუშვეს“... ვიდეო „რუსული სია ქართულ საზღვარზე?“...  ჟურნალისტური საქმიანობის მიმართ მაღალი საჯარო ინტერესის გათვალისწინებით, მედიის ადვოკატირების კოალიცია/Media Advocacy Coalition-მ მიმართა შინაგან საქმეთა სამინისტროს და მოითხოვა ინფორმაცია საქართველოს საზღვარზე რუსი ჟურნალისტის შეჩერების და ქვეყანაში გადაადგილების ნებართვის გაცემაზე უარის მიზეზის თაობაზე. კოალიცია გამოთქვამს მზადყოფნას დაიცვას  ჟურნალისტის ინტერესები საქართველოში სრულად...  წყარო: ორგანიზაციის გვერდი სოციალურ ქსელში

9 სექტემბრს, 16:00 საათზე, მედიის განვითარების ფონდი (MDF), გაეროს ბავშვთა ფონდთან პარტნიორობითა და აშშ-ის საერთაშორისო განვითარების სააგენტოს (USAID) მხარდაჭერით, გიწვევთ ვებინარზე მშობლებისთვის „დეზინფორმაცია და კიბერუსაფრთხოება“. სრულად...

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 2022 წლის 25 თებერვლიდან 30 ივნისამდე შემოსული პირებიდან, მინიმუმ ერთი თვის დაყოვნების შემდეგ (31 ივლისის მდგომარეობით), ქვეყანა კვლავ არ დაუტოვებია რუსეთის 42,577 მოქალაქეს. 2022 წლის მარტი-ივნისის თვეში საქართველოში შემოსვლაზე უარი ეთქვა რუსეთის 3,036 მოქალაქეს, უკრაინის 135 მოქალაქეს, ხოლო ბელარუსის მხოლოდ 41 მოქალაქეს. გაეცანით ინფორმაციის თავისუფლების განვითარების ინსტიტუტის (IDFI) კვლევას სრულად... წყარო: idfi.ge