სამეგრელო. ორგანიზაცია „ათინათის“ პროექტის – „ახალგაზრდების ჩართულობა და განვითარების" ფარგლებში გაიმართა გაცვლითი ვიზიტი კახათის და დარჩელის საჯარო სკოლებს შორის. გაცვლითი ვიზიტის ფარგლებში დაიგეგმა დებატები გენდერის თემაზე.  დებატების მიზანია ახალგაზრდებში კრიტიკული და ლოგიკური აზროვნების ჩამოყალიბება. დებატების დროს გამოვლინდა სამი საუკეთესო სპიკერი, რომელიც დასაჩუქრდა სიმბოლური პრიზებით.  პროექტი „ახალგაზრდების ჩართულობა და განვითარება” – ხორციელდება აშშ–ის საერთაშორისო განვითარების სააგენტოს პროგრამის ფარგლებში.  სრულად...  წყარო: ორგანიზაცია „ათინათი“

თბილისი. საქართველოს ახალგაზრდა იურისტთა ასოციაცია აქვეყნებს ადმინისტრაციული წესით დაკავებულ პირთა უფლებების შესახებ საინფორმაციო მასალებს. „უკანონო დაკავების შემთხვევაში, პირს უფლება აქვს მოითხოვოს მატერიალური და მორალური ზიანის ანაზღაურება“. იხილეთ საიას ვიზუალიზაცია ამ საკითხზე... წყარო: საია

ფონდი „აფხაზეთი“ ჯანდაცვის პროგრამების, სოციალური სერვისების, განსახლებასა და ერთჯერად დახმარებების საკითხებზე საზოგადოებას სათავაზობს ცხელი ხაზის მომსახურებას. დაინტერესების შემთხვევაში დაუკავშირდით - 032 2 152 911. Whatsapp/Viber - +995 577 960 444. ელ–ფოსტა - hotline@chca.org.ge  სრულად...  წყარო: ფონდი „აფხაზეთი“

თბილისი. 2024 წლისთვის სამართლიანი წინასაარჩევნო გარემოს გამოწვევებზე პოლიტიკური პარტიების, ადგილობრივი და საერთაშორისო ორგანიზაციების, სახალხო დამცველის ოფისის, ცესკოსა და საელჩოების წარმომადგენელთა მონაწილეობით 4 დეკემბერს დისკუსია გაიმართა. შეხვედრა გაიმართა საერთაშორისო გამჭვირვალობა საქართველოს ორგანიზებით, აშშ–ის საერთაშორისო განვითარების სააგენტოს მხარდაჭერით.  შეხვედრაზე განიხილეს ადმინისტრაციული რესურსების გამოყენების საფრთხეები, გასული არჩევნების გამოცდილებები და მიმდინარე საარჩევნო ციკლში მათი პრევენციული გზები. სრულად...  წყარო: საერთაშორისო გამჭვირვალობა საქართველო

თბილისი. რამდენიმე წელია, ფოტოგრაფი ანა გოგუაძე ევროპის ქვეყნებში ეტლით მოგზაურობს და ქმნის ფოტოების სერიას, რომელიც გვიყვება ევროპის სხვადასხვა ქალაქში მცხოვრები ადამიანების ყოველდღიურობაზ სწორედ ამ ფოტოების გამოფენა მოეწყობა 14 დეკემბერს სახელწოდებით „რატომ ევროპა?“. ფოტოებზე ნახავთ ერთმანეთისგან განსხვავებულ, თუმცა საერთო ღირებულებების მქონე ადამიანებს, რომლებიც სხვადასხვა ქვეყანაში ცხოვრობენ. გამოფენა იმართება ევროკავშირის მხარდაჭერით. ღონისძიების პარტნიორები არიან ფონდი „კერატი“ და ევროინტეგრაციის მხარდამჭერი საინფორმაციო კამპანია „ახლა სრულად... წყარო: კოალიცია ინფორმაციის სანდოობისთვის

დღეს, ონლაინ სასწავლო კურსის ერთ–ერთი კურსდამთავრებულის მოსაზრებებს გაგიზიარებთ თინათინ მაღედანი გარემოსდაცვითი საზოგადოებრივი ორგანიზაციის – „ეკო ცენტრის“ დამფუძნებელია.  ადგილობრივ დონეზე მიმდინარე პროცესების შესახებ თინათინს არც თუ ცოტა ინფორმაცია აქვს, მიუხედავად ამისა, ამბობს რომ ონლაინ სასწავლო კურსი – „საზოგადოებრივი მონაწილეობა ადგილობრივი განვითარებისთვის“ – ძალიან საინტერესო და სასარგებლო აღმოჩნდა მისთვის.  „თავი მოვუყარე არსებულ ცოდნას და არაერთი სიახლე შევიტყვე. გადავწყვიტე ჩემს სასწავლო პროგრამაშიც მეტი ყურადღება დავუთმო იმ საკითხებს, რომელიც კურსის განმავლობაში გავიარე. შესაბამისად, მიღებულ ცოდნას პრაქტიკაშიც უკვე აქტიურად ვიყენებ.  ჩემი აზრით, კურსი სასარგებლოა ნებისმიერი მოქალაქისთვის, რომელსაც სურს, რომ აქტიურად იყოს ჩართული ადგილობრივი განვითარების პროცესებში“.  ონლაინ სასწავლო პროგრამა USAID–ის ადგილობრივი თვითმმართველობის პროგრამის მხარდაჭერით წარიმართა.

ქვემო ქართლი. სამოქალაქო საზოგადოების ინსტიტუტმა (CSI) დმანისის მუნიციპალიტეტში მერიისა და საკრებულოს თანამშრომლებისთვისა და წევრებისთვის გამართა ტრენინგი სტრატეგიული დოკუმენტების შემუშავებაზე. აღნიშნული სწავლება, შესაძლებლობების გაძლიერების პროგრამის ნაწილია, რომელიც ეყრდნობა მოქალაქეთა მონაწილეობის ხარისხის თვითშეფასებას (www.ppmeter.ge). ტრენერმა ლიზი სოფრომაძემ აუდიტორიას მიაწოდა ინფორმაცია იმ სტანდარტებისა და კომპონენტების შესახებ, რომელიც სამთავრობო დადგენილებებისა და საერთაშორისო გამოცდილებებით სტრატეგიული დოკუმენტებისა და სამოქმედო გეგმების შექმნისთვის გამოიყენება.  აღნიშნული პროგრამა დაეხმარება მუნიციპალიტეტებს ჩამოიყალიბონ ხედვა და შეიმუშაონ სამოქმედო გეგმა მოქალაქეთა მონაწილეობის მიმართულებით.  მუნიციპალიტეტის თანამშრომლებისთვის შესაძლებლობის განვითარების პროგრამას სამოქალაქო საზოგადოების ინსტიტუტი (CSI), USAID–ის ადგილობრივი თვითმმართველობის პროგრამის ფარგლებში მართავს

გაეროს ბავშვთა ფონდის ევროპისა და ცენტრალური აზიის ოფისის მიერ გამოქვეყნებული ანგარიშის თანახმად, გასულ წელს, საქართველოში შეზღუდული შესაძლებლობის მქონე ბავშვების დაახლოებით 23% გამხდარა დისკრიმინაციის, ან შევიწროების მსხვერპლი. ინკლუზიური, დისკრიმინაციისაგან თავისუფალი საზოგადოების შექმნა უმნიშვნელოვანესია ბავშვებისა და მათი ოჯახების უკეთესი მომავლისათვის. ანგარიში ... წყარო: გაეროს ბავშვთა ფონდი

თბილისი. გამოვლინდნენ ევროკავშირის სპეციალური პრიზის „ადამიანის უფლებები კინოში“ 2023 წლის მფლობელები.  თბილისის საერთაშორისო კინოფესტივალზე, ევროკავშირის ელჩმა, პაველ ჰერჩინსკიმ გამარჯვებულები ორ კატეგორიაში დააჯილდოვა. ვულოცავთ ორ გამორჩეულ რეჟისორს - ლუკა ბერაძეს, დოკუმენტური ფილმების კატეგორიის გამარჯვებულს ფილმისთვის „ღიმილიანი საქართველო“ და აბას ამინის, მხატვრული ფილმების კატეგორიის გამარჯვებულს ფილმისთვის „უსასრულო საზღვრები“.  სრულად...  წყარო: ევროკავშირის წარმომადგენლობა

გურია. ახალგაზრდა პედაგოგთა კავშირმა გამოაქვეყნა ახალი კვლევა – „ბავშვზე ზრუნვის მომსახურებათა ეფექტიანობის“ შესახებ. კვლევის მიზანი იყო ბავშვზე ზრუნვის მომსახურებათა ეფექტიანობის შესწავლა საქართველოში.  აღნიშნული კვლევის ფარგლებში შესწავლილ იქნა შემდეგი მომსახურებები: მიტოვების რისკის წინაშე მყოფი 6-18 წლის ასაკის ბავშვების დღის ცენტრი; არასპეციალიზებული მინდობით აღზრდა; მცირე საოჯახო ტიპის სახლი. კვლევა ...  წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა-საქართველომ, 1 დეკემბერს, შავი ზღვის საერთაშორისო უნივერსიტეტში (IBSU) ჩაატარა ტრენინგი თემაზე - „როგორ ვიპოვოთ ინფორმაციის დიდ ზღვაში კორუფციის კენჭები?“.  ტრენინგს ჟურნალისტიკის ფაკულტეტის „საგამოძიებო ჟურნალისტიკის“ საგნის სტუდენტები დაესწრნენ. სტუდენტები გაეცნენ ღია მონაცემებთან მუშაობის სპეციფიკას, შესაძლო კორუფციული გარიგებების, ძალაუფლების ბოროტად გამოყენებისა და ბიუჯეტის დაუსაბუთებლად ხარჯვის ფაქტების გამოვლენის ხერხებს. სტუდენტებმა ასევე მიიღეს ინფორმაცია ღია მონაცემების გზამკვლევზე, რომელიც მომზადდა ჟურნალისტებისა და სამოქალაქო აქტივისტებისთვის.  სრულად...  წყარო: ორგანიზაციის გვერდი სოციალურ ქსელში

თბილისი. 3 დეკემბერს აღინიშნა შშმ პირთა საერთაშორისო დღე, რომლის მიზანია საზოგადოებრივი ცხოვრების ყველა ასპექტში შშმ პირების უფლებების რეალიზაციის მნიშვნელობის ხაზგასმა და თემის შესახებ ცნობიერების ამაღლებაა. სოციალური სამართლიანობის ცენტრი ამ დღესთან დაკავშირებით განცხადებას ავრცელებს, სადაც ნათქვამია, რომ „სახელმწიფო კვლავ ვერ უზრუნველყოფს შშმ პირების ღირსეულ ცხოვრებას“. ორგანიზაცია მოუწოდებს სახელმწიფოს „გაიაზროს საკუთარი ვალდებულებები შშმ პირთა სოციალური დაცვისა და მხარდაჭერის სფეროში და შეიმუშაოს ისეთი პოლიტიკა, რომელიც სრულად უპასუხებს თემის საჭიროებებს და რეალურად გააძლიერებს მათ“. სრულად... წყარო: სოციალური სამართლიანობის ცენტრი

აჭარა.ევროპის იურისტ სტუდენტთა ასოციცია ბათუმი (Elsa Batumi) და საქართველოს ახალგაზრდა იურისტთა ასოციაციის აჭარის ფილიალი 7 დეკემბერს გამართავენ საჯარო ლექციას თემაზე – „სამოქალაქო სარჩელის წერის მეთოდიკა“.  სრულად... წყარო: საია

საქართველოს პარლამენტმა დაჩქარებული წესით მიიღო ცვლილებები „მეწარმეთა შესახებ“ საქართველოს კანონში, რომელიც ამოქმედდება 2024 წლის 1 იანვრიდან. ცვლილებების მიხედვით, არასამეწარმეო (არაკომერციული) იურიდიული პირი აღარ იქნება ვალდებული სარეგისტრაციო მონაცემები შესაბამისობაში მოიყვანოს „მეწარმეთა შესახებ“ ახალი კანონის მოთხოვნებთან. შესაბამისად, არასამეწარმეო (არაკომერციული) იურიდიული პირის სარეგისტრაციო მონაცემების კანონის მოთხოვნებთან შესაბამისობის უზრუნველყოფა იქნება ნებაყოფლობითი ხასიათის და ამის განუხორციელებლობა არ გამოიწვევს მისი რეგისტრაციის გაუქმებას.  ამასთან, თუ არასამეწარმეო (არაკომერციულ) იურიდიულ პირს სურს „მეწარმეთა შესახებ“ ახალი კანონის ამოქმედების შემდეგ (2022 წლის 1 იანვრიდან) რეგისტრირებული სუბიექტებისთვის გათვალისწინებული შესაძლებლობებით სარგებლობა (მაგ: ავტორიზებული მომხმარებლის გვერდის - ელექტრონული მისამართის ქონა და სარგებლობა), მაშინ მას მაინც მოუწევს სარეგისტრაციო მონაცემების შესაბამისობის უზრუნველყოფა, თუმცა ამის განხორციელება მას ნებისმიერ დროს შეუძლია.  რაც შეეხება სხვა სუბიექტებს (გარდა ინდივიდუალური მეწარმეებისა), მათთვის ამ ვალდებულების შესრულება ძალაში რჩება და ვალდებულების შესრულების ვადამ გადაიწია 2025 წლის 1 აპრილამდე. ამასთან, თუ სუბიექტი მითითებულ ვადაში შესაბამისობაში არ მოიყვანს სარეგისტრაციო მონაცემებს, მას შეუჩერდება რეგისტრაცია და მიეცემა დამატებითი ერთწლიანი ვადა შესაბამისობის უზრუნველყოფისთვის. თუ ამ დამატებით ვადაშიც არ მოხდება შესაბამისობის უზრუნველყოფა, სუბიექტის რეგისტრაცია გაუქმდება. ცვლილებები...

თბილისი. ქალთა საერთაშორისო ასოციაცია 9 დეკემბერს, სასტუმრო „შერატონში“ ზამთრის გამოფენა–გაყიდვას აწყობს. გამოფენაზე წარმოდგენილი იქნება ევროკავშირის მიერ დაფინანსებული პროექტების ფარგლებში, ასევე ბენეფიციარების მიერ წარმოებული პროდუქცია. გარდა ამისა იქნება, ბევრი შემეცნებითი ღონისძიებაც – დაატრიალეთ ცოდნის ბორბალი და აღმოაჩინეთ საინტერესო ფაქტები ევროკავშირისა და მისი წევრი სახელმწიფოების შესახებ ინტერაქციული თამაშის საშუალებით.  ღონისძიებაზე საშობაო სიმღერები, სპეციალური პროგრამები ბავშვებისთვის, ჩვენი ოთხფეხა მეგობრებისათვის, ძაღლებისათვის მოწყობილი სპეციალური კუთხე და უამრავი გათამაშება დაგხვდებათ. რაც მთავარია, ღონისძიებიდან შემოსული თანხით საქველმოქმედო პროექტების განხორციელება იგეგმება.  სრულად... წყარო: ევროკავშირი

აჭარა.აჭარის ჰაბის ორგანიზებით, სოფელ აგარაში, საიას აჭარის ფილიალის წარმომადგენლებსა და სოფლის მოსახლეობას შორის შეხვედრა გაიმართა. მის ძირითად თემას მიწის ნაკვეთების რეგისტრაციასთან დაკავშირებული საკითხები წარმოადგენდა. გარდა ამის, მოსახლეობის ინტერესის შესაბამისად, საუბარი შეეხო ისეთ საკითხებს, როგორიცაა: სამკვიდრო ქონების მიღება, სანოტარო მოქმედებები და ასე შემდეგ.  აჭარის რეგიონული ჰაბი ევროკავშირისა და კონრად ადენაუერის ფონდის დაფინანსებული პროექტის "სამოქალაქო საზოგადოების ინიციატივის“ ფარგლებში შეიქმნა. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).  სრულად...  წყარო: პროექტის გვერდი სოციალურ ქსელში

თბილისი. 29 ნოემბერს, ძალადობისგან დაცვის ეროვნული ქსელის თავშესაფარს, უზბეკეთის დელეგაცია ეწვია, რომელიც შედგებოდა USAID-ის სამართლებრივი რეფორმის პროგრამის (LRP), სახელმწიფო, საგანმანათლებლო და არასამთავრობო ორგანიზაციების წარმომადგენლებისგან.  შეხვედრა ჩატარდა უზბეკეთის USAID-ის სამართლებრივი რეფორმის პროგრამის (LRP) ფარგლებში, ქალთა მიმართ და ოჯახში ძალადობის წინააღმდეგ მუშაობის საუკეთესო პრაქტიკების გაცნობის მიზნით.  სტუმრები გაეცნენ ძალადობისგან დაცვის ეროვნული ქსელის თავშესაფარს და იმ სერვისებს, რომელსაც ორგანიზაცია ძალადობის მსხვერპლ ქალებსა და ბავშვებს აწვდის. ასევე იმ საქმოანობას, რასაც ორგანიზაცვია წლების განმავლობაში გენდერული ძალადობის დაძლევის მიმართულებით ახორციელებს. სტუმრებმა, ძალადობისგან დაცვის ეროვნული ქსელის ბაზაზე შექმნილ სოციალურ საწარმოს „გემომეტრიას“ გაეცნენ და იქ დამზადებული ნაწარმი დააგემოვნეს.  წყარო: ძალადობისგან დაცვის ეროვნული ქსელი

თბილისი. ინფორმაციის თავისუფლების განვითარების ინსტიტუტი აქვეყნებს მუნიციპალიტეტების წარმომადგენლობითი ხარჯების შესახებ პუბლიკაციას.  „2022 წელს, 35–მა მუნიციპალიტეტმა წარმომადგენლობით ღონისძიებებზე, საერთო ჯამში, 1,8 მილიონი ლარი დახარჯა“, ნათქვამია ორგანიზაციის გვერდზე სოციალურ ქსელში. სრულად... წყარო: ინფორმაციის თავისუფლების განვითარების ინსტიტუტი

თბილისი. საქართველოს ჟურნალისტური ეთიკის ქარტიის აღმასრულებელი დირექტორი ლია ჩახუნაშვილი გახდა. მან ამ პოზიციაზე მარიამ გოგოსაშვილი ჩაანაცვლა, რომელიც ჟურნალისტური ეთიკის ქარტიას 2020 წლის მარტიდან ხელმძღვანელობდა.  ქარტიის მიერ გამოცხადებულ კონკურსში მონაწილეობის სურვილი 7-მა ადამიანმა გამოხატა. ნაწილის განცხადებები არასრული იყო. საბოლოოდ, საბჭო ორ კანდიდატს გაესაუბრა - ნოდარ სირბილაძეს და ლია ჩახუნაშვილს. საბჭოს 9 წევრმა მხარი დაუჭირა ლია ჩახუნაშვილს. სრულად... https://www.qartia.ge/ka/siakhleebi/article/96270-saqarthvelos-zhurnalisturi-ethikis-qartiis-aghmasrulebel-direqtorad-lia-chakhunashvili-airchies  წყარო: ჟურნალისტური ეთიკის ქარტია

თბილისი.საქართველოს ახალგაზრდა იურისტთა ასოციაციამ, 30 ნოემბერს, ადამიანის უფლებათა სტრატეგიის მონიტორინგის ანგარიშის პრეზენტაცია გამართა. დოკუმენში შეფასებულია სტრატეგიისა და სამოქმედო გეგმის შემუშავების პროცესი, სტრატეგიასა და სამოქმედო გეგმის სამუშაო დოკუმენტში შრომითი უფლებების დაცვის მიზნით ჩამოყალიბებული ამოცანები და მათი იმპლემენტაცია.  სრულად...  წყარო: ახალგაზრდა იურისტთა ასოციაცია

თბილისი. საბჭოთა წარსულის კვლევის ლაბორატორია 6 დეკემბერს 16:00 სთ-ზე არტარეას საგამოფენო სივრცეში გიწვევთ გამოფენის გახსნაზე ,, ფოტოგრაფი მეოთხე სართულიდან". 2022 წელს, ძველმანების ბაზრობაზე ნაყიდ დიდ შავ ჩემოდანში, ფართო ფორმატის 500-მდე მინის ნეგატივი იყო ჩალაგებული. დიგიტალიზაციის ხანგრძლივი პროცესის შემდეგ, უცნობი ფოტოგრაფის არქივმა ახალი, უნიკალური პერსპექტივით დაგვანახა 1930-იანი წლების თბილისი და საქართველოს სხვადასხვა მხარე.  ქუჩის სცენების, ქალაქის ხედების, საბჭოური დემონსტრაციების, პორტრეტების, საოჯახო სიტუაციების, სამუშაო გარემოს, კურორტების, სოფლური ყოფის, სპორტული სანახაობების მიღმა, ერთი შეხედვით აქტიური, ენერგიული, მხიარული, უპრეტენზიო და კეთილგანწყობილი ადამიანების ერთ კადრად გაყინულ ცხოვრებისეულ მომენტებში, მაინც იგრძნობა ტოტალიტარიზმის სუნთქვა – კედლებიდან სტალინის კუშტი სახე შემოგვცქერის, დიდი და საშუალო რანგის ბელადები ქუჩებში პლაკატებად გამოფენილან, ფორმიანი მამაკაცების რომბებიანი საყელოები გაკრთებიან ხოლმე კადრში…  1920-1930-იანი წლების უწყვეტი პოლიტიკური ტერორის, შიმშილისა და დეფიციტის შემსწრე და გადარჩენილი მოქალაქეების სახეები დროის ამ ანაბეჭდს ინახავენ და ფოტოგრაფთან ერთად მიექანებიან 1930-იანი წლების ბოლოს, არნახული კატასტროფის – დიდი საბჭოური ტერორისკენ. შესაბამისად, დამოუკიდებელი, პროფესიონალი ფოტოგრაფის ხედვის მქონე უცნობის ეს ფოტომემკვიდრეობა, მომავლისათვის განკუთვნილ გზავნილადაც შეგვიძლია დავინახოთ....  გამოფენის კურატორი: გურამ წიბახაშვილი  ფინანსური მხარდამჭერი: ევროპული ფონდი დემოკრატიისთვის (EED)  სრულად.... წყარო: საბჭოთა წარსულის კვლევის ლაბორატორია  ვიდეო

თბილისი. პლასტმასით დაბინძურება ერთ–ერთი ყველაზე მნიშვნელოვანი გარემოსდაცვითი პრობლემაა, რომელსაც მსოფლიო მოსახლეობა დღესდღეობით აწყდება. თუ გაინტერესებს, როგორია შენი პლასტიკური ნაკვალევი, დაიწყე დათვლა და ეცადე, შეამცირო ის. დათვლაში ეს cenn და on.ge სტატია დაგეხმარება. წყარო: cenn