თბილისი. კოალიციის ინფორმაციით, 8 აპრილს ჟურნალისტების მიმართ დისკრიმინაციული მიდგომა გამოვლინდა საქართველოს პრემიერ-მინისტრის, ირაკლი ღარიბაშვილის რეგიონული ტურნეს ფარგლებშიც. ვიზიტის შესახებ ინფორმირებული არ იყო როგორც ცენტრალური, ისე ადგილობრივი მედიის ნაწილი, მათ შორის, „TV პირველი“, „მთავარი არხი“ და „ფორმულა“. „ეს არ არის პირველი შემთხვევა, როდესაც საქართველოს მთავრობის წარმომადგენლები მედიის მიმართ შერჩევით დამოკიდებულებას ავლენენ... კოალიცია კიდევ ერთხელ მოუწოდებს საქართველოს მთავრობას უარი თქვას მედიის მიმართ დისკრიმინაციულ მიდგომაზე და ყველა ჟურნალისტს მისცეს ინფორმაციაზე წვდომის თანაბარი შესაძლებლობა“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. წამების მსხვერპლთა ფსიქოსოციალური და სამედიცინო რეაბილიტაციის საქართველოს ცენტრის (GCRT) ინიციატივით შეიქმნა ახალი ფსიქოსაგანმანათლებლო სივრცე - „აისი“. აისი გთავაზობთ მტკიცებულებაზე დაფუძნებულ ცოდნასა და უახლეს ინფორმაციას ფსიქიკური ჯანმრთელობის სფეროში მომუშავე სპეციალისტებისგან. სრულად... წყარო: ორგანიზაციის გვერდი სოციალურ ქსელში

კახეთი. საერთაშორისო გამჭვირვალობა - საქართველოს სამოქალაქო საბჭოების წარმომადგენლები ეთნიკურად აზერბაიჯანული თემით დასახლებულ, საგარეჯოს სოფელ იორმუღანლოს ადგილობრივი პრობლემების გასაცნობად და მათი მოგვარების ადვოკატირებისთვის ეწვივნენ. ერთ-ერთი მთავარი პრობლემა სოფელში შესასვლელი მთავარი ხიდის სავალალო მდგომარეობა, რომელიც ნემისმიერ დროს შეიძლება ჩაინგრეს და მძიმე შედეგები გამოიწვიოს. იორმუღანლოში ძალიან აწუხებთ საბავშვო ბაღის პრობლემა, რადგან თითქმის 40 000 კაციან თემში მოქმედ ბაღს მხოლოდ 30-40 ბავშვის მიღება შეუძლია. სამოქალაქო საბჭოს ინიციატივით, შეგროვდა ხელმოწერები ხიდის რეაბილიტაციასა და ახალი ბაღის მშენებლობასთან დაკავშირებით. ორგანიზაციის წარმომადგენლები შეხვდნენ საგარეჯოს მერის მოადგილეს, რომლის ინფორმაციითაც, სამხარაულის ექსპერტიზის ბიურო აპირებს ხიდის გამოკვლევას, რათა დადგინდეს თუ რა სახის ჩარევა გახდება საჭირო. საბავშვო ბაღის აშენებასთან დაკავშირებით კი, მისი თქმით, დაპირება კერძო კომპანიისგან აქვთ მიღებული.  სრულად... წყარო: ორგანიზაციის გვერდი სოციალურ ქსელში

კახეთი. სამოქალაქო საზოგადოების ორგანიზაციების საზოგადოებასთან ურთიერთობის ხელშეწყობის მიზნით, კახეთის რეგიონული ჰაბი გაგაცნობთ რეგიონში მოქმედ ორგანიზაციას „კახეთის რეგიონალური განვითარების ფონდი“ (KRDF). ფონდი დაფუძნდა 2008 წელს, კახეთის რეგიონის იძულებით გადაადგილებულ პირთა და დევნილთა გადაუდებელ პრობლემებზე რეაგირების მიზნით. KRDF-მა გააგრძელა ნორვეგიის ლტოლვილთა საბჭოს (NRC) ინტეგრაციის პროგრამები დევნილთათვის და მოწყვლადი თემებისთვის, NRC-სა და გაეროს ლტოლვილთა უმაღლესი კომისარიატის (UNHCR) დახმარებით. ორგანიზაცია აერთიანებს 17 პროფესიონალს და 37 ბენეფიციარს პანკისის ხეობაში არსებული სხვადასხვა სათემო განათლების ცენტრიდან. ადგილობრივი კონტექსტის ცოდნითა და მრავალმხრივი გამოცდილებით, KRDF 2009 წლიდან მუშაობენ ხეობაში პანკისის ახალგაზრდების, ქალებისა და სხვა მოწყვლადი ჯგუფების მხარდასაჭერად, სიღარიბის დაძლევის, გაძლიერებისა და უფლებების დაცვის მიზნით.  კახეთის რეგიონული ჰაბი საქმიანობას ახორციელებს პროექტის „სამოქალაქო საზოგადოების ინიციატივის ფარგლებში“. პროექტი ხორციელდება ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა - საქართველო“ წარმოგიდგენთ გადაცემათა ციკლს „ვილიკლიკოთ ევროპაზე - დათო ლიკლიკაძესთან ერთად“. გადაცემის ამ ეპიზოდში საუბარია იმაზე თუ რატომ ვირჩევთ დასავლურ გზას და რა საფრთხეები მოდის რუსეთისგან. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI) აღმოსავლეთ უკრაინაში ჰუმანიტარული დახმარება გააგზავნა. სრულად... წყარო: ორგანიზაციის გვერდი სოციალურ ქსელში

იმერეთი. ქუთაისის აკაკი წერეთლის სახელმწიფო უნივერსიტეტის ბავშვთა უფლებების ცენტრში გაიმართა შეხვედრა მედიის წარმომადგენლებთან. დამსწრეებმა მიიღეს ინფორმაცია გაეროს ბავშვთა ფონდისა და საქართველოს ადგილობრივ თვითმმართველობათა ეროვნული ასოციაცია (NALAG)-ის პროექტის შესახებ. „ბავშვის უფლებათა კოდექსის მიხედვით, ბავშვთა დაცვისა და მხარდაჭერაში მუნიციპალიტეტებს უმნიშვნელოვანესი როლი ენიჭებათ: მათ უნდა შეეძლოთ საჭიროების მქონე ოჯახებისა და ბავშვების იდენტიფიცირება და მათი მხარდაჭერა, ასევე არსებული სოციალური საჭიროებების იდენტიფიცირება და მათი მოგვარება ბავშვზე მორგებული სოციალური პროგრამების შემუშავების გზით“. პროექტი ხორციელდება ევროკავშირის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და განვითარების ცენტრი (GCSD) გიზიარებთ პუბლიკაციას „იკვლიე ნატო“. პუბლიკაცია აერთიანებს ექსპერტთა შეფასებებს ისეთ მნიშვნელოვან თემებზე, როგორიცაა ნატოს როლი საქართველოს თავდაცვისუნარიანობის განმტკიცების პროცესში, ასევე, ნატოს სამომავლო პერსპექტივები და სხვ. პუბლიკაცია მომზადდა პროექტს - „ისაუბრე, იკვლიე და აღმოაჩინე ნატო“ ფარგლებში, რომელსაც GCSD საქართველოში პოლონეთის რესპუბლიკის საელჩოს მხადაჭერით ახორციელებს. სრულად... წყარო: ორგანიზაციის გვერდი სოციალურ ქსელში

გურია. 9-10 აპრილს ახალგაზრდა პედაგოგთა კავშირის გურიის რეგიონის პარტნიორი საჯარო სკოლებისა და სკოლამდელი აღზრდის დაწესებულებების წარმომადგენლების, განათლების სისტემაში ახლად შემოერთებული პედაგოების მონაწილეობით ჩატარდა თემატური სკოლა „განვითარებაზე ორიენტირებული ორგანიზაციული კულტურა და მენეჯმენტი“. თემატური კვირეული ჩატარდა ევროკავშირისა (EU) და „პური მსოფლიოსთვის“ (Brot) ფინანსური მხარდაჭერით პროექტების „უნარების გაძლიერება და დასაქმების ინოვაციური შესაძლებლობები საქართველოს რეგიონული განვითარებისთვის“ („Skill Building and Innovative Job Opportunities for Regional Development of Georgia“) და „უკეთესი მომავლისთვის“ ფარგლებში, რომელსაც ახორციელებს საქართველოს სტრატეგიული კვლევების და განვითარების ცენტრი (CSRDG), ახალგაზრდა პედაგოგთა კავშირსა (YPU) და საქართველოს სამოქალაქო განვითარების ასოციაციასთან (GCDA) ერთად.  სრულად... წყაროო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი საკონსტიტუციო სასამართლოში ასაჩივრებს იმ ნორმებს, რომლებიც უშვებს კერძო კომპანიისათვის ენერგოპროექტის განხორციელების უფლების მინიჭებას გარემოზე ზემოქმედების შეფასების (გზშ) ჩატარებამდე. „სადაო ნორმების თანახმად, მთავრობასა და კერძო კომპანიას შორის ენერგოპროექტის განხორციელების შესახებ ხელშეკრულება შესაძლოა დაიდოს სრულიად დახურული პროცედურის საფუძველზე, საზოგადოების მონაწილეობის გარეშე, რაც ეწინააღმდეგება საქართველოს კონსტიტუციით გარანტირებულ გარემოსდაცვით ინფორმაციაზე ხელმისაწვდომობისა და გარემოსდაცვით საკითხებზე გადაწყვეტილებებში მონაწილეობის უფლებებს“, ნათქვამია განცხადებაში. სრულად... წყარო: socialjustice.org.ge

11 აპრილს, 16:00 საათზე, გაიმართება ვებინარი: კარიერული კონსულტანტი - მომავლის პროფესია. სრულად...

11 აპრილს, 14:00 საათზე, ლაგოდეხის სწავლებისა და დასაქმების ხელშეწყობის ცენტრი, საბანკო სფეროში დასაქმების მსურველებს, გთავაზობთ შეხვედრას მიკროსაფინანსო ორგანიზაცია „ემბისი“-სთან. სრულად... მონაწილეობის მისაღებად გაიარეთ რეგისტრაცია... მისამართი: ლაგოდეხი, კოსტავას ქ. #14 (რადიო ჰერეთის მიმდებარედ).

11 აპრილს, 11:50 საათზე „სამოქალაქო ინიციატივებისა და ინოვაციების ცენტრი“ და „საქართველოს სტრატეგიული ანალიზის ცენტრი“ ბრიფინგს გამართავს, სადაც მედიას და საზოგადოებას ევროკომისიის ვიცე-პრეზიდენტის, ჯოზეფ ბორელისგან მიღებული წერილის შინაარს გააცნობენ, რომელიც საქართველოს ევროკავშირში გაწევრიანების გზას ეხება. მისამართი: თბილისი, „სტრატეგიული ანალიზის ცენტრის“ ოფისი (კოსტავას #75ბ)

11 აპრილს, 10:00-22:00 საათამდე, გაიმართება სააღდგომო ხელნაკეთი დეკორაციების გამოფენა-გაყიდვა. სრულად...

9-10 აპრილს, 15:00 საათიდან 21:00 საათამდე, GrlzWave, ღვინის ქარხანაში (პეტრიაშვილის N1) უკრაინელი ხალხის დასახმარებლად შემოწირულობების შეგროვებას იწყებს. ადგილზე დაგხვდებათ GrlzWave-ის ჰუდები, მაისურები, ჩანთები, ახალი ბლოკნოტები და სტიკერები, საფოსტო ბარათები და პოსტერები. შემოსული თანხა გადაირიცხება უკრაინაში ინდივიდუალურად. სრულად...

თბილისი. ინფორმაციის თავისუფლების განვითარების ინსტიტუტმა (IDFI) აღმოსავლეთ ევროპის, კავკასიისა და ცენტრალური აზიის სამოქალაქო საზოგადოებამ, მედია ორგანიზაციებმა და ასოციაციებმა ღია განცხადება გაავრცელეს. „განცხადებაში საერთაშორისო სამართლის აღდგენისა და უკრაინის წინააღმდეგ რუსეთის აგრესიით გამოწვეული საერთაშორისო უსაფრთხოების კატასტროფის დაძლევისთვის აუცილებელი ზომების მიღებაზეა საუბარი“. IDFI განცხადების ერთ-ერთი ხელმომწერი ორგანიზაციაა. სრულად... წყარო: detector.media

თბილისი. სამოქალაქო საზოგადოების ორგანიზაციების ინფორმაციით, თბილისის საქალაქო სასამართლომ უკრაინის სოლიდარობის აქციაზე დაკავებული 16 ადამიანი ჯამში 34 300 ლარით დააჯარიმა. „სამართალდამცავებისა და სასამართლოს მანკიერი პრაქტიკის გაგრძელება მიუთითებს ხელისუფლების სურვილზე, რომ უკანონო დაკავებითა და სოლიდური ჯარიმების დაკისრებით შეზღუდოს გამოხატვის თავისუფლება, სერიოზული ფინანსური დარტყმა მიაყენოს და პროტესტის მოტივაცია შეურყიოს აქტივისტებს“. აქტივისტების დასახმარებლად თანხა შეგიძლიათ ჩარიცხოთ მითითებულ საბანკო ანგარიშებზე: ააიპ მოძრაობა სირცხვილია TBC: #GE27TB7589236070100003 BOG: #GE44BG0000000162241054 დანიშნულება: აქტივისტებისთვის სრულად... წყარო: transparency.ge

თბილისი. 7 აპრილს, ინფორმაციის თავისუფლების განვითარების ინსტიტუტმა (IDFI), ბიზნესისა და ტექნოლოგიების უნივერსიტეტთან (BTU) თანამშრომლობით, ჩაატარა ონლაინ ტრენინგი - ხელოვნური ინტელექტი: შესაძლებლობები და სტანდარტები.  შეხვედრა შეეხო ხელოვნური ინტელექტის ტექნოლოგიურ და სამართლებრივ ჭრილში საერთაშორისო სტანდარტების გაცნობასა და მისი გამოყენების შესაძლებლობებს. სრულად... წყარო: idfi.ge

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს ბლოგპოსტს: ქართული ფეისბუქი კრემლის „ნიუს-ფრონტის“ სამიზნეებს შორის რუსეთ-უკრაინის ომის ფონზე. ორგანიზაციის გამოძიებამ აჩვენა, რომ ყალბი ანგარიშები, „ნიუს-ფრონტის“ კრემლისტურ და ანტიდასავლურ გზავნილებთან ერთად, გამოცემა „Spacesnews • სივრცეების“ მასალებსაც ავრცელებდნენ. „2022 წლის 24 თებერვალს რუსეთის უკრაინაში შეჭრისა და ფართომასშტაბიანი ომის წამოწყების შემდეგ კრემლის პროპაგანდისტული გამოცემა საქართველოში რუსეთის მთავრობის სასარგებლოდ გზავნილების გავრცელებისთვის კვლავაც გამოიყენება, რომლის მიზანი უკრაინაში რუსეთის სამხედრო ძალების დანაშაულების უარყოფა და უკრაინისა და დასავლური სახელმწიფოების დისკრედიტაციაა“. სრულად... წყარო: isfed.ge

თბილისი. საქართველოს ახალგაზრდა იურისტთა ასოციაციის (საია) ინფორმაციით, 2022 წლის მარტის ბოლოს გამოქვეყნდა ევროპარლამენტის საგარეო ურთიერთობების კომიტეტის მოთხოვნით გარე მკვლევარის მიერ მომზადებული ყოველწლიური ანგარიში საქართველოს მიერ ასოცირების ხელშეკრულებით ნაკისრი ვალდებულებების შესრულების პროგრესის შესახებ. ანგარიშის ავტორია სორბონის უნივერსიტეტის ასოცირებული პროფესორი და ევროპის კოლეჯის მოწვეული ლექტორი, ლორა დელკური. ორგანიზაცია აღნიშნავს, რომ დოკუმენტზე მუშაობის პროცესში ავტორმა კონსულტაციები გაიარა საქართველოს ახალგაზრდა იურისტთა ასოციაციასთანაც (საია). შესაბამისად, ანგარიშში არაერთხელ არის მოყვანილი საიას შეფასებები მიმდინარე პოლიტიკურ პროცესებსა და დემოკრატიულ რეფორმებთან დაკავშირებით. „ანგარიშის მიხედვით, 2020 წლის აპრილიდან და, განსაკუთრებით 2021 წლის ივლისიდან მოყოლებული, საქართველოში დემოკრატიული მმართველობის ხარისხი მკვეთრად გაუარესდა“. სრულად... წყარო: gyla.ge

თბილისი. ორგანიზაცია „საფარის“ ინფორმაციით, გაუპატიურების მსხვერპლი უკრაინის მოქალაქე ქალი პროკურატურამ დაზარალებულად ცნო. „საქმის გახმაურებიდან რამდენიმე საათში, თითქმის ერთთვიანი ლოდინის შემდეგ, პროკურატურამ დაზარალებულად ცნო გაუპატიურების მსხვერპლი ქალი. შესაბამისი დადგენილების ჩაბარების შემდეგ “საფარს” შესაძლებლობა ექნება გაეცნოს საქმის მასალებს და უფლებამოსილების ფარგლებში, ჩაეროს გამოძიების პროცესში. დაზარალებული ქალის ინტერესებს, რომელიც უკრაინის მოქალაქეა, ორგანიზაციის იურისტი, თამარ ლუკავა იცავს“. სრულად... წყარო: sapari.ge

იმერეთი. გაეროს ბავშვთა ფონდის ინფორმაციით, 8 აპრილს, ქუთაისში, აკაკი წერეთლის სახელმწიფო უნივერსიტეტში ათი მუნიციპალიტეტის მერი შეიკრიბა იმის განსახილველად, თუ როგორ გაიზარდოს მუნიციპალიტეტების ჩართულობა მათი თემების სოციალური კეთილდღეობის უზრუნველსაყოფად. მაღალი დონის შეხვედრას დაესწრნენ ცენტრალური ხელისუფლებისა და მუნიციპალური თვითმმართველობის წარმომადგენლები, დონორები და სამოქალაქო საზოგადოების ორგანიზაციები...  სრულად... პროექტი ხორციელდება ევროკავშირის მხარდაჭერით. წყარო: www.unicef.org