სამცხე-ჯავახეთი. სოციალური სამართლიანობის ცენტრი აქვეყნებს ტიგრან თარზიანის ბლოგპოსტს: ჯავახური ზამთრის სირთულეები და თავისებურებები. „ზამთარში, რამდენადაც ლამაზია ჯავახეთი, იმდენად მკაცრი და შეუვალია ყინვით, თოვლით და ქარბუქით. ექვსი თვის განმავლობაში ამ მხარეში საშინელი ყინვები იცის. რეგიონის მკაცრი კლიმატის გამო, ადგილობრივები გათბობის საშუალებაზე ფიქრს ზაფხულის პირველივე თვიდან იწყებენ. გათბობის ძირითად საშუალებაა ღუმელი, ე.წ. „ფეჩი“. ჯავახეთის იმ სოფლებში, სადაც არაა გაზიფიცირებული საჯარო სკოლები და ბაღები, გასათბობად იყენებენ შეშის ღუმელს“. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის ინფორმაციით (PHR), სასამართლომ ირმას ვადამდელი ფსიქიატრიული შეფასების გავლაზეც უარი უთხრა. სასამართლომ ეს გადაწყვეტილება ლევან სამხარაულის სახელობის სასამართლო ექსპერტიზის ეროვნული ბიუროს ექსპერტიზის დასკვნის საფუძველზე მიიღო. „დასკვნა ეყრდნობოდა ექსპერტთა ისეთ შეფასებებს, რომელიც თავისი არსით დისკრიმინაციულია, ხოლო პროცესი სრულად ეწინააღმდეგება გაეროს შშმ პირთა კონვენციას. მაგ. კონკრეტული ქცევა, რომელიც არა შშმ პირის შემთხვევაში ნორმად ითლება, ირმას ფსიქიკური აშლილობის სიმპტომად ჩაუთვალეს“.  ორგანიზაციის ადვოკატები ამ გადაწყვეტილებას სააპელაციო სასამართლოში გაასაჩივრებენ. სრულად... წყარო: phr.ge

თბილისი. ტოლერანტობისა და მრავალფეროვნების ცენტრის (TDI) ინფორმაციით, 8 აპრილი ბოშათა საერთაშორისო დღეა. ორგანიზაციის ცნობით, საქართველოში ბოშები ძირითადად ცხოვრობენ თბილისში, ქუთაისში, ფოთში, ოზურგეთში, ქობულეთში, კახეთის სოფლებსა და გარდაბანში. TDI-ს მიერ მომზადებულ ვიდეოში ბოშათა თემის წარმომადგენელი ელენე პროშიკიანი და სკოლის დირექტორი ნარგიზ ჯინჭარაძე ყვებიან ბოშათა საჭიროებების, პრობლემების, სტიგმების დაძლევისა და მიღწევების შესახებ. წყარო: ორგანიზაციის გვერდი სოციალურ ქსელში

8 აპრილს, 19:00 საათზე, „კავკასიური სახლის“ ორგანიზებით გაიმართება ონლაინ დისკუსია თემაზე - „მედიკამენტებზე ხელმისაწვდომობა და ფარმაცევტული ბაზარი საქართველოში“. სრულად...

8 აპრილს, 19:00 საათზე, მწერალთა სახლში ინდიგო გიწვევთ შეხვედრაზე, სადაც წარმოგიდგენთ ბოლო გამოცემას და ამავე დროს დისკუსიას მშვიდობის იდეის, კონცეფციისა და მშვიდობის გამოცდილების შესახებ. მისამართი: თბილისი, ივ. მაჩაბლის #13

8 აპრილს, 11:30 საათზე, ორგანიზაცია „ახალგაზრდა ადვოკატები“ მონიტორინგის შედეგებს გამოაქვეყნებს. თემა: სსიპ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს საქმიანობა, სოციალური მუშაობის პოლიტიკა ქვეყანაში და გამჭვირვალობის შემაფერხებელი პიროვნული და ინსტიტუციური ფაქტორები. ისამართი: თბილისი, შევჩენკოს ქ. N1 (სასტუმრო „შოთა რუსთაველი“)

7 აპრილს, 19:30 საათზე, გაიმართება პირდაპირი ჩართვა თემაზე: ვილიამსის და დაუნის სინდრომის შედარება. სრულად...

თბილისი. სოციალური სამართლიანობის ცენტრი წარმოგიდგენთ ენ მაკლინტოკის ტექსტს „ოჯახური ქიშპობა: გენდერი, ნაციონალიზმი და ოჯახი“, რომელიც ავტორმა 1993 წელს დაწერა და გენდერისა და ნაციონალიზმის ურთიერთმიმართების შესახებ ერთ-ერთ ყველაზე გავლენიან სტატიას წარმოადგენს. „ავტორი ნაციონალიზმისთვის გენდერული წესრიგისა და ოჯახის მეტაფორის მნიშვნელობაზე, აფრიკანული და აფრიკული ნაციონალიზმების მაგალითებზე მესამე სამყაროს ნაციონალიზმის ჩამოყალიბების დინამიურ პროცესებზე და ამ პროცესებში ქალების როლზე საუბრობს“. წყარო: ორგანიზაციის გვერდი სოციალურ ქსელში

შიდა ქართლი. 6 აპრილს გაიმართა ახალგაზრდული კლუბის წევრების შეხვედრა რეგიონში მოქმედ ახალგაზრდულ სამოქალაქო საზოგადოების და სათემო ორგანიზაციების წარმომადგენლებთან. შეხვედრისას გაიმართა დისკუსია თემაზე: „პრობლემები, რომელსაც ვხვდებით ახალგაზრდული ორგანიზაციები და როგორ ვაპირებთ ამ პრობლემების გადაჭრას“. შეხვედრა ჩატარდა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“. პროექტი ხორციელდება ევროკავშირისა და კონრად-ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გთავაზობთ მალხაზ თორიას სტატიას, რომელშიც წარმოდგენილია საინტერესო ანალიზი გალში მცხოვრები ქართველების მარგინალური ყოფის შესახებ ქართული და აფხაზური პერსპექტივებიდან.  „ორმაგი მარგინალიზაციის და ფუნდამენტური სტრუქტურული ძალადობის და უთანასწორობის ფონზე გალელებს თვითგამოხატვის და მით უფრო, რეზისტენტულობისთვის შესაძლებლობები და მექანიზმები არ აქვთ. ერთი მხრივ, გალელები იძულებულები არიან შეეგუონ დომინანტური ჯგუფის, აფხაზების პოლიტიკურ რეჟიმს. მათ უპირობოდ უნდა აღიარონ საკუთარ სახლებში სტუმრის სტატუსი... მეორე მხრივ, ქართული საზოგადოებრივი კონიუნქტურაც არ ქმნის იმ სივრცეს, სადაც გალელების ხმას შეისმენენ. ამ საზოგადოებრივ ემპათიისგან მოკლებულ გარემოში, არის შემთხვევები, როდესაც გალელები ქართული საზოგადოების ყურადღებას უაღრესად დრამატული და ტრაგიკული შემთხვევებით იქცევენ“. სრულად... წყარო: socialjustice.org.ge

შიდა ქართლი. 31 მარტს, შიდა ქართლის რეგიონულ ჰაბში გაიმართა საინფორმაციო შეხვედრა სახალხო დამცველის აპარატის შიდა ქართლის ოფისის წარმომადგენლებთან. „შეხვედრაზე, მთავარმა სპეციალისტმა ანა ჯანიაშვილმა ისაუბრა საქართველოს სახალხო დამცველის მანდატზე. სახალხო დამცველის აპარატის წარმომადგენელმა გენდერის საკითხებში თამარ ცხოვრებაძემ კი პრეზენტაცია ჩაატარა თემაზე „ადრეულ ასაკში ქორწინება“. ტრენინგი ჩატარდა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“. პროექტი ხორციელდება ევროკავშირისა და კონრად-ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გთავაზობთ სტატიას, რომლითაც ორგანიზაცია საზოგადოებას წარუდგენს თავად მოსამართლეთა პერსპექტივას სასამართლოს წარსულსა და დღევანდელობაზე. „სტატიაში წარმოდგენილია სხვადასხვა თაობის სამი მოსამართლის ისტორია, მათი გამოცდილებები და განწყობები. სამი მოსამართლის მოყოლილი ისტორია, ერთი მხრივ, აჩვენებს მათ მიერ გავლილ განსხვავებულ გზას, თუმცა ასევე წარმოაჩნეს პრობლემებს, რომელიც ყველა თაობის მოსამართლისთვის საერთო და გადამკვეთია“. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: ვის სურს საზოგადოებრივი მაუწყებლის სამეურვეო საბჭოს წევრობა. „საქართველოს საზოგადოებრივი მაუწყებლის სამეურვეო საბჭოში 3 ვაკანტური ადგილის შესავსებად 11 კანდიდატი, მათ შორის მაუწყებლის ორი ყოფილი დირექტორი იბრძვის. სამეურვეო საბჭოს წევრებად შერჩეული უნდა იყვნენ პროფესიონალები, რომლებიც თავისუფალი არიან პოლიტიკური გავლენებისგან და ქვეყნის წინაშე არსებული მნიშვნელოვანი გამოწვევების დროს დადებით წვლილს შეიტანენ საზოგადოებრივი მაუწყებლის ხელმძღვანელობასა და განვითარებაში“. ორგანიზაცია გთავაზობთ ინფორმაციას კანდიდატების პროფესიული საქმიანობების შესახებ. სრულად... წყარო: transparency.ge

თბილისი. ინფორმაციის თავისუფლების განვითარების ინსტიტუტმა (IDFI) ხელისუფლების მონიტორინგისა და მონაცემების მოძიების მეთოდების შესახებ ორდღიანი ტრენინგი ჩაატარა. ღონისძიებას ესწრებოდნენ ჟურნალისტები და სამოქალაქო აქტივისტები საქართველოს სხვადასხვა რეგიონიდან. „ტრენიგი მოიცავდა როგორც თეორიულ, ისე პრაქტიკულ მასალას, რჩევებსა და რეკომენდაციებს - როგორ აღმოაჩინონ და გადაამოწმონ საეჭვო გარემოებები სახელმწიფო შესყიდვებში, გააკონტროლონ ბიუჯეტის მიზნობრივი განკარგვა, მოიპოვონ საჯარო მონაცემები ხელისუფლების საქმიანობის შესახებ და ა.შ.“ ვრცლად... წყარო: idfi.ge

თბილისი. სოციალური სამართლიანობის ცენტრის ინფორმაციით, ევროპარლამენტი სამართლის უზენაესობის პრინციპის მიმართულებას სრულ უკუსვლად აფასებს. 2022 წლის 4 აპრილს ევროპარლამენტმა საქართველოს მიერ ასოცირების შეთანხმების შესრულებაზე კრიტიკული ანგარიში გამოაქვეყნა. „ბოლო 2 წლის განმავლობაში საქართველოს ხელისუფლების მიერ ძირითადი დემოკრატიული პრინციპების პატივისცემისა და პოლიტიკური ვალდებულებების შესრულების მიმართულებით სერიოზულ უკუსვლასთან ერთად, ანგარიშში განსაკუთრებული ყურადღება ეთმობა მართლმსაჯულების ჩავარდნილ რეფორმას და მის შედეგებს საქართველოს ევროკავშირში გაწევრიანების გზაზე“. სრულად... წყარო: socialjustice.org.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

7 აპრილს, 20:00 საათზე, „საფარისა“ და ორგანიზაციის პლატფორმების “ფანჯარასა” და „განძის” ფეისბუქგვერდებზე პირდაპირ ეთერში ისაუბრებს კლინიკა ნეოლაბის ინფექციონისტი, მედიცინის მეცნიერებათა დოქტორი მაია ბუწაშვილი. თემა: დასრულდა თუ არა კორონავირუსის პანდემია? სრულად...

7 აპრილს, 16:00 საათზე საია გამართავს ონალინ დიკსუსიას თემაზე: „საჯარო სამსახურში ასაკობრივი ნიშნით დისკრიმინაციის აღმოფხვრის გზები“. სრულად...

7 აპრილს, 12:00 საათზე, არასამთავრობო ორგანიზაცია კავშირი „საფარის“ პრესკონფერენცია გაიმართება. თემა: „უკრაინის მოქალაქე ქალი, რომელიც საქართველოში გაუპატიურების მსხერპლი გახდა“. საკონტაქტო: 598 856 333

7 აპრილს, 12:00 საათზე, მედიაჰოლდინგ „კვირას“ პრესკლუბში სამოქალაქო მოძრაობა „მრავალენოვანი საქართველოს" თავმჯდომარის, არნოლდ სტეფანიანის პრესკონფერენცია გაიმართება. თემა: „უკრაინელი ლტოლვილების საქართველოში დასაქმების საკითხი. მიმართვა საქართველოში მოქმედ კერძო და სამოქალაქო სექტორს. რამდენიმე დღეში უკრაინელებისთვის ქართული ენის შემსწავლელი კურსი ამოქმედდება". მისამართი: თბილისი, კოსტავას ქუჩა 47/57

7 აპრილს გაიმართება ტრენინგი: ხელოვნური ინტელექტი: შესაძლებლობები და სტანდარტები. შეხვედრა ხელოვნური ინტელექტის ტექნოლოგიურ და სამართლებრივ ჭრილში საერთაშორისო სტანდარტების გაცნობასა და მისი გამოყენების შესაძლებლობებს შეეხება. რეგისტრაცია მიმდინარეობს ბმულზე...

სამეგრელო. საერთაშორისო გამჭვირვალობა - საქართველოს ინფორმაციით, „ქართული ოცნებიდან“ სენაკის საკრებულოს ყოფილი წევრის დათო ადამიას კომპანია შესყიდვებში შეცვლილი სახელწოდებით აგრძელებს მონაწილეობას. „ადამიამ კუთვნილი კომპანია „დაგი“ 2021 წლის ივნისში მას შემდეგ გააჩუქა, რაც ჩვენმა ორგანიზაციამ მისი კომპანიის 6 779 143 ლარიან შესყიდვებზე დაწერა ჩნდება ეჭვი, რომ „დაგის” სახელწოდების, წილის მფლობელისა და დირექტორის ცვლილება ფორმალური ხასიათისაა და ამ გზით ადამია, სავარაუდოდ, ცდილობს დამალოს საკუთარი კავშირი, როგორც კომპანიასთან, ისე შესყიდვებში ჩართულობასთანაც“, ნათქვამია ბლოგპოსტში. ორგანიზაცია მოუწოდებს სახელმწიფო უსაფრთხოების სამსახურის ანტიკორუფციულ სააგენტოს, შეისწავლოს შპს „მენათის” და შპს „დაგის” (2021 წლის ივნისამდე) თითოეული შესყიდვა და დაადგინოს, შეიცავს თუ არა კორუფციის შესაძლო ნიშნებს.  სრულად... წყარო: transparency.ge