თბილისი. გაეროს ქალთა ფონდი, ქალთა მიმართ ძალადობის ეროვნულ კვლევას ავრცელებს.  იგი სწავლობს, თუ როგორია ქალთა მიმართ ძალადობის სხვადასხვა ფორმის გავრცელება, რა გავლენა აქვს მას ქალების ჯანმრთელობასა და კეთილდღეობაზე. ასევე, რამდენად ფლობენ ქალები ინფორმაციას ძალადობის მსხვერპლებისთვის არსებული სერვისების შესახებ და სარგებლობენ თუ არა ამ სერვისებით.  კვლევა ყურადღებას უთმობს თუ როგორია საზოგადოების დამოკიდებულება ქალთა მიმართ ძალადობის, მისი მიზეზების, შედეგებისა და აღკვეთის გზების მიმართ. ქალთა მიმართ ძალადობის ეროვნული კვლევა 2022 გაეროს ქალთა ორგანიზაციამ საქსტატთან ერთად, ევროკავშირის მხარდაჭერით, პროექტის „ქალებისა და გოგოების მიმართ ძალადობის წინააღმდეგ საქართველოში“ ფარგლებში განახორციელდა. კვლევის მხარდამჭერია გაეროს ქალთა ორგანიზაციის რეგიონული პროგრამა „ქალებისა და გოგოების ხმა მნიშვნელოვანია“  სრულად... წყარო: გაეროს ქალთა ფონდი

თბილისი. 14 დეკემბერს, გაიმართა კვლევის პრეზენტაცია „პერსპექტივების გააზრება: მოქალაქეთა და ბიზნესის დამოკიდებულებები ადგილობრივი მმართველობისა და სერვისების მიმართ“.  კვლევა მიზნად ისახავს დისკუსიის ხელშეწყობას, აღქმების და დამოკიდებულებბეის გამოვლენას მუნიციპალურ საჯარო სერვისების, კერძო სექტორის სერვისების, ადგილობრივი მმართვლეობის და მოქალაქეთა მონაწილეობის მიმართ. კვლევა ჩაატარა კვლევითმა კომპანიამ „ეისითიმ“ , USAID-ის ადგილობრივი თვითმმართველობის პროგრამის პარტნიორ მუნიციპალიტეტებში #ბათუმი, ჩოხატაური, ოზურგეთი, ქუთაისი, ტყიბული, ონი, ლენტეხი, მესტია, ბოლნისი, რუსთავი, მარნეული, დმანისი.  სრულად...  წყარო: ადგილობრივი თვითმმართველობის პროგრამა

ევროკავშირში ხელოვნური ინტელექტის გამოყენების პირველი ყოვლისმომცველი რეგულაციის მიღებაზე შეთანხმდნენ. ინფორმაციას რეგულაციის შესახებ IDFI ავრცელებს. 2023 წლის 8 დეკემბერს ევროკავშირის კანონმდებლები 40-საათიანი მოლაპარაკების შემდეგ საბოლოოდ შეთანხმდნენ ევროკავშირის ხელოვნური ინტელექტის აქტის (შემდგომში: EU AI Act) მიღებაზე.  ევროპის კავშირის კანონმდებლების თქმით, აქტის მთავარი მიზანია, ხელოვნური ინტელექტის ის სისტემები, რომლებსაც ევროკავშირში იყენებენ, აგებული იყოს უსაფრთხოებაზე, ფუნდამენტურ უფლებებსა და ევროკავშირის ღირებულებებზე.  სრულად...  წყარო: ინფორმაციის თავისუფლების განვითარების ინსტიტუტი

თბილისი. საქართველოს ახალგაზრდა იურისტთა ასოციაცია წლიურ ანგარიშს აქვეყნებს.  საიას ადვოკატები მთელი წლის განმავლობაში მოქალაქეებს უფასოდ უწევდნენ იურიდიულ კონსულტაციას და იცავდნენ მათ უფლებებს. 2023 წელს საიამ დახმარება 20 ათასამდე პირს გაუწია, არსებობის განმავლობაში კი 1 მილიონზე მეტ ადამიანს გაუწია უფასო იურიდიული დახმარება/კონსულტაცია. ვრცლად ანგარიშის შესახებ ...  წყარო: საქართველოს ახალგაზრდა იურისტთა ასოციაცია

შიდა ქართლი.26 დეკემბერს, სოციალური სამართლიანობის ცენტრი წეროვანში და შავშვებში მცხოვრები მოსახლეობისთვის სამართლებრივი კონსულტაციისთვის შეხვედრას გამართავს. შეხვედრაზე მოხდება მოსახლეობის სოციალური პრობლემების იდენტიფიცირება და გაზიარებული პრობლემების შესახებ ინფორმაციის მიწოდება შესაბამისი სახელმწიფო უწყებებისთვის. შეხვედრა ტარდება შვედეთის საერთაშორისო განვითარების თანამშრომლობის სააგენტოს (SIDA) და კვინა ტილ კვინას მიერ მხარდაჭერილი პროექტის, „კონფლიქტების ტრანსფორმაციის წახალისება კონფლიქტებთან დაკავშირებული ისტორიის კრიტიკული გადააზრების და ქალთა პერსპექტივების გაძლიერებით“, ფინანსური მხარდაჭერით. სრულად... წყარო: სოციალური სამართლიანობის ცენტრი

თბილისი. მედიის ადვოკატირების კოალიცია ეხმიანება საზოგადოებრივი მაუწყებლის ხელმძღვანელობის გადაწყვეტილებას, სხვადსხვა გადაცემის საზოგადოებასთან სათანადო კომუნიკაციისა და ახსნა-განმარტების გარეშე დახურვის გადაწყვეტილების შესახებ.  „(..) .საგულისხმოა, რომ პასუხგაუცემელია შეკითხვა, თუ რატომ სახელდება ფინანსური რესტრუქტურიზაცია გადაცემების დახურვის მთავარ მიზეზად, რატომ ხდება ეს 2024 წელს, მაშინ როცა მაუწყებლის დაფინანსების არსებული მოდელი და ბიუჯეტი ორი წელი მნიშვნელოვნად არ შეიცვლება.  (...) საზოგადოებრივი მაუწყებლის დამოუკიდებლობა სახელმწიფო უწყებებისაგან, ასევე პოლიტიკური და არსებითი კომერციული გავლენისაგან საქართველოს კონსტიტუციით არის გარანტირებული. მაუწყებლის პროგრამები უნდა იყოს მიუკერძოებელი, ობიექტური და პლურალისტური, რომელიც საქართველოს საზოგადოებრივ ინტერესებს ემსახურება და დემოკრატიულ დისკურსს უწყობს ხელს. გამჭვირვალობისა და სათანადო განმარტებების გარეშე პროგრამების დახურვა, განსაკუთრებით იმ გადაცემებისა, რომელთა ავტორები ხელისუფლების მიმართ კრიტიკული დამოკიდებულებით გამოირჩევიან, ამცირებს მაუწყებლის მიმართ ნდობის ხარისხს და ამყარებს ეჭვებს მის პოლიტიკურ მიკერძოებულობასთან დაკავშირებით“, ნათქვამია განცხადებაში.  კოალიცია მოუწოდებს საზოგადოებრივი მაუწყებლის გენერალურ დირექტორს და სამეურვეო საბჭოს, უზრუნველყოს მაუწყებლის პლურალისტური და ობიექტური საინფორმაციო პოლიტიკა, მედიის საქმიანობის გამჭვირვალობა, რეალური ანგარიშვალდებულება საზოგადოების მიმართ და მისი მონაწილეობა დიალოგში.  სრულად... წყარო: მედიის ადვოკატირების კოალიცია

საიას ინფორმაციით – ადამიანის უფლებათა ევროპულმა სასამართლომ გიგა ოთხოზორიას მკვლელობის საქმეზე რუსეთის ფედერაციას სიცოცხლის უფლების დარღვევა დაუდგინა. გიგა ოთხოზორია 2016 წლის 19 მაისს, საქართველოსა და აფხაზეთის რეგიონს შორის არსებული ადმინისტრაციული საზღვრის მიმდებარედ, საქართველოს კონტროლირებად ტერიტორიაზე ე. წ. აფხაზმა „მესაზღვრემ“, რაშიდ კანჯი-ოღლიმ მოკლა. ოთხოზორიას მკვლელობის საქმესთან დაკავშირებით, ოჯახის წევრებმა ადამიანის უფლებათა ევროპულ სასამართლოს საჩივრით 2018 წლის 11 იანვარს მიმართეს.  საქმეს ევროპულ სასამართლოში აწარმოებდა საქართველოს ახალგაზრდა იურისტთა ასოციაცია. როგორც საქართველოს ახალგაზრდა იურისტთა ასოციაცია აღნიშნავს, გიგა ოთხოზორიას საქმეს გააჩნია სახელმწიფოებრივი მნიშვნელობა, რადგან ადამიანის უფლებათა ევროპულმა სასამართლომ იმსჯელა თუ, რამდენად ახორციელებს რუსეთის ფედერაცია ეფექტიან კონტროლს აფხაზეთის ტერიტორიაზე და რამდენად ეკისრება მას პასუხისმგებლობა აფხაზეთის დე-ფაქტო ხელისუფლების წარმომადგენელთა ქმედებებზე. სრულად...  წყარო: საქართველოს ახალგაზრდა იურისტთა ასოციაცია 

თბილისი. 26 დეკემებრს, ადვოკატთა ასოციაციაში ადვოკატებისთვის საჯარო ლექცია ჩატარდება. სალექციო თემაა: „ადამიანის უფლებათა ევროპული სასამართლო: საქმიანობის პრინციპები და სამოსამართლო სამართალი.“  ლექციაზე დასასწრებად აუცილებელია რეგისტრაცია  სრულად...  წყარო: საქართველოს ადვოკატთა ასოციაცია

გურია. სამოქალაქო საზოგადოების ინსტიტუტმა (CSI) ჩოხატაურის მუნიციპალიტეტში მერიისა და საკრებულოს თანამშრომლებისთვისა და წევრებისთვის გამართა ტრენინგი სტრატეგიული დოკუმენტების შემუშავებაზე. აღნიშნული სწავლება, შესაძლებლობების გაძლიერების პროგრამის ნაწილია, რომელიც ეყრდნობა მოქალაქეთა მონაწილეობის ხარისხის თვითშეფასებას (www.ppmeter.ge).  ტრენერმა ლიზი სოფრომაძემ აუდიტორიას მიაწოდა ინფორმაცია იმ სტანდარტებისა და კომპონენტების შესახებ, რომელიც სამთავრობო დადგენილებებისა და საერთაშორისო გამოცდილებებით სტრატეგიული დოკუმენტებისა და სამოქმედო გეგმების შექმნისთვის გამოიყენება.  აღნიშნული პროგრამა დაეხმარება მუნიციპალიტეტებს შეიმუშაონ სტრატეგია და სამოქმედო გეგმა მოქალაქეთა მონაწილეობის მიმართულებით. მუნიციპალიტეტის თანამშრომლებისთვის შესაძლებლობის განვითარების პროგრამას სამოქალაქო საზოგადოების ინსტიტუტი(CSI), USAID-ის ადგილობრივი თვითმმართველობის პროგრამის ფარგლებში მართავს.

თბილისი. საერთაშორისო გამჭვირვალობა-საქართველო აქვეყნებს ახალი მონიტორინგის შედეგებს: „შავ სიაში შეყვანილი 4 კომპანიის მფლობელი ტენდერებს მეხუთე ახალი კომპანიით იგებს“. პუბლიკაციაში ყურადღება გამახვილებულია ბიზნესმენ ალექსანდრე ბარათაშვილსა და მის კომპანიებზე. „ბიზნესმენმა ალექსანდრე ბარათაშვილმა სახელმწიფო შესყიდვების შავი სიას 4-ჯერ ზედიზედ უპრობლემოდ დააღწია თავი.  მას შემდეგ, რაც მისი 4 კომპანია ერთი მეორის მიყოლებით შავ სიაში მოხვდა, მან მეხუთე კომპანია დააარსა და რამდენიმე კვირაში სახელმწიფო შესყიდვებიდან ნახევარი მილიონი ლარის 7 კონტრაქტი მიიღო.  მის ყველა კომპანიას შესყიდვებიდან 4.5 მლნ ლარი აქვს მიღებული.“ - ნათქვამია განცხადებაში სრულად... წყარო: საერთაშორისო გამჭვირვალობა-საქართველო

თბილისი. რონდელის ფონდში ახალგაზრდებისთვის მორიგი ლექცია–დისკუსია გაიმართა.  ლექცია თემაზე „პოსტსაბჭოთა ქვეყნების მიმოხილვა" წაიკითხა რონდელის ფონდის მკვლევარმა მამუკა კომახიამ, ხოლო ლექცია-დისკუსიას „ადვოკატირება და ლობირება" უძღვებოდა იურისტი სულხან სალაძე.  რონდელის ფონდში პროექტი „თემის ახალგაზრდების ჩართულობა საქართველოს რეგიონებში“ 2023 წლის სექტემბრიდან ხორციელდება საქართველოში აშშ-ის საელჩოს ფინანსური მხარდაჭერით და მიზნად ისახავს მაღალმთიანი აჭარისა და ადიგენის მუნიციპალიტეტის საჯარო სკოლების მოსწავლეების სამოქალაქო ცნობიერების გაძლიერებას და არაფორმალური განათლებისა და აქტივობის გზით მათი შესაძლებლობების გაზრდას. სრულად... წყარო: საქართველოს სტრატეგიისა და საერთაშორისო ურთიერთობების კვლევის ფონდი

თბილისი. 20 დეკემბერს, არასამთავრობო ორგანიზაცია „სამართლისა და საჯარო პოლიტიკის ცენტრი“, ღია საზოგადოების ფონდის მხარდაჭერით, მართავს კვლევის პრეზენტაციას – „შრომის ინსპექციის სამსახურის გამჭვირვალობის შეფასება.“  კვლევა აანალიზებს, თუ რა ინფორმაციას ამუშავებს/არ ამუშავების შრომის შრომის ინსპექციის სამსახური, რამდენად არის გამოქვეყნებული ინფორმაცია მომხმარებელზე ორიენტირებული და რამდენად სრულყოფილია გაცემული საჯარო ინფორმაცია.  ღონისძიება გაიმართება ღია საზოგადოების ფონდის ოფისში.  სრულად... წყარო: ღია საზოგადოების ფონდი

გურია. 18 დეკემბერს, ოზურგეთის ცენტრალურ ბიბლიოთეკაში, ამერიკის საელჩოს კულტურის ატაშეს მოადგილე სარა კრეიგელი გურულ მოსწავლეებს შეხვდა და ამერიკული შობა-ახალი წლისა და მასთან დაკავშირებულ ტრადიციებზე ესაუბრა.  შეხვედრის მონაწილე მოსწავლეებმა შეკითხვები დასვეს და ქართული ტრადიციების შესახებაც ისაუბრეს. შეხვედრაში მონაწილეობდნენ ,,USAID-ის სამოქალაქო განათლების პროგრამის" პარტნიორი სკოლების მოსწავლეები და ინგლისური ენის ხელმისაწვდომობის სასტიპენდიო პროგრამის ,, ACCESS" მონაწილეები.  სრულად... წყარო: ინოვაციების და ცვლილებების ინსტიტუტი

19 დეკემბერს, 10:30 საათზე, სასტუმრო „რედისონ ბლუ ივერიაში“ გაეროს ქალთა ორგანიზაცია გამართავს ქალთა მიმართ ძალადობის ეროვნული კვლევის შედეგების პრეზენტაცია სრულად... 

თბილისი. თემურ კაკაბაძე ნიდერლანდების საელჩოს ადამიანის უფლებათა ჯილდოს - „ტიტას“ 2023 წლის ერთ-ერთი მეორეადგილოსანია.  თომა სამოქალაქო აქტივისტია, რომელიც თავის გარშემო შემოკრებილ ახალგაზრდებთან ერთად ცდილობს, დადებითი ცვლილებები შეიტანოს საზოგადოებაში.  თომა ყოველდღიურად დაუღალავად შრომობს აჭარაში შშმ პირების უფლებების დასაცავად.  ის მრავალ აქტივობას ატარებს იმისთვის, რომ ბათუმი ეტლით მოსარგებლეებისთვის უფრო კომფორტული გახადოს.  სრულად... წყარო: ნიდარლანდების საელჩო საქართველოში

შიდა ქართლი. 21 დეკემბერს სოფელ რუისში საინფორმაციო შეხვედრა გაიმართება.  „მშობლის სკივრი“ საქართველოს მასშტაბით თითოეულ რეგიონში სპეციალური საჭიროების მქონე ბავშვების მშობლებსა და ბავშვთან დაკავშირებულ სხვა პირებს გააცნობს მხარდამჭერ შესაძლებლობებს.  საინფორმაციო შეხვედრა არასამთავრობო ორგანიზაცია „მაკ ჯორჯიას“ მხარდაჭერით გაიმართება.  არასამთავრობო ორგანიზაცია „მაკ ჯორჯია“ (MAC Georgia) საქართველოში 2008 წლიდან მუშაობს და კვალიფიციური სერვისების მიწოდების გზით უზრუნველყოფს სპეციალური საჭიროების მქონე პირების და მათი ოჯახების გაძლიერებას.  სრულად...  წყარო: პლატფორმა „მშობლის სკივრი“

შიდა ქართლი. 16 დეკემბერს გორის სასწავლო უნივერსიტეტში ჩატარდა ტრენინგი ადამიანის უფლებების დღესთან დაკავშირებით.  პროექტი USAID -ის პროგრამა ,,ერთიანობა მრავალფეროვნებაშია” ფარგლებში მიმდინარეობს, რომელიც საქართველოს გაეროს ასოციაციის UNAG-ის მიერ ხორციელდება.  აშშ-ს საერთაშორისო განვითარების სააგენტოს USAID-ის ფინანსური მხარდაჭერით. სრულად... წყარო: გორის სამოქალაქო აქტივიზმის ცენტრი

თბილისი. ინფორმაციის თავისუფლების განვითარების ინსტიტუტი (IDFI) მონიტორინგის ახალ შედეგებს ავრცელებს. წინამდებარე კვლევის ფარგლებში შესწავლილია 2021-2023 წლებში მუნიციპალიტეტების თანამდებობის პირების მიერ შევსებული დეკლარაციები, სადაც დეკლარირებულია თანამდებობის პირებისა და მათი ოჯახის წევრების მიერ 2020-2022 წლებში მიღებული საჩუქრების შესახებ ინფორმაცია.  IDFI მოუწოდებს ანტიკორუფციულ ბიუროს და შესაბამის საგამოძიებო ორგანოებს, შეისწავლონ ქონებრივი დეკლარაციების მონიტორინგის ფარგლებში გამოვლენილი საეჭვო შემთხვევები და გაატარონ კანონით გათვალისწინებული ღონისძიებები.  სრულად... წყარო: ინფორმაციის თავისუფლების განვითარების ინსტიტუტი

იმერეთი. 17 დეკემბერს საიას ქუთაისის ფილიალის საკვირაო სკოლის მოსწავლეთა მონაწილეობითა და აკაკი წერეთლის სახელმწიფო უნივერსიტეტის სტუდენტების ჩართულობით, რომლებიც ასევე საიას ქუთაისის ფილიალის სტაჟიორები არიან გაიმართა იმიტირებული სასამართლო პროცესი ბავშვის უფლებების თემაზე.  იმიტირებული სასამართლო პროცესი USAID სამართლის უზენაესობის პროგრამის ფარგლებში გაიმართა. სრულად... წყარო: საია ქუთაისი

თბილისი. სოციალური სამართლიანობის ცენტრმა საკონსტიტუციო სასამართლოში წარადგინა სარჩელი, რომელიც უცხოელებისთვის საქართველოში შემოსვლაზე თვითნებური უარის ადმინისტრაციულ პრაქტიკას ასაჩივრებს.  წარდგენილი სარჩელით სოციალური სამართლიანობის ცენტრი ითხოვს „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონის მე-11 მუხლის პირველი პუნქტის „ი“ ქვეპუნქტის არაკონსტიტუციურად ცნობას, რომელიც ადგენს, რომ „უცხოელს საქართველოს ვიზის გაცემაზე ან საქართველოში შემოსვლაზე შეიძლება უარი ეთქვას საქართველოს კანონმდებლობით გათვალისწინებულ სხვა შემთხვევებში.“  სოციალური სამართლიანობის ცენტრი აღნიშნულ საქმეს USAID სამართლის უზენაესობის პროგრამის მხარდაჭერით აწარმოებს.  სრულად... წყარო: სოციალური სამართლიანობის ცენტრი

მცხეთა-მთიანეთი. 15 დეკემბერს გაიმართა კონფერენცია - იძულებით გადაადგილება საქართველოს კონტექსტში.  კონფერენცია მიზნად ისახავდა, იძულებით გადაადგილებულ პირთა და საქართველოში მცხორებ უკრაინელ ლტოლვილთა მულტისექტორული და გრძელვადიანი მხარდაჭერის ხელშეწყობას.  კონფერენციის ფარგლებში მოეწყო დევნილი და უკრაინელი ლტოლვილი მეწარმეების გამოფენა, მათი პროდუქციისა და საქმიანობის პოპულარიზების მიზნით.  მცხეთა-მთიანეთის რეგიონული ჰაბი, ესტონეთის ლტოლვილთა საბჭოსთან თანამშრომლობით და ესტონეთის საერთაშორისო განვითარების ცენტრის (ESTDEV) ფინანსური მხარდაჭერით ახორციელებს პროგრამას “სამოქალაქო საზოგადოების გაძლიერება - დევნილთა და ლტოლვილთა ხმა საქართველოში”.  სრულად... წყარო: მცხეთა-მთიანეთის რეგიონული ჰაბი

თბილისი.სასტუმრო „ქორთიარდ მარიოტში“, დღეს სსო მეტრის (2023) ანგარიშის პრეზენტაცია გაიმართა.  სსო მეტრი მონიტორინგის ინსტრუმენტია, რომლის გამოყენებითაც აღმოსავლეთ ევროპის პარტნიორობის ქვეყნებში ფასდება საზოგადოებრივი ორგანიზაციების, ადამიანის უფლებათა დამცველებისა და აქტივისტების საარსებო გარემო – კანონმდებლობა და პრაქტიკა ანგარიშის პრეზენტაცია გაიმართა სამოქალაქო საზოგადოების ინსტიტუტის (CSI) ორგანიზებით, საქართველოს ახალგაზრდა იურისტთა ასოციაციასთან (GYLA) და ინფორმაციის თავისუფლების განვითარების ინსტიტუტთან (IDFI) ერთად ღონისძიება გაიმართა ევროკავშირის ფინანსური მხარდაჭერით პროექტის ფარგლებში „სსო მეტრი - სამოქალაქო საზოგადოების ორგანიზაციების გაძლიერებისა და ხელსაყრელი გარემოს შექმნის გზამკვლევი.“  პროექტს ახორციელებს ევროპის არასამეწარმეო სამართლის ცენტრი (ECNL), საქართველოში მისი პარტნიორია სამოქალაქო საზოგადოების ინსტიტუტი (CSI) სრულად... წყარო: სამოქალაქო საზოგადოების ინსტიტუტი