თბილისი. მაკ ჯორჯია აქვეყნებს ინფორმაციას ელექტრონულ საძიებო სისტემაზე „შეაღე“, რომელიც საშუალებას აძლევს დაინტერესებულ პირს მოიძიოს შშმ პირებისთვის მომსახურების იმწოდებელი ორგანიზაციები. „ასევე, „შეაღეზე“ თქვენ შეგიძლიათ სხვადასხვა საინტერესო რესურსების მოძიება. დღეს აუტიზმის შესახებ გაგიზიარებთ ინფორმაციას". სრულად... წყარო: მაკ ჯორჯიას გვერდი სოციალურ ქსელში

იმერეთი. „ადგილობრივი დემოკრატიის სააგენტო საქართველო“-ს, „განათლების განვითარების და დასაქმების ცენტრი“-ს და ბაღდათის მუნიციპალიტეტის მერიას შორის ხელი მოეწერა ურთიერთთანამშრომლობის მემორანდუმს. „ურთიერთთანმშრომლობის მემორანდუმის მიზანია ბაღდათის მუნიციპალიტეტის მერიასთან არსებული ახალგაზრდული საბჭოს გაძლიერება, ახალგაზრდულ საკითხებზე თანამშრომლობის გაზრდა ადგილობრივ და საერთაშორისო ორგანიზაციებთან და ადგილობრივ ახალგაზრდებთან კომუნიკაციისთვის ეფექტიანი მექანიზმის შემუშავება და დანერგვა“. ღონისძიება ორგანიზებული იყო ადგილობრივი დემოკრატიის სააგენტო საქართველოს (LDA Georgia) მიერ, „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ პროექტის ფარგლებში, რომელიც დაფინანსებულია ევროკავშრისა და კონრად ადენაუერის ფონდის მიერ. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციასთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციისა და ტრენინგის ცენტრი(CTC), განათლების განვითარების და დასაქმების ცენტრი (EDEC), და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კრებულს, რომელიც ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს მიერ მიღებულ 10 მნიშვნელოვან გადაწყვეტილებას აერთიანებს. „ჩვენი მიზანია, ხელი შევუწყოთ ევროპულ სტანდარტებთან დაახლოებას სასამართლოების უახლესი პრაქტიკის შესახებ ცნობიერების ამაღლების გზით“. სრულად... წყარო: idfi.ge

თბილისი. გაეროს ქალთა ორგანიზაციამ პროექტის „კარგი მმართველობა გენდერული თანასწორობისთვის საქართველოში“ ფარგლებში დოკუმენტი მოამზადა.  „პუბლიკაცია აღწერს საქართველში არსებულ სიტუაციას გადაწყვეტილებების მიღებაში ქალების ჩართულობასთან დაკავშირებით. ქვეყნის გენდერული თანასწორობის პროფილისა (2020) და სხვა თემატური კვლევების მონაცემების ვიზუალიზაციით, დოკუმენტი აჩვენებს, რომ ქალები ნაკლებად არიან წარმოდგენილები გადაწყვეტილების მიმღებ პოზიციებზე როგორც პარლამენტსა და აღამსრულებელ ხელისუფლებაში, ისე საჯარო სამსახურსა და ადგილობრივ თვითმმართველობებში“. სრულად... წყარო: georgia.unwomen.org

თბილისი. სახელმწიფო ინსპექტორმა ლონდა თოლორაიამ საქართველოს ახალგაზრდა იურისტთა ასოციაციის დახმარებით, საკონსტიტუციო სასამართლოს მიმართა. „გასაჩივრებული ნორმების თანახმად, 2022 წლის 1 მარტიდან უქმდება სახელმწიფო ინსპექტორის სამსახური და სახელმწიფო ინსპექტორის თანამდებობა, შესაბამისად, თანამდებობებიდან თავისუფლდება სახელმწიფო ინსპექტორი - ლონდა თოლორაია. ლონდა თოლორაია სადავო ნორმების არაკონსტიტუციურად ცნობას ითხოვს“. სრულად... წყარო: gyla.ge

თბილისი. ომბუდსმენის ინფორმაციით, „ლიბერთი ბანკი“ საპროცენტო განაკვეთის განსაზღვრისას სათანადოდ არ ითვალისწინებს სოციალური სესხების მომხმარებელთა განსხვავებულ სოციალურ-ეკონომიკურ მდგომარეობას, რაც ამ პირებს გაუმართლებლად არახელსაყრელ მდგომარეობაში აყენებს. სახალხო დამცველმა შესაბამის უწყებებს მოუწოდა, გადადგან კონკრეტული ნაბიჯები სოციალურ სესხებზე დადგენილი საპროცენტო განაკვეთის ოდენობის შემცირების მიზნით. სრულად... წყარო: ombudsman.ge

თბილისი. „საერთაშორისო გამჭვირვალობის“ სამდივნოს მიერ გამოქვეყნებულ 2021 წლის „კორუფციის აღქმის ინდექსის“ (CPI) მიხედვით, საქართველოს 55 ქულა აქვს, რაც წინა წელთან შედარებით ერთი ქულით გაუარესებული შედეგია. სრულად... წყარო: transparency.ge

თბილისი. გაეროს განვითარების პროგრამის ინფორმაციის მიხედვით, 24 იანვარს, საკრებულოს წევრი ქალები ყოველწლიურ ფორუმზე შეიკრიბნენ და ის კონკრეტულ ნაბიჯები განიხილეს, რომელთა განხორციელება ხელს შეუწყობს გენდერულად დაბალანსებული პოლიტიკის შემუშავებასა და ადგილობრივ დონეზე არსებულ ეკონომიკურ და სოციალურ გამოწვევებთან გამკლავებას. სრულად... წყარო: www.ge.undp.org

თბილისი. ალექსანდრე რონდელის სახელობის სასტიპენდიო პროგრამის გამარჯვებულები ერეკლე გოზალიშვილი და ნიკა ხომერიკი გახდნენ. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის ინფორმაციის თანახმად, კორუფციასთან ბრძოლის სასერტიფიკატო პროგრამის სამი მონაწილე - ნინო ტაგანაშვილი, მარიამ სალუქვაძე და ანა გოგოლაძე ევრაზიის აკადემიური ანტიკორუფციული ქსელის (Eurasian Academic Anti-Corruption Network) სხვა მონაწილეებთან ერთად, სასწავლო ვიზიტით მოლდოვაში იმყოფებოდნენ.  „სასწავლო ვიზიტის მიზანი იყო პროგრამის მონაწილეების ცოდნისა და ცნობიერების ზრდა მოლდოვაში კორუფციის რისკებისა და კორუფციასთან ბრძოლის მექანიზმებთან დაკავშირებით. ამავდროულად, სასწავლო ვიზიტის შედეგად, გაღრმავდა ევრაზიის აკადემიური ანტიკორუფციული ქსელის (Eurasian Academic Anti-Corruption Network) წარმომადგენელთა თანამშრომლობა და დაიგეგმა სამომავლო აქტივობები“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, პოლონეთის ეროვნული მეხსიერების უნივერსიტეტის (IPN) სამეცნიერო ჯგუფი აჭარაში მასობრივი ტერორის მსხვერპლთა სამარხებს შესწავლის. „ჯგუფი, რომელშიც გაერთიანებულია 4 არქეოლოგი და 2 ანთროპოლოგი, შემდეგი 2 კვირის მანძილზე აჭარაში აღმოჩენილი კიდევ ერთი, 1937-1938 წლების, მასობრივი ტერორის მსხვერპლთა სამარხიდან ნეშტების ამოსვენებისა და შესწავლის სამუშაოებს განახორციელებს“. სრულად... წყარო: idfi.ge

თბილისი. საქართველოს ახალგაზრდა იურისტთა ასოციაციის (საია) ინფორმაციით, ორგანიზაცია მეტროში შშმ მოზარდის მიმართ განხორციელებული ძალადობის საქმეში დაზარალებულის უფლებებს დაიცავს. „უახლოეს პერიოდში საიას ადვოკატი საგამოძიებო უწყებას მიმართავს საქმის მასალების გაცნობის მოთხოვნით. მასალების გაცნობის შემდეგ კი, არასრულწლოვანთან შეთანხმებით, დაიგეგმება შემდეგი ნაბიჯები. მედიას მოვუწოდებთ, თავი შეიკავონ უშუალოდ არასრულწლოვანთან კომუნიკაციისგან და დაიცვან არასრულწლოვანი პირების საქმეების გაშუქებისთვის დადგენილი სტანდარტები“. სრულად... წყარო: ორგანიზაციის გვერდი სოციალურ ქსელში

აჭარა. სამოქალაქო საზოგადოების ინსტიტუტისა და ხელვაჩაურის მერიის ახალაგაზრდული ცენტრის ერთობლივი ორგანიზებით, ხელვაჩაურში მცხოვრები ახალგაზრდებისთვის იწყება გრძელვადიანი საგანამანათლებლო კამპანია – „შენი ხმა ხელვაჩაურის მუნიციპალიტეტში!“. კამპანიის მიზანია სამოქალაქო აქტივიზმის მხარდაჭერა და თვითმმართველობის საქმიანობაში ახალგაზრდების აქტიური ჩართვა. კამპანიაში მონაწილეობისთვის განაცხადის შემოტანა შეუძლიათ ხელვაჩაურში მცხოვრებ 14-29 წლის ახალგაზრდებს. მსურველებმა 2022 წლის 1 თებერვლამდე უნდა შეავსონ სააპლიკაციო ფორმა... სრულად... კამპანია – „შენი ხმა ხელვაჩაურის მუნიციპალიტეტში!“ ხორციელდება სამოქალაქო საზოგადოების ინსტიტუტის მიერ, პროექტის – „ადგილობრივი განვითარების აქტორებს შორის მყარი კავშირების დამყარება“ (მეორე ფაზა) ფარგლებში, გერმანული ორგანიზაცია „პური მსოფლიოს“ მხარდაჭერითა და ხელვაჩაურის მუნიციპალიტეტის ახალგაზრდულ ცენტრთან პარტნიორობით.

თბილისი. ომბუდსმენმა შრომით ურთიერთობაში განსხვავებული მოსაზრების ნიშნით დისკრიმინაციის აღმოფხვრის შესახებ შპს „შუქრუთი +-ს“ რეკომენდაციით მიმართა. „ფაქტობრივი გარემოებების მიხედვით, კომპანიამ სამსახურიდან გაათავისუფლა მაღაროელი, რომელიც კომპანიის ადმინისტრაციასთან სამუშაო სივრცეში არსებულ პრობლემებზე, მათ შორის, შრომის უსაფრთხოების სტანდარტებთან შეუსაბამობების თაობაზე საუბრობდა. მაღაროელის მტკიცებით, იგი სამსახურიდან სწორედ ვისი მოსაზრებისა და უკმაყოფილების გამოხატვის გამო გაათავისუფლეს. მოპასუხემ კი (შპს „შუქრუთი +-მა“) ვერ წარმოადგინა არგუმენტები, რომ განმცხადებლის გათავისუფლების მიზეზი შრომის უსაფრთხოების საკითხზე გამოთქმული მოსაზრებები არ იყო.  ზემოაღნიშნულიდან გამომდინარე, სახალხო დამცველმა მოუწოდა მოპასუხეს, განმცხადებლის მიმართ აღმოფხვრას დისკრიმინაციის შედეგები, კერძოდ, აღადგინოს იმავე ან ტოლფას პოზიციაზე“.  სრულად... წყარო: ombudsman.ge

თბილისი. სოციალური სამართლიანობის ცენტრი ეხმაურება გავრცელებულ კადრებს, სადაც ნათლად ჩანს პოლიციის მხრიდან მოქალაქეზე ძალადობის, ღირსების შელახვისა და დამცირების ფაქტები.  „განსაკუთრებით საგანგაშოდ მიგვაჩნია, რომ ბოლო დროს პოლიციის მხრიდან ძალის აშკარა გადამეტების ერთეულ შემთხვევასთან არ გვაქვს საქმე. გავრცელებულ კადრებში საზოგადოებამ იხილა სამართალდამცავი უწყების მხრიდან გამოვლენილი ფიზიკური ძალადობა, რომლის წინაშეც მხედველობის და სმენის შეფერხების მქონე ადამიანი დაუცველი და ღირსებაშელახული იყო. განსაკუთრებით შემაშფოთებელია, თუ როგორ უგულებელყოფს პოლიცია ზრუნვისა და მხარდაჭერის მოვალეობას და ამის ნაცვლად, ჩვენი საზოგადოების ყველაზე დაუცველი ნაწილის ჩაგვრის და საგულდაგულო დასჯის პრაქტიკას ეწევა“. სრულად... წყარო: socialjustice.org.ge

იმერეთი. საქართველოს სტრატეგიული კვლევებისა და განვითარების ცენტრის (CSRDG), ევროკავშირისა და კონრად ადენაუერის ფონდის მხარდაჭერით მნიშვნელოვანი საგრანტო პროექტი მიმდინარეობს. ორგანიზაცია „ნათელი მომავალი“ იმერეთის რეგიონში ადგილობრივ თვითმმართველობებში შრომის უსაფრთხოების და შრომის უფლებების კუთხით არსებულ ვითარებას შეისწავლის და მონიტორინგის ანგარიშს მოამზადებს. ამასთან ერთად შრომის უსაფრთხოების სპეციალისტებს შრომის კანონმდებლობის მიმართლებით გადაამზადებს. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრის მკვლევარი, მარიამ შალვაშვილი ცდილობს, კვლევაში „საქართველოს მუსლიმი ქალების ყოფა და მათი ჩაგვრის მრავალშრიანი აღწერა“ არსებულ მიგნებებზე ისაუბროს და გააანალიზოს ის სირთულეები და დაბრკოლებები, რომლებიც უდგათ ეთნიკური და რელიგიური უმცირესობების ქალებს აჭარასა და მარნეულის მუნიციპალიტეტში. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებების (PHR) ინფორმაციით, 22 იანვარს მედიაში გავრცელდა ნელი დოროყაშვილისა და ნიკოლოზ ბასილაშვილის საუბრის ჩანაწერები, რაც წარმოადგენს მტკიცებულებებს სისხლის სამართლის საქმეში. აღნიშნული ჩანაწერები აგრეთვე შეიცავს ინფორმაციას ბავშვის შესახებ. ორგანიზაციას მიუღებლად მიაჩნია აუდიო ჩანაწერების გასაჯაროება, რაც პირველ რიგში ზიანს აყენებს დაზარალებულების, განსაკუთრებით ბავშვის ინტერესებს და იწვევს მათ მეორეულ ვიქტიმიზაციას. „ჩვენთვის უცნობია ინფორმაციის გასაჯაროების პირველადი წყარო, შესაბამისად, მოვუწოდებთ ინფორმაციის შენახვაზე პასუხისმგებელ ყველა პირს, ასევე მედიას, თავი შეიკავონ პირადი ცხოვრების ამსახველი ჩანაწერების გასაჯაროებისაგან და უზრუნველყონ აღნიშნული ჩანაწერების აღება საჯარო სივრციდან“. სრულად... წყარო: ორგანიზაციის გვერდი სოციალურ ქსელში

თბილისი. „უფლებები საქართველოს“ ინფორმაციით, ორგანიზაცია პერსონალურ მონაცემთა დაცვის სამსახურის უფროსის შესარჩევ საკონკურსო კომისიის საქმიანობაში ჩაერთო. „საკონკურსო კომისიაში „უფლებები საქართველოს“ მონაწილეობა მიზნად ისახავს პროცესის გამჭვირვალობის და საზოგადოების ინფორმირებულობის უზრუნველყოფას პერსონალურ მონაცემთა დაცვის სამსახურის უფროსის შერჩევის შესახებ. კომისიის საქმიანობის გამჭვირვალობა განსაკუთრებულ მნიშვნელობას იძენს იმ ფონზე, რომ პერსონალურ მონაცემთა დაცვის სამსახურის და მასთან ერთად, მეორე დამოუკიდებელი ორგანოს - სპეციალური საგამოძიებო სამსახურის შექმნის გადაწყვეტილება საქართველოს პარლამენტმა გასული წლის ბოლოს დაჩქარებულად, სამოქალაქო სექტორის, საერთაშორისო ორგანიზაციების და დიპლომატიური წარმომადგენლობების მწვავე კრიტიკის ფონზე მიიღო“. სრულად... წყარო: ორგანიზაციის გვერდი სოციალურ ქსელში

აჭარა. დეკემბრის თვეში, აჭარის ჰაბი ხულოს, შუახევისა და ხელვაჩაურის მუნიციპალიტეტის 3 სოფელს ეწვია. შეხვედრებზე განიხილეს სოფლის მეურნეობისა და სოფლად ტურიზმის განვითარების შესაძლებლობები. სრულად... აჭარის რეგიონული ჰაბი ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში შეიქმნა. წყარო: პროექტის გვერდი სოციალურ ქსელში

თბილისი. სოციალური სამართლიანობის ცენტრმა მოამზადა კვლევა: „შრომის ინსპექციის საქმიანობის შეფასება 2021“. „კვლევის მიზანია ერთი წლის თავზე შეაფასოს შრომის რეფორმის შედეგად გაზრდილი მანდატის და ინსტიტუციური გაძლიერების კვალდაკვალ შრომის ინსპექციის სამსახურის ეფექტიანობა. კვლევა ინსპექციის დაარსებიდან (2015 წ.) პირველად შეაფასებს შრომის ინსპექციის სამსახურის საქმიანობას არსებული გამოწვევებისა და სისტემის გაუმჯობესებისათვის საჭირო ნაბიჯების იდენტიფიცირების მიზნით. კვლევის დასასრულს წარმოდგენილია რეკომენდაციები შესაბამისი უწყებებისთვის, რომელთა განხორციელებაც ხელს შეუწყობს შრომის ინსპექციის სისტემის გაუმჯობესებას და ქვეყანაში შრომითი უფლებებისა და უსაფრთხოების სტანდარტების ამაღლებას“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციამ პარტნიორ ორგანიზაცია ადამიანის უფლებათა დაცვის ევროპულ ცენტრთან (EHRAC) ერთად ევროპის საბჭოს მინისტრთა კომიტეტს ცინცაბაძის ჯგუფის საქმეების აღსრულებასთან დაკავშირებით წერილობითი მოსაზრებები წარუდგინა. სრულად... წყარო: gyla.ge