თბილისი. საქართველოს ახალგაზრდა იურისტთა ასოციაცია საგარეო საქმეთა სამინისტროს მიმართავს რუსეთის ფედერაციის მიერ დაზარალებული მოსახლეობის უფლებების ეფექტიანი დაცვისთვის საერთაშორისო ღონისძიებების გამოყენების თაობაზე.  საქართველოს ახალგაზრდა იურისტთა ასოციაცია მიიჩნევს, რომ „ევროპის საბჭოში აგვისტოს ომის შედეგად და შემდგომ პერიოდში რუსეთის ფედერაციის მიერ დაზარალებულებისთვის უნდა შეიქმნას საერთაშორისო საკომპენსაციო ფონდი, ხოლო, ამ მიმართულებით, საქართველოს ხელისუფლებამ, კერძოდ, საქართველოს საგარეო საქმეთა სამინისტრომ, სხვა უწყებებთან, მათ შორის, იუსტიციის სამინისტროსთან ერთად, საერთაშორისო დონეზე უნდა გადადგას შესაბამისი ნაბიჯები.“ - ნათქვამია განცხადებაში  სრულად... წყარო: საქართველოს ახალგაზრდა იურისტთა ასოციაცია

თბილისი. გაეროს განვითარების პროგრამა ახალ კვლევას ავრცელებს, რომელიც საჯარო მოხელეთა დამოკიდებულებას დეზინფორმაციისა და პროპაგანდის მიმართ შეისწავლის.  კვლევის მთავარი მიგნებები:  •საჯარო მოხელეთა 96%-ს სმენია დეზინფორმაციისა და მცდარი ინფორმაციის შესახებ და ასევე, იცის, რომ ეს გამოწვევა და საფრთხეა.  •გამოკითხულ მოხელეთა მხოლოდ 38% ამბობს, რომ თავისუფლად არჩევს ცრუ ინფორმაციას ნამდვილისგან.  •ინფორმაციის მიღების წყაროდ საჯარო მოხელეები ყველაზე ხშირად ინტერნეტსა (82%) და ტელევიზიებს (70%) ასახელებენ.  •ინფორმაციის მიღების სანდო წყაროებად რესპონდენტები მიიჩნევენ: პირადად მოძიებული ინფორმაციას (65%), პირად გამოცდილებას (61%) და სხვების მიერ გაზიარებული ცოდნას (34%).  •გამოკითხულთა 82% ამბობს, რომ არასდროს გაუვლია ტრენინგი დეზინფორმაციის თემაზე.  კვლევა ჩატარდა საქართველოს საჯარო სამსახურის ბიუროს დაკვეთით, დიდ ბრიტანეთისა და გაეროს განვითარების პროგრამის ხელშეწყობით.  კვლევა... წყარო: გაეროს განვითარების პროგრამა

თბილისი. კოალიცია „ინფორმაციის სანდოობისთვის“ განცხადებას ავრცელებს. „საქართველოს ხელისუფლებისა და მმართველი პარტიის ხელმძღვანელი პირების მხრიდან სამოქალაქო ორგანიზაციებზე მიზანმიმართული თავდასხმა გრძელდება.  ბოლო პერიოდში მაღალი პოლიტიკური თანამდებობის მქონე პირების მიერ გაკეთებული განცხადებები დეზინფორმაციის წინააღმდეგ მებრძოლი, საარჩევნო საკითხებსა და ადამიანის უფლებებზე მომუშავე ორგანიზაციების დისკრედიტაციას ისახავს მიზნად...  მოვუწოდებთ საქართველოს პოლიტიკურ ხელისუფლებას, შეწყვიტოს სამოქალაქო ორგანიზაციებსა და ქვეყნის საერთაშორისო პარტნიორებზე თავდასხმები და ძალისხმევა მიმართოს ევროინტეგრაციის პროცესისთვის საჭირო რეკომენდაციების შესრულებაზე.“  სრულად...  წყარო: კოალიცია ინფორმაცია სანდოობისთვის

თბილისი. 30 იანვარს, ადგილობრივი დემოკრატიის სააგენტო საქართველო იწვევს დაინტერესებულ პირებს პროექტის „ახალგაზრდების ხმა ადგილობრივ თვითმმართველობაში“ პრეზენტაციაზე, რომელიც გაიმართება zoom პლატფორმის მეშვეობით. პროექტი მიზნად ისახავს ახალაგზრდების ჩართულობის ზრდასა და ადგილობრივ ხელისუფლებასთან დიალოგის ხელშეწყობას.  დაინტერესებულმა პირებმა უნდა გაიარონ რეგისტრაცია...  სრულად... წყარო: ადგილობრივი დემოკრატიის სააგენტო საქართველო

თბილისი. სოციალური სამართლიანობის ცენტრი გამოსახლებებზე მორატორიუმის დაწესების მოთხოვნას უერთდება.  „იძულებით გამოსახლება ადამიანის უფლებებში ერთ-ერთ ყველაზე მწვავე ჩარევას წარმოადგენს, რომელიც სათანადო საცხოვრებლისა და არაერთი სხვა უფლების დარღვევას იწვევს(...) გამოსახლებებზე მორატორიუმის დაწესება სახელმწიფოს ვალდებულებაც კია და კიდევ ერთხელ მოვუწოდებთ ხელისუფლებას, შეაჩეროს ოჯახების უკანასკნელი საცხოვრისიდან გამოძევების პროცესი და დაინტერესებული მხარეების და ფართო საზოგადოების მონაწილეობით, დაიწყოს მუშაობა პრობლემის მოგვარების გრძელვადიან ხედვაზე, რომელიც მოსახლეობის ინტერესებს და უფლებებს სათანადოდ გაითვალისწინებს.“ - ნათქვამია ორგანიზაციის განცხადებაში  სრულად... წყარო: სოციალური სამართლიანობის ცენტრი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. მწვანე ალტერნატივა იწვევს თბილისისა და ბათუმის ურბაული განვითარების საკითხებით დაინტერესებულ ჟურნალისტებს სამუშაო შეხვედრაში მონაწილეობის მისაღებად.  სამუშაო შეხვედრის ფარგლებში ჟურნალისტები მიიღებენ ინფორმაციას მდგრადი ურბანული განვითარების ძირითადი პრინციპების შესახებ, განიხილავენ თბილისისა და ბათუმის გეგმარებასთან დაკავშირებულ გამოწვევებს. შეხვედრა გაიმართება 9-11 თებერვალს.  სრულად... წყარო: მწვანე ალტერნატივა

თბილისი. ევროკავშირის წარმომადგენლობა საქართველოში ევროპის საგარეო ქმედებათა სამსახურის (EEAS) მეორე ანგარიშს, უცხოეთის მხრიდან ინფორმაციით მანიპულირებისა და ჩარევის (FIMI) საფრთხეების შესახებ აქვეყნებს.  ანგარიშის მიგნებები ეყრდნობა შესწავლილ 750 შემთხვევას, რომელთა სამიზნეს წარმოადგენდა უკრაინა, მედია, სამოქალაქო საზოგადოება და პოლიტიკური ფიგურები. შემთხვევების ანალიზმა აგრეთვე გამოავლინა პლატფორმათაშორისი კოორდინაცია და თავდასხმები არჩევნებზე. სრულად...  წყარო: ევროკავშირის წარმომადგენლობა საქართველოში

თბილისი. 24 იანვარს საქართველოს ახალგაზრდა იურისტთა ასოციაციამ, კვლევის „გარემოსდაცვით მართლმსაჯულებაზე ხელმისაწვდომობა“, პრეზენტაცია გამართა.  კვლევამ საქართველოს კანონმდებლობის საქართველოს ახალგაზრდა იურისტთა ასოციაციის წარმოებაში არსებული გარემოსდაცვითი საქმეების შესავლისა და ანალიზის საფუძვლები გამოიკვლია და შეაფასა. იხილეთ კვლევა...  წყარო: საქართველოს ახალგაზრდა იურისტთა ასოციაცია

სამოქალაქო საზოგადოების ინსტიტუტმა (CSI), ახალი სასწავლო ონლაინ პროგრამის – „ადგილობრივი თვითმმართველობა და მოქალაქეთა მონაწილეობა – პრეზენტაცია გამართა, რომელიც შეიქმნა USAID–ის ადგილობრივი თვითმმართველობის პროგრამის ფარგლებში. პლატფორმა ZOOM–ში გამართულ შეხვედრას ესწრებოდნენ სხვადასხვა რეგიონის მუნიციპალიტეტების წარმომადგენლები. პროგრამის მიზნების და სასწავლო თემატიკის წარდგენის შემდგომ, პრეზენტაცია კითხვა–პასუხის რეჟიმში წარიმართა.  პროგრამა განკუთვნილია მუნიციპალიტეტის საკრებულოს წევრებისა და აპარატის საჯარო მოხელეებისთვის, მუნიციპალიტეტის მერიის საჯარო მოხელეებისა და მუნიციპალიტეტის ინსტიტუციების წარმომადგენლებისთვის, მათ შორის სათათბირო საბჭოების წევრებისთვის.  ონლაინ ახალი სასწავლო პროგრამა მოიცავს 3 მოდულს:  მოდული I - ადგილობრივი თვითმმართველობის საფუძვლები, უფლებამოსილებები და მოქალაქეთა მონაწილეობის გარანტიები;  მოდული II - მუნიციპალიტეტის საკრებულოს საქმიანობაში მოქალაქეთა მონაწილეობა;  მოდული III - მუნიციპალიტეტის მერიის საქმიანობაში მოქალაქეთა მონაწილეობა. შეგახსენებთ, რომ პროგრამაში მონაწილეობის მსურველებს განაცხადის წარდგენა 4 თებერვლის ჩათვლით შეუძლიათ.  პროგრამის შესახებ დეტალური ინფორმაცია

ქვემო ქართლი. მარნეულში დემოკრატიული ჩართულობის ცენტრების ქსელმა მიუსაფარი ცხოველების შესახებ დისკუსია გამართა. შეხვედრაზე განიხილეს მიუსაფარი ცხოველების კრიტიკულად მძიმე მდგომარეობა. როგორც შეხვედრის მონაწილეებმა აღნიშნეს, მარნეულის მუნიციპალიტეტის თვითმმართველობა ყოველწლიურად აცხადებს ტენდერს მიუსაფარი ცხოველების სტერილიზაცია/კასტრაციის, ვაქცინაციის ჩატარებისა და ბუნებრივ გარემოში დაბრუნების მიზნით. მათივე თქმით, „ტენდერში ერთიდაიგივე კომპანია იმარჯვებს, რომელსაც ცხოველები აღნიშნული პროცედურების ჩასატარებლად ოზურგეთში მიჰყავს.  სამედიცინო პუნქტის არარსებობის გამო მოსახლეობის უმრავლესობას აღნიშნული სერვისის მისაღებად თბილისში უწევს ცხოველების წაყვანა.“ - ნათქვამია დემოკრატიული ჩართულობის ცენტრების ქსელის ვებ გვერდზე  მარნეულის დემოკრატიული ჩართულობის ცენტრი ცხოველთა უფლებადამცველებთან, აქტივისტებთან და ადგილობრივ თვითმმართველობასთან ერთად გეგმავს მომავალშიც აქტიურად გააგრძელოს მუშაობა ცხოველებთან მოპყრობის წესების, პასუხისმგებლიანი პატრონობისა და ცხოველების მიტოვების საკითხებზე მოსახლეობის ცნობიერების ამაღლებისთვის.  ასევე, ადგილზე ცხოველებისათვის შესაბამისი სამედიცინო სერვისების შესაქმნელად.  სრულად... წყარო: დემოკრატიული ჩართულობის ცენტრების ქსელი

თბილისი. გაეროს განვითარების პროგრამა განათლების საერთაშორისო დღესთან დაკავშირებით ვიდეო-რგოლს ავრცელებს.  ვიდეო-რგოლში პედაგოგი ლადო აფხაზავა ამბობს, რომ იგი ხშირად საუბრობს ბავშვებთან განათლებასა და თავისუფლებაზე და მისი აზრით, სწორედ ეს ღირებულებები განაპირობებს იმ უნარების ჩამოყალიბებას, რომლებიც ახალგაზრდებს მომავალი გამოწვევების დასაძლევად სჭირდებათ.  სრულად...   წყარო: გაეროს განვითარების პროგრამა

თბილისი. ,,ახალგაზრდა პედაგოგთა კავშირთან“ არსებული არაფორმალური განათლების ცენტრის ,,ლიდერთა სკოლის" თბილისის ფილიალში მოზარდთა რეგისტრაცია განახლდა.  ლიდერთა სკოლაში ახალგაზრდები გაიუმჯობესებენ შემდეგ უნარ-ჩვევებს: გუნდურობა, კომუნიკაცია, დებატები, ემპათია და ასე შემდეგ. რეგისტრაციისთვის ეწვიეთ ბმულს... სესიები ჩატარდება კვირაში ერთი დღე, ერთი საათი ახალგაზრდა პედაგოგთა კავშირის ოფისში. სრულად...  წყარო: ახალგაზრდა პედაგოგთა კავშირი

თბილისი. საერთაშორისო გამჭვირვალობა-საქართველო ინფორმაციას აქვეყნებს – „მთავრობამ 2023 წელს 531 განკარგულება დამალა“.  „2023 წელს საქართველოს მთავრობამ 48 სხდომაზე მინიმუმ 531 განკარგულების პროექტი განიხილა, რომელთაგან დღემდე არცერთი არ გასაჯაროვებულა. ამასთან, მთავრობამ არ გამოაქვეყნა 48-დან 4 სხდომის დღის წესრიგი.  დოკუმენტების მიღება შეუძლებელია საჯარო ინფომრაციის გამოთხოვის გზითაც.“  საერთაშორისო გამჭვირვალობა-საქართველო მოუწოდებს მთავრობის ადმინისტრაციას უარი თქვას განკარგულების დამალვის მავნე პრაქტიკაზე. სრულად...  წყარო: საერთაშორისო გამჭვირვალობა-საქართველო

თბილისი. სამართლიანი არჩევნები ახალ ბლოგს „ნიუს-ფრონტთან“ დაკავშირებული ქსელი ფეისბუქსა და ტელეგრამზე“ ავრცელებს.  მასში განხილულია კრემლის პროპაგანდისტული სააგენტოს „ნიუს–ფრონტის“ მიერ მომზადებული მასალების გავრცელების საკითხები.  „ 2020 წელს კომპანია „ფეისბუქმა“ კრემლის პროპაგანდისტული სააგენტო, „ნიუს-ფრონტი”, მის კუთვნილ პლატფორმებზე წესების დარღვევით მოქმედების გამო შეზღუდა, თუმცა გამოცემასთან დაკავშირებული ანგარიშები ფეისბუქზე სხვადასხვა ხერხით მაინც ცდილობენ მასალების გავრცელებას. 2023 წლის სექტემბრიდან კი „ნიუს-ფრონტმა” ტელეგრამის პლატფორმის გამოყენება აქტიურად დაიწყო და ანტიდასავლური და პრორუსული შინაარსის, ასევე, საქართველოს შიდა პოლიტიკურ აქტორებზე მომზადებულ მასალებს ფეისბუქზე სწორედ ამ პლატფორმაზე კუთვნილი არხის („იქნება თუ არა მაიდანი”) ბმულების საშუალებით ავრცელებს“, წერს სამართლიანი არჩევნები.  სრულად... წყარო: სამართლიანი არჩევნები

თბილისი. სოციალური სამართლიანობის ცენტრი ბლოგს „ბრძოლა დემოკრატიისთვის: სოციალური კონფლიქტები წიაღისა და ენერგეტიკის სექტორში“ აქვეყნებს.  ალექსანდრა აროშვილის ბლოგში განხილულია საქართველოს წიაღის და ენერგეტიკის სექტორში არსებული გამოწვევები, სოციალური წინააღმდეგობები და ამ ტიპის პროექტებიდან მისაღები ეკონომიკური სარგებლის საკითხები.  იხილეთ ვრცლად... წყარო: სოციალური სამართლიანობის ცენტრი

სამცხე-ჯავახეთი. ევროპის ინტერკულტურული ფორუმის პროექტის „აღმოაჩინე კავკასია" 2023-2024 წლის ფარგლებში ახალციხეში ჩასული მოხალისეების პიტერის და ლუსის ინიციატივით, ახალციხის ახალგაზრდული ცენტრის წევრებისთვის სამუშაო შეხვედრა ჩატარდა თემაზე: საჯარო გამოსვლების ტექნიკები.  ღონისძიება დაიგეგმა USAID-ის პროგრამის ერთიანობა მრავალფეროვნებაშია, ფარგლებში, რომელსაც ახორციელებს UNA Georgia • საქართველოს გაეროს ასოციაცია USAID-ის ფინანსური მხარდაჭერით. სრულად...  წყარო: დემოკრატ მესხთა კავშირი

24 იანვარს განათლების საერთაშორისო დღე აღინიშნება. ევროკავშირის წარმომადგენლობა საქართველოსთან პარტნიორობით განხორციელებულ პროექტების შესახებ ავრცელებს ინფორმაციას: ერასმუს+ პროგრამაში მონაწილეობისა და უწყვეტი განათლების მხარდაჭერა; პროფესიული განათლებისა და სწავლების სტრატეგიების შემუშავება; ახალგაზრდებისთვის ხარისხიან განათლებაზე წვდომის უზრუნველყოფა; ათასობით ახალგაზრდამ შეიძინა მეწარმეობისა და დასაქმებისათვის აუცილებელი უნარები! სრულად... წყარო: ევროკავშირის წარმომადგენლობა საქართველოში

თბილისი. განვითარებისა და ჩართულობის პლატფორმა მსურველებს ბრიტანელი ექსპერტის ტიმ უილერის სემინარზე მონაწილეობის მისაღებად იწვევს.  სემინარი „შეზღუდული შესაძლებლობის მქონე პირები, კრეატიულობა და კულტურა“ 2 თებერვალს ონლაინ გაიმართება. ღონისძიების მიზანია: მონაწილეებისთვის ბრიტანული გამოცდილების გაზიარება ინკლუზიური ხელოვნების მიმართულებით და მხარეებს შორის კომუნიკაციის ხელშეწყობა/გაღრმავება.  სემინარში მონაწილეობის მისაღებად აუცილებელია რეგისტრაცია ... სრულად...   წყარო: განვითარებისა და ჩართულობის პლატფორმა

სამეგრელო. საქველმოქმედო ჰუმანიტარული ცენტრმა „აფხაზეთი“ (CHCA) 18 იანვრიდან მედდებისა და მზრუნველობის კვალიფიკაციის ამაღლების კურსი დაიწყო.  ტრენინგი 10 დღის განმავლობაში გაგრძელდება. ტრენინგს ატარებს ორგანიზაცია "ადამიანი და ბუნება". სასწავლო კურსი შეთანხმებულია საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან.  ინიციატივის მხარდამჭერია გაეროს განვითარების პროგრამა (UNDP).  სრულად... წყარო: საქველმოქმედო ჰუმანიტარული ცენტრი „აფხაზეთი“ (CHCA)

თბილისი. ადამიანის უფლებათა ცენტრმა 22 იანვარს გამოაქვეყნა შემაჯამებელი ანგარიში შეკრებებისა და მანიფესტაციების მონიტორინგის შესახებ. ანგარიში მიმოიხილავს 2023 წლის განმავლობაში აქციების მონიტორინგის შედეგად გამოვლენილ უფლებადარღვევებსა და მთავარ გამოწვევებს. ანგარიში მომზადდა ევროკავშირის მხარდაჭერით, პროექტის - „ადამიანის უფლებებზე მონიტორინგისა და ადვოკატირების შესაძლებლობის გაძლიერება საქართველოში“ ფარგლებში. იხილეთ ანგარიში ვრცლად... წყარო: ადამიანის უფლებათა ცენტრი

თბილისი.საქართველოს სტრატეგიული და საერთაშორისო კვლევების ფონდმა სასწავლო პროგრამის - „საჯარო მოხელეთა პროფესიული შესაძლებლობების ზრდა“ - ფარგლებში დისკუსია გამართა. რონდელის უფროსმა მკვლევარმა, ალექსი პეტრიაშვილმა ისაუბრა თემაზე: „საგარეო პოლიტიკა-საქართველო და დასავლეთი.“ პროგრამას რონდელის ფონდი ახორციელებს 2009 წლიდან შვედეთის საერთაშორისო განვითარებისა და თანამშრომლობის სააგენტოს (Sida) ფინანსური მხარდაჭერით. სრულად...  წყარო: საქართველოს სტრატეგიული და საერთაშორისო კვლევების ფონდი