თბილისი. სოციალური სამართლიანობის ცენტრის ინფორმაციით, ვენეციის კომისიის დასკვნა, „საერთო სასამართლოების შესახებ“ ორგანულ კანონში შესატან ცვლილებებთან დაკავშირებით, საკმაოდ კრიტიკულია. „დასკვნაში პირდაპირ არის ნათქვამი, რომ კანონპროექტი არ ითვალისწინებს მართლმსაჯულების სისტემურ რეფორმას, შესაბამისად, კანონპროექტი არ შეესაბამება ევროკომისიის რეკომენდაციებს“... სრულად... წყარო: ორგანიზაციის გვერდი სოციალურ ქსელში

თბილისი. ქალთა საინფორმაციო ცენტრის ცნობით, წყლის ჭავლზე მოხტუნავე სალომე კენჭიაშვილს, გურული დღიურების ფონდმა მარო მაყაშვილის სახელობის პრემია დაუნიშნა. სრულად... წყარო: ორგანიზაციის გვერდი სოციალურ ქსელში

გურია. „ახალგაზრდა პედაგოგთა კავშირის“ ლიდერთა სკოლისა და ახალგაზრდული ცენტრის წევრები ოზურგეთის მუნიციპალიტეტის მერის პირველ მოადგილეს, გიორგი ღურჯუმელიძეს შეხვდნენ.  მოზარდებმა მათ თემებში არსებული საჭიროებების შესახებ ისაუბრეს:   ტრანსპორტის  შიდა მიმოსვლის არაადექვატური განრიგი და მოსწავლეებისთვის შეღავათიანი ტარიფების აუცილებლობა; გარემოსდაცვითი საკითხები და სოფლებში ნაგვის ბუნკერების არარსებობა; სკოლის ტერიტორიაზე და ქუჩებში მომრავლებული მიუსაფარი ძაღლები; ნახევრადდანგრეული უფუნქციო შენობები და მასთან დაკავშირებული საფრთხეები; საჯარო სკოლებთან და საბავშვო ბაღებთან უსაფრთხო მისასვლელები. სრულად... წყარო: ორგანიზაციის გვერდო სოციალურ ქსელში

15 მარტს, 19:00 საათზე, ილიას სახელმწიფო უნივერსიტეტის უმაღლესი კვლევების ცენტრის პროექტის „საჯარო სფეროს რეკონსტრუქცია საქართველოში“ ფარგლებში გაიმართება დისკუსია თემაზე „ჯენ ზი და მილენიალები: ახალგაზრდობა და მისი ღირებულებები საქართველოში“. სრულად...

15 მარტს, 16:00 საათზე, გაიმართება შეხვედრა: ევროკომისიის რეკომენდაციების შესრულების მნიშვნელობა და საქართველოს პარლამენტში მიმდინარე პროცესები. მისამართი: თბილისი, თბილისის სახელმწიფო უნივერსიტეტი, II კორპუსი, ლუარსაბ ანდრონიკაშვილის სახელობის 119-ე აუდიტორია. სრულად...

თბილისი. 2022 წლის 28 დეკემბერს საქართველოს პარლამენტში დარეგისტრირდა საქართველოს მთავრობის საკანონმდებლო ინიციატივა - საქართველოს კანონის პროექტი „თავდაცვის კოდექსი“ და მასთან დაკავშირებულ 45 სხვა საკანონმდებლო აქტში გამომდინარე ცვლილებების პროექტები. ინიციატივის მიხედვით, სასულიერო პირებიც გაივლიან არასამხედრო, ალტერნატიულ შრომით სამსახურს. ამჟამინდელი მოწესრიგების თანახმად კი, გაწვევის გადავადების უფლება (სხვა საფუძვლებს შორის, ასევე) აქვს პირს, რომელიც არის მღვდელმსახური (კონფესია დაკონკრეტებული არაა). საქართველოს ახალგაზრდა იურისტთა ასოციაცია მიიჩნევს, „მხოლოდ ერთი რელიგიის სასულიერო პირებისთვის უფლებრივი პრივილეგიის მინიჭება, ადამიანის უფლებათა სამართლის პერსპექტივით, დისკრიმინაციულია და ეწინააღმდეგება საქართველოს კონსტიტუციას“. ორგანიზაცია მოუწოდებს კანონპროექტის ინიციატორებს, ისე, დეპუტატებს, იმოქმედონ თავიანთი მანდატის შესაბამისად იმგვარად, რომ უზრუნველყონ საქართველოს კონსტიტუციითა და საერთაშორისო ხელშეკრულებებით განმტკიცებული თანასწორობის პრინციპის განუხრელი დაცვა. დისკრიმინაციის პრევენციისთვის კი სამართალშემოქმედს აქვს რამდენიმე ალტერნატივა, შესაძლებლობის ყველა არსებითად თანასწორ პირზე გავრცელებით, ასევე, მისი სრულად გაუქმებით. სრულად... წყარო: gyla.ge

თბილისი. გაეცანით CulturEU გზამკვლევს, რომელიც დაგეხმარებათ ევროპული დაფინანსებისა და შესაბამისი მხარდაჭერის პროგრამების მოძიებაში. სრულად... წყარო: შემოქმედებითი ევროპა საქართველოს გვერდი სოციალურ ქსელში

თბილისი. ფონდი ტასოს ინფორმაციით, „ქალთა ეკონომიკური გაძლიერების“ პროექტის მონაწილე ქალებმა თვითდახმარების ჯგუფების საქმიანობის SWOT- ანალიზი ჩაატარეს.  „ანალიზის თანახმად, საქმიანობის ძლიერ მხარეებში თავდაჯერებულობა, გუნდური მუშაობა, ტრენინგებზე დასწრების შესაძლებლობა, იდეების გაზიარება და საზოგადოებრივ საქმიანობაში აქტიური ჩართულობა გამოიკვეთა, ხოლო ხელისშემშლელ პირობებში შეზღუდული ფინანსური რესურსები, ტექნიკის არქონა, შეზღუდული ინტერნეტი და სტერეოტიპული დამოკიდებულებები ჭარბობდა.“ სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველოს ინფორმაციით, ორგანიზაციამ 2011 წლიდან 2022 წლამდე უფასო იურიდიული დახმარება 19 329 ადამიანს გაუწია. სრულად... წყარო: ორგანიზაციის გვერდი სოციალურ ქსელში

ბელგია. საქართველოს დემოკრატიული ინიციატივას (GDI) თავმჯდომარე, ედუარდ მარიკაშვილი, 2-3 მარტს ადვოკატირების ვიზიტით ბრიუსელში იმყოფებოდა. ადვოკატირების ვიზიტის ძირითადი საკითხი იყო საქართველოს პარლამენტში უმრავლესობის წევრების მიერ ინიცირებული (ამ დროისთვის პირველი მოსმენით მიღებული) ე.წ. „უცხოური გავლენის გამჭვირვალობის შესახებ“ კანონპროექტის განხილვის პროცესი და საქართველოსთვის მისი შედეგები. სრულად... წყარო: ორგანიზაციის გვერდი სოციალურ ქსელში

რაჭა-ლეჩხუმი-ქვემო სვანეთი. 10 მარტს, რაჭა-ლეჩხუმისა და ქვემო სვანეთის რეგიონულმა ჰაბმა „ფონდი აფხაზინტერკონტი“ საზოგადოებას 2022 წლის წლიური ანგარიში გააცნო. ჰაბის მიზანი იყო მისი საქმიანობის გამჭვირვალობის უზრუნველყოფა, საზოგადოების წინაშე ანგარიშვალდებულებისა და პასუხისმგებლობის გააზრება.  რეგიონული ჰაბი საქმიანობას ახორციელებს ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. თანატოლთა განათლების პროგრამის ფარგლებში, დემოკრატ მესხთა კავშირში (UDM)ანა არუთუნიანის პრეზენტაცია გაიმართა თემაზე: „ოჯახში და ქალთა მიმართ ძალადობა“. ღონისძიება დაიგეგმა USAID-ის პროგრამა ერთიანობა მრავალფეროვნებაშია ფარგლებში, რომელსაც ახორციელებს საქართველოს გაეროს ასოციაცია, USAID-ის ფინანსური მხარდაჭერით.  სრულად... წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველის, ლევან იოსელიანის შეფასებით, საქართველოს შინაგან საქმეთა სამინისტროს მხრიდან, 2023 წლის 7 მარტის საღამოს საათებში გაფრთხილების თაობაზე განცხადებების გაჟღერების დროისთვის, აქციას მშვიდობიანი ხასიათი ჰქონდა და არ არსებობდა მისი შეწყვეტისა და მის წინააღმდეგ ძალის გამოყენების საფუძველი.  „რაც შეეხება აქციის მონაწილეების მხრიდან ძალადობის შემთხვევებს, მათ მიმართ უნდა გატარებულიყო ინდივიდუალური - აუცილებელი და პროპორციული ღონისძიებები. აღნიშნულის საწინააღმდეგოდ, სამართალდამცავებმა შეკრების მონაწილეების, მათ შორის, მშვიდობიანი მანიფესტანტების მიმართ სპეციალური საშუალებების გამოყენება დაიწყეს, რაც ეწინააღმდეგება უფლებაში აუცილებელი და პროპორციული ჩარევის სტანდარტს“. სრულად... წყარო: ombudsman.ge

თბილისი. მედიის ადვოკატირების კოალიციის ინფორმაციით, აქციაზე „არა რუსულ კანონს“ მედიის წარმომადგენლების უფლებების უხეშად დარღვევის ფაქტები დაფიქსირდა. „მმართველი პარტიის “ქართული ოცნების” მხარდაჭერილი რუსული კანონის გარშემო არსებული ლეგიტიმური პროტესტის განმავლობაში, მედიის წარმომადგენლებს პროფესიული მოვალეობის შესრულებასა და კონსტიტუციით გარანტირებული გამოხატვის თავისუფლებით სარგებლობის პროცესში მიზანმიმართულად ეშლებოდათ ხელი, აქციების დაშლის პროცესში სამართალდამცავები ხშირად ძალადობდნენ, იყენებდნენ არაპროპორციულ ძალას და მიზანმიმართულად უშლიდნენ ხელს ჟურნალისტებსა და ოპერატორებს გაეშუქებინათ რუსთაველის გამზირზე განვითარებული პროცესები“. კოალიცია მოუწოდებს სპეციალურ საგამოძიებო სამსახურს: უზრუნველყოს მედიის წარმომადგენელთა მიმართ სამართალდამცავების მხრიდან არაპროპორციული ძალის გამოყენების, საქმიანობაში ხელის შეშლის, ჟურნალისტთა მიმართ ჩადენილი ძალადობისა და სხვა შემთხვევების სწრაფი, სრულყოფილი და ობიექტური გამოძიება; მაღალი საჯარო ინტერესის გათვალისწინებით, გამოძიების მიმდინარეობის და გამოკვეთილი შედეგების შესახებ პერიოდულად მიაწოდოს საზოგადოებას განახლებული მონაცემები. სრულად... წყარო: მედიის ადვოკატირების კოალიციის გვერდი სოციალურ ქსელში

სამცხე-ჯავახეთი. დემოკრატ მესხთა კავშირის ინიციატივით, ახალციხესა და ახალქალაქში საზოგადოებრივი ორგანიზაციების საკოორდინაციო შეხვედრა გაიმართა. „შეხვედრაზე ადგილობრივმა სსო-ებმა განიხილეს უცხოური გავლენის აგენტების შესახებ კანონპროექტი და მისგან მომდინარე საფრთხეები“. შეხვედრა გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

შიდა ქართლი. სოციალური სამართლიანობის ცენტრმა რუსული კანონის „ჩაგდება“ გორში, სამოქალაქო საზოგადოებასთან, სათემო ორგანიზაციებთან და მედიასთან ერთად აღნიშნა. შეხვედრაზე მოხსენებებით გამოვიდნენ: პოლიტოლოგი, პაატა ზაქარეიშვილი; ანალიტიკოსი, შოთა კაკაბაძე; იურისტი, სოფო ვერძეული. შეხვედრაზე განიხილეს ქვეყანაში ბოლო დროს მიმდინარე პროცესები, სამომავლო გეგმები და სამუშაო სტრატეგიები. სრულად... წყარო: ორგანიზაციის გვერდი სოციალურ ქსელში

სამეგრელო. მერძევე ქალებს, წალენჯიხასა და ზუგდიდში, ტრენინგი „ბრენდინგი და კომუნიკაცია“ ჩაუტარეს. შეხვედრა შედგა გაეროს ქალთა ასოციაციისა და ჯეპრას თანამშრომლობის საფუძველზე. შეხვედრის შემდეგ, 75 მეწარმე ქალს სერტიფიკატები გადაეცა. სრულად... წყარო: ორგანიზაციის გვერდი სოციალურ ქსელში

თბილისი. რონდელის ფონდის ცნობით, დაიწყო „საქართველოს საჯარო სამსახურის მომავალ ლიდერთა სასწავლო პროგრამა“, რომელსაც ორგანიზაცია ფონდი „ესტონეთის დიპლომატიის სკოლის მხარდაჭერით“ (ESD) ახორციელებს. „4 თვიანი სასწავლო პროგრამის მიზანია საქართველოს საჯარო მოხელეთა ცოდნისა და ანალიტიკური უნარ-ჩვევების გაუმჯობესება უსაფრთხოების სფეროსა და პოლიტიკის შემუშავებაში ესტონელ და ქართველ ექსპერტებთან ერთად“. სრულად... წყარო: ორგანიზაციის გვერდი სოციალურ ქსელში

თბილისი. შინაგან საქმეთა სამინისტროს განცხადებით, „არა რუსულ კანონს“ აქციის მიმდინარეობისას ადმინისტრაციული წესით დაკავებული ყველა პირი დროებითი მოთავსების იზოლატორიდან გათავისუფლდა. ამის მიუხედავად, მათ მიმართ ადმინისტრაციული სამართალდარღვევის საქმის წარმოება ამ დრომდე მიმდინარეობს. მარტში გამართულ საპროტესტო აქციებზე პოლიციამ, ადმინისტრაციული წესით, 169 პირი დააკავა. არასამთავრობო ორგანიზაციები ერთობლივ განცხადებას ავრცელებენ და მოუწოდებენ: შსს-ს -   აქციის მიმდინარეობისას დაკავებული ყველა პირის მიმართ, რომელთა საქმეებიც ამ დრომდე სასამართლოს არ განუხილავს, შეწყვიტოს ადმინისტრაციული სამართალდარღვევის საქმის წარმოება; პროკურატურას - გამოიყენოს კანონმდებლობით გათვალისწინებული პროკურორის პროტესტით მიმართვის შესაძლებლობა, რათა გაუქმდეს სასამართლოს მიერ დაჯარიმების შესახებ მიღებული დადგენილებები; სპეციალურ საგამოძიებო სამსახურს - უზრუნველყოს სამართალდამცავების მხრიდან არაპროპორციული ძალის გამოყენების, თვითნებური დაკავებების, დაკავებულთა მიმართ ძალადობისა და სხვა შემთხვევების სრულყოფილი და ობიექტური გამოძიება. სრულად... წყარო: PHR-ის გვერდი სოციალურ ქსელში

მცხეთა-მთიანეთი. 10 მარტს, განათლების განვითარების და დასაქმების ცენტრმა (EDEC), დუშეთის მუნიციპალიტეტის მერიაში, საორგანიზაციო კომიტეტის წევრებისთვის ტრენინგი გამართა. შეხვედრის მიზანი იყო მონაწილეებისთვის მოსახლეობის ფორუმის/დასახლების საერთო კრების ინოვაციური მოდელის გაცნობა, მისი არსისა და მნიშვნელობის გაზიარება, ფორუმის ჩატარების მეთოდოლოგიისა და საორგანიზაციო კომიტეტის ფუნქციების შესახებ მონაწილეთა ინფორმირება. სრულად... წყარო: ორგანიზაციის გვერდი სოციალურ ქსელში

სოვლაბის ინფორმაციით, გერმანიის წამყვანმა გაზეთმა Frankfurter Algemeine Zeitung-მა ორგანიზაციის საქმიანობის შესახებ სტატია გამოაქვეყნა. „სტატიაში, რომელსაც გაზეთის მთელი გვერდი ეთმობა, საუბარია საქართველოში სტალინის კულტის აღორძინებაზე და რუსული დეზინფორმაციული მანქანის მიერ სტალინის ქართული წარმოშობის პროპაგანდისტული მიზნებით ინსტრუმენტალიზაციაზე“. სტატია... სრულად... წყარო: ორგანიზაციის გვერდი სოციალურ ქსელში

13 მარტს, 12:00 საათზე, სახალხო დამცველი ლევან იოსელიანი ბრიფინგს გამართავს. მისამართი: თბილისი, დავით აღმაშენებლის 80 (სახალხო დამცველის ოფისი)