თბილისი. ინფორმაციის თავისუფლების განვითარების ინსტიტუტის (IDFI) ცნობით, 2022 წელს საჯარო დაწესებულებებიდან მიღებული პასუხების მაჩვენებელი წინა წელთან შედარებით 24%-ით შემცირდა და 58% შეადგინა. „ეს მაჩვენებელი 2010 წლის შემდეგ ყველაზე დაბალი შედეგია. 2022 წელს 69 დაწესებულება აღმოჩნდა ისეთი, რომელმაც ინფორმაციის თავისუფლების განვითარების ინსტიტუტის (IDFI) ყველა განცხადება უპასუხოდ დატოვა. 2022 წელს, განსაკუთრებით პრობლემური იყო ისეთი მოთხოვნების უპასუხოდ დატოვება, რომლებიც რუსეთ-უკრაინის ომთან და მის საქართველოზე გავლენასთან იყო კავშირში“. სრულად... წყარო: idfi.ge

სამცხე-ჯავახეთი. დემოკრატ მესხთა კავშირის ინფორმაციით, USAID-ის პროგრამა, ერთიანობა მრავალფეროვნებაშია მონაწილის, ლიკა გოგოლაძის ინიციატივით, ორგანიზაციაში პრეზენტაცია გაიმართა თემაზე: ნულოვანი დისკრიმინაცია. პროგრამას ახორციელებს საქართველოს გაეროს ასოციაცია, USAID-ის ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. Grlz Wave-ის ინფორმაციით, „აგენტების“ კანონპროექტს პარლამენტში მეორე მოსმენისას მხარი არ დაუჭირეს და კანონპროექტი ჩავარდა. ორგანიზაცია მადლობას უხდის ამ ხნის განმავლობაში, დარბევებისა და საპოლიციო ძალის წინააღმდეგ მებრძოლებს - „ეს შედეგი თქვენი დამსახურებაა! საქართველოს მოსახლეობამ კიდევ ერთხელ დაამტკიცა, რომ ეს ქვეყანა ჩვენია, ხელისუფლება კი ვერ შეძლებს, დაგვიმორჩილოს და მოგვათვინიეროს“. Grlz Wave მოუწოდებს „ქართულ ოცნებას“, ნუ დააპირისპირებს საზოგადოებას ერთმანეთთან პროპაგანდისტული განცხადებებით. „ხელისუფლების მცდელობა, ქრისტიანობითა და ლგბტქ თემის საკითხებით საზოგადოებრივ აზრზე გარკვეული გავლენა მოახდინოს, უკვე ნაცადი და მოძველებული ხერხია და ხელისუფლებას ვურჩევთ, შეცვალოს რიტორიკა“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

„ამერიკის ხმა“ ადამიანის უფლებათა დაცვის ორგანიზაციის „ფრიდომ ჰაუსის“ ანგარიშის შესახებ წერს. „მოხსენებაში აღნიშულია, რომ საბჭოთა კავშირის დაცემიდან სამი ათწლეულის შემდეგ, „ევრაზიაში ავტორიტარიზმი დომინირებს““. სრულად... წყარო: www.amerikiskhma.com

თბილისი. საქართველოს ახალგაზრდა იურისტთა ასოციაცია (საია) თვლის, რომ საქართველოს ხელისუფლებამ დედებისა და ოჯახის მხარდაჭერის პოლიტიკა უნდა შეიმუშავოს, რაც, ერთის მხრივ, გაზრდის მშობლების შრომითი უფლებებისა და სოციალური დაცვის გარანტიებს, ხოლო, მეორე მხრივ, ხელს შეუწყობს არსებული დემოგრაფიული მდგომარეობის გაუმჯობესებას. „სახელმწიფოს მიერ დედების სოციალური დაცვისა და ოჯახის კეთილდღეობის ერთ-ერთი ხელშემწყობი ფაქტორია შრომითი ურთიერთობების იმგვარი მოწესრიგება, რომელიც გაითვალისწინებს მათ საჭიროებებს და უზრუნველყოფს სამსახურებრივ და პირად ცხოვრებას შორის ბალანსის დაცვას“. სრულად... წყარო: www.gyla.ge

ამერიკული ორგანიზაცია Freedom House-ი გლობალური თავისუფლების რეიტინგს აქვეყნებს. „გლობალური თავისუფლების ინდექსში საქართველოს 58 ქულა აქვს და ნაწილობრივ თავისუფალი ქვეყნების რიგშია“. სრულად... წყარო: commersant.ge

ამ წუთებში, „ინფორმაციის თავისუფლების განვითარების ინსტიტუტი“ (IDFI) სასტუმრო „რუმს თბილისში“ საჯარო ინფორმაციის ხელმისაწვდომობის 2022 წლის ანგარიშს წარადგენს. მისამართი: თბილისი, მერაბ კოსტავას ქ.14

აშშ–ის საელჩო ეხმაურება  საქართველოში მიმდინარე მოვლენებს – „ქართველმა ხალხმა კიდევ ერთხელ ნათლად თქვა, რომ საქართველოს ერთადერთი არჩევანი უსაფრთხო და წარმატებული ევროპული მომავალია. მივესალმებით ქართული ოცნების გადაწყვეტილებას „უცხოური გავლენის" შესახებ ორივე კანონპროექტის გაწვევასთან დაკავშირებით. დაჟინებით მოვუწოდებთ მმართველ პარტიას, რომ ოფიციალურად უარყოს ეს კანონპროექტები და აღარ მიჰყვეს ამ ტიპის კანონმდებლობას, რომელიც შეუთავსებელია ქართულ და ევროპულ ღირებულებებთან და ფუნდამენტური თავისუფლებების დაცვასთან. მოვუწოდებთ საქართველოს პოლიტიკურ ლიდერებს, რომ გულწრფელად ერთად იმუშაონ ევროკავშირის კანდიდატის სტატუსის მოპოვებისთვის სასწრაფოდ საჭირო რეფორმებზე, რაც საქართველოს მოქალაქეების მკაფიო სურვილია“. სრულად... წყარო: აშშ–ის საელჩო

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. სამოქალაქო საზოგადოების ორგანიზაციები საზოგადოებას აცნობებენ, რომ არ არსებობს პირველი მოსმენით მიღებული კანონპროექტის გაწვევის პროცედურა, შესაძლებელი მხოლოდ კანონპროექტის ჩაგდებაა, პლენარულ სხდომაზე. „შესაბამისად, აუცილებელია, რომ პარლამენტმა რუსულ კანონს კვლავ უყაროს კენჭი და ჩააგდოს ის, ხოლო რუსული კანონის მეორე ვერსია, რომელსაც კენჭი არ ეყარა, ინიციატორებმა ოფიციალურად უნდა გაიწვიონ. ეს იქნება ოფიციალური ბოდიში ქართველი ხალხისადმი. ამრიგად, საზოგადოებრივი ორგანიზაციები მოითხოვენ: პარლამენტმა დაუყოვნებლივ გამართოს პლენარული სხდომა, სადაც რუსულ კანონს კვლავ უყრის კენჭს და მას ოფიციალურად  ჩააგდებს; დაუყოვნებლივ გათავისუფლდეს ყველა დაკავებული, ვინც საქართველოს ევროპულ მომავალს იცავდა და ქუჩებში საქართველოს და ხალხის  ღირსების შემლახავ რუსულ  კანონს აპროტესტებდა“. სრულად... წყარო: სოციალური სამართლიანობის ცენტრის გვერდი სოციალურ ქსელში

თბილისი. აღმოსავლეთ პარტნიორობის სამოქალაქო საზოგადოების ფორუმი, ეროვნული პლატფორმა მიმართავს უმრავლესობას, რეგლამენტით დადგენილი პროცედურების შესაბამისად, უმოკლეს ვადებში მოახდინოს კანონპროექტზე უარის თქმის გადაწყვეტილების რეალიზება და სრულად გააუქმოს ეს ინიციატივა. სრულად... წყარო: პლატფორმის გვერდი სოციალურ ქსელში

თბილისი. ადამიანის უფლებათა სახლი მხარდაჭერას უცხადებს პროტესტის მონაწილე აქტივისტებს და დაკავებულებს ჯარიმებს გადაუხდის. იმისათვის, რომ ორგანიზაციამ განიხილოს თქვენი განცხადება, შეავსეთ ფორმა... სამართლებრივი დახმარების მისაღებად, შეგიძლიათ მიმართოთ არასამთავრობო ორგანიზაციების ერთიან ცხელ ხაზს: 577 070 563 ადამიანის უფლებათა სახლის მიერ მობილიზებული მცირე ბიუჯეტის გამოყენება შესაძლებელი იქნება მის ამოწურვამდე. ამიტომ ორგანიზაცია შემოწირულობების შეგროვებას იწყებს. ანგარიშის ნომრები: ლარი: GE41TB7249036080100001 დოლარი/ევრო: GE85TB7249036180100001 მიმღები: თბილისის ადამიანის უფლებათა სახლი დანიშნულება: არა რუსულ კანონს სრულად... წყარო: ორგანიზაციის გვერდი სოციალურ ქსელში

თბილისი. „ქართული ოცნების“ საპარლამენტო უმრავლესობამ გადაწყვიტა, „გაიწვიოს“ პირველი მოსმენით უკვე მიღებული კანონპროექტი „უცხოური გავლენის გამჭვირვალობის შესახებ“, რომელმაც მასობრივი საპროტესტო გამოსვლები გამოიწვია.  ქალთა საინფორმაციო ცენტრი საზოგადოებას განუმარტავს, „რომ პარლამენტის რეგლამენტის თანახმად, საკანონმდებლო ინიციატივა, მოტივირებული გადაწყვეტილებით, შეიძლება ცნობილ იქნეს მიღებულად ან უარყოფილად. რეგლამენტის 158-ე მუხლის თანახმად, უარყოფილად საკანონმდებლო ინიციატივა ჩაითვლება, თუ კანონპროექტი მეორე მოსმენით ჩავარდება. რეგლამენტის მე-16 და მე-17 პუნქტების თანახმად, კანონპროექტი, რომელიც მეორე მოსმენით კენჭისყრისას ვერ დააგროვებს ხმათა საჭირო რაოდენობას, ჩავარდნილად ითვლება. ასეთ შემთხვევაში ფორმდება დადგენილება კანონპროექტის მეორე მოსმენით მიუღებლობის შესახებ. ამასთან, უარყოფილად ჩაითვლება თუ პლენარულ სხდომაზე მეორე მოსმენისას ჩავარდნილი კანონპროექტი სასესიო პერიოდში ერთი თვის განმავლობაში ინიციატორის მოთხოვნით ისევ არ დადგება კენჭისყრაზე. ასევე უარყოფილად ჩაითვლება კანონპროექტი, რომელიც ერთი სესიის განმავლობაში მეორე მოსმენით კენჭისყრების შედეგად 3-ჯერ ვერ დააგროვებს ხმათა საჭირო რაოდენობას. რაც შეეხება კანონპროექტის მეორე ვარიანტს, ყველა ინიციატორმა უნდა მოაწეროს ხელი პროექტის გაწვევას.  შესაბამისად, უმრავლესობამ უნდა ჩააგდოს კანონი და „ხალხის ძალამ“ საკუთარი ხელმოწერებით უარი უნდა თქვას მასზე“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ფერმერთა ასოციაციის ცნობით, ამ წუთებში, ფაბრიკაში პროექტის „ქალთა ეკონომიკური გაძლიერებისთვის“ ფარგლებში მეწარმე ქალები თვითბრენდინგის, პიროვნული გაძლიერების და თვითშეფასების ტრენინგს გადიან. პროექტს „ქალთა ეკონომიკური გაძლიერებისთვის“ გაეროს ქალთა ორგანიზაცია ნორვეგიის მთავრობის დაფინანსებით, საქართველოს ფერმერთა ასოციაციასთან პარტნიორობით ახორციელებს. სრულად... წყარო: ორგანიზაციის გვერდი სოციალურ ქსელში

თბილისი. ევროკავშირის წარმომადგენლობა საქართველოში განცხადებას ავრცელებს: „მივესალმებით მმართველი პარტიის განცხადებას „უცხოური გავლენის გამჭვირვალობის შესახებ“ კანონპროექტის გაწვევის შესახებ. მოვუწოდებთ საქართველოს ყველა პოლიტიკურ ლიდერს, ინკლუზიური და კონსტრუქციული გზით განაახლონ პროევროპული რეფორმები 12 პრიორიტეტის შესაბამისად საქართველოს მიერ კანდიდატის სტატუსის მიღწევის მიზნით. სრულად...

7 მარტს, 9:30 საათზე, პარლამენტის შენობასთან, გაგრძელდება საპროტესტო აქცია „უცხოური გავლენის გამჭვირვალობის“ შესახებ კანონპროექტებზე. სრულად...

თბილისი. იაპონიის საელჩოს ადამიანის უსაფრთხოების საგრანტო პროგრამის (GGP) ფარგლებში დაფინანსებული, ახალი პროექტების ხელმოწერის ცერემონიები გრძელდება. საელჩოს გადმოცემით, საქართველოს დამოუკიდებლობის გამოცხადების დღიდან, GGP პროგრამის ფარგლებში, იაპონიამ დააფინანსა 200 საგრანტო პროექტი, რამაც შეადგინა 20 მილიონ აშშ დოლარზე მეტი (გარდა სხვა პროგრამებით დაფინანსებული პროექტებისა). GGP-ის პროექტები არის არასამთავრობო ორგანიზაციებსა და სახელმწიფო უწყებებს შორის წარმატებული თანამშრომლობის შესანიშნავი მაგალითი და შეხსენება იმისა, თუ რა პოზიტიური როლი აქვს სამოქალაქო საზოგადოებას ადგილობრივი მოსახლეობის მხარდაჭერაში. იაპონიის საელჩი მადლობას უხდის GGP პროექტების შემუშავებაში ჩართულ ყველა პირს. სრულად... წყარო: იაპონიის საელჩოს გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) აქვეყნებს საინფორმაციო ბლოგპოსტს. „გახსოვდეთ, თუ დაკავების ხანგრძლივობა გასცდა კოდექსით დადგენილ ვადებს, გაქვს უფლება მოითხოვო წერილობითი დასაბუთება. ასეთი დასაბუთების არარსებობის შემთხვევაში ითვლები უკანონოდ დაკავებულად და დაუყოვნებლივ უნდა გაგათავისუფლონ“ სრულად... გაეცანით აქტივისტების უფლებებს შეკრება-მანიფესტაციისას... მომზადდა საიას მიერ USAID სამართლის უზენაესობის პროგრამის ფინანსური მხარდაჭერით. წყარო: ორგანიზაციის გვერდი სოციალურ ქსელში

თბილისი. საქართველოს ჟურნალისტური ეთიკის ქარტია თბილისში, პარლამენტის შენობასთან მიმდინარე აქციიდან ფოტოებს ავრცელებს და თვლის რომ „რუსული კანონის მიღების მცდელობა მიმართულია არა მხოლოდ თავისუფალი სამოქალაქო საზოგადოებისა და დამოუკიდებელი მედიის, არამედ საქართველოს მოსახლეობის წინააღმდეგ“. სრულად... წყარო: ქარტიის გვერდი სოციალურ ქსელში

თბილისი. საქართველოს ეროვნული პლატფორმა განცხადებას ავრცელებს და მიიჩნევს, რომ ე.წ. „ამერიკული კანონის“ ქართული რედაქცია არსებითად განსხვავდება ავთენტური ამერიკული კანონისგან. „...ქართულ რედაქციაში შეგნებულად არის გამოტოვებული ავთენტური ამერიკული კანონის პარაგრაფ 613 - ის (გამონაკლისები/EXEMPTIONS) კონკრეტული და ამ კანონმდებლობისთვის ერთ-ერთი მნიშვნელოვანი პუნქტი „f“. აღნიშნული პუნქტის მიხედვით აშშ-ს პრეზიდენტი ადგენს იმ ქვეყნების სიას, რომლებიც მნიშვნელოვანია აშშ-ს თავდაცვისა და უსაფრთხოების უზრუნველყოფისთვის, როგორც პარტნიორები, და მათი წარმომადგენლები ითვლებიან გამონაკლისებად და მათზე არ ვრცელდება უცხო ქვყნის აგენტად რეგისტრაციის ვალდებულება.  ნორმის შეგნებული გამოტოვებით პრინციპულად იცვლება შინაარსი. უმრავლესობის წარმომადგენლების მიერ ინიცირებული ე.წ. „ამერიკული კანონი“ ვრცელდება პარტნიორ ქვყენებზეც, რაც ქმნის ერთგვაროვან მიდგომას მტრულად განნყობილი და მოკავშირე ქვეყნების მიმართ. ეს განზრახ დამახინჯება ავთენტური ამერიკული კანონისა აზიანებს საქართველოს ურთიერთობას ქვეყნის სტრატეგიულ პარტნიორებთან. ეს კიდევ ერთხელ ცხადყოფს, რომ დაუშვებელია ამ კანონპროექტების პირველი მოსმენით მიღება“, ნათქვამია პლატფორმის განცხადებაში. სრულად... წყარო: პლატფორმის გვერდი სოციალურ ქსელში

თბილისი. კავკასიის გარემოსდაცვითი არასამთავრობო ორგანიზაციების ქსელი (CENN) აქვეყნებს განცხადებას და მიიჩნევს, რომ „შემოთავაზებული „უცხოური აგენტების კანონი“ სერიოზულ საფრთხეს უქმნის სიტყვის თავისუფლებასა და დემოკრატიას და საქართველოს ევროატლანტიკურ მომავალს. „მოვუწოდებთ საქართველოს პარლამენტს, უარი თქვას ამ შემოთავაზებულ კანონზე“. სრულად... წყარო: ორგანიზაციის გვერდი სოციალურ ქსელში

თბილისი. მედიის ადვოკატირების კოალიცია მიმართავს საქართველოს პარლამენტის თავმჯდომარეს, ბატონ შალვა პაპუაშვილს, დაუყოვნებლივ აღუდგინოს ჟურნალისტებს აკრედიტაცია პარლამენტში, უზრუნველყოს საკანონმდებლო ორგანოში ჟურნალისტების შეუფერხებელი და უსაფრთხო სამუშაო გარემო, კონსტიტუციით გარანტირებული გამოხატვის თავისუფლების დაცვა, განსაკუთრებით ამ კვირას დაგეგმილი „რუსული კანონის“ განხილვის დროს.   სრულად... წყარო: კოალიციის გვერდი სოციალურ ქსელში