თბილისი. 7 ივლისს, საქართველოს ახალგაზრდა იურისტთა ასოციაციამ, საერთაშორისო გამჭვირვალობამ და სხვა არასამთავრობო ორგანიზაციებმა გამართეს ბრიფინგი. მათ საზოგადოებას გააცნეს გარდაცვლილი მამუკა მიქაუტაძის საქმესთან დაკავშირებული გარემოებები. წყარო: ორგანიზაციის გვერდი სოციალურ ქსელში

თბილისი.ღია საზოგადოება საქართველომ 12 მაისს, ჯანაშიას სახელობის სახელმწიფო მუზეუმში გამართულ პრეზენტაციის შესახებ განმარტებებს ავრცელებს. „პროექტის ფარგლებში შექმნილი იეზიდური კოსტუმები არ წარმოადგენს საქართველოში მცხოვრებ იეზიდთა ტრადიციულ სამოსს, მაგრამ პერფორმასის მიზანი იყო იეზიდთა ისტორიისა და კულტურისადმი ინტერესისა და პატივისცემის გაღვივება", ნათქვამია ორგანიზაციის ვებ–გვერდზე. სრულად წყარო:osgf.ge

აჭარა. ორგანიზაციამ „ღირსეულმა სიბერემ"  ხანდაზმულთა სოციალური ცენტრის პროექტის შესახებ ფოტო–კოლაჟი გაავრცელა. კოლაჟი მოიცავს 1 აპრილიდან 1 ივლისამდე პერიოდს და მასში ასახულია ცენტრის მიერ განხორციელებული აქტივობები. წყარო:ორგანიზაციის გვერდი სოციალურ ქსელში

თბილისი. ორგანიზაცია იდენტობამ თექაზე მუშაობის სემინარი ჩაატარა. თექაზე ერთდროულად იმუშავეს ამ საქმეში გამოცდილებმა და სრულიად ახალბედებმა. თავიანთ ნამუშევრებს მათ ჯერ პირველადი ფორმები მისცეს, შემდეგ უშუალოდ მოთექვის პროცესზე გადავიდნენ და ნამუშევრებმაც საბოლოო სახე მიიღო. ორგანიზაციამ სემინარის შესახებ ინფორმაცია სოციალური ქსელის მეშვეობით გაავრცელა და მასზე დასწრება ნებისმიერ მსურველს შეეძლო. წყარო:identoba.com

თბილისი. საერთაშორისო გამჭვირვალობა – საქართველომ საპარლამენტო ამბების მორიგი პოდკასტი გამოაქვეყნა. ახალ გამოშვებაში გაეცნობით საერთაშორისო გამჭირვალობის საპარლამენტო მონიტორინგის ვებგვერდის ფუნქციებსა და შესაძლებლობებს, ასევე საპარლამენტო უმცირესობის ბიოკოტის შესახებ მომზადებულ პოდკასტს, უმაღლესი განათლების შესახებ კანონში დაგეგმილი ცვლილებებს და მისი განხილვის შედეგებს და პრეზიდენტის ვეტოს „მაუწყებლობის შესახებ" კანონში შესატან ცვლილებებზე. საპარლამენტო ამბების პოდკასტი – 1 ივლისი წყარო: transparency.ge

1 ივლისს გამოქვეყნა გაეროს გენერალური მდივნის პან კი უნის ანგარიში, რომელიც ათასწლეულის განვითარების მიზნების მიღწევადობას და შესაძლებლობებს ეხება. სრულად წყარო:cenn

გურია. გურიის ახალგაზრდული რესურსცენტრმა ახალგაზრდა მოხალისეთა სახლის წევრების მიერ მომზადებული დოკუმენტური ფილმი გამოაქვეყნა. ფილმი მომზადდა პროექტის ფარგლებში – „ახალგაზრდა ადვოკატები სოციალური ცვლილებებისათვის", რომელიც განახორციელა გურიის ახალგაზრდულმა რესურსცენტრმა ჩეხურ ორგანიზაცია "ადამიანი გაჭირვებაში" ფინანსური მხარდაჭერით. ფილმი   წყარო:ორგანიზაციის გვერდი სოციალურ ქსელში

გურია. პროექტის - „პირობითმსჯავრდებული ახალგაზრდებისა და არასრულწლოვნების რესოციალიზაციის ხელშეწყობა გურიის რეგიონში" - ფარგლებში ვიდეო–რგოლი მომზადდა. პროექტს ახორციელებს გურიის ახალგაზრდული რესურსცენტრი ევროკავშირის ფინანსური მხარდაჭერით. პროექტის პარტნიორია საქართველოს დემოკრატიული განვითარების კავშირი. ვიდეო–კლიპი  წყარო:ორგანიზაციის გვერდი სოციალურ ქსელში

თბილისი. მშვიდობის, დემოკრატიის და განვითარების კავკასიური ინსტიტუტის რეგიონული განვითარებისა და ადგილობრივი თვითმმართველობის  რესურს ცენტრში შესაძლებლობა გეძლევათ გაეცნოთ ჟურნალ „Foreign Policy" მორიგ ნომერს.  წყარო: participate.ge

თბილისი. საბჭოთა წარსულის კვლევის ლაბორატორიამ ზეპირი ისტორიების მორიგი ფილმი გამოაქვეყნა. მეცამეტე ფილმში ლილი ვაჩეიშვილი ოჯახის ისტორიას ყვება. მამა - გრიგოლ ვაჩეიშვილი, პედაგოგი, გადაასახლეს 1938 წელს კომის აასრ-ში, საიდანაც სასჯელის ვადის მოხდის შემდეგ 1948 წელს დაბრუნდა. მამის გარდაცვალების შემდეგ, 1951 წლის დეკემბერში ლილი ვაცეიშვილი დასთან და დედასთან ერთად გადაასახლეს ყაზახეთში, საიდანაც ოჯახი 1953 წელს სტალინის სიკვდილის შმედეგ დაბრუნდენ.  ისტორია ჩაიწერა საბჭოთა წარსულის კვლევის ლაბორატორიის პროექტის „თავისუფალი წვდომა ინფორმაციასა და სამართალზე" ფარგლებში. პროექტი ხორციელდება „დემოკრატიის მხარდამჭერი ეროვნული ფონდის" (აშშ) დაფინანსებით. ფილმი #13    წყარო:ორგანიზაციის გვერდი სოციალურ ქსელში

თბილისი. საქართველოს დემოკრატიულმა ინიციატივამ მართლმსაჯულების ხარვეზების შემსწავლელი დროებითი სახელმწიფო კომისიის შესახებ კანონპროექტთან დაკავშირებით ვენეციის კომისიის დასკვნის შესახებ განცხადება გაავრცელა. დასკვნაში სულ ასახულია საქართველოს ხელისუფლებისთვის მიცემული 15 რეკომენდაცია, რომელიც შეეხება კანონპროექტში წარმოდგენილ სხვადასხვა დებულებებსა და რეგულაციებს. „ვითვალისწინებთ რა ვენეციის კომისიის განსაკუთრებულ წვლილს, რომელიც მას უკვე არაერთი წელია შეაქვს საქართველოს კანონმდებლობის სრულყოფის საქმეში, მიგვაჩნია, რომ საქართველოს პარლამენტმა კანონპროექტის განხილვისა და გადაწყვეტილების მიღების პროცესში აუცილებლად უნდა მიიღოს მხედველობაში ის მნიშვნელოვანი შენიშვნები და რეკომენდაციები, რომლებიც ასახულია ზემოაღნიშნულ დასკვნაში", ნათქვამია ორგანიზაციის ვებ–გვერდზე. საქართველოს დემოკრატიულმა ინიციატივამ დასკვნის არაოფიციალური ქართული თარგმანიც გაავრცელა. სრულად  წყარო: gdi.ge

საერთაშორისო გამჭვირვალობა საქართველო საშუალებას გაძლევთ გამოიწეროთ შეტყობინებები პარლამენტიდან და მიიღოთ ინფორმაცია კანონპროექტების შესახებ. ორგანიზაციის ვებგვერდზე თქვენ შეგიძლიათ მონიშნოთ კონკრეტულად რომელი კომიტეტიდან გსურთ ინფორმაციის მიღება.  საკანონმდებლო SMS-ები  წყარო:ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა საქართველოს შინაგან საქმეთა სამინისტროდან  მიიღო  ოფიციალური  ინფორმაცია რუსეთის ფედერაციის საოკუპაციო ჯარის მიერ, ოკუპაციის ხაზის დარღვევისათვის დაკავებულ საქართველოს მოქალაქეთა რაოდენობის შესახებ. როგორც მიღებული დოკუმენტაციიდან ირკვევა 2009 წლიდან 2013 წლის ივნისის თვემდე საოკუპაციო ჯარების მიერ უკანონოდ დაკავებულია 1110 საქართველოს მოქალაქე, რომელთაგან  ცხინვალის  საოკუპაციო ხაზთან  დაკავებულ იქნა 474 პირი, ხოლო აფხაზეთის – 636 პირი.  სრულად  წყარო:opendatablog.wordpress.com

თბილისი. ჰაინრიჰ ბიოლის ფონდი წარმოგიდგენთ ქართველ და უცხოელ ქალებს, რომლებმაც საქართველო შეცვალეს. „საქართველოში ბევრი ქალია, ვინც ახალს ქმნიდა, ვინც აღმოჩენებს აკეთებდა, ვინც იბრძოდა ცვლილებებისთვის და ვისაც არ ეშინოდა სიახლის. მათ არ იცოდნენ, თუ რა მნიშვნელობა ექნებოდა მათ ძალისხმევას მომავლისთვის და ალბათ, ვერ წარმოიდგენდნენ, რომ ათეულობით წლის შემდეგ მოვინდომებდით, მათ შესახებ უფრო მეტი გვცოდნოდა, ან ზოგ შემთხვევაში, თავიდან გაგვეცნო კიდეც. ამ ბარათებით 50 ქალი თავიანთ ისტორიას მოგიყვებათ - ზოგი ახალს გეტყვით საკუთარ თავზე, ზოგიც თავს შეგახსენებთ", ნათქვამია პროექტის გვერდზე სოციალურ ქსელში. 50 ქალი საქართველოდან წყარო:ჰაინრიჰ ბიოლის ფონდის გვერდი სოციალურ ქსელში

თბილისი. არასამთავრობო ორგანიზაცია ახალგაზრდა ადვოკატები აცხადებს წევრი ადვოატების რეგისტრაციას. ორგანიზაციის წევდების მიხედვით ორგანიზაციის წევრი შეიძლება იყოს უმაღლესი იურიდიული განათლების მქონე, ადვოკატის საკვალიფიკაციო გამოცდილების ჩაბარების დამადასტურებელი სერტიფიკატის მქონე. სრულად წყარო: jobs.ge

თბილისი. საერთაშორისო გამჭვირვალობა – საქართველომ 24 ივნისის საპარლამენტო ამბების აუდიო პოდკასტი გამოაქვეყნა. გამოშვებაში ორგანიზაციის საპარლამენტო მდივანი და მთავარი იურისტი პირადი ცხოვრების ამსახველი ვიდეო მასალისა და წამების ამსახველი ვიდეო კადრების შესახებ საუბრობენ. სრულად  წყარო:transparency.ge

იმერეთი. ორგანიზაცია „რადარამმა" ახლახანს გამოცემული წიგნის მორიგი პრეზენტაცია გამართა ზესტაფონში. „როგორ აგვიხსნა ფეხბურთმა მსოფლიო" – აღნიშუნლი წიგნის პრეზენტაცია ადგილობრივ ბიბლიოთეკაში გაიმართა და მას მწერალი დათო ტურაშვილი და რადიო „თავისუფლების" ჟურნალისტი დათო ჩიხლაძე უძღვებოდნენ. წყარო: ორგანიზაციის გვერდი სოციალურ ქსელში

აჭარა. 21 ივნისს, ბათუმის დემოკრატიული ჩართულობის ცენტრში საჯარო შეხვედრა გაიმართა თემაზე - „ქალაქი და მოქალაქეები: ქალაქგანვითარების სოციალური და პოლიტიკური ასპექტები". შეხვედრაზე თბილისიდან მოწვეულმა არქიტექტორმა ვლადიმერ ვარდოსანიძემ იმ შენობა-ნაგებობებზე გაამახვილა ყურადღება, რომლებიც ბოლო წლებში დედაქალაქში აშენდა და დააზიანა ქალაქის სტრუქტურა. მოწვეულმა სტუმარმა ასევე ისაუბრა იმ არქიტექტურულ გადაცდომებზეც, რომლებიც ბათუმის შემთხვევაშია დაშვებული. დისკუსიას ბათუმის მთავარი არქიტექტორიც ესწრებოდა. გიორგი რამიშვილმა ქალაქის განვითარების სოციალურ და პოლიტიკურ ასპექტებში მოქალაქეების ჩართულობის აუცილებლობაზე ისაუბრა. დისკუსია ჰაინრიხ ბიოლის ფონდის სამხრეთ კავკასიის რეგიონალური ბიუროს ინიციატივით გაიმართა.

აჭარა. 21 ივნისს, აჭარის მთავრობამ განვლილი 7 თვის საქმიანობის ანგარიში წარუდგინა საზოგადოებას. შეხვედრას სამთავრობო უწყებებთან ერთად აჭარაში მომუშავე საზოგადოებრივი ორგანიზაციებისა და მედიის წარმომადგენელბიც ესწრებოდნენ. არჩილ ხაბაძე თვლის, რომ ახალი ხელისუფლების მთავარი მონაპოვარი გამჭვირვალობა, ანგარიშვალდებულება, ბიუჯეტის დაგეგმვაში საზოგადოების აქტიური ჩართულობა და მედიის გავლენებისგან გათავისუფლებაა. შეხვედრა აჭარის ტელევიზიის პირდაპირ ეთერში გადაიცემოდა.

იმერეთი. 22 ივნისს საქართველოს ახალგაზრდა იურისტთა ასოციაციის ქუთაისის ფილიალის რიგგარეშე საერთო კრება გაიმართა. კრებას ქუთაისის ფილიალის ოცამდე წევრი დაესწრო. საერთო კრებაზე განიხილეს და დაამტკიცეს ფილიალის დებულება. წყარო:ორგანიზაციის გვერდი სოციალურ ქსელში

თბილისი. საბჭოთა წარსულის კვლევის ლაბორატორიამ მორიგი ზეპირი ისტორია გამოაქვეყნა. ისტორია ჩაწერილია გორში. ისტორია ჩაწერილია გორში და მას ყვება მზიური ოქროპირიძე, რომელიც მშობლებთან და ძმასთან ერთად გადაასახლეს ყაზახეთში 1951 წელს, მამის ტყვედნამყოფობის საბაბით. ზეპირი ისტორია #12  წყარო:sovlab.ge

საქართველოს წითელი ჯვრის საზოგადოების წარმომადგენლებმა შსს სპეციალური და საგანგებო ღონისძიებეის ცენტრის მართვის დეპარტამენტში უწყებათშორისო ვარჯიშში მიიღეს მონაწილეობა. ვარჯიშის – „ერთიანი ჰორიზონტი – 2013" –მიზანს წარმოადგენდა ბუნებრივი და ტექნოგენური ხასიათის აგანგებო სიტუაციებზე ეროვნული რეაგირების გეგმის მიხედვით, საგანგებო სიტუაციების დროს სამინისტროებისა და უწყებების ერთიანი და კოორდინირებული მუშაობის მექანიზმის დახვეწა.ვარჯიშის თანაორგანიზატორი იყო თავდაცვის სამინისტროს ეროვნული გვარდი, სხვადასხვა სამინისტროებისა და საქართველოს წითელი ჯვრის წარმომადგენლები. ვარჯიშის თანაორგანიზატორი იყო საქართველოს თავდაცვის სამინისტროს ეროვნული გვარდია და მასში ჩართულნი იყვნენ სხვადასხვა სამინისტროებისა და საქართველოს წითელი ჯვრის წარმომადგენლები. ვარჯიში ხორციელდებოდა აშშ-ს ჯორჯიის შტატის ეროვნული გვარდიისა და ევროპაში აშშ-ს სამხედრო სარდლობის მხარდაჭერითა და დაფინანსებით. წითელი ჯვრის საზოგადოების წარმომადგენლები აქტიურ მონაწილეობას იღებდნენ როგორც კრიზისების მართვის საუწყებათაშორისო ოპერატიულ ცენტრში, ასევე საველე ოპერაციების ცენტრში. წყარო: წითელი ჯვრის ვებგვერდი სოციალურ ქსელში